Sida tsūkeǃgâb sîsenni

8:1-4; 9:7

Xristeǁîn ge ǀgam ǃoaba ra ūhâ—ǂgurose ‘ǃoabas ǂkhîbagus dis’ tamas ka io sida aoǁnâ sîsenni tsî ǀgamǁîse ‘tsūkeǃgâb sîsenni’, nēs ge ǂhâsib ǃnâ hâ ǃgâsan huisa ǃkhōǂgā hâ. (2Kor. 5:18-20; 8:4) ǁNās ǀkha î ge sida ǃgâsan hîna ǂhâsib ǃnâ hâna huisa a sida ǃanu ǃoabas di ǃâ. Nēs ǃnâ ǁhaos ǃnâ-ū da ge

• sida ǃgâsan di ǂhâsiga ra kōǃgâ.​—2Kor. 9:12

• amab ǃnâ ǃkhai hâ ǃgâsana ra hui în gagasi ǁaxasigu ǃnâ ǁhao tsoatsoa. Nēs ge aoǁnâ sîsenni ǃnâ ǁhaosa ǃkhōǂgā hâ, Jehovaba i ǃgôaǃgâsiba ra ǁgau amaga.​—2Kor. 9:12

• Jehovaba ǂkhaisiba ra mā. (2Kor. 9:13) Tsūkeǃgâb sîsenni ǃnâ-ū da ge hoa khoena ra aoǁnâba, nēs ge Jehovab di ǀHûǀguitimî-aon xa ǃgâi tama xūna ra ǃhoa khoen tsîna ǃkhōǂgā hâ