Ûiga ra dawa arodi

“ǂGui khoen hîna sida ǂkhanina ra khomain ge ǂgī khoe-e a ǂan.” Dib ge Junib1, 1912ǁî kurib di The Watch Tower ǂkhaniba ra mî. “ǁÎn ge matare tamase khomai xū-e ra hō. Nē ǂkhanib ge ǂgī khoen a khomai ǁkhā ǀgaub ǃnâ a ǁgâisa. ǂGui ǂgī khoen ge ra ǃgôaǃgâ haisi-ams. ǀAsa ǃhūbaib hîna hâb xa ra ǃhoasa.”

Nē mîdi gere xoahe o. O i ge ǀawaǃao gowaba ra ǃhoa ǃhūga. ǃKharagagu ǂkhanina khoen ǃaroma ge ūhâ i. Xawe i ge Jehovab di ǃoaba-aona Elobmîs amaba ǂgī khoena gere ‘ǁkhāǁkhā.’ Tsî da ge ǁnāsa noxoba ra dī. Nēsi da ge 50 xa ǃnāsa gowagu ǃnâ ǂgī khoen ǂkhanina ūhâ. Nē ǂkhanina mati ra dīhe?

Xūna ǁgâis tsî ǁgâiǂgās

ǂGuro xū-i hina ra dīhe i ge. Mîde ǂgī khoen a khomai ǁkhā ǀgaub ǃnâ dawasa. “ǃKharuge ǁaeb ǃnâ da ge nau khoen xa dīhe hâ software-e gere sîsenū. Î da ǂgī khoen a khomai ǁkhā ǀgaub ǃnâ ǂnûiǃkhuni. Xawe î ge hoa gowan hîna ra ǂgâxan ǃaroma ge sîsen tama hâ i.” Dib ge Michael Millena ra ǁguiǃā. Text Processing ǃâb dawa ra sîsena Patterson, New Yorki ǃnâ. “Nēsi da ge ǂnûiǃkhunihe ra xūn ta hō-e ǃkhaib Watchtower Translation System di a ǂansaba ra sîsenū. Hîna ǂgī khoen a khomai ǁkhā ǂkhanina ǃhūbaib ǂhawase ra ǂkhâǃgâba. Nēti i programi ge ǀnî hâ ǃkhai-i ai a hō-e ǁoa.”

ǂGī khoen a khomai ǁkhā ǂkhanin ge xoaǀgaub ǃnâ ǀgui hâ tama hâ. Xawe ai-īsigu tsîna ra ǁguiǃā. Aiǁgause, i ge ǀAmosib kōse ǃgâiaǂgao re di hâ ǂkhanis. ǂGī khoen disa ai-īsiba nē ǀgaub ǃnâ ra ǁguiǃā: “Khoeb ge îsa hain tsî ǃhomga ūhâ daob ai ǃgûgaru.” Jamshedi ǁnaetisa aimâba-aob hîna a ǂgīb ge ra mî: “Nē ai-īsigu ra ǁguiǃāhe ǀgaub ge kaise tida a ǀō-aisaba.”

ǂNûiǃkhunihe toa i ga o i ge. Nē ǂkhaniga ǁnâub bērosa ǃoa ra sî-e. Tsî i ge ǂgī khoen a khomai ǁkhā ǀgaub ǃnâ ra dīhe. ǁNāpa i ge nē ǂkhanina arode ra dīhe. Doa tamas ka io ǀoro tidena. ǂGui ǃnâde i sîsenūhe hâs khaoǃgâ. ǁNāpaxu i ge nē ǂkhanina ǀhaoǀhaohe, ǀguiǀguihe tsî ra sîhe. ǀHaohâb ǂkhanin ta sîhe ǀgaub ǃnâ ǁnâub berosa xu. ǀNî post kantori di ge aiǂhanuga ǂgī khoen ǃaroma ūhâ. “Matare tamasets” xūna a sî ǁkhāga. ǁNā ǀgaugu tsîna da ge ra sîsenū. ǂHâbasa î ga o, o i ge ǁnâub berode. ǀĀpena ra ǂgā în ǂgī tamas ka io ǃgâise mûǁoa ǃgâsana. ǂKhanina ǃhaese hōǁkhā ǀhaohâb ǀhaodi ǃaroma.

Nē sîsenni hoa i ge ǁaeb tsî mari-i tsîna ǂgaoǀkhā hâ. Sada ǂkhanin ta ǁgâihe ǃkhais Wallkill, New Yorki ǃnâ hâs ge 50 000 Elobmîde ra ǁgâi. Tsî i ge ǁnātikō ǁaeba ra ū 2 Elobmîra ǂgī khoen ǃaroma ǁgâisa. ǂGī khoen ǃaroma ǁgâisa Elobmîs ǃnâ i ge 25 ǃâga hâ. Tsî ǁnā ǃâga dīs ǃaroma ǂhâsa xūn ge 123 ǃnâdi xa ǃnāsase ra ǂgan. ǁNaetisase da ra sîsenū Elobmîdi xa.a ǀGui ǂkhanis 25 ǃâga ūhâs ǃkhûǀkhāb ge $150 (U.S) ga ra ǂgan.

ǂGī ǃgâsan ǃgao hâ ǂkhanina ra ǁgâi ǃgâsana, mati ǁîn sîsenni xa ra tsâ? Nadias Suid-Afrikab ǁnâub tawa ra sîsens ge ra mî: “Sada ǂgī tamas ka io ǃgâise mûǁoa ǃgâsan ge supubahe tama hâ. ǁNā amaga ta ge ǀkhaeb ase ra mû. Xū-e dīsa ǁîna huis ǃaroma. Mûhe ǁkhā i ge a Jehovab ǁîna kaise a ǀnamsa.”

