ǁNaeǁgaudi sida Xristeǁî ûib tsî aoǁnâ sîsenni sîsen ǂkhanib
MAARTI 1-7
ELOBMÎSA XU HÂ ǂÛǂÛSA MÎDI | NUMERI 7-8
“Israeli tentomsa xu da ra ǁkhāǁkhāsen xūn”
it-1-E 497 ¶3
ǀHaohâb
Israeli ǃnâ i ge gao-aoga khoena gere māǁaeba. (Esr. 10:14) ǁNā amaga i ge ‘ǃhaodi ǂamsagu’ tamas ka io danaga tabernakela om toa tsî gere māǁaeba. (Num. 7:1-11) “ǁAposa ǃgaeǀhao-e” ūhâ khoegu Nehemiab tsēdi ǃnâ gu ge pristergu, Leviǁîn tsî “khoen danagu tsîna.” (Neh. 9:38–10:27) Israelǁîn gere ǃgûmâ o, o i ge “ǀhaohâb di ǂamsagu tsî ǀhûs di ǂgaihesagu” ǀgamkaidisikorodisi aoga. Koraxi, Datanni tsî Abirammi tsîn ǀkhāba ge ǁhûi. (Num. 16:1-3) Moseb ge daoǁgausa sau-ai tsî hûdisi aogu, ǁaes di kaiga ge ǀhaoǀhao. Tsî ǁîga tentoms ǂnamipe ge mâi, i gu huibi ǀgurib ge nēsa dīǁoa i amaga. (Num. 11:16, 17, 24, 25) Levitikus 4:15 ǃnâ i ge ‘kaigu ǀhaohâb digu’ xa ra ǃhoahe. ǁAesa gere māǁkhaeba khoe gu ge danakhoegu, ǂhanuǂhanu-aogu tsî ǁîgu khoen tsîna .—Num. 1:4, 16; Jos. 23:2; 24:1.
it-2-E 796 ¶1
Rubenni
Israeli kampi ǃnâ i ge Rubenǁîna Simeonni tsî Gadi surib xōǀkhā Suides tawa tabernakeli ǃnammi ai gere hâ. Doen gere o i ge ǃnona ǃhaode Rubenni xa ra ǂgaeǂguihese, Surib Judab ôan di ǁgoeǃkhais diba gere sao aihe. ǁÎn ge Jadab, Isaskari tsî Sebulonni tsîkha (Num. 2:10-16; 10:14-20) Nēb ge ǀgaub ǃhaodi ǁîdi ǁguibade gere dī ǀgauba, tabernakeli gere omkhaihes khaoǃgâ.—Num. 7:1, 2, 10-47.
w04-E 8/1 25 ¶1
ǂÛǂûsa mîdi Numeri ǂkhanisa xu
8:25, 26. Kai aogu kurina ǂâis ǃnâ ūhâse.Tsî-i Levîǁîn sîsen-e ǃgâise nî dīhe amaga gu ge kai aoga ǁîgu sîsene xu fruse gere ǁgôa. Xawe gu ge gere mâ-āmhe i gu Leviǁîga ǃkhō hui. Nētsē i ge aoǁnâ sîsene xu ǁgôahe tama hâ. Xaweb ge ǂhanub di tsoatsoade ǀō-aisa xu-e ra ǁkhāǁkhāda. Xristeǁî ǃgâsa i ga ǁîn kurin xa ǃaromahe hâse ǀnî sîsen-e dīǁoa o, o i ge ǁî-i ǁkhāsib ǃnâ hâ sîsen-e dīǁkhā.
Gagasi xūna ǀō-aisase ôaǃnâs
it-1-E 835
ǂGuroǃnaesabe, ǂgurosagu
ǂGuroǃnaesaben ǀsraeli ôan din ge ǃkharagaǃnâgu ǃhaodi danase gere mâihe. Hoa ǃhaosa gu gere mâǁkhaeba amaga. Jehovab ge hoa ǃhaosa ǁîb “ǂguroǃnaesabeb” ase gere ǁnaeǁgau. ǁÎn ge ǂguro ǃhao-i, Abrammi ǃgaeǀhaos xa ǃaromahe hâse amaga. (Eks. 4:22) Jehovab ge ǁîn ûigab ge a sâu amaga ge mî “Hoa ǂguroǃnaesabega tita khaiba; Israeli ôan ǃnâ ǁgûs ǁhāsa ra ǁkhowa-ammi hoab, khoen xas kas, ǀgoan xas kas hoasa, ǁîb ge a ti.” (Eks. 13:2) ǁNā-amaga i ge ǂguroǃnaesabe ǀgôaga Eloba gere mâhe.
