Jehovab ǃoaba-aon ra mā Elobmîs ǁkhāǁkhāde a tae?
Jehovab ǃoaba-aon ge supuse du Elobmîsa xu a ǁkhāǁkhāsen ǁkhā ǀgaub ǀkha ra hui. Sida ra mā Elobmîs ǁkhāǁkhādi ge nî hui du î du:
ǃGâiaǂgaoba ûiba ǃnâ ūhâ
Elob ǀhōsa kai
Elobmîs tae-e hānîǁaeb xa ra mîsa ǁkhāǁkhāsen
Nē ǂhaweb ai
Elobmîs ǁkhāǁkhāsa ta ga ūǃoa, o ta nî ǁgarihe î ta Jehovab ǃoaba-ao kai?
Jehovab ǃoaba-aon ǀkha ta ge Elobmîsa ǁkhāǁkhāsen ǀû xawe ta ǁkhapa tsoatsoa ǁkhā?
Tae-e ra ī Elobmîs ǁkhāǁkhās tawa?
ǃGâsa î ge nî hui du Elobmîsa ǂans ǀkha, ǀguiǀguibes ǃnâ xūna ǃhoaǃgaos ǃnâ-ū. Elobmîs ǁgamǀhaos ǁkhāǁkhās ǀAmosib kōse ǃgâiaǂgao re ti ǀon hâ ǂkhanis ǃnâ du ge nî ǁkhāǁkhāsen matis Elobmîsa haisi-amsa hui du ǁkhāsa. ǃNāsase ǁkhāǁkhāsens ǃaroma nē vidioba kō re.
ǁKhāǁkhās ǃaroma ta nî matare?
Hî-î, Jehovab ǃoaba-aon ge Jesub ge mā daoǁgausa ra sao: “Matare-i ose go ge hō xuige matare-i ose mā” ti hâsa. (Mateub 10:8) ǁNās ǂam-ai î ge sîsenūhe ra ǂkhanina matarehe tama hâ, ǁnās ge Elobmîs tsî ǀAmosib kōse ǃgâiaǂgao re ti ǀon hâ ǂkhanis tsîna ǃkhōǂgā hâ.
Matikō gaixuse hâ ǁkhāǁkhāsa?
Nē ǁkhāǁkhās ge 60 ǁkhāǁkhāǃâde ūhâ. Sadu ge aitsâma nî mîǁgui matikō ǁaeba du nî ǂhâsa nē ǁkhāǁkhāǃâde toas ǃaroma. Xawe ǀnî khoen ge 1 tamas ka io 2 ǁkhāǁkhāǃâde wekheb ǃnâ ra dī toa.
Mati ta nî tsoatsoa?
1. Internets ǂhaweb ai hâ ǂkhanib ai xoaǂgāsen. Sadu internets ǂhaweb ai ra xoaǂgā xūn ge nî hui î-i ǀapede dīhe tsî Jehovab ǃoaba-aon di ǀgui-e sado sari ǁkhā.
2. Elobmîsa nî ǁkhāǁkhā du khoe-i ge nî ǁkhami du. ǁNā khoe-i ge nî ǁguiǃāba du tae-e du nî ǃâubasensa nē Elobmîs ǁkhāǁkhāsa xu tsî ǀnîsi du ra dî ǂgao dîde nî ǃeream.
3. Sadu tsî Elobmîsa ra ǁkhāǁkhā du khoe-i ge aitsâma ǀapeǁguiba nî dī. Elobmîs ǁkhāǁkhās ge selfoni, zooms tamas ka io emaildi ǃnâ-ū a dīhe ǁkhā. Elobmîs ǁkhāǁkhās ge 1 ira a ū ǁkhā. Xawe du ge aitsama mîǁgui ǁkhā ǃnubu tamas ka io gaixuse du nēsa nî dīsa sadu ǀapeǁguib ǃoagu.
Aibe ta dītsâ ǁkhā?
