ǁNaeǁgaudi sida xristeǁî ûib tsî aoǁnâ sîsenni sîsen ǂkhanib
JANUARIB 4-10
ELOBMÎSA XU HA ǂÛǂÛSA MÎDI | LEVITIKUS 18-19
“Gagasise ǃanuse hâ re”
ǁGâuab di ǃâitsâga xu da a ǁkhaubasen ǁkhā ǀgaus
Jehovab ge Israelǁîn ǂnamipe ge hâ i khoen gere dī xūn xa ge ǃhoa tsî ǁîna ge mîba: “Tsî Kanaanǃhūb, ǁîb ǃoa ta nî ūsī dub di sîsengu ǃoa du ge dī tide. . . ǃHūb a ǃanuoǃnâ tsî tita ge ǂhanuoǃnâsib ǃaroma nî ǁkharani.” ǃAnu Elob Israelǁîn dib ǃoagu î ge Kanaanǁîn di ûiǀgauba kaise ge ǁgai i, ǁîn ǃās ge ǁnā ǀgaub xa a tsâǀkhāhes kōse.—Lev. 18:3, 25.
w17-E 02 20 ¶13
Jehovab ge ǁîb khoena ra daoǁgau
13 ǂGomǂgomsa gaogu ge ǁîgu ǂnamipe ge hâ i gao-aogu, khami ge i tama hâ i, hîna ge khoesi ga-aisib ai gere ǂgomǃgâ ga. Kanaanǁîn di ǂgaeǂgui-aogu ge ûi-ûixa xūna gere dī. Aiǁgause ǀaokhoen ǁaegu hâ ǁgoe-ūgus, aoregu ǀkha ra ǁgoegu tsî tare khoedi ǀkhā ra ǁgoedi, xamanin ǀkha ra ǁgoen, ǀgôana ra ǁguiban tsî ǁgôatsuiǁgoa elona ra ǃoabana. (Lev. 18:6, 21-25) Babilon tsî Egipteǁî ǂaeǂgui-aogu ge Elob ge Israelǁaesa mâ daoǁgaude, ǃanusib xa hâna ge sao-ai tama hâ-i. (Num. 19:13) Elob khoen ge ge mû mati gu ge, ǂgomǂgomsa ǂgaeǂgui-aoga gagasi tsî sorosi ǃanusiba gere ǂkhâǃnâsa. Nēs ge ge ǃgāsa i, Jehovab gere ǂgaeǂgui nîsa.
w14-E 7/1 7 ¶2
Elob ǁgai xūn ǃoagu nî dī xūn
O ǁnān hîna ǂanapegase ǁnâuǀnamoǃnâ tsî ǁgai xūna dīs xa a ǃgâibahen? ǁÎb mîmâis xa ǂâiǃgâ re: “ǂHanu-ain ge ǃhūb ǃnâ nîra ǁan, tsî ǂhauǃnân ge ǁîb ǃnâ nîra hâǃgau; xawe eloxoresan ge ǃhūba xu nîra ǃhūǃnomahe, tsî îǂhôaoǃnân ge ǁîba xu nîra tsubuǂuihe” (ǂKhm. 2:21, 22) Eloxoresan di ǂgaeǂkhabus ge nî ǀkhai. ǂKhîba ūhâ mâsib tsî ǁnâuǀnamxa khoen ǀoasa kurusa ūhâ taman ge, ǀumin ge ǁōreba xu nî orehe.—Rom. 6:17, 18; 8:21.
Elobmîsa xu ha ǂûǂûsa mîdi
w06-E 6/15 22 ¶11
“Mati kōse ta sadu ǂhanuba ǀnam”
11 Moseb ǀgamǁî ǂhanub ge ra ǁgau Elob khoena ra tsabasa. ǁÎn ge ǃhorob gere ǃgaohe o ge ǃgau xūna sākhaisa ge mâ-amhe hâ-i. Jehovab ge ǃnās hoasa nēsa, ǃgaos ǁaeb ai gere hōhōǃnâ nî. ǂHâsib ǃnâ hân ge sîsen aoga xu ra ǁnā ǃhoroba ūkhaisa ge mā-amhe. ǃKhana ǂgā-aogu ge hoa ǂaun (druiwen) tamas ka io ǀkherahaisǂun (olives) ǁîgu ǃgau hâna xū tā ǀhaoǀhao tsî nî ūkhai. ǃHana ǃgao-aob ga ǁîb ǃgaos ǃnâ ǃgaeǀkhasa ǀuru o, ob ge oaǀkhī tide, ǁî-e ha ūs ǃaroma. Nēs ge ge ǀnami di ǁgauǁgau-i ǀgâsan, ǃhaokhoen, ǃoaǀgôan tsi ǃoataradi ǃaroma. Nē ǃhana ǃgaos ǃnâ ra ǃgau xūna ūkhais ge kaise ge ǃgom-i, xawe i ge ǁîna ǀkhopemāsa xu gere huiǂui.—Lev. 19:9, 10; Deu. 24:19-22; Psa. 37:25.
JANUARIB 11-17
ELOBMÎSA XU HA ǂÛǂÛSA MÎDI | LEVITIKUS 20-21
“Jehovab ge ǁîb khoena ra ǁhûiǂui”
w04-E 10/15 11 ¶12
Paradais—sadu ǃgao?
