• Jehovab ǀhō kai ǁkhā du ge a
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 3. Jehovab di ǀhōsa kai ǂgao du ga o, o du tae-e nî dī?

      Jehovab ge khoena a ǀnam. Xawe ǀhōsagusib ab ge “ǂhauǃnâb ǀkha hâ.” (ǂKhoamîdi 3:​32) Jehovab ge ra ǂhâba în, ǁîb ǀhōna ǃgâi xūna dī. Tsî tsū xūna xun nî hâbēsa. ǀNî khoen ge ra ǂâi, ǁîn Jehovab di ǂhanuga dīǀoaǀoa ǁkhā tide ti. Tsî ǃgâin tsî tsūn ǁaegu ǀgorasa. Xawe Jehovab ge a ǁnâuǃāxa. ǁÎb ge mâ khoe-i hoa-i hina ǂgaoba xu ra dītsâ-e ra ūǃoa.​—Psalmdi 147:​11; ǃNaeǃkhaidi 10:​34, 35.

  • Dī du ra xūn hoana ǂhauǃnâse dī re
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • Dī du ra xūn hoana ǂhauǃnâse dī re

      Hoa da ge ǂhauǃnâ ǀhōsan xa a ǃgâibahe. Jehovab tsîn ge ra ǂhâba în ǁîb ǀhōsana ǂhauǃnâse tanisen. Kaise i ge a ǃgom ǂhauǃnâse hâsa. Nē ǃhūbaib ǂhauǃnâ tama khoena xa ǀoahe hâ amaga. Tae-i ǃgâi xūna du nî hō. Dī du ra xūn hoan ǃnâ du ga ǂhauǃnâse tanisen o?

      1. Tae-i ǃaroma du ǂhauǃnâse nî tanisen?

      ǂHâuǃnâ du ga o, o du ge Jehovaba ra ǁgau. ǁÎba du a ǀnam tsî ra ǃgôasa. ǂÂis ǃnâ ūhâ re. Jehovab ge ǂâi du ra. Tsî dī du ra xūn hoana a ǂan. (Hebreǁîn 4:​13) ǂHauǃnâ xū-e dīsa du ga ǁhûi o. Ob ge Jehovaba ǁnāsa ra mû tsî kaise ra ǂkhî. ǁÎb mîs ge ra mî: “ǁNāǁgôa-aob ge ǃKhūba ǁgaiǁgaisase ība xuige, xawe ǂganǃgâsib âb ge ǂhauǃnâb ǀkha hâ.”​—ǂKhoamîdi 3:32.

      2. Mâ xūn ǃnâ du tsēs hoasa ǂhauǃnâsiba a ǁgau ǁkhā?

      Jehovab ge ǂhâba hâ î du. “Amaba ǃhoa mâ-i hoa-e ǁî-i di ǀgūkhoe-i ǀkha.” (Saxariab 8:​16, 17) Nēsa tae-e ra ǂâibasen? Sadu omaris ǁanin, sîsenǁare ū du ra khoen. Sadu Xristeǁî ǃgâsan tsî ǂhanub khoen ǀkha du ga ǃhoa o. O du ge tā nî ǂhumi. ǂHauǃnâ khoen ge ǃnari tama hâ. Tsî nau khoena gāxaǃnâ tama hâ. (Khomai re ǂKhoamîdi 24:​28 tsî Efeseǁîn 4:​28 sa.) Tsîn ge ǂhanub khoen ra ǂgaoǀkhā marin hoana ra matare. (Romeǁîn 13:​5-7) Nē ǀgaub ai du ge “xūn hoan ǃnâ” ǂhauǃnâse “ra tanisen.”​—Hebreǁîn 13:18.

      3. Mâ ǀkhaega du a hōǁkhā ǂhauǃnâse du ga tanisen o?

      ǂHauǃnâse du ga hoaǁae tanisen o. On ge khoena nî ǂgomǃgâ du. ǀHaohâb ǃnâ hâ ǃgâsan hoana du ge ǃnorasase nî tsâ kai. ǀNamma ūhâ omaris khami. ǃAnu ǃgâiǂâis tsîna du ge nî ūhâ. Sadu ǂhauǃnâsib ge ‘Elob sada ǃGâiǃōdī-aob di ǁkhāǁkhāsa hoa xūn ǃnâ ra ǁgau.’ Tsî ǁnās ǀkha khoena ra ǂgae. În Jehovaba ǃoaba ǂgao.​—Titub 2:​10.

      ǃGAMSE ÔAǃN RE

      Kō re, matib sadu ǂhauǃnâsiba Jehovaba ra tsâ kai ǀgausa. Tsî mati du ǁnāpaxū ǃgâiba a hōǁkhāsa. Tsî ǁkhāǁkhāsen re. Mati du ǃkharagagu mâsigu ǃnâ ǂhauǃnâse nî tanisensa.

      4. ǂHauǃnâsib ge Jehovaba ra ǂkhîǂkhî

      Khomai re Psalmdi 44:​21 tsî Maleaxib 3:​16 sa. Tsî sao ra dîra ǃhoaǃgao re:

      • Amaba sâusa tae-i ǃaroma ǂhanu tama hâ?

      • ǃGom i ga xawe du ga amaba ǃhoa o. Ob Jehovaba mati ra tsâ, ti du ra ǂâi?

      ǀGôa-i ge ǁî-i di papab ǀkha ra ǃhoa. Tsî ǁîb ge ǃkhonǁgoa hâ. Sap-i ge tafelsa xu go ǁhōxūsen.

