ǂKHAIKARI HÂ!
ǃAoǃaosa ǂkhabadīb ǃhūbaib ǂhabase—Elobmîsa tae-e ra mî?
Julib 2022 i ge ǃhuriǃhurisa ǃapu ǂnoade ǃhūbaib ǂhabase ge hâ i:
“Japanni ǃnâ a ǂanǂansa politieks ǂgaeǂgui-aob [ǂguro minister-i Shinzo Abeb] ge ǃgamhes khaoǃgâ, i ge ǃhūbaib ǂhabase khoena ge buru kai. Japanni ǃnâ i ǃnāsa ǁaeba ǂkhabadība a ǀkhai. Tsî i ǂhanuba ǃapude sîsenūs tawa ǀgaisa ǁgaraga ūhâ amaga.”—Julib 10, 2022, The Japan Times.
“Denmarki, Copenhagen molli ǃnâb ge khoeba ǃnona khoena a ǂnoa, on ge khoena kaise ge buru.”—Julib 4, 2022, Reuters.
“Suid Afrikab: 15 khoen ge ge ǁō, khoegu ge lokasis ǃnâ mâ bars tawa, ǃapude a ǂnoa tsoatsoa o.”—Julib 10, 2022, The Guardian.
“Julib 4 di langnaweeks ǃnâ i ge 220 khoena ge ǂnoaǃanhe, Amerikab ǃnâ.”—Julib 5, 2022, CBS News.
ǃAroma-e da ūhâ nēti i ǂkhabadīb nî ǀamsa? Elobmîsa tae-e ra mî?
ǂKhabadīb ǀams
Elobmîs ge nē da ûi ǃnâ hâ ǁaeba “ǀuniga tsēdi” ase ra mî, khoen ǂkhabaxa ǀgauga nî ūhâsa. (2 Timoteub 3:1, 3) Nēti i ǂkhabadīb ge ra ǃaroma în khoena ǃaob ǃnâ ûi. (Lukab 21:11) Elobmîs ge ra mîmâi ǀaseb ǂkhabadība nî ǀamsa. Tsî ra mî: “Khoen ge ǂkhîb ǃnâ nî ǁan, ǁaposa hâǃkhaigu ǃnâ tsî ǃnāsa, sâsa ǃkhaidi tawa.” (Jesajab 32:18) ǂKhabadība mati nî ǀam?
Elob ge ǁgai khoena nî ūbē tsî ǃkham-ūhe ra xūn tsîna nî hîkākā.
“Xawen ge ǂkhabadī-aona ǃhūba xu nî ǃhomǂuihe.”—ǂKhoamîdi 2:22.
“ǁÎb ge toroga hoaraga ǃhūbaib ai ǀû kai, khāsa khôa tsî gôaba ǀgam ǃâra ǃnâ khôa tsî torokunide ǀaes ǀkha ra khauǂui.”—Psalmdi 46:9.
Elob ge khoena nî ǁkhāǁkhā în ǂkhîb ǃnâ ûi, nē ǀgaub ǃnâb ge ǂkhabadība nî ǀam kai.
“Ti ǃanu ǃhommi hoaragab ain ge tsûtsû tamas ka io hîkākā tide. ǃHūbaib ge ǃKhūb ǂans xa nî ǀoa, hurib ǁgammi xa ǀoa hâs ǁkhās khami.”—Jesajab 11:9.
Nēsis tsînab ge Eloba khoena ra ǁkhāǁkhā în ǂkhabadība ǃhui tsî ‘ǁhâigôagu âna ǁara-ū gôadi ǃnâ’ dawa.—Mixab 4:3.
Elobmîs mîmâis ǃao-e ūhâ tama ǃhūbaib xa ǁkhāǁkhāsens ǃaroma “Freedom From Fear—Is It Possible?” di hâ khomaiǃâsa khomai re.
Matib ǂkhabadība ǀamose nî hîkākāhe ǀgaub xa ǃnāsase “Peace on Earth at Last!” di hâ khomaiǃâsa khomai re.