12 ǀNî xūn ge hâ, kōǃkharu ǁoa da ana. Elob ge Israeǁîna ge mîba: “ǂgâ, î du ǀumi ǁnā ǃhūb, ǁîb ǃoa du gauba, ǀumi bi du nîga.” (Deu. 11:8) Levitikus 20:22, 24 ǃnâs tsîna i ge ǁkhā ǃhūbaib xa ǃhoahe hâ: “ǃKhōǀgaipe ǁnâi ti ǂnûiǂgādi hoade tsî ti ǂhanugu hoaga, î du ǁîna dī; îb ǁnā ǃhūb, ǁîb ǃnâ ta nî ūsī duba tā ǂaraǂui du. Tsî tita ge sadu ǃoa ge mî: Sadu ge ǁîn di ǃhūba ǀumise nî ūhâ, tsî tita ge ǁîba sado nî mā, ǀumise du ǁîba nî ūhâga, ǃhūb daib tsî danib tsîkha ra dâuǃnâba. Tita ge ǃKhūta, sadu di Elota, ǁaede xu ge khai du ta.” Nē mîmâisa ǃhūbaiba ǀumis ge ǃgâi ǀhosagusisa Jehova Elob ǀkha ūhâs ǃnâ-ū gere hō-e .Israelǁîn di ǁnauǀamoǃnâsib ǃaromab ge Eloba ge mā-am în Babilonǁîna ǃkhōsis ǃnâ-ū nî tsî nēs ǀkhān ge ǁîn ǃhūba ge ǂoaǃnâ.
it-1-E 1199
ǀumis
ǁŌ ǂoa go khoe-i di ommi hîna nau ǀaokhoe-e ǀumis ase ra mahe i ge nî ai-ǃgû. Hebre mîs sîsenuheras ge a·na chalʹ. (na·chalahʹ). Nēs ge ǀumisa hōs tamas ka io māsa ǃkhōǂāhâ. Khoe-i ga khaosi hā xawe. (Num. 26:55; Ese. 46:18) Ya·rash dihâ mîs ge ‘ǀumis’ tamas ka io xu-i ǃâ-e, ‘ǀumisa’ xu hōs tira ǂâibasen. (Gen. 15:3; Lev. 20:24) ‘Doeǂuis’ ge toroǃkhams ǃnâ dans dis tsîna ra ǂâibasen. (Deu. 2:12; 31:3) Greekeǁî mîs ǀumixū i ǀkhā dîxu-e ūhâs kle’ros dihâs ge ra ǂâibasen, tsoatsoasa xu “ǂnōgus” tamas ka io lot di. Xawes ge ega ‘ǀoragus’ tsî “ǀumîs” ase ge ǂanǂûihe.—Mat. 27:35; ǃNǃkh. 1:17; 26:18.
it-1-E 317 ¶2
Anidi
Kai ǁGammi dâus khaoǃgâb ge Noaxa ǃanu “ani-i hoa-i” tsî nau ǀgurun tsîna ǁguibas ǃgao ge ai-ǂhomi. (Gen. 8:18-20) ǁNās khaoǃâb ge Eloba ge mā-am în anina ǂûhe, xawe ǁîn ǀaob ose. (Gen. 9:1-4; ǀgopeǁnō Lev. 7:26; 17:13) ǀNî ‘ǃanu’ anin ge ǁguibas ase gere ûǃoahe. Elobmîs gera ǁgau ǁîn ge ǂûn ase sîsenūhesa. Anin ge ǃanuoǃnâ tama ge hâ-i, Moseb ǂanub ge tsaotsoas aiǃgâ. (Lev. 11:13-19, 46, 47; 20:25; Deu. 14:11-20) Elobmîs ǃnâ i ge ǃgāsase mîhe tama hâ mâ, anin ge ‘ǃanuoǃnâ-īsa’. Hoa anin ǃanuoǃnân ǃnâga ra ǁnān ge ǂâibasen tama hâ ǁganen ra ǂû di. (HOOPOE di hâ ǃâba mû re ) Nēs ge Moseb di ǀasa ǃaeǀhaos ge ǂnûiǂgahe o, o Petrub di ǁhapos ǃnâ ge ǃgāsa kaihe.—ǃNǃkh. 10:9-15.
ǀŌ-aisa gagasi xūn
it-1-E 563
ǃGaosens
Elob ǂhanub ge ge mā-am tama hâ-i, ǁō hâ khoen ǃaroma ǃgaosensa. (Lev. 19:28; 21:5; Deu. 14:1) Israelǁaes khoen ge Jehovab ǃanu ǁae-i amaga. (Deu. 14:2) ǁNā-amgas ge Isreaǁaes hoasa ǁgôa-elona xu nî ǂgōsen. ǁŌ hân ǃaroma kaise ǃoa tsî aitsama ǃgaosens ge ǂhanu tama ge hâ-i. ǁŌ hân mâsib tsî khais di ǃaubasensan ǃamkuse ǂan-i amaga. (Dan. 12:13; Heb. 11:18) Aitsama sa sorosa tsûtsûsen tsî ǃâ-e ǃgaoǁnās ge, Israelǁeasa ge buruxaba tama hâ-i. Jehovab kurus tsî khoesi sorosan ge ǃgôasiba ūba hâ-i amaga.
