• Mati du Elobmîsa du ra ǁkhāǁkhā khoe-e ǁāǁnâs kōse nî sī-ū?—ǂGuro ǃâb
    ǃKhē xu ǂgō-ommi (ǁKhāǁkhāǃâs)—2020 | Oktoberi
    • ǂKhamkhoes ge ra ǁâǁnāhe.

      Elobmîsa ra ǁkhāǁkhāsen khoe-i hînab hoa ǀhaohâba ǂan tsî a ǀnam i ga ǁāǁnâhe o, i ge kaise a ǀō-aisa di (ǂguro xoaǀgorasa mû re)

      1. 2 Korinteǁîn 3:1-3 sa mati ra hui da î da mû ǀō-aisa aiǂhanuba da ūhâsa khoena Elobmîsa ǁkhāǁkhā tsî ǁāǁnâs kōse huisa? (Tsoatsoas ai hâ ai-īsiba mû re.)

      MATI du ra tsâ sadu ra Elobmîsa ǁkhāǁkhā khoe-i ga sadu ǀhaohâba xu ǁāǁnâhe o? Nēs ge sado ra ǂkhî kai. (Mat. 28:19) Nē go ǀasase ǁāǁnâhe khoe-i ǀkha du ga ǁkhāǁkhāsen hâ o, o du ge kaise ra ǃgâiaǂgao, ǁî-i go ǁāǁnâhe ǃkhais ǃgao. (1Tes. 2:19, 20) ǀAsase ǁāǁnâhe hâ khoe-i ge ǀasa ‘ǂkhani-i’ ase ī. ǁÎ-i ǀkha goro Elobmîsa ǁkhāǁkhāsen khoe-i ǀgui-i ǃoas ose xawe hoa ǀhaohâba ǃoa.—Khomai re 2 Korinteǁîn 3:1-3.

      2. (a) Mâ ǂhâǂhâsa dîsa da nî ǃhoaǃgao tsî tae-i ǃaroma? (b) Elobmîs ǁkhāǁkhāsa a tae? (ǀGamiros.)

      2 ǃKharu go haka kurigu ǃnâ i ge 10 miliun khoena Elobmîsa goro ǁkhāǁkhāheb, ǃhūbaib ǂhawase. ǁNā haka kurigu ǃnân ge 280 000 khoena kurib hoaba gere ǁāǁnâhe. Tsî gere Jehovab di ǀHûǀguitimî-aon tsî Jesub di ǁkhāǁkhāsabe kai. Mati da, nē ǂgui khoen, ǁkhāǁkhā da rana ǁāǁnâs kōse a hui ǁkhā? Jehovab ge a ǃnūǃnâxa tsî khoena aiǂhanuba ra mā, în Jesub di ǁkhāǁkhāsabe kai. ǁNā-amaga da ge ǁîna ra hui, în ǃhaese ǁāǁnâs kōse sī. ǁAeb ra mâ toa amaga.—1 Kor. 7:29; 1 Pet. 4:7.

  • Mati du Elobmîsa du ra ǁkhāǁkhā khoe-e ǁāǁnâs kōse nî sī ū?—ǀGamǁî ǃâb
    ǃKhē xu ǂgō-ommi (ǁKhāǁkhāǃâs)—2020 | Oktoberi

    • 1. Mati da a ǂan sida aoǁnâ sîsenni khoen ûiba ra sâu ǃkhaisa?

      AOǁNÂ sîsenni ge ûiba ra sâu sîsen-e. Mati da nēsa a ǂan? Jesub ge Mateub 28:19, 20 ǃnâ māsa mîde a mā ob ge ge mî: “Î go ǁîna ǁāǁnâ”. Mati kōses ǁāǁnâsa a ǂhâǂhâsa? ǀAmo ûiba da ga ra ǂhaba o, o da ge nî ǁāǁnâhe. ǁĀǁnâhe ǂgao ra khoe-i ge ǂgomsa nî ūhâ. ǀAmo ûiba i ge, Jesub ge a ǁōbada tsî a khâi ǃkhais ǃaroma ǀgui a hō ǁkhā ǃkhaisa. ǁNā-amagab ge Apostel Petruba ǁîb ǀkhā ǀguiba ra ǃoaba Xristeǁîna ge mîba, ‘ǁāǁnâs ge sada nēsi ra ǃgâiǃō kai, Jesub Xristub di khâisa xū.’ (1Pet. 3:21) ǁNā-amaga i ge ǀasase ra ǁāǁnâhe khoe-e ǃâubasensa ūhâ ǀamose ûis dīsa.

      2. 2 Timoteub 4:1, 2 sa mâǃnôa ǁkhāǁkhā-ao kai da nîs xa ra ǃhoa?

      2 Aoǁnâ da ga ra o, o da ge “nî ǃgâi ǁkhāǁkhā-ao kai.” (Khomai re 2 Timoteub 4:1, 2 sa.) Tae-i ǃaroma? Jesub ge ‘ǃgûǂoa i ǁîna ǁkhāǁkhā’ ti a mîmāda amaga. Apostel Paulub ge ge mî: Nē sîsenni ǃnâ “hâhâ. Nēnats ga dīo, ots kom sa-aitsama tsî ǁnâu tsi ran tsîna nîra ǃgâiǃō kaio.” ǃGâi ǃaromas ǀkhab ge Pauluba ge mî: Sa “ǁkhāǁkhāsa kōǃgâ” re ti. (1Tim. 4:16) ǁKhāǁkhās tsî aoǁnâs tsîn ǀguiba ra sîsenǀhao amaga da ge ra ǃgâi ǁkhāǁkhā-ao kai ǂgao.