ǃGomsin hîna ǃâubasensa ra mān

“Îts ǂan nēsa, ǀuni tsēdi ǃnâ gu ǃgom ǁaega nîra hā ǃkhaisa.”​—2 TIMOTEUB 3:1.

KHOE-E ǂan i du a ǃnaga hâ xūna ge mû-e?

● ǂHī ǁō-i ge ǂgui khoena ge ǃgam.

● ǂÛ-e ūhâ tama is ge ǂgui khoena ra ǃgam.

● ǃHūǂgubigu ge ǂgui khoena ra ǃgam. Tsî ǂgui khoen ge omna ūhâ tama.

Sao ra ǂhaweb ai du ge ǃhūbaib ǃnâ ra ī xūn xa nî ǂâi. ǁNā xūna ǃkhōǂgā hâna. Khomai du ge nî Elobmîs ǁnān nî īsa ra mîsa. Nē da ûi ǃnâ hâ “ǀuni tsēdi” ǃnâ.a

Nē ǃâb ǃnâ da ge sado ǁgau tama hâ. Nē ǃhūbaib ǁgais ǀguisa ias . Sadu tsîn ge nē xūna ra mû. Xawe nē xūn ge ǃâubasensa ra mā da. Nē xūn ge ra ǁgau. ǃNani kēbodi dīǀoaǀoahes, “ǀuni tsēdi” ǃnâ da hâsa. Tsî ǀams go ǀgūsa. Nē ǃâgu ge nî hui du. Nē ra ī xūna ǂgomsa. Tsîn ǃgâi xūna nî hāsa.

[ǀGamiros]

1Ro kebos ǃhūǂgubigu

“Tsî ǃkharaga ǃkhaidi ain ge ǃhūǂgubigu” nîra ī.​—LUKAB 21:11.

● Winnies ge 16 ǁkhâgu ǃkharu hâse ge huihe, Haitib ǃnâ. ǂHôan ǃnuri-aon ge ǁîs ra ǃgaesa ge ǁnâu. ǁÎs ge ǃhūǂgubiba ge ûiǃkharu. Xawe ǁîs ǁgûra ge ge ǁō.

Ī GE XŪNA TAE-E RA ǁGAU? Kaise ǀgaisa ǃhūǂgubib ge Haitiba, Januarib 2010 ǃnâ tsâǀkhā. 300 000 xa ǃNāsa khoen ge ge ǃgamhe. Tsî 1. 3 miliun khoen ge ǁîn omde ge ǂoaǃnâ. ǁNā ǃhūǂgubib ge ǀgaisa i. Xaweb ge Haitib ǃnâ ǀgui ge ī tama hâ i. 18 ǃHūǂgubigu ge Aprili 2009 sa xu Aprili 2010 kōse ge ī.

HOAǁAE RA MÎHE XŪ-I? ǃHūǂgubigu ge tsēs hoasa ī tama hâ. ǃHūǂgubigu nî īs aiǃâ ra sîsenūhe xūn ge khoena ra hui. ǃKharu ge ǁaeb xa.

ǁNĀ RA MÎHE XŪNA AMA-E? Sao ra-i xa ǂâi re: Elobmîs ge mî tama hâ. Matikō ǃhūǂgubigu nî ǀuniga tsēdi ǃnâ hâsa. Xawe ra mî, ‘ǃkharaga ǃkhaidi ain ge ǃhūǂgubiga’ nî ī. ǁNās ra ǂâibasens ge. Sida ûi ǃnâ hâ ǁaeb ǃnân ge ǃhūǂgubiga nî ǂansa.​—Markub 13:8; Lukab 21:11.

SADO TAE-E NÎ MÎ? ǃHūǂgubigu xa ǁnâu î du ra, Elobmîs ge mî khami?

ǃHūǂgubigu ǀguigu ge ǁgau tama hâ. ǀUniga tsēdi ǃnâ da ûi hâsa. Xawe da ge kēbodi ra ǀoasa ra mû. Sao ra-i xa ǂâi re.