JANUARIB 18-24
ELOBMÎSA XU HÂ ǂÛǂÛSA MÎDI | LEVITIKUS 22-23
“Sada ǃaroma ǂâibasensa ūhâ ǁâudīb ǁaeb”
it-1-E 826-827
ǁÂudīgu ǀkhuruoǃnâ amperegu dis
ǂGuro tsēs ǁâudīgu ǀkhuruoǃnâ amperegu dis ǀhaodi ge kaise ge ǃôasa-i. Sâ tsēs tsîna ge is ge. ǀGamǁî tsēs Nisan 16 ai i ge ǃhoroba ǂgurosaben ase gere ǀhaoǀhaohe. Palestines ǃnâ ge ǂgurose ǃgaohe ǃhorob ge Pristerga gere mâ-e. Nē ǁâudigu ais-ai i ge ǀasa ǃkhomm-i, pere-i tamas ka io amsa ǃkhomma ǂûsa ge mâ-amhe tama hâ-i. Jehovaba ǃoa gere dīhe ǂgurosaben ǁguibadi ge pristergu xa gere gongonhe. ǀGui kurixa ǁkhaob, oli-i tsî āǁguibadi ge ǂguro kurib ǃnâ ǁguibase gere mâhe. (Lev. 23:6-14) Altars ai ǃhorob tamas ka io tsampereba khaus ge mîmā-e tama ge hâ i, xawe Pristergu xa gere dīhe. Hoa khoen a ǂanse ǀgui-i ge ǂgurosaben ǁguibade ge dīhe tama hâ-i, xawe i ge Israeli ǀumîsa ge ūhâ-i omaris hoas tsî mâ-khoe-i hoa-i ǃgao xūna ge mâsa-i în gangan ǁguibade dī.—Eks. 23:19; Deu. 26:1, 2; FIRSTFRUITS di hâ ǃâba mû re.
ǂHaǂhâsasib. ǀKhuruoǃnâ pere-e ǂûs ge Jehovab ge Moseba mâ ǂhanub ǀkha ge ǀguiǃnâ xa-i. Eksodus 12:14-20 ǃnâ i xoasa khama. Nē mîmās ge 19ǁî ǁaraǃās ǃnâ hâ: “Hû tsēdi kōse a-i ǀkhuruǀkhurupere-i xare-e tā hōhe omgu ǃnâ” Deuteronomium 16:3 ǃnâ i ge ǀkhuruoǃnâ pere-e ‘ǀkhomǀkhomsasib di pereb’ ase ǂânsa. Nēs ge Jodeǁîna kurib hoaba gere ǂâiǂâi matin ge, ǃnoesase Egipteba xu ǂoa ūhe ǀgausa. (ǀÂpereban nî ǀkhuruǀkhuru ǁae-e ūhâ tamase) [Eks. 12:34]. Nēs ǀkhan ge ǀkhoman ge Jehovab xa ǁgau-e tsî Egipteǁîn ǃgāsisa xu orehe ǀgausa gere ǂâihō. Jehovab ge aitsama ge mî “ǂÂi du re ǁnā tsēs, ǁîs ai du ge Egipteb ǃgāsis di omma xu ǃgûǂoas xa, ǃKhūb ge sado ǀgaisa ǃommi ǀkha ǁnāpa xu ǂgaeǂguiǂui xuige.” ǁÎn gere hōǃâ ǃnorasasib tsî Jehovab ge ǁîna mati ǃhaos ase ore ǀgausa mûǂans ge, kurib haoban ge ūhâ-i ǃnona kaitsēdi Israelǁaes gere dīdi ǃnâ gere mûhe.—Deu. 16:16.
it-2-E 598 ¶2
Pinkstertsēs
#Guro ǃgao-e gere ǃhommi ge ǃhorob ǂgurosaben diba xu ǃkharagaguse gere sîsenūhe. ǀGam disiǁî ǃâra ūhâ tsaura tsampereb ǀkha (4.4 L ǂnâsa qt) ǀKhuruǀkhuruhe tama ǀgam perekha ǀkha nî amhe. ǁÎn di ‘ǁanǃkhai-e xun’ ge nî ha-ū. ǂÂibasens ge i i perega tsēkorobe ra omms ai dīhe khami-i tsî tā ǃanu ǃoabas ǃnâ gere sîsenūhe peren khami mûsen. (Lev. 23:17) Khauǁguibadi tsî ǁore ǁguibadi tsîn ge nēn ǀkha ǀguiba gere dīhe, ganganǁguibas ase ǁkhaogu tamas ka io, ǂkham ǁgōba. Pristergu ge pereb tsî ǁkhaorob tsîna Jehovab ais-ai gere gongon, ǁîgu ǃomkha xūn ǃaga ǁgui hâse. Nēs ge Jehovaba ira dība hesa gere ǁgau. Pere-i tsî ǁkhaogu tsîn gere ǁguibahe toas kauǃgâ i ge Pristerga ǁoreǁguibase gere ǂû.—Lev. 23:18-20.
w14-E 5/15 29 ¶11
Jehovab ǀapeǂhomis ǀkha du ǀguiba ra ǃgû?
11 Jehovab ǀapeǂhomis ge sida ǃgâiba ra ǂâiba. Apostel Paulub di ǀapemâsa sao di tara mîbahe o: “Î da kōǃgâ ǀnammi tsî ǃgâi sîsengu hōhōǃnâgu ǃoa, î da tā sada ǀhûsa ǀûǀkhā, ǀnîn ǁnaetiba ūhâ khami, î da ǁnamagu, î da ǁîsa ǃnāsase dī, tsēs ra ǀgū ǃkhaisa du ra mû xuige.” (Heb. 10:24, 25) Kurib hoaba gere dīhe ǁâudīgu tsî ǃoabas ǃgao gere dīhe ǀhaodi ge Israelǁaesa gagasise gere omkhâi. Nē ǀō-aisa ǀhaodi ǁHaogu kaitsēs Nehemiab tsēdi ǃnâ, ge hâ-i di ge kaise ge ǂkhîsa-i. (Eks. 23:15, 16; Neh. 8:9-18) Sida tsîn ge ǁkhā ǃgâiba ǀhaohâb, ǀkharib tsî kai ǀhaode xu ra hō. Nē ǀhaode da ge nî hâǃnâ sida ǂûrusib tsî ǂkhîba i ra ǂâibasen amaga.—Tit. 2:2.
