• Jehovab di ǃoaba-aon ǀhaode mati nî hui du?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 10ǁÎ ǁkhāǁkhāǃâs. Khoeb ge ǀhaos tawab go Jehovab di ǃoaba-ao-i xa ǁgauhe xoasa ra khomai.

      10ǁÎ ǁKHĀǁKHĀS

      Jehovab di ǃoaba-aon ǀhaode mati nî hui du?

      Jehovab di ǃoaba-aon di ǀhaodi tawa ǁkhauhe tsâ, i du ge hâ i? ǁNā ǀhaodi tawa du ga sī tsâ tama io. O du ge ǂguro ǃnāsa du ga sī o, sausase nî tsâro. ǀNîsi du ge nî ǂâi: Taen hoana nē ǀhaodi tawa ra dīhe? Tae-i xa di nē ǀhaode a ǂhâǂhâsa? Tsî tae-i ǃaroma ta, tita ǁîde nî hâ ǃnâ? Nē ǁkhāǁkhāǃâs ǃnâ du ge nî ǁkhāǁkhāsen. Mati di, nē ǀhaode nî hui du ǀgausa. Tsî mati du Elob ǀgūse nî hâs tsîna.

      1. Tae-i ǃaroman Jehovab ǃoaba-aona ra ǀhao?

      ǃGaoǃgâ re, matib Elobmîs xoa-aoba, nē ǀhaodi ǃaroma ra ǁgâiǂguisen ǀgausa: “Tita ge ǃKhūba [Jehovaba, NW] ǀhaohâgu ǃnâ nîra kare.” (Psalmdi 26:​12) Jehovab di ǃoaba-aon ge ǁnāsa ra dī. ǃKharu ge ǁaeb di Xristeǁîn gere dī khami. ǃHūbaib ǂhawasen ge, ǀguis xa ǃnāsa ǃnâde wekheb ǃnâ ra ǀhao. Nē ǀhaodi tawan ge ǁnae, ǀgore tsî Jehovaba ra koa. Tsî ǁîn ǂgoms tsîna ra ǀgaiǀgai. ǀOro ǃnāden ge kurib ǃnâ, ǂgui ǃgôab ǃnâ ra ǀhao.

      2. Tae-e du ǀhaodi tawa nî ǁkhāǁkhāsen?

      Sida ǀhaodi tawa da ge Elobmîsa xu ra ǁkhāǁkhāhe. Elobmîs ge ra khomaihe tsî ‘ǂâibasensa’ ra ǁguiǃāhe. (Khomai re Nehemiab 8:8 sa.) Nē ǀhaodi tawa du ge Jehovab tsî ǁîb di ǂoaǂamsa ǀgaugu xa nîra ǁkhāǁkhāsen.​—Jesajab 48:​17, 18.

      3. ǀHaodi tawa du ra ǀhao-ū khoena mati nî hui du?

      Jehovab ge ra ǁkhāǁkhā da ‘î da kōǃgâ ǀnammi tsî ǃgâi sîsengu hōhōǃnâgus ǃoa; î da tā sada ǀhûsa ǀûǀkhā.’ (Hebreǁîn 10:​24, 25) Nē ǀhaodi tawa du ge ama ǀnamgu khoena nî ǀhao-ū. ǁÎn ge sadu tsîna nî hui, Elob xa ǁkhāǁkhāsensa. ǁÎn ge sadu ǀkha Elobmîsa xu omkhâi ra ǂâide nî ǀgoragu. (Khomai re Romeǁîn 1:​11, 12 sa.) ǃGamme hân, ǃgamme taman tsî ǃgomsina gere hōǃân ge sadu ǀkha nî ǁgam. Tsî matin ge ǁîn ǃgomsin ǃnâ mâǀgai ǀgausa nî mîba du. Nē ǃaromadi ǃgaob ge Jehovaba ra ǂhâba hoa khoen nî ǀhaosa.

      ǃGAMSE OAǃN RE

      ǁKhāǁkhāsen re, tae-i ra īsa Jehovab di ǃoaba-aon ǀhaodi tawa. Tsî tae-i ǃaroma i a ǂhâǂhâsa ǀhaode hâ ǃnâsa.

      4. Jehovab ǃoaba-aon ǀhaodi

      ǃKharu ge ǁaeb di Xristeǁîn ge hoaǁae gere ǀhao, Jehovaba ǃoabas ǃaroma. (Romeǁîn 16:​3-5) Khomai re Koloseǁîn 3:​16 sa. Tsî ǃnāka hâ dîsa ǃhoaǃgao re:

      • Matin gere ǃkharu ge ǁaeb Xristeǁîna Jehovaba ǃoaba?

      Nētsē Jehovaba ra ǃoaba khoen ge ǃoaba ǃkhaigu tawa hoaǁae ra ǀhao. Kō re, matin ǁîn ǀhaode ra dīhe ǀgausa. VIDIOBA ǀhuru re. Tsî ǁnāpaxū ai-īsib, ǀhaohab ǀhaodi diba kō re tsî ǃnāka hâ dîde ǃhoaǃgao re.