[Kaise xoasa mîdi]

“ǃHūbaib ra sîsen ǀgauba ra ôaǃnân ge kai ǃhūǂgubigu di ra ǂgaigu. Xawe khoen ge ǁgai xūn hîna ra īn di ra ǂgaigu”​—KEN HUDNUT, U.S. GEOLOGICAL SURVEY.

[Ai-īsiba da ge hō ǃkhaib]

© William Daniels/​Panos Pictures

2ǁÎ kebos ǃâtsūǀkhāgu

“Tsî gu kom ǃâtsūǀkhāga nîra hāo.”​—MARKUB 13:8.

● Khoeb ge hâǃkhai-e Quaratadji di ǀon hâ ǃās ǃnâ ra ôa. Nigerib ǃnâ. ǁNā khoeb ǃgâsan tsîn ge ǀnî ǃâgu, ǁnā ǃhūb diga xu ra hā. ǃÂtsūǀkhāb xa ǃaromahe hâse. Xaweb ge khoeba ǃhūb ai ra ǁgoe. Tae-i ǃgaob ǀguri hâ? “ǁÎb ge ǁîb omarisa a kōǃgâ ǁoa. Tsî ǁîn mûdi ǃnâ a kō ǁoa.” Dib ge Sidiba ra mî. ǁNā ǃās di danakhoeba.

Ī GE XŪNA TAE-E RA ǁGAU? ǃHūbaib ǂhawese i ge 7 khoena xu. ǀGui-e xū-e ūhâ tama hâ ǂû i nî-e. Tsî tsēs hoasa xū-e ūhâ tama hâ. Afrikab di ǀnî ǃâgu ǃnân ge 3 khoena xu. ǀGui-e ǂû i nî xū-e ūhâ tama. Xawe sao ra-i xa ǂâi re. Omaris danab, mamasas tsî ǀgôaro-i xa. Papasab tsî mamasas ǃgao ǀgui i ga ǂû-e hâ o. O ham-e nî ǂû? Papasba? Mamasasa? ǀGôaro-e? ǁNāti i mîǁguigan ge ǂgui omaride nî dī. Tsēs hoasa.

HOAǁAE RA MÎHE XŪ-I? ǃHūbaib ai i ge ǂgui ǂûna a hâ ǁkhā, hoa khoen ǃgao. ǃHūbaib xūn ge ǃgâise ǀgui nî kōǃgâhe.

ǁNĀ RA MÎHE XŪNA AMA-E? Ama as ge faram sîsen-aon ge ǂgui ǂûna ra ǂgā. ǂGuros xa i ge ī îs xa. Tsî khoesi ǂhanugu ge khoena ǂû-e a mā ǁkhā. Îs ǃâs ǃgomsiba tā hâ. Xawe khoesi ǂhanugu ge ǁnāsa dī hō tama hâ.

SADO TAE-E NÎ MÎ? Markub 13:8 sa dīǀoaǀoahe i hâ? ǂAns ǃgao ra sîsenūhe xūn hâ. Xawen ge khoena hoaba ǃâtsūǀkhāb xa ra tsâǀkhāhe. Di tamasa?

ǃHūǂgubigu tsî ǃâtsūǀkhāgu ge ǀuniga tsēdi saos ase ī. Tsî ǃgomsina ra ǃaroma.

[Kaise xoasa mîdi]

“ǂGui ǀgôaron hîna ǃnāb tsî ǀnî hâ ǀaegu xa ra ǁōn ge ga ǁkhaehe hâ. ǂÂusa ǂû-en ga māhe hâ o.”​—ANN M. VENEMAN, FORMER EXECUTIVE DIRECTOR OF THE UN CHILDREN’S FUND.

[Ai-īsiba da ge hō ǃkhaib]

© Paul Lowe/​Panos Pictures

3ǁÎ kebos ǂhīǁōgu

“Tsî ǂhīǁōgu tsîna nîra” hâ.​—LUKAB 21:11.