ǀŌ-aisa gagasi xūn
ǂHauǃnâse hâ ǀgara re
3 Elob khoen ase i ga sada ǃoa ǁnaeǁgau o, ob ge ǂhauǃnâsiba ra ǂâibasen hoaraga ǂgaob ǀkha ǀnams tsî khôahe ǁoa ǂgomǃgâsiba Jehovab ǃnâ ūhâsa. Nēs ge nî huida ǁîb ǂâisa sada mîmâidi ǃnâ ǂgurose mâisa. ǀNî hâ khaoǃhūga kō re. ǀGui ǁguiǃās Elobmîs dis “ǂhauǃnâsib” dis ge ǀoasa tamas ka io ǀguiǃgupu di ra ǂâibasen. Aiǁgause Israelǁaes ge ǁguibana Jehovaba gere ǁguiba o, o i ge ǁgaraga gere ǂgaoǀkhā ni în ǀoasa xamani-e ǁguiba. (Lev. 22:21, 22) Elob khoen ge ǃhora hâ xamanin hîna ǀnūb, ǂgaes tamas ka io mûsa ūhâ tamana ge ǁguiba tama hâ-i. Jehovaba i ge kaise ge ǂhâǂhâsaba i ǀoasa xamani-i nî ǁguibahesa. (Mal. 1:6-9) ǁNās ǀkha da ge a ǁnâuǃā ǁkhā Jehovab tae-i ǃaroma ǀoasasiba ra ǃgôaǃgâsa. Xū-e du ga ǁama o, hai ǂû-i kas, ǂkhani-i kas tamas ka io kuru-ū xū i kas, o du ge ǂhâba hâ î-i ǁnā xū-e tā khôa, ā-e ūhâ tamas ka io ǃâ-e ǀkhai. ǁNā xū-i nî ǂurusa du ge ǂhâba hâ. Jehovab ge di ra tsâ ǁîb ǃoa-ai du ūhâ ǀnammi tsî ǂgomǃgâsib tawa i ra ǀkhī o. Nēs ge nî ǂnao o tamas ka io nî ǀoasa i.
JANUARIB 25-31
ELOBMÎSA XU HÂ ǂÛǂÛSA MÎDI | LEVITIKUS 24-25
“Dâkurib tsî hā nî ǃnorasasib”
it-1-E 871
ǃNorasasib
ǃNorasasib Elob. Jehovab ge a ǃnorasasib di Elo. Israelǁaesab ge Egipteb di ǃgāsisa xu ge ore. ǁÎnab ge ge mîba, ǁÎb di domman ga ǁnâuǀnamo, on ge ǂhâban hâ ǃnorasasiba nî hō. (Deu. 15:4, 5) Davib ge “ǂkhîb” Jerusalems ommi dib xa gere ǃoa. (Psa. 122:6, 7) Khoe-i ga kaise ǀgâsa o, ob ge ǂhanuba gere mā-am i-i khoe-e ǃgāse ǁamaxūsen tsî ǁî-i omarisa ǂûma. ǃNorasasib ge Hebreǁîna gere mā-e hûǁî kurib ǃnâb ge ǃnora hâse nî ǃgûǂoa. (Eks. 21:2) Dâkurib (korodisiǁî kurib hoaba gere hâb) ǃnâ i ge ǃhūb ǃnâ ǁan hân hoana ǃnorasasiba gere hō. Mâ Hebreǁî ǃgāb hoab ge orehe tsî ǁîb ǃhūba ǃoa gere oa.—Lev. 25:10-19.
it-1-E 1200 ¶2
ǀUmis
Nē ǃhūdi ge ǁamaxū-e tama hâ-i, amaga i ge suribaxū surib ǀkha gere ǀumihe. ǃHūb gere ǁamaxū-e ǀgaub ge, matikōse i ra ǂû tanis ai ge ǃgaoǃgaosa-i. ǁAmaxū maris ge matikō kurin dâkurib xa ǃgau hâs ai gere kōhe. ǁNāǁaeb ai i ge mâ-i hoa-e ǁî-i di xūna gere hō-oa, ǁamaxūhe tama i ga ra io. (Lev. 25:13, 15, 23, 24) Nē aiǂhanub ge mirga ūhâ tama hâ ǃādi tsîna ge ǃkhō ǂgā hâ-i hîna ge ǂāpa-i ga. Omǂanamsa mirga ūhâ omsa ǁamas di aiǂhanub ge, ǀgui kuriba ǁamaxū-e nî saxu ǁamaxū ra i ǀkhā nî hâ, tsî ǁnāpa xū ra ǁama go khoe-i di kai. Leviǁîn di ǃādi ǃnâ i ge omdi ǁamasa toa tama ge hâ-i, ǁîn ge ǃhū-e ǀumi tama hâ-i amaga.—Lev. 25:29-34.
it-2-E 122-123
Dâkurib
Dâkurib ge ǁnâuǀnam-eb gere o, khoena nētsē da ra hōǃâ ǃgomaxū gere ore. Aiǁgausen ge ǀnî khoena kaise ǃkhū hâ ǀnîn kaise ǀgâsa hîna. Khoe-i hoa i gere hō ǃgâib ge hoa ǁaesa gere ǀgaiǀgaiǃnâ. Khoe-i ekonomib xa ǃaromahe hâse tā ǃgoma nî tsâsa. Hoa khoen ge ǁîn mādi tsî ǁkhasigu tsîna gere sîsenū, îs hoa ǁaesa ǁnāpa xu ǃgâiba hō. Jehovab ge ǃhūba ǀkhae tsî Israelǁaesa gere ǁkhāǁkhā. ǁÎn ga ǁnâuǀnam o, on ge ǃgâi ǂhanub tsî ǃkhūsib tsîna gere hōǃâ.—Jes. 33:22.