      ǀGôan ga amaba ǃhoa o. On ge ǁîn ǁgûna ra ǂkhî. Amaba du ga ǃhoa o. O du ge Jehovaba ra ǂkhîǂkhî

      5. Hoaǁae ǂhauǃnâse tanisen re

      ǀNî khoen ge ra ǂâi hoaǁae ǂhauǃnâse tanisens īǁoa ti. Xawe kō re, tae-i ǃaroma du hoaǁae nî ǂhauǃnâse ī ǃkhaisa. VIDIOBA ǀhuru re.

      VIDIOB: Tae-e ra ǃgâiaǂgao kai du?​—ǃanu ǃgâiǂâis (2:32)

      ‘Tae-e ra ǃgâiaǂgao kai du?​—ǃanu ǃgâiǂâis’ vidiob ǃâro i. Beni ge ǂgui mari-e ra ǂgan masinsab ge khôa toas khaoǃgâ. ǁÎb ǀhonkhoeba mîba o, o kha ge ra tawede gu.

      Khomai re Hebreǁîn 13:​18 sa. Tsî ǃhoaǃgao re, mati du ǂhauǃnâse a tanisen ǁkhāsa . . .

      • omaris ǃnâ.

      • sîsenni tamas ka io skoli tawa.

      • tsî ǀnî hâ mâsigu ǃnâ.

      6. ǂHauǃnâsib ge ǃgâise ra tsâ kai

      ǀNî ǁaegu ais ge ǂhauǃnâse tanisensa. ǃGomsina ra hau khami ra mûsen. Xawe i ge ǀams ai ǃgâi sîsenǂuiba ūhâ. Khomai re Psalmdi 34:​12-16 sa. Tsî sao ra dîsa ǃhoaǃgao re:

      • ǂHauǃnâsiba mati sadu ûiba a ǃgâiǃgâi ǁkhā?

      A. Aob tsî taras tsîra ge kofi-e ra āse ra ǁgam. B. Audo kuru-aob ge ǁîb ǀhonkhoeb xa ra koahe sîsenǃkhaib tawa. C. ǁÎb audos ǃnâ ǂnôa khoeb ge ǀapaǃnamma ǁîb ID sa ra ǁgau.

      1. ǂHauǃnâ aogu tsî taradi ge ǁîn di ǃgammeba ra ǀgaiǀgai

      2. ǂHauǃnâ sîsen-aon ge ǁîn ǀhonkhoen xa ra ǂgomǃgâhe

      3. ǂHauǃnâ ǃhūb ǁanin ge ǃgâi ǀonsa ǂhanub khoen ǀkha ra kuru

      MATI DU NÎ ǃEREAM KHOE-I GA MÎ O: “ǀNî ǂhumin ge ǂkhariro tsî tsū tama hâ.”

      • Tae-i ǃaroma du ra ǂgom Jehovab hoa ǂhumiga ǃhui hâsa?

      ǃKHŌǀHAOS

      Jehovab ge ǂhâba hâ. În ǁîb ǀhōsan hoana mî tsîn ra dī xūn ǃnâ ǂhauǃnâ.

      ǁKhāǁkhāsen du go xūna ǂâiǃgâs

      • Mâ ǀgaugu ǃnâ du ǂhauǃnâsiba a ǁgau ǁkhā?

      • Tae-i ǃaroma i ǃgâi tama, ǂâisa amaba du a sâu ǁkhāsa?

      • Tae-i ǃaroma du hoaǁae ra ǂhauǃnâ ǂgao?

      Sadu nî dī xū-i

      ÔAǃNÂ

      Kai khoena mati ǁîn ǀgôana a ǁkhāǁkhā ǁkhā, în ǂhauǃnâ?

      Amaba ǃhoa re (1:​44)

      Sadu mîmâide dīǀoaǀoasa xu du tae-e a hōǁkhā?

      Mîmâide dīǀoaǀoa re, ǀkhaega ǃkhōǃoa re (9:​09)

      ǂHanub ǂgaoǀkhā hâ marina [tax-e] du nî mā. ǃGâi tamase i ga sîsenūhe xawe?

      “ǂHanub ra ǂgaoǀkhā marina matare da nî?” (ǃKhē xu ǂgō-ommi, Septemberi 1, 2011)

      Tae-i ǃaromab ge ǂhauǃnâ tama ge hâ i khoeba. ǁÎb ûiba dawa tsî ǂhauǃnâse ûi tsoatsoa?

      “ǁKhāǁkhāsen ta ge ge Jehovab khoena ra ǀkhomxa tsî ǀûbasa” (ǃKhē xu ǂgō-ommi, Meib 1, 2015)

  • Sadu ǀhōsana ǃgâise ǁhûi re
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 2. Sadu ra ǁhûi ǀhōsana mati Jehovaba ra tsâ kai?

      Jehovab ge ǁîb ǀhōsana ǃgâise ra ǁhûi. ǁÎb ǀhōsagusis ge “ǂhauǃnâb ǀkha hâ.” (ǂKhoamîdi 3:​32) Jehovaba mati nî tsâ? ǁÎba ǀnam tama ǀhōsan ǀkha du ga hâ o? ǁÎb ge ǁnās xa kaise nî ǂkhîoǃnâ kaihe. (Khomai re Jakobub 4:4 sa.) Xaweb ge Jehovaba nî ǂkhî tsî ǀhōsa-i ase nî ǁhûi du. ǃGâi tama ǀhōsana xu du ga hâbē o. Tsî du ga Jehovab tsî ǁîba a ǀnam khoen ǀgūse hâ o.​—Psalmdi 15:​1-4.