• Mati du Elob mûǁae a ǃanu ǁkhā?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • ǂÂi re, ǀnamǀnamxa mamas hîna ǁîs di ǀgôaroba. Skoli ams ai ra aiǂhomis xa. ǁÎs ge ra kō ǁāsen, îb hâs. Tsî ǁîb saran a ǃanus tsîna. Nēs ge ra ǁgau, ǁîb a ǂurusa. Tsîra ǁîb îra ǃgâise ra kōǃgâ bi ǃkhaisa. ǁKhā ǀgaub ǃnâb ge sada ǀnamxa Papab. Jehovaba ǂhâba hâ î da ǃanu. Sorosise tsî sada ra ǂâi, ǃhoa tsî dī xūn ǃnâ. Sada ga ǃanu o, o da ge ǃgâise a tsâ ǁkhā. Tsîb ge Jehovaba nēs ǃnâ-ū koasa ra hō.

      1. Mati da sorosise a ǃanu ǁkhā?

      Jehovab ge ra mîba da: ‘ǃAnu du ge nî.’ (1 Petrub 1:​16) ǃAnusib ge sorosi ǃanusib, sadu ǂâiǀgaub, ǃhoa ǀgaub. Tsî tanisen ǀgaub ǀkha ra ǃgûǀhao. Sorosise du ge a ǃanu ǁkhā. Hoaǁae du ga ǁāsen. Tsî sidu saran, oms. Tsî audos tsîna ǃanuse ūhâ o. Sida Gaosib ǀhû-omga [ǃoaba ǃkhaiga] ǃanuse ūhâs. ǀKhas tsîna du ge a hui ǁkhā. Sorosise du ga ǃanuse hâ o. Ob ge Jehovaba nēs ǃnâ-ū koasa ra hō.​—2 Korinteǁîn 6:​3, 4.

      2. ǃAnuse du ga hâ ǂgao o, o du taena xu nî ǂgōsen?

      Elobmîs ge ra mîba da. “A da ǁgans tsî gagas tsîra di ǂnaoǂnaosensa xu ǃanuǃanusen.” (2 Korinteǁîn 7:1) Nēs ge ra ǂâibasen. Xūn hîna sadu sorodi tsî ǂâiǀgaub. Tsîna a ǁgaiǁgai ǁkhāna xu du nî ǂgōsensa. Sadu ra ǂâi xūn ge Jehovaba nî ǂkhîǂkhî. Nēs ǃaroma du ge ǃgarise nî dītsâ. ǁGai ǂâide hōsa xu ǂgōsensa. (Psalmdi 104:​34) ǃAnu ǃhoa ǀgauba omkhâis tsîna du ge nî dītsâ.​—Khomai re Koloseǁîn 3:8 sa.

      Taena noxoba sadu sorodi tamas ka io. ǃHoa ǀgaub, ǂâiǀgaub tsî tanisen ǀgaub tsîna a ǀuriǀuri ǁkhā? ǀNî xūn ge sadu sorode a ǀuriǀuri ǁkhā. ǁNā-amaga du ge tabaka ǂgaes, tabaka-e ǁgaes. Tsî drugsna sîsenūs tsîna xu nî ǂgōsen. Nē xūna xu du ga ǂgōsen o, o du ge a ǂuru. Tsî da ge ûib di ǀkhaeba da ra ǃgôa ǃkhais tsîna ra ǁgau. Aorekhoegu ge tā nî skommelsen. Tsî tarekhoedi ge tā ǁîdi tarekhoe sorodi ǀkha nî ǀhuru. ǁGoe-ūgus tsâsiga omkhâis ǃaroma. Tsî ǀōǀkhā khoen vidion tsî ai-īsiga kōsa xu nî ǂgōsen. Tsî ǁnā xūna du ga dī tsî kō tama io. O du ge ǃanuse nî hâ. (Psalmdi 119:​37; Efeseǁîn 5:5) Nē ǀgauga xu ǂgōsens ge a ǃgom ǁkhā. Xaweb ge Jehovaba a hui du ǁkhā, nēsa dans ǃnâ.​—Khomai re Jesajab 41:​13 sa.

      ǃGAMSE ÔAǃN RE

      Ôaǃnâ re, sorosise ǃanuse hâs. Jehovaba koasa ra mā ǀgausa. Tsî mû re, mati du ǀurixa ǀgauga xu hâbēsa a dan ǁkhā ǀgausa.