ǀŌ-aisa gagasi xūn
w09-E 9/1 22 ¶4
Tsûtsûhe du ga o
Israelǁaes khoe-i ga ǁî-i di horesa Israelǁaes khoe-i di mûsa ǂnauǂuio, ob ge ǂhanuba ǁkhā ǁkharaba gere mā-am. Tsûtsûhe go khoe-i tsî omaris khoen ge ǀkhaosa mā-amhe tama ge hâ-i. ǂHanub ge ǃgomsiba gere mûǂam—mâisa ǂhanuǂhanu-aoga—xūn ǃgâise nî ǃgû ga. Khoe-i hîna ǂanapegas ǃnâ nau-e ra tsûtsû-i ge, ǁkhā ǀgauba ǂâu hâ ǁkharaba gere hō. ǂGui xūn ge ge ǃkhōǂgāsa-i.
FEBRUARIB 1-7
ELOBMÎSA XU HÂ ǂÛǂÛSA MÎDI | LEVITIKUS 26-27
“Jehovab ǀkhaeba da nî ǃkhōǃoa ǀgaus”
w08-E 4/15 4 ¶8
“Ama-ai tama xūna” ǀhaobe ǀû re
8 Matib ǃkhūsiba elo-i, kama a ī-ǁkhā? Aiǁgause ǂâire ǀorokam Israelǁaes ǃhanab ǃnâ du ge ǀuisa go hō. ǁNā ǀuis ge oms tamas ka io mir-e oms ǃgao nî sîsenūhe. “ǂNûikhâihesa” xū-i tamas ka io îsa îsara xūn ge, Jehovab khoena gere ǃnôa kai. (Lev. 26:1) ǁNās ǁkhās xase i ge, mari-e ǁî-i ǃkhaisa nî ūhâ. ǁÎ-e da ge ǂhâhâ, ûi da nî ga tsî da ge Jehovab ǃoabas ǃnâs tsîna ǃamkuse nî sîsen. (Aoǁn. 7:12; Luk. 16:9) Xawe da ga mari-e ǂgurose sida Xristeǁi ûib xa mâi o, o i ge sada a eloba ǁkhā. (Khomai re 1Tim. 6:9, 10.) Nē ǃhūbaib ǃnâ i ge mari-e ūhâsa khoena kaise a ǂhâǂhâsaba. ǁNā-amaga da ge nî dītsâ i da ǀnōsa mûǂûiba mari-i xa ūhâ.—1Tim. 6:17-19.
it-1-E 223 ¶3
Buru
Jehovab ge Moseba sîsenū tsî gere hui ǀgaub xa, ǃaromahe hâseb ge Moseba buruxa xūna gere dī (Heb., moh·raʼʹ) Elob khoen aiǃâ. (Deu. 34:10, 12; Eks. 19:9) ǂGomsa ge ūhâ-i khoen ge Moseb ǂgaeǂguisa gere ǃgôa. ǁÎn ge gere mûǂan, Elob ge Moseb ǃnâ-ū ǃhoasa. Jehovab ǃanusib ge Israelǁîna kaise ge buruxaba-i. (Lev. 19:30; 26:2) Nēs ge ra ǂâibasen ǁîn ge kai ǃgôasiba ǃanusiba ūba hâ-isa. Tsîn ge Jehovab ǂgao hâ ǀgaub ǃnâ gere ǃoaba, ǁîb mîmādi hoade ra ǁnâuǀnamse.
w91-E 3/1 17 ¶10
Ab ‘Elob di ǂkhîba’ sadu ǂgaoga sâu
10 Jehovab ge ǁaesa gere mîba: “Ti ǂnûiǂgādi ǃnâ du ga tanisen tsî ti mîmāde ǃkhōǀgaipe tsî ǁîde dīo, o ta ge tita sado ǀapiga nî mā ǁîgu di ǁaeb ai; tsî ǃhūb ge ūǀkhīn âba nî mā, tsî haidi ǃaub didi ge ǁîdi di ǂûna nî mā. Tsî ta ge tita ǂkhîba nî mā ǃhūb ǃnâ, ǁomǁgoe du ge nî tsî khoe-i xare-i ǃhuriǃhuri du tide; tsî tita ge ǁaixa ǀguruna ǃhūba xu nî ǀû kai, tsî gôab ge sadu di ǃhūba ǃgûǃganu tide. Tsî tita ge sadu ǁaegu ǃgû tsî nî sadu Elose ī; tsî sadu ge tita ǁaese nî ība.” (Lev. 26:3, 4, 6, 12) Israelǁaes ge ǂkhîb, khākhoenaxū ǃnorasasiba ūhâs tsî Jehovab ǀkhā ǀgūǀhōsagusisa gere hōǃâ. Nēs ge ǁîn ga Jehovaba ǁnâuǀnam o, o gere ī.—Psa. 119:165.
