Sida aoǁnâ sîsen ǀgauba ǃgâiǃgâis​—ǀKharaǀkharana ǁgau tama khoe-i Elobmîs ǁkhāǁkhāsa ǀam kais

TAE-I ǃAROMA-I A ǂHÂǂHÂSA: Khoen ge Jehovab ǀonsa nî ǂgai sâuhes ǃaroma. (Rom. 10:13, 14) Xawe mâ khoe-i hoa-i hîna Elobmîsa ra ǁkhāǁkhāsen i ge Jehovab ǁgaragu ǃoagu ûi tama hâ. Sada ǁaeba da ge ǃgâi ǀgaub ǃnâ ra sîsen-ū ǂgao aoǁnâ sîsenni ǃnâ, ǁnān hîna ǁîn ûiga ra ǀkharaǀkhara ǂgaon Jehovaba ǂkhîǂkhîs ǃaroman ǃgao. Elobmîsa ra ǁkhāǁkhāsen khoe-i ga ǁae-i khaoǃgâ ǀkharaǀkharana dī tama io, o da ge ra aiǃgû ǁnān hînab Jehovaba ǁîb tsî ǁîb ǀapeǂhumisa ǃoa ra ǂgaena ôas ǃnâ. (Jhn. 6:44) Xawe i ga nē khoe-e “ǀamo ûiba ǃoa ǃkhōǂuibasenhe hân” mâsiba ǁgau o, o da ge ǂkhîb ǀkhā ǁkhawa ra hui nî.​—ǃNǃkh. 13:48.

NĒS NÎ DĪHE ǀGAUS:

• Koa re khoe-e Elobmîs amaba i ra ǂan ǂgao ǃkhais ǃaroma.​—1Tim. 2:4

• ǂHâǂhâsasib ǁkhāǁkhāsen i ra xūna ûiǂuis diba mûǂân kai i re.​—Luk. 6:46-49

• Jesub di ǂkhōs ǃkhom tsoro-aob dis xa ǃgâi ǀgaub ǃnâ ǃhoa-ū i re tsî ǁnāpaxū dî i re tae-i ǁî-e ra ǃkhō-oasa.​—Mat. 13:18-23

• ǃGâi ǀgaub ǃnâ mî ǃgāǃgāba i re tae-i ǃaroma du ǁî-i Elobmîs ǁkhāǁkhāsa ra ǀûsa

• ǁÎ-e mîba re ǁaeba xu ǁaeb ǀkhā du sari tsî ǁî-e nî tawedesa ǂkhâǃnâs ǃaroma tsî i ǁkhawa i ga ǂhâba o, o Elobmîs ǁkhāǁkhās ǀkhā a aiǃgû ǁkhāsa

VIDIOBA KŌ TSÎ SAO RA DÎDE ǃEREAM RE:

• Khoe-i hîna aiǃgû-e ǁî-i Elobmîs ǁkhāǁkhās ǃnâ dī tama-i ǁgamǀhaos aiǁgaus xa da go tae-e ǁkhāǁkhāsen?

• Mati i aoǁnâ-ao-e Elobmîsa ra ǁkhāǁkhāsen khoe-e a mûǂan kai ǁkhā ǁî-i ǀkharaǀkharana nî dīsa?

• Mati i ge aoǁnâ-ao-e dao-amsa ǃgôaxa ǃnâs ǃaroma ǁkhowa amsase ǁnāxū?