      VIDIOB: Tae-e Gaosib ǀHû-omi tawa ra ī? (2:12)

      • Tae-e du go ǀhû-omi tawa mû hîna Koloseǁîn 3:​16 ǀkha ra ǃgûǀhao-e?

      • Vidiob tamas ka io ai-īsib ǃnâ du go, tae-e mû, ǀhaodi ǃnâ go mâǂoaba du-e?

      Khomai re 2 Korinteǁîn 9:7 sa. Tsî ǃnāka hâ dîsa ǃhoaǃgao re:

      • Tae-i ǃaroman Jehovab di ǃoaba-aona, ǁîn ǀhaodi tawa mari-e ao tama?

      Sado ra Elobmîsa ǁkhāǁkhā khoe-e, saora wekheb ǃnâ nî dīhe ǀhaos xūna dî re.

      • Mâ ǃâb ǀhaos diba sado ra mâǂoaba?

      ǂAn i du go i?

      Mâǁae tsî mâǃkhaigu ai da ra ǃoabasa du ge jw.orgs ai a hōǁkhā.

      ǀHaoǀhaosa ai-īsib: ǀHaos tsoatsoas aiǃâ, tsî ǀhaos ra dīhe ǁaeb ai tsî ǀhaos khaoǃgâ. Nē ǃâgu ge ra ǁgauhe A sa xu D kōse. A. Aore ǃgâsab ge ǃhoasa ra mā ǀhaos tawa. B. Tare ǃgâsas ge ǃereamsa ǀhaos tawa ra mā. C. Aore ǃgâsab ge omaris khoen ǀkha ra ǃhoa, ǀhaos ǀams ai. D. Aore ǃgâsab ge kaira aoba deursa ra ǁkhaowa-amba, ǀhaosa ǃoa go hâba.

      1. Sida ǀhaodi tawan ge ǃhoadi, ǃnâdi tsî vidion tsîna ra ǁgauhe. ǀHaodi tsoatsoas tsî ǀams ai da ge ǁnae tsî ra ǀgore

      2. ǀNî ǃâgu ǃnân ge ǃgâsana ǃereamdi ǀkha ra omkhâigu

      3. Hoa khoen ge a ǁkhausa, ǀaokhoen, ǃgamme taman, kairan tsî ǀgôan tsîna

      4. Sida ǀhaodi tawa da ge marina ao tama

      5. ǁGuiǂgāsensa du ge ǂhâ hâ ǀhaode hâǃnâs ǃaroma

      Jesub di omaris di aiǁgaus xa ǂâi re. Kurib hoaba ra hâ ǀhaode hâǃnâs ǃgaon ge 100 km ga gere ǃgû. Nē ǃgûs ge ǂgui tsēde gere ū ǃhomgu ǃnâ-ū Nasaretsa xu Jerusalems kōse. Khomai re Lukab 2:​39-​42 sa. Tsî ǃnāka hâ dîde ǃhoaǃgao re:

      • ǂAi i du ra, nē ǃgûs Jerusalemsa ǃoas ge ǁguiǂgāsensa ǂhâ hâ isa?

      • Tae-i ǃaroma ta ǁguiǂgāsensa ǂhâ hâ ǀhaode hâǃnâs ǃaroma?

      • ǂAi i du ra, ǀhaode ǃoa īs a ǂhâǂhâsa di? Tsî tae-i ǃaroma?

      ǀHaoǀhaosa ai-īsib: Joseb, Maria, Jesub tsî ǁîb ǃgân ge ǃgûs ǃaroma ra aiǂhomisen. 1. Joseb ge xūna donkib ai ra ǃnao. Tsî Marias ge ǂûna ra ǀhaoǀhao. 2. Daob Nasaretsa xu Jerusalems ǃoa garub.

      Elobmîs ge ra mî ǀhaodi kaise a ǂhâǂhâsa ǃkhaisa. Khomai re Hebreǁîn 10:​24, 25 sa. Tsî ǃnāka hâ dîsa ǃhoaǃgao re:

      • Tae-i ǃaroma du hoaǁae ǀhaode nî hâǃnâ?

      MATI DU NÎ ǃEREAM KHOE-I GA MÎ O: “ǀHaodi ǀkha īs ge ǂhâbasa tama hâ. Elobmîsa ǁkhāǁkhāsens ge ǂâu hâ.”

      • Mâ xoas tamas ka io Elobmîs aiǁgausa Jehovab sida xu tae-e ra ǃâubasensa ra ǁgau?

      ǃKHŌǀHAOS

      ǀHaode hâǃnâs ge nî hui du, î du Jehovaba ǂan. Tsî nau khoen ǀkha du ūhâ ǀhōsagusisa ǀgaiǀgai.

      ǁKhāǁkhāsen du go xūna ǂâiǃgâs

      • Tae-i ǃaromab Jehovaba ra ǂkhâǃnâ du, ǀhaode hâǃnâsa?

      • Jehovab di ǃoaba-aon di ǀhaodi tawa du, tae-e nî ǁkhāǁkhāsen?