ǀŌ-aisa gagasi xūn
it-2-E 617
ǀAeb mâsigu
Elob ǂhanuba ǁnâuǀnamoǃnâs xa ra ǃaromahe. Israeǁaes ge ge mîbahe, Elob di mîmāden ga ǁnâuǀnam tama io, ob ge ‘ǃKhūba ǂhīǁōba nîra ǂae-ai kai’ ǁîn ǁaegub ǃnâ. (Lev. 26:14-16, 23-25; Deu. 28:15, 21, 22) Xoadi ǃnâ da ge ra mû, ǂurusib ge gagasi tamas ka io sorosise Elob ǀkhaeb ǀkha ge ǃgaeǀhaosa-i (Deu. 7:12, 15; Psa. 103:1-3; ǂKhm. 3:1, 2, 7, 8; 4:21, 22; J.ǂHa. 21:1-4), xawe i ge ǀaeba ǁoreb tsî ǀoasa-oǃnâsib ǀkha ǃgaeǀhaosa. (Eks. 15:26; Deu. 28:58-61; Jes. 53:4, 5; Mat. 9:2-6, 12; Jhn. 5:14) Ama-i ge Jehovab ge ǀnî khoena aitsama ǃomamaxa tamas ka io khōb ǀaeb ǀkha ge ǁkharasa. Aiǁgause Miriams, Usiab tsî Gehasib. (Num. 12:10; 2Kro. 26:16-21; 2Gao. 5:25-27.) ǃNāsase i ge ǀaeb, khoe-i tamas ka io ǃhaos gere hōǃâ-e ǁîn di ǁoren xa gere ǃaromahe. ǁÎn ge tsoron gere i hoa-e gere ǃgaobasen; tsî nēs xa ǃaromahe hâse i ge ǁîn sorode ǃgoma gere tsâ. (Gal. 6:7, 8) ǁNān hîna ge ui-uisa ǀaiba gere dīn xab ge apostel Pauluba ge mî “ǁnā-amagab ge ǁkhāti Eloba ǁîna ǁîn ǂgaogu di turagu ǃnâ ge māǁnâ ǃanuoǃnâsib ǃoa, ǁîn di soroden nî ǁîn ǃnâ ǃgôa-o kaise.”—Rom. 1:24-27.
FEBRUARIB 8-14
ELOBMÎSA XU HÂ ǂÛǂÛSA MÎDI | NUMERI 1-2
“Jehovab ge ǁîb khoena ra kōǃgâ”
w94-E 12/1 9 ¶4
ǂHanu ǃoaba ǃkhais sida ûib ǃnâ
4 Aniro kai tsî du ga Israelǁaesa ǃgaroǃhūb ǃnâ mûhâ o, tae-e du ga mûhâ? Kai tsî ǃamkuse ǂnau maisa tentdi, ǂgui khoena ūhâdi ge ǃnona ǃhaodi ǃnâ ge ǀgora ǂgāsa-i, noordes, suides, oostes tsî westes ǁaegu. ǀGūse du ga kō, o du ge nau groepsa tents ǁaegu ra mû. Nē haka tentdi ge Leviǁîn di omaridi di ge-ī. ǁÎn ǁaegu i ge lapib ǀkha ǀgorasa ǃâba ge hâ-i. Nēs ge “tentoms ǀhûs disa” tamas ka io tabernakeli “gā-ai ǂgaob” ase ge ǂansa-i. Israelǁaes ge omsa, Jehovab mîmāsa ǃoa.—Num. 1:52, 53; 2:3, 10, 17, 18, 25; Eks. 35:10.
it-1-E 397 ¶4
Tentomdi
Israelǁaes di ǁgoeǃkhaib ge kaise ge kai-i. ǃGôab ge 603 550 ǃkhamaogu, taradi, ǀgôan kairan, ǃhoran, 22 000 Leviǁîn tsî “ǂgui ǃhaokhoena” ge ǃkhōǂgā hâ i. ǀNîsin ge ge 3 000 000 xa ǃnāsa-i. (Eks. 12:38, 44; Num. 3:21-34, 39) Matikō khoen nēti-i ǃkhaib ai nî hâs ge ge ǀūsa-i. Moab ǃaub di ǂādi ai, Jerixos aiǃâ i ge “Bet-Jesimotsa xu Abel-Sitims kōse” ge kai-i.—Num. 33:49.
ǀŌ-aisa gagasi xūn
it-2-E 764
ǃGôakhaidi
Xoa khai-e gere ǃgôab ge ǀons, ǃhaos tsî omdi hâ khama gere dīhe. Nēs ge danagu ǀguiga ǃgôas xa ǃnāsa-e ge ǃkhōǂgā hâ-i. Nē ǃgôakhais Elobmîs ǃnâ ra mîhes ge ǃkharagagu ǃaromadi ǃaroma gere dīhe. Aiǁgause suruden, toro ǃkham-aogu tsî (Leviǁîn) hîna ge ǃanub tawa ǁgaumâisa sîsene gere dīn ǃaroma.
FEBRUARIB 15-21
ELOBMÎSA XU HÂ ǂÛǂÛSA MÎDI | NUMERI 3-4
“Leviǁîn sîseni”
it-2-E 683 ¶3
Pristergu
ǂHanub ǃnāka hâ ǃgaeǀhaos. Israelǁaes ge Egipteb ǃnâ ǃgāse hâ-i o, ob ge Jehovaba ǂguroǃnaesabegu Israeli diga ge sau. ǁNās ǃnâ-ūb ge ǁîb ǀonsa ge ǃanuǃanu tsî Egipteǁîn di ǂguroǃnaesabena disiǁî tsûtsû-ais ǀkha ge ǃgam. (Eks. 12:29; Num. 3:13) Nē ǂguroǃnaesabegu ge ge Jehovab di-i. ǁÎb di ǀō-aisa ǃoabas ǃnâ gu nî sîsenūhese. Elob ge Israeli di ǂguroǃnaesabegu hoaga pristergu tsî ǃanub sîsen aogu-ase ga ǁgaumâi hâ-i. Xaweb ge Leviǁîna xu aorega ge ū, ǁîb ǂâis ǃoagu, ǃoabas ǃgao. Nēs ǃaromab ge ge mā-am i-i Leviǁîn di ǂguroǃnaesabega, disiǀgamǀa ǃhoadi ǀkha ǃkhōǃkhunihe (Josefi di ôagudi surib Efraimmi tsî Manaseb tsîn ge ǀgam ǃhao ra ase ge ǃgôahe). ǃGôakhais ge gere ǁgau 273 Leviǁî tama ǂguroǃnaesabegu, ǀgui ǁkhâb tsî ǃnāsa kurixa gu ge ge ǂgui-i. ǁNā-amgab ge Eloba ge mā-am goro ǀhaiǀurimarin (N$191.29) nî māhesa. Mâ 273 gu hoagu ǃgao nē maris ge Aronni tsî ǁîb ôaga gere mâhe. (Num. 3:11-16, 40-51) Nē ǀgaubab ge Jehovaba ǀnai Aronni omaris aore khoega ge dība hâ-i tsî pristersisa Leviǁîna ge mā.—Num. 1:1; 3:6-10.