      3. Sorosi ǃanusib ge Jehovaba koasa ra mā

      Jehovab ge Israelǁaesa mā hâ i, ǃanusib xa hâ ǁgaraga du ga khomai o. O du ge ra ǁkhāǁkhāsen. Matikōse i a ǂhâǂhâsasa. ǁÎb khoen ǃanuse nî hâsa. Khomai re Eksodus 19:​10 tsî 30:​17-19 sa. Tsî sao ra dîra ǃhoaǃgao re:

      • Nē xoade mati Jehovab sorosi ǃanusib xa ūhâ mûǂuiba ra ǁgau?

      • Mâ ǃgâi ǀgauga nî hui du î du sorosise ǃanuse hâ?

      Sorosise ǃanuǃanusens ge ǁaeb tsî ǀgaib tsîna ra ū. Xawe du ge nēsa a dī ǁkhā, mapa ǀgui du ga hâ xawe. Nēsi du ga ǀgâsa tamas ka io a ǃkhū xawes tsîna. VIDIOBA ǀhuru re. Tsî sao ra dîsa ǃhoaǃgao re.

      VIDIOB: Elob ge ǃanu khoena a ǀnam (4:10)

      • Aoǁnâba da ra khoena tae-i ǃaroma Jehovaba ǃgôasiba nî ǁgau, sida ūhâ xūn ga ǃanu o?

      4. ǁGai xūna dī ǀû re

      Khoe-i ge saruna ra axū.

      Jehovab ge nî hui du, ǁgai ǀgauga dans ǀkha

      ǂGae tsî du ga drugsna ǁkhoaxa ǁaeba ūhâs ǃaroma a sîsenū o. O du ge a ǂan, nē xūna dī ǀûs matikōse a ǃgom ǃkhaisa. Tae-e a hui ǁkhā? Kō re, matigu nē ǀgauga. ǁGaiǁgai du ǁkhāsa. Khomai re Mateub 22:​37-39 sa. Tsî ǃhoaǃgao re, matis tabaka ǂgaes tsî drugsna sîsenūs tsîna . . .

      • khoe-i Jehovab ǀkha ūhâ ǀhōsagusisa a khôa ǁkhā ǀgausa.

      • khoe-i omaris khoen tamas ka io. ǁÎ-i ǂnamipe hâ khoena a tsûtsû ǁkhā ǀgausa.

      Xū-e dī re, nē tsū ǀgauga dans ǃaroma.a VIDIOBA ǀhuru re.

      VIDIOB: Aitsama ǃkhō-oasensa sîsenǂuis (2:47)

      Khomai re Filipeǁîn 4:​13 sa. Tsî sao ra dîsa ǃhoaǃgao re:

      • Hoaǁae ǀgores, Elobmîsa ôaǃnâs. Tsî ǀhaode hâǃnâs tsîna mati khoe-e ǀgaiba a mā ǁkhā, î-i ǁgai ǀgauga dan?

      5. ǃGâi tama ǂâiǀgaugu tsî dīxūn tsîna ǃkhamǃoa re

      Khomai re Koloseǁîn 3:5 sa. Tsî sao ra dîra ǃhoaǃgao re:

      • ǀŌǀkhā khoen vidiogu, ai-īsigu. Tsî selfongu ǃnâ-ū ǁgoe-ūgub xa sms-gus. Tsî aorekhoegu hîna ra skommelsengu. Tsî tarekhoedi hîna tarekhoe sorodi ǀkha ra ǀhurudi. Mati du a ǂan nē xūn hoan, Jehovab mûǁae a ǃkhaerasa?

      • ǂÂi î du ra, ǂhanu î asa, Jehovab ra ǂgaoǀkhā dusa. Î du sadu di ǂâiǀgauga ǃanuse ūhâ? Tsî tae-i ǃaroma?

      ǂAnǂui re, mati du ǁgai ǂâiǀgauga a ǃkhamǃoa ǁkhā ǀgausa. VIDIOBA ǀhuru re.

      VIDIOB: Xū-e dī re ǃanuse hâs ǃaroma (1:51)

      Jesub ge aiǁgausa ge sîsenū, ǁgau rasa, ǃgarise du nî sîsensa. Sadu ǂâiǀgauga ǃanuse ūhâs ǃaroma. Khomai re Mateub 5:​29, 30 sa. Tsî sao ra dîsa ǃhoaǃgao re:

      • Jesub ge sadu sorode tsûtsûs xa ge ǃhoa tama hâ i. Xaweb ge xū-e du nî dīsa gere ǂhâba. Mâ ǂhâǂhâsa xūna i khoe-e nî dī. ǁGai ǂâiǀgauga xu ǂgōsens ǃaroma?b

      ǃGâi tama ǂâiǀgauga dans ǃaroma du ga ǃkham o. Ob ge Jehovaba sadu ǁgūtsâde nî ǃgôaǃgâ. Khomai re Psalmdi 103:​13, 14 sa. Tsî sao ra dîsa ǃhoaǃgao re:

      • ǃGai tama ǀgau-e ǃkham ǃoas ǀkha du ga ǃgoma tsâ o. Sao ra xoasa mati ra ǂkhâǃnâ du aiǃgûsa?