MAARTI 8-14
ELOBMÎSA XU HÂ ǂÛǂÛSA MÎDI | NUMERI 9-10
“Jehovab ǁîb khoena ra ǂgaeǂgui ǀgaus”
it-1-E 398 ¶3
Kampi
Nē kai kampgu ge ge māxōǀkhā gu hâ-i (Hagadisi ǁgoeǃkhaidi tamas ka io kampgu ge Moseb xa Numeri 33 ǃnâ xoasa.) Nēs ge ra ǁgau matikōse i ge ǃamkuse mâ-i ǀgausa. ǃÂus ge tabernakeli ai hâ-is kōse i ge kampa gere mâ. ǃÂus gere ǃgû o i ge, Kampi tsîna gere ǃgû. “ǃKhūb di mîmās ain ge Israeli ôana ge dāǁnâ, tsî ǃKhūb di mîmās ǃoan ge gere ǁgoe” (Num. 9:15-23) ǀGam ǀhaiǀuritrompēdi ge gere sîsenūhe Jehovab mîmāde kampi ǃnâ mās ǃgao. (Num. 10:2, 5, 6) ǃKharagagu ǃgom ǀgaugu ge kampi nî khôaǁnâhesa gere ǁgau. Tamas ka io gere ǂâibasen. Nēs ge “ǀgamǁî kurib di ǀgamǁî ǁkhâb ǃnâ” ǂguro ǃnâsa ge i. ǀHûs tentoms disa ais ǀkhab ai tsî i ge ǃnona ǃhaodi Judab xa ra ǂgaeǂguihese Isaskari tsî Sebulonni xa ra sao-aihese gere ǃgû. ǁÎn ge Gersonǁîn tsî Merariǁîn hîna tabernakeli ǃâga tani hân xa gere sao-aihe. ǁNāpaxū Rubennî xa ra ǂgaeǂguihese, i ge Simeonni tsî Gadi tsîna gere sao-ai. ǁÎgu khaoǃnâ i ge Kehatǁîga ǃanusiba tani hâse. Tsî ǁnāpaxū Efraimmi Manaseb tsî Benjaminni xa sao-aihe hâse. ǀUnisi Danni xa ra ǂgaeǂguihese i ge Aseri tsî Naftalib tsîkha ra sao. ǁNās ǀkhā i ge ǂgui tsî ǀgâisa ǃâba gere ǂgaeǂgui tsî ais ai gere hâ.—Num. 10:11-28.
w11-E 4/15 4-5
Elob daoǁgausa mûǃā i du ra?
Mati da nî ǁgau, Elob daoǁgaude da ra sao aisa? Apostel Paulub ge ge mî: ‘Sadu ǂgaeǂgui-aoga ǁnâuǀnam, î ǁîga ǃnaga hâba.’ (Heb. 13:17) Nēsa dīs ge supu tama. Aiǁgause: Moseb tsēdi ǃnâ ge hâ i Israelǁîn ǂaidi ǃnâ mâisen re. Munan ai re ǁae-e du ǃgû hâ hînas ge ǃâusa go mā. Tsî du ge sadu tsîna nî mā tsî tentde nî ǂnaumai. Matiko gaixuse du nî hâ? Tsēsa? Wekheba? ǁKhâna? ǂÂi du ge ra, ‘ǂhâbasa-e ti xūn hoana ūǂuisa?’ Tsî du ge ǂgurose ǂhâǂhâsa xūn ǀguina ra ūǂui. Tsēdi ra ǃkharu, khami du ge ǁgarus ǃnâ hâ xūna hoaǁae ôaǃnâs xa ra ǀkhu kai-e. Tsî ra ūǂui tsoatsoa. Nēsi ǀgui du xūna ra ūǂui toa, hîna du ge ra mû ǃâus ra gonsa—tsî du ge ǁkhapa nî ǂgā oa. Supu tama i ge ge hâ i. Xawen ge Israelǁîna ‘mîmās ǃoa gere ǃû.’—Num. 9:17-22.