it-2-E 241
Leviǁîn
Sîsenni. Leviǁîn ge ǃnona omaride xu ge kurusa-i, Levib ǀôagu Gersonni, Kehati tsî Merarib tsîga. (Gen. 46:11; 1Kro. 6:1, 16) Mâ omaris hoas ge ǃgaroǃhūb ǃnâ tabernakeli xōǀkhā ge ǁgaumâisa-i. ǃHaodi Kehati ôagu didi ge tabernakeli xōǀkhā oostes ai ge ǁgoe-i. Kehatǁîn ge suides ǀkhab ai gere hâ tsî Gersonǁîna westes ǀkhab ai, Merariǁîn ge noordes ǀkhab ai gere hâ. (Num. 3:23, 29, 35, 38) Tabernakela khôa, ǃamǁae tsî tani mâs ge ge Leviǁîn sîsenni. Does ǁaexa-i gere o, o i ge Aronni tsî ǁîb ôaga xordena ǃanub tsî hoan xa ǃanu xūn ǁaegu gere ǀgora. Tsî ǂgaes ǀhûǀguitimîs dis, altardi, ǀō-aisa xūn tsî xaban tsîna gere ǃgū-ai. Kehatǁîn ge nē xūna gere tani. Gersonǁîn ge tentoms ǀhûs dis, ǁîs di ǃgū-ais dao-ams tawa hâ xordengu. Tsî ǃgū-ais ai-ommi di dao-ams dis tabernakeli tawa hâs tsî altars ǂnamipe hâde. Tsî ǁîb di tsurigu ǃoabas âb hoasa anuba hâga gere tani. Merariǁîn ge ǂkhâǃnâhaigu ai-ommi ǂnamipeb digu tsî ǁîb ǂgāǀuridi di tsî ǁîb tsurigu tsîna gere mûǂam.—Num. 1:50, 51; 3:25, 26, 30, 31, 36, 37; 4:4-33; 7:5-9.
it-2-E 241
Leviǁîn
Moseb tsēdi ǃnâ gu ge Leviǁîga ǃnonadisi kurinaxū, ǃoabas di sîsenni tsî tanis sîsenna gere dī. (Num. 4:46-49) ǀNî sîsenni ge ǀgamdisikoroǀa kurina xu gere tsoatsoa. Xawe gu ge ǀgaisa sîsenna ge dī ǁoa-i, aiǁgause tabernakela tanis khama. (Num. 8:24) Gao-aob Davib ǁaeb ǃnâ i ge nē kurina ǀgamdisisa ǃoa ge ǀoroǀorohe. Davib ge mā, ǃaromas ge tabernakeli ge, tampeli ǀkha ge ǃkhōǃkhuni-e. Tsî tani māhesa ge ǂhâ tama hâ-i. Korodisi kurixab kao, ob ge ǂnoagus nē ǃoabas disa xu nî ǃnora. Tsîb ge ǃaruǀî ǃoaba tide. (Num. 8:25, 26; 1Kro. 23:24-26; AGE ti hâ ǃâba mû re.) Leviǁîn ge ǂhanuba ǃgâise nî ǂan. Khoen ais-ai khomaisa i ge ǂgaoǀkhā hâ-i amaga.—1Kro. 15:27; 2Kro. 5:12; 17:7-9; Neh. 8:7-9.
ǀŌ-aisa gagasi xūn
w06-E 8/1 23 ¶13
Gā-aise-i—Eloba ǃao
13 Davib ge ǃgomǁaegu ǃnâ Jehovab huiba hōǃâ ǃkhais ǃgaob ge ǁîb ǂgomǃgâsiba ge ǀgaiǀgaihe. (Psa. 31:22-24) ǃNona ǃnâdi ai-i ge Davib ǃaob Elobab ge ūba hâ-i ba ge ǂkhapu tsîb ge ǃgomma ge hōǃâ. ǂGuro ǃnâs aib ge Elob omma kunis ai ge ǃnao. Levîǁîn di ǃhōdi ais-ose, Elob ǂhanub ge ǂgaoǀkhā hâ-i khami. Usab, kunis ais-ai gere ǃgûb ge Elob ommi ge ǁnāǂgao o, ge ‘ǃkhō’ tsî ǁnāpa ge ǁō. Usab ge ge ǁore. Davib ge Elob ǂhanuba ǃgôasiba ǁgau tama hâ-i amagas ge nē ǁgai xū-i ge īsa. Eloba ǃaos ge ra ǂâibasen ǁîb ǂhanugu ǃoagu da hoa xūna ni dīsa.—2 Sam. 6:2-9; Num. 4:15; 7:9.