● Bonzali hîna Afrikab ǃhū-i ǀgui i, ǃnâ ǂurusib ǀkha ra sîseni. Ge torob hâ ǃhūb ǃnâ ra sîsen. ǁÎb ge ǀhora ǀaeba ūhâ khoena ra hui. ǁNā ǃās ǃnân ge khoena ǁnā ǁōsa xa ra ǁō.a ǁÎb ge huiba gere ǂgan kaiǃāde xu. Xaweb ge huiba ge hō tama hâ i. Haka ǁkhâgu khaoǃgâ ǀgui i ge huiba ge hā. Xawe Bonzali ge ge ǁō. ǁÎb ge ǀhora ǁōsa ge ǂhīhe.

Ī GE XŪNA TAE-E RA ǁGAU? ǃGâise ǀom tama is, ǃkhoera ǃnāb, HIV/​AIDS, tbs. Tsî malarias tsîn ge khoena ra ǃgam. ǃKharu ge kurigu ǃnân ge ǁnā ǁōga 10.7 miliuns khoena ge ǃgam. ǀNî mîdi ǃnâs ge nē ǁōde. Mâ sekondeb hoaba khoe-e ra ǃgam.

HOAǁAE RA MÎHE XŪ-I? ǃHūbaib ǃnâ hâ khoen ǃgôab ge kais ǀguisa ra dī. Tsî ǂgui ǃgôab ǁōn tsîn ge hâ. Tsî ǂgui khoen ge a ǂhīsa.

ǁNĀ RA MÎHE XŪNA AMA-E? ǃHūbaib ǃnân ge khoena ǂguis ǀguisa ra hî. Tsî ǀaega ra ǂuruǂuru xūn nan ge khoena ra hō. ǁNāti i ga io. O tae-i ǃaroman khoena ǀaesen ǀû tama? Xawe da a ǂans ge khoen ge ra ǀaesen.

SADO TAE-E NÎ MÎ? Khoena Elobmîs ge mî khami ǂhīǁōna ra hō?

ǃHūǂgubigu, ǃâtsūǀkhāgu tsî ǂhīǁōgu ge ǂgui khoena tsâǀkhā hâ. Tsî khoen ge khoen xas tsîna ǁgaise ra hâ-ūhe. Khoen hîna ǁîna nî huin xa. Khomai re, Elobmîs tae-e hā nî xūn xa ra mîsa.

[ǀGamiros]

[Kaise xoasa mîdi]

“Xam-i xa ǂûhes ge a tsū. Tamas ka io ǁgai xū-i xa ǂûhesa. Tsî mûsa ǁnās ra hoaba īsa.”​—EPIDEMIOLOGIST MICHAEL OSTERHOLM.

[Ai-īsiba da ge hō ǃkhaib]

© William Daniels/​Panos Pictures

4ǁÎ kebos ǀnamoǃnâ

“Khoen nîra . . . ǀnamoǃnâ.”​—2 TIMOTEUB 3:1-3.

● Chrisi ge ǂkhabadīb ǃnans ǃnâ hâ, United Kingdomi ǃnâ. “ǀGui khoes ge ǁgaise ge ǂnauhe hâ i. ǁÎsa ta ge ge mûǃā tama hâ i.” Dib ge Chrisa ra mî. “ǀNî khoedi ge ǂgaob ǃnâ kaise tsûtsûhe hâ. Tsî ais ǃnâs tsîna kō tsi ǁoa.”

Ī GE XŪNA TAE-E RA ǁGAU? ǀGui Afrika ǃhūb ǃnâ i ge 3 khoede xu ǀguisa. ǂKhams a hîna ge ǀgaiǃkhōhe hâ i. ǀNî ǃhūgu ǃnâgu ge aorekhoega ra mî. ǃGâi i asa tarekhoede ǂnausa. Xawe tarekhoedi ǀguidi ge ǂnauhe tama hâ. Kanadab ǃnâgu ge aorekhoega ǁîgu ra hâ-ū khoedi xa ra tsūdīhe.

