• Tae-e nî hui du Elobmîsa ǁkhāǁkhāsens ga ǃgom o?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 4. Sadu Elobmîs ǁkhāǁkhāsa ǂgurose mâi re

      ǁAen ai da ge kaise a ǀhape. Tsî da ge sida Elobmîs ǁkhāǁkhāsens ǃaroma ǁae-e ūhâ tama. Tae-e a hui da ǁkhā? Khomai re Efeseǁîn 5:​16 sa. Tsî sao ra dîra ǃhoaǃgao re:

      • Mâna a ǂhâǂhâsa xū hîna du ‘ǁaeba nî ǁamaǂuibana’ sadu ûib ǃnâ?

      • Mati du Elobmîs ǁkhāǁkhāsa sadu ûib ǃnâ ǂgurose nî mâi?

      A. ǀHaoǀhaosa ai-īsigu: Ai-īsib hîna ra ǁgaub emers ǃhūb tsî ǀuidi ǀkha ra ǀoaǀoahesa. 1. ǃHūb tsî ǀuidi. 2. ǃHūb xa ǀoa hâ emers. 3. Emers ǃnâ di ge ǀuide ǃhūb ǀgapiga ǂnôa. B. ǀHaoǀhaosa ai-īsigu: 1. ǁKhā ǃhūb tsî ǀuidi. 2. ǁKhā emers ge kai ǀuidi xa ǀoa hâ. 3. ǃHūb ge ra ǂâu ǀuidi ga ai ǂgāhe o. ǃGau go ǃhūrob ge ǃauga ǂnôa.

      1. ǃHūba du ga emers ǃnâ ǂgā tsî ǀgui ǀuide a ǂgā o. O di ge ǀuide ǂâu tide

      2. ǀUide du ga ai ǂgā o, o i ge ǂâu hâ soaba nî hâ ǃhūb ams ai. ǁKhā ǀgaub ai da ga “ǁaeba ǁamaǂuibasen” o ǂhâǂhâsa xūn ǃaroma. O da ge nau xūn ǃaromas tsîna noxoba ǁaeba nî ūhâ

      Elobmîsa ǁkhāǁkhāsens ge sada di gagasi ǂhâsiba ra dīǀoaǀoa. Tsî da ge Eloba ǂan tsî a ǃoaba ǁkhā. Khomai re Mateub 5:3 sa. Tsî ǃnāka hâ dîsa ǃhoaǃgao re:

      • Mâ ǀgaub ǃnâ da ǃgâiba ra hō, Elobmîsa ǁkhāǁkhāsensa da ga sida ûib ǃnâ ǂgurose mâi o?