Îo, nēsa dīs ǃaroma sida internets ai hâ ǂhaweb ai xoaǂga re. Khoe-i ga Elobmîs ǁkhāǁkhās ǃgao bel du, o ǁî-e mîba re aibe du nē ǁkhāǁkhāsa dītsâ ǂgaos ǀguisa ra dīsa. ǁÎ-i î ge sado ǀAmosib kōse ǃgâiaǂgao re ti ǀon hâ ǂkhanisa nî mā du Elobmîs ǁkhāǁkhāde ra mâi-aiǃâ ǃâba hîna 3 ǁkhāǁkhāǃâde ūhâba. Nēsa dīs ǃnâ-ū du ge nî mû Elobmîs ǁkhāǁkhās xa du ǀnîsi nî ǁkhoaxabahesa.
Elobmîs ǁkhāǁkhāsa ta ga ūǃoa, o ta nî ǁgarihe î ta Jehovab ǃoaba-ao kai?
Hî-î. Jehovab ǃoaba-aon ge a ǁkhoaxabahe khoena Elobmîs xa ǁkhāǁkhāsa xawen ge khoena ǁgari tama hâ în ǀapeǂhomis ǃâ kai. ǃGôasib ǀkha da ge Elobmîs tae-e ra ǁkhāǁkhāsa ra ǁgau. Mâ khoe-i hoa-i nî mîǁgui amaga tae-e i nî ǁhûis tamas ka io nî ǂgomsa.—1Pet. 3:15.
Ti Elobmîsa ta sîsenū ǁkhā?
Îo, Sadu ra ǂhâba Elobmîsa du ge a sîsenū ǁkhā. Sida ge kaise a ǃgâibahe New World Translation of the Holy Scripturesa sîsenūsa, ǁîs ǃgāsa tsî a supu ǁnâuǃāsa amaga. Xawe da ge ra mûǂan, ǂgui khoen a ǃgâibahesa ǁîn a ǂan Elobmîde sîsenūsa.
Nauna ta ti Elobmîs ǁkhāǁkhāsa ǃoa ǁkhau ǁkhā?
Îo, sadu omaris ǁanin tamas ka io ǀhōsan tsîna du ge a ǁkhau ǁkhā.
Jehovab ǃoaba-aon ǀkha ta ge Elobmîsa ǁkhāǁkhāsen ǀû xawe ta ǁkhapa tsoatsoa ǁkhā?
Îo, Elobmîs ǁkhāǁkhādi ge ge tawa ǂgurose î gere dīhe ǀgausa xu ǁnās ǀkha du ge nēsi sadu Elobmîs ǁkhāǁkhās xa a ǁkhoaxabahe ǁkhā ǂguro ǃnās xa. Nēsi ra dīhe Elobmîs ǁkhāǁkhādi ge ǃnāsase ai-īsigu ūhâ tsî ǁgamǀhaodi tsîna ǃkhōǂgā hâ.
Khoe-i xa hui-e tama Elobmîs ǁkhāǁkhāde mā î du ra?
Îo, ǂgui khoen ge a ǃgâibahe ǂgurose aitsâma ǁkhāǁkhāsensa, khoe-i ǀkha ǁkhāǁkhāsens xa. Sida di Bybelstudiehulpe Afrikaans gowab ti hâ ǃâba ǃnâ î ge vidiogu tsî ôaǃnâs ǂkhanin tsîna hâ sado a hui ǁkhāna aitsâma du ga ôaǃnâsa dī ǂgao o. Saora xūn ge a hui du ǁkhā:
Video’s vir Bybelstudie. Nē ǃnubu vidiogu ge ǂhâǂhâsa xūn Elobmîs ǃnâ hâna ra ǁguiǃā.
Antwoorde op Bybelvrae. Nē khomaiǃâdi ge ǃkharagaǃnâgu dîdi ǃereamde ūhâ.
Verduidelikings van Bybelverse. ǂAnǂansa Elobmîs xoadi tsî sîsenūhe ra mîdi ǂâibasendi tsîna nē ǃâb ôaǃnâ.