• Ûiba mati ge tsoatsoa?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 3. Khoena, xamanina xu mati ra ǀkhara?

      Jehovab ge ǃhūbaiba kuru toa o, ob ge ûitsama xūna ǃhūbaib ai ge kuru. ǂGuroseb ge hain tsî xamanin tsîna ǃhūbaib ai ge kuru. Tsî ǁnāpaxub ge “Eloba khoeba,” ǁîb īsib ǃoa ge kuru. (Khomai re Genesis 1:​27 sa.) Tae-e khoena ra ǀkhara kai? Elob īsiba ǃoa du kuruhe hâ amaga du ge, ǁîb ǀgauga ūhâ. Aiǁgause, ǀnammi tsî ǂhanu-aisib tsîna. ǁÎb ge ǁkhāsib ǀkha ge kuru du, î du ǀkhara gowaga ǁkhāǁkhāsen. Î du, îxa xūn tsî musiki tsîn xa ǃgâibahe. Xamanin ge Eloba a ǃoaba ǁoa. Xawen ge khoena Eloba a ǃoaba ǁkhā.

  • Ûiba mati ge tsoatsoa?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 5. Elobmîs ra kurus xa mî i ge a ǁnâuǃāxa

      Genesis di ǂguro danaǃâs ǃnâs ge Elobmîsa ǃhūbaib tsî ûib tsoatsoas xa ra mîba du. ǁÎs ra mî-e ǂgom i du ra? Tamas ka io ama tama i hâ? VIDIOBA ǀhuru re. Tsî ǃnāka hâ dîra ǃhoaǃgao re.

      VIDIOB: ǀHommi tsî ǃhūbaib tsîkha ge kuruhe?​—ǃnubuǃnubusa ǃâb (3:51)

      ǀHaoǀhaosa ai-īsigu ‘ǀHommi tsî ǃhūbaib tsîkha ge kuruhe? Di hâ vidiob ǃâro-i​—ǃnubuǃnubusa ǃâb.’ 1. ǃNani kurus di tsēdi khoen a mû ǁkhā ǀgaub ai. 2. ǃNani tsēdi khaoǃgâb ge ǃhūbaiba kuruhe toa o, os ge sores, ǂnâsa ǃhūb, ǁgammi, ǃam hain, aniron, xamaniron tsî khoen tsîna ge mûhe ǁkhā i.

      • Elobmîsa ra ǁkhāǁkhā ǃhūbaib tsî ûitsama xūn ge ǃnani tsēdi ǃnâ a kuruhesa?

      • ǂÂi i du ra, Elobmîs ra kurus xa mî, i a ǁnâuǃāxasa? Tsî tae-i ǃaroma?

      Khomai re Genesis 1:1 sa. Tsî ǃnāka hâ dîsa ǃhoaǃgao re:

      • ǂAnsa ūhâ ôaǃnâ-aon ge ra mî, ǀhommi tsî ǃhūbaib tsoatsoasa ūhâsa. ǁÎn ra mî i tsî Elobmîs ǃnâ du go khomai-e mati ra ǃgûǀhao?

      ǂGui khoen ge ra ǂâi, Elob ge ǀgui xū-e kuru tsîn ge nau xūn hoana ǁî-e xu a hāsa. Khomai re Genesis 1:​21, 25, 27 sa. Tsî ǃnāka hâ dîsa ǃhoaǃgao re:

      • Elobmîsa ra mî, Elob ge xamani-e kuru tsî khoe-i ǃnâ a ǀkharaǀkharasa? Tamas ka iob ge ‘hoa’ ûitsama xūna kuru?b