Xristeǁî ûib tsî aoǁnâ sîsenni, sîsen ǂkhanib—2025 | Septemberi

SEPTEMBERI 15-21

ǂKHOAMÎDI 31

135ǁÎ ǁnaetsanas tsî ǀgores | Tsoatsoas ǃkhōǀhaos (1 haib)

ELOBMÎSA XU HÂ ǂÛǂÛSA MÎDI

ǁGûs ge ǁîs ǀgôas ǀkha ǁgoaxase ra ǁgam.

1. ǁGûs ǁîs ǀgôaba ge mā ǀapemās ra ǁkhāǁkhā da xūn

(10 haigu)

Sadu ǀgôana Jehovab mati ǁgoe-ugus tsî ǃgammeba ra mû ǀgausa ǁkhāǁkhā (ǂKhm. 31:3, 10; w11-Af 2/1 19 ¶7-8)

Sadu ǀgôana Jehovab xûi-e ra mû ǀgaus xa ǁkhāǁkhā re (ǂKhm. 31:4-6; ijwhf-Af 4ǁî ǁkhāǁkhāǃâs ¶11-13)

Sadu ǀgôana ǁkhāǁkhā re în Jehovab khoena ra hui khami hui (ǂKhm. 31:8, 9; g17-Af 6 9 ¶5)

2. Gagasi xūn

(10 haigu)

ǂKhm. 31:10-31—Tae-e Israelǁîna ge hui în Hebreǁî xoade ǃkhomai? (w92-Af 11/1 11 ¶7-8)

Sadu ǃereams
Mâ gagasi xūna du nē wekheb Elobmîs khomaiǃâsa xu ra ǀgoragu ǂgao?

Sadu ǃereams

3. Elobmîs khomaiǃâs

(4 haigu) ǂKhm. 31:10-31 (th 10ǁî ǁkhāǁkhāǃâs)

AOǁNÂ SÎSENNI ǃNÂ ǁGUIǂGĀSEN RE

4. ǁGamǀhaosa tsoatsoas

(3 haigu) ǃKHAIN TAWA DA RA ǀHAO-Ū KHOENA AOǁNÂBAS. ǁGamǀhaosa khoe-i ǃgâi xū-e go dība du toas khaoǃgâ tsoatsoa re. (lmd 5ǁî ǁkhāǁkhāǃâs 3ǁî ǃhoaǃâs)

5. ǁGamǀhaosa tsoatsoas

(4 haigu) OMSA XU OMS ǀKHA AOǁNÂS. Khoena ǀnam-tsî ǁkhāǁkhāsabedī ǂkhanis di “Elobmîsa xu hâ ǁkhāǁkhāǃâdi” di ǃGāǃgā ra ǃâb A sa xu, xū-e ǀgoragu re. (lmd 1ro ǁkhāǁkhāǃâs 4ǁî ǃhoaǃâs)

6. ǁKhawa saris

(5 haigu) OMSA XU OMS ǀKHA AOǁNÂS. The Watchtower No. 1 2025ǁî kurib ǂkhaniba ge ūǃoa khoe-e ǀō-aisa ǃhoasa ǃoa ǁhau re. (lmd 7ǁî ǁkhāǁkhāǃâs 4ǁî ǃhoaǃâs)

XRISTEǁÎN ÛIǀGAUB

121ǁÎ ǁnaetsanas

7. Sadu ǀgôana hui re în selfonga gā-ai ǀgaub ǃnâ sîsenū

(8 haigu) ǃHoaǀhaos.

ǂKham ǀgôaro-i hîna selfonna ra sîsenūhe du mû tsâ hâ? Hoaǁae î ge ǀgôana a supuba selfonna sîsenūsa. ǃNāsa ǁaeba î ge ǂhapasa tama ǁîna ǁgausa mati i ra sîsensa. Xawen ge matin selfonna gā-aise nî sîsenū ǀgaus xa hoaǁae huiba ǂhâhâ. ǁGûdo mati du sadu ǀgôana nî ǁkhāǁkhā în selfonga gā-ai ǀgaub ǃnâ sîsenū?

Vidioba xu hâ ǃâb “ǁAeba ǃgâise sîsenū re.” Sofias ge hurib ai hâ tsî ǁîs selfonna ra sîsenū, ǁnā amagas ge kai ǁaub bols ǀkha ra ǀhuruba mû tama.

VIDIOBA ǀhuru re ǁAeba ǃgâise sîsenū re. ǁNāpaxu ǃgâ-aona dî re:

Tae-i ǃaroma i ǃgâi selfoga sîsenūs di ǁaeba ǀoroǀorosa?

Sadu ǃereams
Mâ xūn ǃaroma da ǁaeba ǂhâhâ?

Sadu ǃereams

Tā nau ǁgûn ra dī xūn ǀguina ǁgae re xawe sadu omaris ǃaroma Elobmîs ai a ǃgaoǃgaosa mîǁguiga dī re. (Gal. 6:5) Aiǁgause, dîsen re:

Tî ǀgôa-e ra ǁgau ǃgâi mîǁguiga i ra dīsa? Aitsama î ǃkhō-oasen ǁkhāsa î ra ǁgau ti selfonna î ga sîsenūo tamas ka io ǁî-i selfonna hōsa?—1Kor. 9:25
Ti ǀgôa-e ta nî mā-am î-i ǀguri-i ga hâo selfonna sîsenū?—ǂKhm. 18:1
Mâ internets ǂhawega ta ti ǀgôa-e nî mā-am sîsenūsa tsî mana da mā-am tide?—Efe. 5:3-5; Fil. 4:8, 9
Mâtikō ǁaeba ta ti ǀgôa-e nî mā-am î-i selfonna sîsenū?—Aoǁn. 3:1

8. Hoaǃnâ-aixa ǂhâsigu

(7 haigu)