Elobmîsa ǁkhāǁkhāsens ge kaise a ǃgâi. Xawe hoaǁae supu tama hâ. ǁAen ai du ge ra ǂâiǂhansen. Elobmîs ǁkhāǁkhās ǀkha du nî aiǃgûsa. Tae-i ǃaroma i a ǂhâǂhâsa nēs ǀkha aiǃgûsa? Tae-e nî hui du î du ǃgomsin ga hâ xawe aiǃgû?

1. Elobmîsa ǁkhāǁkhāsensa tae-i ǃaroma a ǂhâǂhâsa?

‘Elob mîs ge a ûitsama tsî ǀgaisa.’ (Hebreǁîn 4:​12) Elobmîs ge kaise a ǂhâǂhâsa. Elob sadu xa ra ǂâi tsî ra tsâ ǀgauba i ra ǁgau du amaga. ǂAnsa ūǂgās ǀkha ǀguis ge hui du tama hâ. Xawes ge ama gā-aisīb tsî ǃâubasens tsîna ra mā. ǁNān hoan ǂam-ais ge Elobmîsa ra hui du. Î du Jehovab di ǀhō kai. Elobmîsa du ga ǁkhāǁkhāsen o. O du ge ra mā-am is ǁîs ǀgaiba sadu ûiba ǃgâiǃgâi.

2. Tae-i ǃaroma da Elobmîs amab a ǂhâǂhâsa ǃkhaisa nî mûǂan?

Elobmîs amab ge a ǀō-aisa. ǁNā amagas ge Elobmîsa ra mî î da ‘amaba ǁama, tsî ǁîba tā ǁamaxū.’ (ǂKhoamîdi 23:​23) Elobmîs amab a ǂhâǂhâsasa da ga ǂâis ǃnâ ūhâ o. O da ge Elobmîs ǁkhāǁkhās ǀkha nî aiǃgû ǃgomsin ga hâ xawe.​—Khomai re ǂKhoamîdi 2:​4, 5 sa.

3. Elobmîs ǁkhāǁkhās ǀkha aiǃgûs ǀkhab, Jehovaba mati nî hui du?

Kuru-ao tsî sadu ǀhōseb ge Jehovaba ra hui du ǂgao. Î du ǁîb xa ǁkhāǁkhāsen. ǁÎb ge “ǂâibasens tsî dīs” di ǁkhāsiba a mā du ǁkhā. (Khomai re Filipeǁîn 2:​13 sa.) ǁAen ai du ga ǂkhâǃnâhesa ǂhâba o. Ob ge Jehovaba ǁkhāǁkhāsen du ra xūna ûiǂuis ǀkha nî hui du. Mâǃoahe du ra tamas ka io du ga ǃgomsina du ūhâ amaga ǀgaiba ǂhâ o. Ob ge ǁîba nî hui du. ǁAeb hoaba Jehovab ai huiba ǂgan re ǀgores ǃnâ-ū. Î du Elobmîsa ǁkhāǁkhāsen ǀgara.​—1 Tesalonikaǁîn 5:​17.

ǃGAMSE ÔAǃN RE

4. Sadu Elobmîs ǁkhāǁkhāsa ǂgurose mâi re

ǁAen ai da ge kaise a ǀhape. Tsî da ge sida Elobmîs ǁkhāǁkhāsens ǃaroma ǁae-e ūhâ tama. Tae-e a hui da ǁkhā? Khomai re Efeseǁîn 5:​16 sa. Tsî sao ra dîra ǃhoaǃgao re:

• Mâna a ǂhâǂhâsa xū hîna du ‘ǁaeba nî ǁamaǂuibana’ sadu ûib ǃnâ?

• Mati du Elobmîs ǁkhāǁkhāsa sadu ûib ǃnâ ǂgurose nî mâi?

1. ǃHūba du ga emers ǃnâ ǂgā tsî ǀgui ǀuide a ǂgā o. O di ge ǀuide ǂâu tide

2. ǀUide du ga ai ǂgā o, o i ge ǂâu hâ soaba nî hâ ǃhūb ams ai. ǁKhā ǀgaub ai da ga “ǁaeba ǁamaǂuibasen” o ǂhâǂhâsa xūn ǃaroma. O da ge nau xūn ǃaromas tsîna noxoba ǁaeba nî ūhâ

Elobmîsa ǁkhāǁkhāsens ge sada di gagasi ǂhâsiba ra dīǀoaǀoa. Tsî da ge Eloba ǂan tsî a ǃoaba ǁkhā. Khomai re Mateub 5:3 sa. Tsî ǃnāka hâ dîsa ǃhoaǃgao re:

• Mâ ǀgaub ǃnâ da ǃgâiba ra hō, Elobmîsa ǁkhāǁkhāsensa da ga sida ûib ǃnâ ǂgurose mâi o?