ǂGī khoen khomai ǀgauba ǁkhāǁkhāsen

Xawe ǂgī khoe-i ga brail (ǂgī khoen gowaba) khomai ǁoa os? Kuriga ǃkharu hâse da ge Learn to Read Braille di ǀonhâ ǂkhanisa ge māǂui. ǁNā ǂkhanis ge ǂgī khoen a khomai ǁkhā ǀgauba ūhâ. ǁNās ge xoas tsî ǁgâisa mîdi tsîna. Nē ǂkhaniba î ge mû ǁkhā khoe-i tsî ǂgī khoe-i tsîna ǀguiba a sîsenū ǁkhā. Nēs ge ǂgī khoen a xoa-ū ǁkhā xūn tsîna ǃkhōǂgā hâ. ǂGī khoen khomai ǀgauba ra ǁkhāǁkhāsen khoe-i ge. Nē xūna a sîsenū ǁkhā î-i aitsama arode ǃnam. Nē arode aitsama ǃnams ge ǁkhāǁkhāsen ra khoe-e ra hui î-i xūna ǃkhōmâi.

“Nēs ōse da ge hâ hō ǁoa”

Matin ǂgī tamas ka io ǃgâise a mûǁoa ǃgâsana nē ǂkhanina xu ǃgâiba a hōǁkhā? Ernst di ǀonhâ khoeb Haitis ǃnâ ǁan hâb ge. ǀHaohâb ǀhaode ǃoa gere ī xaweb ge ǁîba ǂgī khoen gowab ǃnâ ǂkhanina ge ūhâ tama hâ i. Tsîb ge ǁnās xa ǃaromahe hâse ǂgui xūna gere ǃkhōmâi. Aiǁgause, wekheb ǁaegu hâ ǀhaos skoli ǃâgu. Tsî ǃhoaǀhaos ǃâgu ǃnâs tsîna. ǁÎb ge ra mî: “Nēsi ta ge ti ǃoma khui tsî ǀhaodi tawa ǃereamde a mâ ǁkhā. ǀGûiǃnâxases tsîna ta ge ti ǃgâsan ǀkha ra tsâ. Hoa da ǀguitikōse Jehovab xa ra ǁkhāǁkhāhe amaga.”

Jan di ǀonhâ ǂgī ǃgâsab, Austriab ǃnâ ra ǁani. Hîna ǃkhē xu ǂgō-ommi tsî ǀhaohâb Elobmîs ǁkhāǁkhāsa ra dīb ge ra mî: “Sida ǂkhanin ge a ǁnâuǃāhe ǁkhā. Nau ǂgī khoen gowab ǃnâ hâ ǂkhanin xa. Aiǁgause da ge ǂkhawegu, ǁnaeǁgau saodi. Tsî ai-īsigu ǁguiǃādi tsîna ūhâ. Supuse a hō-e ǁkhā te.”

Seon-ok di ǀonhâ ǁnaetisa aimâba-aos. Suid Koreab ǃnâ ra ǁans ge ǂgī tsî a ǃgomme. ǁÎs ge ǂguro, nau khoe-i huib ǀkha ra dīhe ǃgomme gowaba gere sîsenū. Xawes ge ǁîsa nēsi aitsama Elobmîs ai a. ǃGaoǃgaosa ǂkhanide ra khomai braili (ǂgī khoen gowab) ǃnâ. ǁÎs ge ra mî: “Nau brail (ǂgī khoen gowab) ǂkhanina khomais ge kaise a ǃgom. ǀNî ǁaega i ge āde ǀkhai, ǁgaraga gama. Tsî ǂhaweb tsîna kaise a ǀui. Xawe Jehovab di ǃoaba-aon ge ǃgâi ǂkhanina ra sîsenū. Tsî adi tsîna ǃgâi ǀgaub ǃnâ ra kuruǂgā. Supu ǀgaub ǃnâ i a khomaihe ǁkhāse. ǂGuro ta ge nau khoen di huib ǀkha ǀgui Elobmîs ai a ǃgaoǃgaosa ǂkhanina gere ǁkhāǁkhāsen. Xawe ta ge nēsi aitsama a ǁkhāǁkhāsen ǁkhā. Kaise ta ge ra ǂkhî, wekheb ǁaegu hâ ǀhaos. ǃGao da ga aiǂhomisen tsî gara ǁhao o. Brailli (ǂgī khoen gowab) ǃnâ hâ ǂkhanin hoana ta ge ra khomai. Mîdi ta ga o, o ta ge a khomai ‘ǀû ǁoa’.”

Sida ǁgâisa ǂkhanin tsî brail gowab (ǂgī khoen gowab) ǃnâ i ge sao rase xoasa: “Nē ǂkhanib ge ǁamaxūhe tama hâ. Nē māǂuis ge ǃhūbaib hoab Baibels ǁkhāǁkhā sîsengu di tsî aitsamaba xu ra māhe ǀkhaexūn xa ǂkhâǃnâhe hâ.” Kai gangans donate.jw.org’s ǃnâ-ū du ra dī māsenxa mādi ǃaroma. Tsî sadu māsenxa mādi ge ra īǁkhā kai. Î-i mâ ǀguiǀguibe khoe-i hoa-e. Gagagsi ǂû-e hōǁkhā. ǁNās ge ǂgīn tsî ǃgommen tsîna ǃkhōǂgā hâ.