Sadu tsîna tiendena ra mā?

Hî-i. Jehovab di ǀHûǀguitimî-aon ge tiendena mā tama hâ. Sida sîsenni ge māsenxa mādi ǀkha ra ǂkhâǃnâhe.Tae-e a tiende? Tsî Jehovab di ǀHûǀguitimî-aona tae-i ǃaroma tiendena mā tama hâ?

Mîmās hîna tiendedi xa hâs ge. Israelǁaes ǃgao ge māhe hâ i. Elobmîs ge ra mîǃgāǃgā. Tiendes di “mîmās” ge nētsēs Xristeǁîna ǃkhōǂgā tama hâ.​—Hebreǁîn 7:5, 18; Koloseǁîn 2:13, 14.

Mîmâi-e ge hâ i tiendedi tsî ǁguibades mās xan ge. Jehovab di ǀHûǀguitimî-aona ǂguro ǁaeb di Xristeǁîna ra ǁgae. Tsî ǁîn ǁgui-aisa ǀgam ǀgaukha ai ra ǂkhâǃnâ: ǁÎn di aoǁnâ sîsenni ǃnâ matare-e tamase ǁhaos. Tsî māsenxa māde mās ǃnâ-ū.

Nēs ǃnâ-ū da ge Elobmîs ǁgui-ais hînan Xristeǁîna māhe hâsa ra sao: “A i mâ-i hoa-e ǂgaob ǃnâ i go ǂâibasen khami dī, ǀaraǂams ǀkha tama tsî ǁgarihesa xu tama; ǃgâiaǂgaoxase ra mā-eb Eloba ǀnam xuige.”​—2 Korinteǁîn 9:7