HOAǁAE RA MÎHE XŪ-I? ǂKhabadīb ge hoaǁae ge hâ i. Xawe nēsi ǃnāsase ra ǃhoaǃgaohe. ǃKharu ge ǁaegu xa.

ǁNĀ RA MÎHE XŪNA AMA-E? ǂKhabadīb xa hōhōǃnâhes ge kaise a ǀgapi. Nē da ûi ǃnâ hâ ǁaeb ǃnâ. Xawe ǁnā hōhōǃnâde ǂkhabadība ra ǀoroǀoro? Hî-î, di tamas ge. ǀNamoǃnâsib ge a ǃgomsi.

SADO TAE-E NÎ MÎ? 2 Timoteub 3:1-3 sa dīǀoaǀoasa? ǂGui khoena ǀnammi hînan. ǁÎn ǀaokhoena xu nî hōba ūhâ tama hâ?

Koroǁîs kēbos hîna ra dīǀoaǀoahes ge ǃhūbaib xa ra ǃhoa. ǂÂi re, Elobmîs tae-e ǁnās xa ra mîsa.

[Kaise xoasa mîdi]

“ǂKhabadīb hîna oms tawa ra īb ge ǃnurihe tama hâ. Tarekhoendi ge aibe 35 ǃnāde aogu xa ra ǂnauhe. ǀApaǃamga di nî sī mîbas aiǃâ.”​—UNITED KINGDOMI ǂKHABADĪB ǃÂB ǃHOA-AOS. HUI RA ǃÂB

5ǁÎ kebos ǃhūbaib di ǁgaiǁgaihes

Tsî Elob ge ‘ǃhūbaiba ra hîǀhuruna nî hîkākā.’​—ǂHAIǂHAIS 11:18.

● ǃGôahesab Pirrib ge xûi-e ra kuru-ūhe haidi tawa ra sîsen. Nigeriab ǃnâ, Kpori di ǀon hâ ǃās ǃnâ, hurib xōǀkhā. ǁÎb sîsenni ge ǁgaise ge tsâǀkhāhe. Oilib ge hurib ǃāsa a ǀoa o, Niger Deltas ǃnâ. “ǁAun ge ge ǃgamhe, sida khōgu ge ǃgâi tama. Tsî ǁgammi ge ǃgâise mûsen tama.” Dib ge ra mî. “Ûi xu ta nî xū-e ta ge ūhâ tama hâ.”

Ī GE XŪNA TAE-E RA ǁGAU? ǂAnsa ūhâ khoen ge ra mî. 6. 5 Miliuns ǀurib ge kurib hoaba hurib ǃnâ ra ǂgâ. Tsî 50 persenti ǀurib ge plastina ǃkhōǂgā hâ. Tsî nēs ge ǂgui kuriga nî ū, bē i nîs aiǃâ. ǃHūbaiba ǀuriǀuris xōǀkhān ge khoena. ǃHūbaib ǃnaga ra hōhe xūna ra dītoa. Ôaǃnâ sîsengu ge ra ǁgau. ǃHūbaib ǀgui kurib tsî koro ǁkhâga ǂhâ hâsa. Khoen ra sîsenū xūna ǁkhawa hō-oasa. “Khoen ga ǁnāti aiǃgû o. O da ge ǀgam ǃhūbaib kha nî ǂhâba 2035ǁî kuri.” Dib ge Australian ǂhôaǂkhinib Sydney Morning Heralda ra mî.

HOAǁAE RA MÎHE XŪ-I? Khoen ge a gā-ai. Tsî ǃgomsin ǃgao ǀapena ra dī. Xawe nē ǃgomsin ge dī-unuhe ǁkhā. Tsîb ge ǃhūbaiba sâuhe ǁkhā.