      • ǂÂi i du ra, nē ǀhaodi nî hui du ti?

      Sadu nî dī xū-i

      ÔAǃNÂ

      ǀHaode hâǃnâsa du ga ǃao o, o du tae-e nî dī? Khomai re, matib ge ti gere tsâ khoeba, ǀhaode a ǀnam tsoatsoa ǀgausa.

      Tawede-em ge ǀgausam ge ǀuru tide (4:16)

      Kō re, matib ǂkhamkhoeba ǀhaodi ai ra ǃgâiaǂgao ǀgausa. Tsî tae-eb ge dīsa hoaǁae ǀhaode hâǃnâsa.

      Tita ge kaise ǀhaodi xa a ǃgâibahe. (4:33)

      ǁKhāǁkhāsen re, matin nau khoena ra tsâ ǀgausa ǀhaode hâǃnâsa.

      “Tae-i ǃaroma du ǀhaode nî hâ ǃnâ?” (Internets ai hâ ǁkhāǁkhādi)

      Khomai re, matib ge ǁorexa ǂkhamkhoeba, ǁîb ûiba a ǀkharaǀkhara ǀgausa ǀhaodeb ge hâǃnâ tsoatsoa o.

      “Ti ǃapub ose ta ge ge ǃgûmâ tama hâ i” (ǃKhē xu ǂgō-ommi Julib 1, 2014)

  • Elob Gaosib ge nēsi ra ǂgaeǂgui!
    ǀAmosib kōse ǃgâiaǂgao re—ǃgâi Elobmîs ǃhoaǀhaodi

    • 5. ǃHūbaib ge ge ǀkharaǀkharasen 1914ǁî kuriba xu

      VIDIOBA ǀhuru re.

      VIDIOB: ǃHūbaib ge ge ǀkharaǀkharasen 1914ǁî kuriba xu (1:10)

      Jesub ge ǁîb ga Gao-ao kais khaoǃgâgu. ǃHūbaib mâsiga mati nî īsa ge mîmâi. Khomai re Lukab 21:9-11 sa. Tsî sao ra dîsa ǃhoaǃgao re:

      • Mâ mâsiga du ra mû, tamas ka io ǁîgu xa ǁnâu hâ?

      Apostel Paulub ge ge ǁguiǃā khoen mati nî īsa. ǀUni tsēdi ǃnâ, khoen ǂgaeǂguis ǃnāka. Khomai re 2 Timoteub 3:1-5 sa. Tsî sao ra dîsa ǃhoaǃgao re:

      • Mâ ǀgauga du khoen ǃnâ nētsē ra mû?

      ǀHaoǀhaosa ai-īsigu: Xūn hîna ǀuni tsēdi ǃnâ ra īn. 1. A Toro ǃkham-aogu ǂgaeǂgui-aob ge ǃomga ǀgapise ūhâse ǃgarise ra ǃhoa. 2. ǃHūǂgubib khaoǃgâ i ge khôa hâ omdi ǃâga ǃhūb ai ǁoe. 3. Soldagu di anikhunidi. 4. Maskerde ǂnûi hâ khoen ge ǃauga ra ǃgû mâ. 5. New Yorki ǃnâ kha ge Twin Tower omga mâ ra ǂhubiǂui. 6. Khoeb ge drugsna ra sîsenū. 7. Aob ge ǁîb ǁoaba ūkhâi tsî ǁîb taras ai ra ǃau. 8. ǃKharagagu drugs an tsî xûin. 9. ǀGam khoera ge anaǂui tsî fotosa ra ǃkhō. 10. DJ ra khoeb ge konserts ai khoena musik-e ra ǀhuruba. 11. Khoeb ge ǀaeba ūhâ botola ra ǂnôa.

      6. Elob Gaosib ǂgaeǂguis ge nî ǂkhâǃnâ du

      Khomai re Mateub 24:3, 14 sa. Tsî sao ra dîde ǃhoaǃgao re:

      • Mâ ǂhâǂhâsa sîsenna ra ǁgau. Elob Gaosib nēsi ra ǂgaeǂguisa?

      • Mati du ǃâ-e, nē sîsenni ǃnâ a ūhâ ǁkhā?

      Elob Gaosib ge nēsi ra ǂgaeǂgui. Tsî ǃhūbaib hoabab nî ǂgaeǂgui tsēs ge go ǀgū. Khomai re Hebreǁîn 10:24, 25 sa. Tsî sao ra dîsa ǃhoaǃgao re:

      • Tae-e i mâ khoe-i hoa-e nî dī. “Tsēs ra ǀgū ǃkhaisa i ra mû” khami?

      ǀHaoǀhaosa ai-īsikha: 1. Elobmîsa ra ǁkhāǁkhāsen khoes ge Jehovab di ǃoaba-aon ǀhaosa ra hâǃnâ. 2. ǁÎs ge ǀhao-ūs go khoesa ra aoǁnâba.

      Khoe-i ûiba a sâu ǁkhā xū-i xa du ga. ǁKhāǁkhāsen o tae-e du nî ǁgarihe dīsa?