Ai-īsiga xu ǁkhāǁkhāsen

Sida ǂkhanin ge ǂhâǂhâsa xūna ra ǁkhāǁkhā da ai-īsiga ra sîsenūse. Matits ǁnā ai-īsiga xu ǃgâiba a hō ǁkhā?

• Khomaiǃâsa du nî khomais aiǃâ ai-īsiga kō re. Ai-īsigu ge sadu ǃnâ khomaiǃâsa, khomais di turaba a omkhâi ǁkhā. ǁKhoaxa ǂû-e du ga ǃores ǃnâ mû, o du ge ra “ǂû ǂgao.” ǁKhā ǀgaub ǃnâ du ge khomaiǃâsa nî khomai ǂgao, ai-īsiga du ga aibe kō o. ǁNā-amaga khomai du nîs aiǃâ ‘tae-e ta ra mû?’ ti dîsen re.—Amo. 7:​7, 8.

• Khomai du ra hîna ǂâi re tae-i ǃaroma gu ai-īsiga ǂgāhe hâsa. Ai-īsiga ra ǁguiǃā ǃâgu ga hâ o khomai re. Ai-īsigu xoaǀgoras ǀkha ra ǃgûǀhao ǀgauba ǂâiǃgâ tsî mû re mati du ai-īsiba xu du ra ǁkhāǁkhāsen xūna sadu ûib ǃnâ nî sîsenū ǀgauba.

• Khomai toa du gao, ai-īsiga kō re î du khomaiǃâs ǃnâ ra mâǂoa ǂâide ǂâihō. ǁNāpaxu mûde ǂganam tsî ai-īsiga mûnan-ai tsî ǁkhāǁkhā du i go xūna ǂâiǃgâ re.

• Nē ǂkhanib ǃnâ hâ ai-īsiga ǁkhawa kō tsî ǁkhāǁkhā du i go xūna ǂâihō re.