Jehovab di ǀhûǀguitimi-aona Jesub ǃnâ ǂgom i ra?

Îo. Sida ge Jesub ǃnâ ra ǂgom hîna ge mîba: “Tita ge daota, tsî amata, tsî ûita. Khoe-i xare-i ge Abob tawa a sī ǁoa, tita xu i ga sī tama io.” (Johaneb 14:6) ǂGom da ge ra Jesub ge ǀhomma xu ǃhūbaib ǃoa a hā tsî ǁîb di ǀoasa ûiba xoremarib ase a māsa khoen ǃgao. (Mateub 20:28) Jesub ǁōb tsî khâis ǃnâ ra ǂgom an hoan ge ǀamo ûiba nî hō. (Johaneb 3:16) ǂGoms tsîna da ge ra dī, Jesub nēsi Elob Gaosib ǃnâ ra ǂgaeǂguisa. ǁÎb ǂgaeǂguis ge ǀgūǁae ǂkhîba hoa ǃhūbaib ai nî hau. (ǂHaiǂhais 11:15) ǂGom da ge ra Jesub ge sao ra xoas ǃnâ a mî xūna: “Abob tita ǃgâ-ai a kai xui-ao.” (Johaneb 14:28) Jesuba da ge ǀgoreǀî tama hâ, ǁîb Hoaǀgaixa Elo tama hâ amaga.