5. ǃGomsin ǃnâ mâǀgai re

VIDIOB: Francescoba mati ǃgomsin ǃnâb ge mâǀgai ǃkhais ǃaroma ge ǀkhaehe? (5:22)

• Vidiob ǃnân Francescob ǀhōn tsî omaris tsîna mati ge tanisen, ǁîb ge mîba nî o tae-eb ta ǁkhāǁkhāsensa?

• ǃGomsin ǃnâb ge mâǀgai ǃkhais ǃaromab ge mati ǀkhaehe?

Khomai re 2 Timoteub 2:​24, 25 sa. Tsî ǃnāka hâ dîra ǃhoaǃgao re:

• Sadu omaris tsî ǀhōsan tsîna ǁkhāǁkhāsen du ra xūn xa mati ra tsâ?

• Nē xoas ǃoagu du tae-e nî dī khoen ga Elobmîsa du ra ǁkhāǁkhāsen ǃkhais xa ǃgâibahe tama io? Tsî tae-i ǃaroma?

6. Jehovaba ǃoa kō re huihes ǃaroma

VIDIOB: Jehovab ge ge hui da, î da ǀkharaǀkharana dī (3:56)

• Vidiob ǃnâb Jima ǁîb ûiba mati ge dawa, îb Jehovaba ǂkhî kai?

• ǁÎb aiǁgaus xa i tae-e ra mâǂoaba du?

Khomai re Hebreǁîn 11:6 sa. Tsî ǃnāka hâ dîra ǃhoaǃgao re:

• Jehovaba ǁnān hîna ǁîba ra “ôan,” tamas ka io ǁîba ǂan tsî ra ǁnâuǀnam ǂgaona tae-e nî dība?

• Nēsa tae-e Jehovab ra tsâ ǀgaus xa ra ǁgau, sadu ra ǁgūtsâ Elobmîsa ǁkhāǁkhāsens ǃaroma ǀgausab ga mû o?

ǃKHŌǀHAOS

Hoaǁae i supu tama hâ xawes ge Elobmîsa ǁkhāǁkhāsensa nî hui du. Î du ǀamosib kōse ǁkhoaxa ûiba ūhâ. Jehovaba ǃoa kō re. Ob ge ǁîba nî ǀkhae du.

ǁKhāǁkhāsen du go xūna ǂâiǃgâs

• Tae-i ǃaromab Elobmîs amaba a ǀō-aisaba du?

• Mati du ‘ǁaeba nî ǁamaǂui’ ǂhâǂhâsa xūn ǃaroma?

• Tae-i ǃaroma du Jehovab ai huiba nî ǂgan, îb Elobmîs ǁkhāǁkhāsa aiǃgûs ǀkha hui du?

ÔAǃNÂ

Haka ǀgauga kō re hîna ge ǂgui khoena a hui ga. În ǁîn ǁaeba ǃamkuse sîsenū.

“ǁAeba du gā-aise nî sîsenū ǀgaub” (ǂKhaikari hâb, Februarib 2014)

ǃGaoǃgâ re ǀgui tarasab ge Jehovaba a hui ǀgausa. ǁÎs aob ge ǁnâuǃāsāsi o. Elobas gere ǂkhîǂkhî amaga.

Jehovab ge ra ǀgaiǀgai da î da sida ǃgomsiga tani (5:05)

Kō re matib ge ǀgui aoba ǁîb di taras ge mâǀgai ǃkhais ǃaroma, ǃgâiba a hō ǀgausa.

Amaba ta ge ge ǃâitsâ (6:30)

Jehovab di ǀHûǀguitimî-aon ge ra ǂgari-amhe, omariden ra khôa ti. Xawe ama-e?

“Jehovab di ǀHûǀguitimî-aona omaride khôaǁnâ i ra, tamas ka io ra omkhâi?” (Internets ai hâ ǁkhāǁkhādi)

Hoa da ge mîǁguina nî dīs ge. ǀNî mîǁguin hîna du ra dīn ge. Kai sîsenǂuiba sadu ai a ūhâ ǁkhā. Tsî sadu ǀhōsagusis hîna du. Jehovab ǀkha ūhâs ais tsîna. Aiǁgause, du ge mapa du nî hâsa, nî mîǁguis ge. Mati du marisise nî kōǃgâsens. Tamas ka io ǃgame du nîsa. ǃGâi mîǁguiga du ga dī o, o du ge. ǂKhî ûiba ūhâ tsî Jehovab tsîna a ǂkhîǂkhî ǁkhā.