ǁNĀ RA MÎHE XŪNA AMA-E? ǃGarise ra sîsen khoen. Tsî ǃhūbaiba ra ǃkhamba khoen. Ge khoena ra ǂanǂan ǃhūbaib mâsib xa. Xawe ǃhūbaib ge noxoba ra ǀuriǀurihe.

SADO TAE-E NÎ MÎ? ǂHâbas-e Elob nî xū-e dīsa? Tsî sida ǃhūbaiba sâusa, îb tā dīkākāhe. ǁÎb ge mîmâi khami.

Nē koro kēbodi hîna da go ǃhoaǃgaodi xōǀkhās. Ge Elobmîsa ǃgâi xūn hîna nî hān xa ra ǃhoa. Khomai re, 6ǁî kēbos aiǁgausa.

[Kaise xoasa mîdi]

“Paradaisa ta ūhâ ti ta ǂâi hâ. Hîna ta ge ǀurib ǀguiba ūhâ.”​—ERIN TAMBER, A RESIDENT OF THE GULF COAST, UNITED STATES, CONCERNING THE EFFECTS OF THE 2010 OIL SPILL IN THE GULF OF MEXICO.

[Boksis]

Eloba a ǀhapixa?

Elobmîs ge nētsē ra ī ǁgai xūna ge kēbo. Xawe Eloba a ǀhapixa nē xūn ǃgao? Eloba ǃgomsina ra ǃaroma? ǂKhîǂkhîra ǃereamde du ge 11ǁî danaǃâs Elobmîsa tae-e a ǁkhāǁkhā da ǁkhā? Di hâ ǂkhinisa xu a hōǁkhā. Jehovab di ǃoaba-aon xa māǂuihe hâsa.

[Ai-īsiba da ge hō ǃkhaib]

U.S. Coast Guard photo

6ǁÎ kebos ǃhūbaib ǂhawase hâ aoǁnâ sîsen-i

“Tsî ǃgâiǂhôas gaosib dis ge ǃhūbaib hoab ai nîra aoǁnâhe.”​—MATEUB 24:14.

● Vaiateas ge ǂkhari islands ǃnâ ra hâ. Tuamotu Archipelago di ǀon hâsa. Tuamotus ge 80 ǂkhari islandrode ūhâ. Tsî 802 900 sq km a gaxu. Tsî 16 000 khoen xa ǁanǃnâhe hâ. Vaiateas tsî ǁîs ǁanǁare-aon ge Jehovab di ǃoaba-aon xa ge sarihe hâ i. Tae-i ǃgao? Jehovab di ǃoaba-aon ge ǁîn ǀkha ǃgâiǂhôasa gere ǀgoragu. Mapa ǀguin gere hâ xawe.

Ī GE XŪNA TAE-E RA ǁGAU? Gaosib ǃgâiǂhôas ge ǃhūbaib ǂhawase ra aoǁnâhe. Jehovab di ǃoaba-aon ge 2010ǁî kurib ǃnâ 1. 6 biluin iriga ge sîsen. 236 ǃHūgu ǃnâ ǃgâiǂhôasa ra aoǁnâse. Nēs ge ra ǂâibasen, mâ ǀgui ǀguibe ǃoaba-ao-i. Jehovab di-i 30 haiga ra sîsensa. ǃKharu ge 10 kurigu ǃnân ge 20 biluinsa ǃnā hâ ǂkhinina ge māǂuihe. Nēn ge Elobmîs ai a ǃgaoǃgaosa ǂkhinina.

HOAǁAE RA MÎHE XŪ-I? Elobmîs haisi-ams ge ǂgui kuriga aoǁnâhe hâ.