FEBRUARIB 22-28
ELOBMÎSA XU HÂ ǂÛǂÛSA MÎDI | NUMERI 5-6
“Nasireǁîna du mâti nî ǁgae?”
it-2-E 477
Nasireǁî
Khoe-i ga Nasireǁî-i mîmâisa mîmâi o, o i ge ǃnona xūna ge ǂkhāsa-i: (1) ǂAuxûiban ge tā nî ā tsî ǁîn ta kuru-ūhe xū-i hîa ora, ǁkhānsa, tamas ka io ǂnâǂnâhe hân tsî ǁî-i sap-e tā nî ā. Nēsi-i ga vars tamas ka io ǀkhuruǀkhuruhe xawe. (2) ǁÎn danas ǀûnan ge ǂkhom tide. (3) ǁŌ hâ-i di sorosan ge ǀgū tide, ǁgûb kas ǁgûs kas, ǁî-i di ǃgâsab kas, ǁî-i di ǃgâsas kas hoasa.—Num. 6:1-7.
ǀŌ-aisa mîmâidi. Khoe-i ga nē ǀō-aisa mîmâisa mîmâio, o i ge “ǂgomǂgomsase Jehovab ai nî hâ” tsî tā khoen xa mûhes ǃgao nî dī. Xawe “ǁÎ-i Nasireǁîsis tsēdi hoadi kōse i ge ǃKhūba a ǃanuba”—Num. 6:2, 8; ǀgopeǁnō re Gen. 49:26.
Nasireǁîn ǂgaoǀkhādi ge ǀō-aisa ǂâibasensa Jehovab ǃaobas ǃnâ ge ūhâ-i. ǀGapi pristeri ge ǁîb di ǃanu sîsenni xa ǃaromahe hâse ǁō hâ sorode tsāǀkhā tide. ǁNās ge Nasireǁîna ǃoas tsîna gere ǁnaeǁgau. ǀGapi pristeri tsî ǃnāka ǂnôa pristeri tsîn ge ge ǂkhāsa-i, ǂauxûib tsî ǀgaisa xûiba āsa, ǁîgu ge Jehovab ais-ai ǃanu sîsenga gere dī amaga.—Lev. 10:8-11; 21:10, 11.
(Heb., na·zirʹ) Nasireǁîn ge nî ǃanu tsî ǁîn ‘danaǀûna’ tā nî ǂkhom. Nēs ǁî-i ǃanu ǃoabas Nasireǁî-i asa ra ǁgau amaga. (Num. 6:5) ǁNā mîs na·zirʹ di hâs ge ǂauxûiǂûna dâkurib ǃnâ sâtsēs ai ‘ǃgaoǁnâs’ ase gere sîsenūhe. (Lev. 25:5, 11) ǀŌ-aisa ge i ǃkhais ge, ǀgapi pristergu gere ana ǃhuniǀurib ai ge xoasa-i, mîdi hîna “ǃanusib ǃkhūb tib” di hâ di ge “ǃanusib di krons” dis tsîna ge ǂansa-i. [Heb., neʹzer dihâ mîs, ge ǀgui ǂâibasensa ge ūhâ-i na·zirʹ ǀkha].(Eks. 39:30, 31) Israeli ǂhauhesa Gaogu gere ǂnûi kroondi ge neʹzer di ge ǂansa-i. (2Sam. 1:10; 2Gao. 11:12; CROWN; DEDICATION dihâ ǃâba mû re) Xristeǁî ǀhaohâb ǃnâb ge apostela ge mî, tare khoedi ge gaixu ǀuna ge mahe, danadi ai nî ǂnûihe ǀgapadi xa. Nēs ǀkhās ge ǁîs ǃkhaisa gere hōhōǃnâ-e īs ǁîs ǃkhaisa ǂan, ǁîs aobas ǃnāka nî hâbasa, Elob ǂhanub ǃoagu. ǁNā ǂgaoǀkhādi ge—ǂkhom-e tamase hâs. (aore khoegu xa ǂhanu tama hâ-i) ǂĀuxûiba xu ǂōsens ge ǃanuse hâs ǃgao ge ǂhâbasa-i—aitsama ǀūxusens ge ge ǂhâǂhâsa-i ǀoasase Jehovab ǂâisa dīs ǃaroma.—1Kor. 11:2-16; HAIR; HEAD COVERING; NATURE dihâ ǃâba mû re.
ǀŌ-aisa gagasi xūn
w05-E 1/15 30 ¶2
Khomai-aon dîdi
Samsonni ge ge Nasireǁî-i, ǀkhara ǀgaub ǃnâ. ǁÎb nî ǃnaes aiǃnâb ge Jehovab ǀhomǃgaba mamasasa ge mîba: “Mû, ǀgamǀkhā tsîs ge ǀgôaba nîra ǁora, danas âb ai i ǂkhomgôa-e hā tideba. ǀGôab ge Elob khaiǂuisabese nî ī ǁgûs di ǃnāba xu; tsîb ge ǁîba Israela nîra oretsoatsoa, Filisteǁîn di ǃomǁaeba xu.” (ǂHǂh. 13:5) Samsonni ge Nasireǁîsisa ge ǁhûi tama hâ-i. ǁÎb ge aitsama Elob xa ge ǁhûihe, ǁōb nîs kōse. ǁNā-amaga i ge ǁō hâ khoena tsâǀkhāsa ǁîb ǃoa ge ǁnaeǁgau tama hâ-i. ǁÎb ǃoagu i ga ǁnaeǁgau hâ o tsîb ga ǁō hâ sorosa ǂâibasen tamase tsâǀkhā hâ-o, matib ga Nasireǁîsis hînab ge ǃnae ūsa dīǀoaǀoa hâ? Mûǃāxase i ge ǃkharagagusiba ǁan hîna ge aitsama Nasireǁîsisa mîmâin tsî Elob xa gere ǁgaumâihen ǁaegu ge hâ-i.