ǂKhari boxis hîna ǃgâsan ǂgomsa ra ǀgaiǀgais

Jehovab ǃoaba-aon ge ǂgui ǂkhanin tsî vidion. Tsîna nēsi internets ai ra hō. Xawe sida ǃgâsan ǃhūbaib ǂhawase hân ge internet ǃgomsiba ra hōǃâ. ǀNî ǃgâsan ge network-i ra ǁore ǃkhaib ai ra hâ. Tsî i ge network-e kaise a ǂau. Tamas ka io i ge ǃkhō tama hâ.

Xawe i ge sida ǃgâsana nēsisa internets ai ǂkhanina ra hō. Tsî Internets a ǀkhai ǃkhaib ais tsîna a ǃnaoǁnâ ǁkhā. Nēsa mati a ī ǁkhā?

JW boksis ge internetsa ūhâ tama ǀhaohâga, ǃoa ge māhe. Wifi-i khami ra sîsen xūn ge ge ǁamahe. Tsîs ge komputer Departmentsa Betels tawa software-e ge ǂgā. ǂKhanin tsî vidion tsîn ge jw.org ai hō-e ǁkhā, ǁnās xa ǃaromahe hâse. Mâ boksis hoas ge N$1 210 73 gere ǂgan.

Sali ain ge ǃgâsana, ǁîn di selfon ga JW boksis ai ra ǃamǀhao. Tsî ǂkhanin tsî vidion tsîna a ǃnaoǁnâ ǁkhā. ǀOro selfon ga ūhâ ǃgâsan tsîn ge ge ǃnaoǁnâ ǁkhā i. Xawe ǀhaohâb ga internetsa ūhâ tama io. Matin JW boksis, hîna ǀasa xūna ūhâsa ūhâ ǁkhā? ǁAeba xu ǁaeb ǀkhas ge ǁnâub berosa usb ga ra sî. N$64 57 sa i ge ra ǂgan. Mâb hoab ge ǀasa xūn jw.orgs ai hâna ūhâ. Tsî JW boksis ǃnâ ǃnaoǁnâ-e ǁkhā.

JW boksisa ǃgâsana mati ge hui? Nathan Adruandrab, Kongob ǃnâ hâ dadasab ge ra mî: “Dītsâ ta ge ge i ta ‘O Jehovah, . . . I Trust in You’ di hâ vidiob tsî Remember the Wife of Lot di ǀon hâ vidiokha ǃnaoǁnâ. Xawe ta ge ǁnāsa dīhō tama ge hâ i. Nēs ge gere ǂkhabuǂâi kai te. Xawe ta ge nēsi vidiona ti selfoni ai a ǃnaoǁnâ ǁkhā. Tsî nēs ge ǁgû da ra hui, i da sida ǀgôana ǃgâi ǀgaub ǃnâ ǁkhāǁkhā.”

JW boksisa ge Nigeriab ǃnâ, ǀhaohâga gere ǃamǁaeba ǃgâsab ge ra mî: “ǃGâsan ge JW boksisa Jehovaba xu hâ ǀkhaeb ase ra mû. ǁÎn ge kaise ra ǃgâiaǂgao supusen ǂkhanin tsî vidion tsîna ǁkhāǁkhās boksisa xu ǃnaoǁnâ ǁkhā amaga.”

1 700 xa ǃnāsa boksidi ge ǃgâsan hîna Afrikab, Oseaniab, tsî Suid Amerikab ǃnâ hâna ǃoa ge sîhe. Tsî i ge ǀapena hâ, i i ǂgui ǀhaohâga ǃoas tsîna sîhe. Nē xūn nî ǁama-ūhe mari-e mapa xu ra hā? ǃHūbaib ǂhawase ra māhe mâsen xa mâde xus ge nēsa ra dīhe. ǂGuin ge donate.jw.org’s sa xu ra dīhe. Gangans sadu ǂkhâǃnâs ǃaroma.