ǁNĀ RA MÎHE XŪNA AMA-E? ǂGuin ge nē haisi-amsa gere aoǁnâ. Xawe ǃnubu ǁaerob ǀguiba ge aoǁnâ. Tsî ǀoro khoen ǀguina ge sīǃnâ. Xawen ge Jehovab di ǃoaba-aona a aiǂhomisa. ǃHūbaib ǂhawase aoǁnâs ǃgao. Tsî ǂgui khoena ge sīǃnâ. Jehovab di ǃoaba-aon ge ra aiǃgû, mâǃoahen ga xawe. ǁÎn di aoǁnâ sîsengu ǃnâ. Nē mâǃoadi ge khoesi ǂhanuga xu ra hā.a (Markub 13:13) Jehovab di ǃoaba-aon ge aoǁnâ sîsenni ǃgao matare-e tama. ǁÎn ge nēsa masenxase ra dī. Tsî marioǃnâse ǂkhinina ra māǂui. Nē sîsenni ge māsenxa mādi ǀkha ra huiǃnâhe.

SADO TAE-E NÎ MÎ? ‘ǃGâiǂhôas gaosib disa’ ǃhūbaib ǂhawase aoǁnâhes hâ? Nē kēbos dīǀoaǀoasahesa ra ǂâibasen ǃgâi xūn aisi hâsa?

[ǀGamiros]

[Kaise xoasa mîdi]

“Jehovab nēsa ra mā-ams kōse da ge nî aiǃgû Gaosib xa aoǁnâsa. Tsî nēsa ôasase dīsa. Hoa khoena aoǁnâbas ǃgao.”​—2010 YEARBOOK OF JEHOVAH’S WITNESSES

ǃGâi ǁaegu ge ǃgoaxa

“ǂKharirose ǁnam, ob ge eloxoresaba nî ǀkhai; Xawe tsamtsiǃnân ge ǃhūbaiba nîra ǀumi, tsî kai ǂkhîb ǃnâ nîra ǃgâiǃgâisen.”​—PSALMDI 37:10, 11.

ǀGAPISE a māsa kēbosa du ra ǂhâba, îs ama kai? Î ǂhâba du ge nî. ǂGom ǁkhā du ge a nēs nî īsa.

ǃKharu go ǁkhāǁkhāǃâdi ǃnâ da ge go mû. Elobmîs kēbodi ra ǁgausa. “ǀUni tsēdi” ǃnâ da ûi hâsa. (2 Timoteub 3:1-5) Elob ge Elobmîs xoa-aoga ge hui. Îgu nētsē ra ī xūna xoa. Î da ǁnās ǃnâ-ū ǃâubasensa hō. (Romeǁîn 15:4) Nē kēbodi dīǀoaǀoahes ge ra ǂâibasen. ǃGomsin hîna da ra hōǃân ǀaese nî ǀamsa.

ǀUni tsēde tae-i xa nî saohe? Elob Gaosib ge hoa khoena nî ǂgaeǂgui. (Mateub 6:9) Khomai re, Elobmîs xoa hâ mâsigu nēsi ǃhūbaib ǃnâ hâga.

● ǃÂra khoe-i ge hâ tide. “Tsî i ge ǃhūb ǃnâ ǃnāǂamsi-e nîra hâ, ǃhorob [ǂû-i, NW] di-e, ǃhomgu di ǀamdi ai.”​—Psalmdi 72:16.

● ǀAesen hâ khoe-i ge hâ tide. “O i ge ǁansabe-i xare-e: Tita ge ǀaesen hâ, ti mî tide.”​—Jesajab 33:24.

● ǃHūbaib ge nî ǀasaǀasahe. ‘ǃGaroǃhūb tsî ǂnâsa ǃkhaidi tsîn ge nēs ǂama nîra ǃgâiaǂgao; tsî ǀkhaiǀkhā ǃhūb ge dâ tsî ros-i khami nî ī.’—Jesajab 35:1.

Nēti ge ǂkhâǃnâ ra Elobmîs kēbode. Tsî ǀaese nî dīǀoaǀoahe. Tae-i ǃaroma du Jehovab di ǃoaba-aona ǂgan tama, în ǁgau du. Tae-i ǃgaon ra ǂgomsa ǃgâi ǁaegu ǃgoaxasa?