      ǁGai xūna ǃoa ǁnā-oas ge ǀams, di ǂâibasen tama hâ

      Supu i ge a mîsa. ‘Dī hō tama ta hâ, o ta ge ǀûsens ǀguisa nî hî.’ Xawe nēs xa ǂâi re: ǃKhoe-ao i ga ǃnôa tsî ǁnâ o. Os ge nēsa ǂâibasen tama hâ dan i tide ti. Tamas ka io, i ge tsoatsoasa xu sī ǃkhoe tsoatsoa tama. ǁKhā ǀgaub ǃnâs e ǁgai ǀgauga ǃoa ǁnā-oasa. ǂÂibasen tama hâ ǂoaǃnâ du go ti. Nē ǁgai ǀgauga ǃkhamǃoasa dans ǃnâ. Tsî du ge ǁgūtsâdi hîna du ǀnai dī hâ di ǃaroma. ǃGâise a tsâ ǁkhā. ǁGai ǀgauga ǃoa ǁnā-oas ge ra ī. Nē ǁgai ǀgauga dans, ǃaroma du ge a ǁnā ǁkhā. Xawe tā ǂkhabuǂâi re. Jehovab di huib ǀkha du ge nē ǁgai ǀgauga a dan ǁkhā.

      ǃKhoe ǀhûgus ǃnâ hâ khoeb ge ǁnā tsî ra khâimâ.

      MATI DU NÎ ǃEREAM KHOE-I GA MÎ O: “Nē xūna dīsa ta ge ǁnaeti hâ. ǀÛ ǁoa ta ge a.”

      • Mâ xoasa du nî sîsenū, nē khoe-e ǁgausa. Jehovab ge ra hui, nē ǀgauga dans ǃnâ?

      ǃKHŌǀHAOS

      Jehovaba du ge ra ǂkhîǂkhî. Sadu sorodi, sadu ǂâidi tsî dī du ra xūn tsîna ǃanuse ūhâs ǃnâ.

      ǁKhāǁkhāsen du go xūna ǂâiǃgâs

      • Tae-i ǃaroma i a ǂhâǂhâsa ǃanuse hâsa?

      • Mati du sadu sorode ǃanuse a ūhâ ǁkhā?

      • Mati du, sadu ǂâidi tsî tanisen ǀgaub tsîna ǃanuse a ūhâ ǁkhā?

      Sadu nî dī xū-i

      ÔAǃNÂ

      Mâ supu xūna du a dī ǁkhā, sorosise ǃanuse hâs ǃaroma. ǀGâsa tsî du ga ǂgui xūna ūhâ tama i xawe?

      ǃAnusib tsî ǂurusib ​—ǃomga ǁās (3:​01)

      ǂGae ǀûs ǀkha nî hui du ǀgauga hō re.

      “Mati du a ǂgae ǀû ǁkhā?” (ǂKhaikari hâb, Meib 2010)

      ǀŌǀkhā khoen di vidion tsî ai-īsiga kōs di sîsenǂuiba ôaǃnâ re.

      “ǀŌǀkhā khoen vidion tsî ai-īsin​—ǁkhōǁkhōsa-e tamas ka io ǁkhōǁkhōsa tama i hâ?” (ǃKhē xu ǂgō-ommi, Augustub 1, 2013)

      ǂAnǂui re, matib ge ǀgui khoeba ǀōǀkhā khoen vidion. Tsî ai-īsaga kōsa a dan ǀgausa.

      “ǂGui ǃnāde ta ge ge ǁnā-oa, dan ta nîs aiǃâ” (ǃKhē xu ǂgō-ommi No. 4 2016)

      a “Mati du a ǂgae ǀû ǁkhā?” Ôaǃnâ di hâ ǃâb, nē ǁkhāǁkhāǃâs dib ǃnâ hâs ge ra ǁguiǃā. Mâ ǀgaugu a hui ǁkhāsa. Nē ǁgai ǀgauga dansa.

      b Aorekhoegu hîna ra skommelsengu. Tsî tarekhoedi hîna ǁîdi tarekhoe sorodi ǀkha ra ǀhurudi. Tsî ǃgâi tama tsâsiga ra omkhâisa dans ǃaroma. Khomai re “Mati ta ǃgâi tama tsâsiga omkhâisa a dan ǁkhā?” ǂKhamkhoen ra dî dîdi​—ǃgâi ǃereamdi, ǂkhanis di 1ro ǃâb, 25ǁî danaǃâs ǃnâ.