1. Mati du Elobmîsa a sîsenū ǁkhā. ǃGâi mîǁguiga dīs ǃaroma?

Mîǁgui-e du nî dīs aiǃâ. Du ge Jehovaba ǃoa nî ǀgore. Tsî Elobmîsa nî ôaǃnâ î dû mû. Matib ǁîba nē mâsib xa ra tsâ ǀgausa. (Khomai re ǂKhoamîdi 2:​3-6 sa.) ǀNî ǁaegu aib ge Jehovaba ǃgāsa daoǁgaude ra mā. ǁNās ga ī o, o i ge nî ǃgâi. ǁNā daoǁgausa ǁnâuǀnamsa.

Xawe tae-e du nî dī. ǃGāsa daoǁgau-i ga Elobmîs ǃnâ ǀkhai o? Jehovab ge noxoba nî daoǁgau du. ǁÎb ge “ǁnā daob, ǁîba-ūts nî ǃgûb ai ra ǂgaeǂgui tsi.” (Jesajab 48:​17) Matib nēsa ra dī? ǁGaragu hîna a daoǁgau du ǁkhā gu ge hâ. Elobmîs mîmādi ge ǃgāsa amaba. Hîna Elob ǂâiǀgaub tsî tsâsiga ǁnâuǃās. ǀKha ra hui du ga. ǀNî ǁaega du ge ra ǁkhāǁkhāsen. Elob mati ǀnî xūn xa ra tsâsa. Elobmîs ǃnâ du ga ǃâ-e khomai o. Tsî du ga ǂanǂui o, Jehovab mati ra tsâsa. O du ge ǁîba ra ǂkhî kai mîǁguiga a dī ǁkhā.

2. Taena du ǂâis ǃnâ nî ūhâ. Mîǁguiga du nî dīs aiǃâ?

Elobmîs ge ra mî: “Gā-aib ra ǃgûs âba ǃgaoǃgâ.” (ǂKhoamîdi 14:​15) Nēs ge ra ǂâibasen mîǁgui-e du nî dīs aiǃâ. Du ge nî ǂâiǃgâ nē mîǁguib taena nî ǃaromasa. Nē mîǁguib a ǃaroma ǁkhā xūn xa du ra ǂâiǃgâ ǁaeb ai. Dîsen re: ‘Mâ Elobmîs mîmāde ta a sîsenū ǁkhā? Mâ ǃâga sâsasiba a mā te ǁkhā? Nē mîǁguiba mati khoena nî tsâǀkhā? Tsî hoan xa a ǂhâǂhâsase Jehovaba i nî ǂkhîǂkhî?’​—Deuteronomium 32:29.

Jehovab ge a mîba du ǁkhā. Tae-i a ǃgâi tsî tae-i a tsûsa. Nē daoǁgaudi tsî mîmādi tsîna du ga ǁkhāǁkhāsen o. Tsî ǁîde sao o. O du ge ǃgâiǂâisa nî omkhâibasen. Sadu ǃgâiǂâis ge ra mîba du. Dī du ra xū-i a ǃgâi tamas ka io a tsūsa. (Romeǁîn 2:​14, 15) ǃGâise omkhâisa ǃgâiǂâis ge nî hui du. Î du ǃgâi mîǁguiga dī.

ǃGAMSE ÔAǃN RE

3. As Elobmîsa daoǁgau du

VIDIOB: A gu Elobmîs ǁgaraga daoǁgau du (5:54)

• Aitsama ǁhûis ǁkhāsiba a tae?

• Jehovaba tae-i ǃaroma aitsama ǁhûis ǁkhāsiba ge mā du?

• Tae-eb ge mā du, î du ǃgâi mîǁguiga dī?

Elobmîs ǁgaragu aiǁgau-e mûs ǃaroma. Khomai re Efeseǁîn 5:​15, 16 sa. Tsî ǁnāpaxū ǃhoaǃgao re mati du. Sadu “ǁaeba” ǃgâise sîsenū ǁkhā ǀgausa, î du . . .

• Elobmîsa hoaǁae khomai.

• ǃgâi ǃgamme khoe, ǁgû tsî ǀgôa kai.

• ǀhaohâb ǀhaode hâǃnâ.

4. Sadu ǃgâiǂâisa omkhâi, î du ǃgâi mîǁguiga dī

VIDIOB: “ǃGâi ǃgâiǂâisa ūhâ ǀgara re” (5:13)

• Vidiob ǃnâs ǃgâsasa. Tae-e ge dī, îs ǁîs ǃgâiǂâisa omkhâi. Tsî ǃgâi mîǁguiga dī Jehovaba ra ǂkhîǂkhî ga?

Mati io du tā nau khoena. Sadu nî dīse i, mîǁguiga nî dī kai? Khomai re Hebreǁîn 5:​14 sa. Tsî sao ra dîra ǃhoaǃgao re:

• Nau khoena sadu mîǁguiga dī kais supuse ra mûsen. Xawe du tae-e aitsama nî ǂanǂuibasen?

• Tae-e du ūhâ sadu ǃgâiǂâisa omkhâis ǀkha nî hui du-e. Î du ǃgâi mîǁguiga dī?

5. Nau khoen ǃgâiǂâisa ǃgôa re

ǃKharagagu khoen ge ǃkharagagu mîǁguiga nî dī. Mati du ǃgôasiba nau khoen di ǃgâiǂâisa a ǁgau ǁkhā? ǀGam aiǁgaura ǃoa kō re:

ǂGuro aiǁgaus: ǃGâsas hîna make-up-e ra sîsenūs ge. ǀNî hâ ǀhaohâba ǃoa ra doe. ǃNāsa ǃgâsadi nē xūna sîsenū tamaba. ǂHanihe di ra amaga.

Khomai re Romeǁîn 15:1 tsî 1 Korinteǁîn 10:​23, 24 sa. Tsî sao ra dîra ǃhoaǃgao re:

• Nē ǀgam xoara ǃoagu ǃgâsa tae-e nî mîmâi? Khoe-i ǀkha du ga hâ o. Sadu ǃgâiǂâis ra mā-am xū-e. ǁÎ-i ǃgâiǂâis xa mā-amhe tama-e, tae-e du nî dī?

ǀGamǁî aiǁgaus: ǃGâsab ge a ǂan xûi-e āsas Elobmîsa ǂkhā tamasa. Xaweb ge ra ǁhûi xûi-e ā tama isa. ǂÛǀhao-e ǃoab ge ra ǁkhauhe. Tsîb ge ra mû ǃgâsagu xûi-e ra āsa.

Khomai re Aoǁnâ-aob 7:​16 tsî Romeǁîn 14:​1, 10 sa. Tsî sao ra dîra ǃhoaǃgao re:

• Nē xoara ǃoagu ǃgâsaba tae-e nî mîǁgui? Tae-e du nî dī, sadu ǃgâiǂâis mā-am tama xū-e ra dī khoe-i ǀkha du ga hâ o?

Mâ xūna ǃgâi mîǁguiga dīs ǀkha ra hui?

1. Jehovaba ǂgan re, îb sadu mîǁguigu ǀkha hui du.​—Jakobub 1:5.

2. Ôaǃnâsa dī re Elobmîs tsî Elobmîs ai a ǃgaoǃgaosa ǂkhanin ǃnâ. Sisenū ǁkhā du a ǁgaraga hōs ǃaroma. Tamas ka io du ge gagasise a ǀgaisa ǃgâsa-i ǀkhas tsîna a ǃhoa ǁkhā.

3. ǀAmǂoas xa ǂâi re, sadu mîǁguib sadu ǃgâiǂâis. Tsî nau khoen ǃgâiǂâis ai nî ūhâb xa.

ǃKHŌǀHAOS

ǃGâi mîǁguiga du ge ra dī ǂan du ga o. Jehovab xū-i xa ra tsâ ǀgauba. Tsî ǂan du ga o sidu mîǁguigu. Nau khoena ra hui tamas ka io tsûtsûsa.

ǁKhāǁkhāsen du go xūna ǂâiǃgâs

• Mati du ǃgâi mîǁguigu Jehovaba ra ǂkhîǂkhîga a dī ǁkhā?

• Mati du sadu ǃgâiǂâisa a omkhâi ǁkhā?

• Mati du nau khoen ǃgâiǂâisa ǃgôasiba a ǁgau ǁkhā?

ÔAǃNÂ

Mati du sadu ǀhōsagusisa Jehovab ǀkha ra ǀgaiǀgai mîǁguiga a dī ǁkhā?

“Eloba ǃgôasiba ra mā mîǁguiga dī re” (ǃKhē xu ǂgō-ommi, Aprili 15, 2011)

ǁKhāǁkhāsen re, matib Jehovaba. ǃGâi ǀapena ra mā dusa.

Jehovab ge ǁîb khoena ra daoǁgau (9:​50)

ǁKhāǁkhāsen re, tae-i ge ǀgui khoeba huisa. Îb ǃgom mîǁguiga dī.

Jehovab ge hoa ǃgâi xūna ra mîmâi (5:​46)

ǁKhāǁkhāsen re, mati du Jehovaba a ǂkhîǂkhî ǁkhā ǀgausa. ǃGāsa ǁgaragab ga xū-i ai mā tama i xawe.

“Hoaǁae du Elobmîs ǃkhâikhomsa ǂhâ hâ?” (ǃKhē xu ǂgō-ommi, Desemberi 1, 2003)