Mati da ra tanisen dauǁgaude da ga hō o? Dītstā i da ra ǁnā ǁaeb ai “mîmās ǃoagu” ǃûsa? Tamas ka io da ǁnaeti da hâ khami xūna ra dī? ǀAsa dauǁgauna ǂan i du a, aiǁgause mati i Elobmîs ǁkhāǁkhāde ra dīhe ǀgaub. ǃHaokhoena aoǁnâbas, omaris ǃoabadi ra dīhe ǀgaub, Hospital Komites ra sîsen ǀgaub tsî mati da kai ǀhaodi tawa da nî tanisen ǀgausa? ǁNâmasa da ga ūǃoa o, o da ge Elob dauǁgaude da ra ǃgôasa ra ǁgau. Mîmâide da ga dī o, o da ge sida ga-asib ai ǂgomai ǂui tama. Jehovab tsî ǁîb ǀapeǂhomis ai da ge ra kō dauǁgauhes ǃaroma. ǀGôan ǁîn ǁgûn ǃoa ǃgomsin ǃnân ga ǂâ o ra kō. Khami da ge Jehovab ǀapeǂhomis ǃoa ra kō sauhes ǃaroma. Nē ǃhūbaib ǃgomsin ga ǂuiba da o.
Gagasi xūna ǀō-aisase ôaǃnâs
it-1-E 199 ¶3
ǀHaodi
ǀHoadi ǂhâǂhâsasib. Jehovab ra mâda aiǂhanub ǀhaode hâǃâs dib ge ra huida i da gagasise kai. Nēs ge Pasxaǁâudib kurib hoaba gere dīheb ǀkha a ǀgui. Aore-khoeb ga ǃanub a hîna Pasxaba tsēdi tama io ob ge nî ǃgamhe. (Num. 9:9-14) Hiskiab ge Judab tsî Israeli di ǁanǂgāsabena Jerusalemsa ǃoa ǂgai o în Pasxaba tsēdī, ob ge gere mî: ‘Sadu Israeli ǀgôado, ǃhobasen ǃKhūb ǃoa. . . Tā ǃaobakarokaro, sadu îgu khami. ǃKhūba ǃomma mā, î du ǁîb di ǃanusib, ǀamosib kōseb ge khaib tawa hā, î du ǃKhūb, sadu di Eloba ǃoaba, ob ge ǁîb di ǁaiba sado xu nîra oa. . . . ǃKhūb sadu Elob ge a ǀkhomxa tsî ǀkhomxaǃnâ, tsîb ge ais âba sado xu ūbē tide.’ (2Kro. 30:6-9) ǂAnabēgase nē ǀhaode hâǃnâ tama īs ge Eloba ǀûxūs ǀkha ge ǀgui i. Xristeǁîn ge nētsē Pasxaba tsēdī tama. Xaweb ge Pauluba ǁîna ge ǂhâǃnâ în tā ǀhaode xū hâbē mîrase: “Î da kōǃgâ ǀnammi tsî ǃgâi sîsengu hōhōǃnâgu ǃoa; î da tā sada ǀhûsa ǀûǀkhā, ǀnîn ǁnaetiba ūhâ khami, î da ǁnamagu, î da ǁîsa ǃnāsase dī, tsēs ra ǀgū ǃkhaisa du ra mû xuige”—Heb 10:24, 25; CONGREGATION di hâ ǃâba mû re.
MAARTI 15-21
ELOBMÎSA XU HÂ ǂÛǂÛSA MÎDI | NUMERI 11-12
“Mati io da ǃgae hâ se ǀgui hâsa xu nî ǂgōsen?”
w01-E 6/15 17 ¶20
Tā ǀûruxa ǁnâu-ao kai re
ǃĀsa Xristeǁîn ge ǀaib ǃnâ mâǁnâsen tama hâ. Xawe da ge nî ǂanbasen i da tā, mâ-am ǃgae-hâse ǀgui hâsa. Jehovab ǀkha da ūhâ ǀhōsagusisa i a ǂoaǃnâ kai da ǁkha amaga. Paulub ge ge mî: “Î da ǁkhāti Xristuba tā ǃâitsâ, ǀnîn ân ge ǃâitsâ bi khami, tsîn ge ǀaon xa ge hîkākāhe. Î du ǁkhāti tā ǀara, ǀnîn ân gere ǀara khami, tsîn ge ǁgaoǁgao-aob xa ge hîǀhuruhe.” (1Kor. 10:9, 10) Israeǁîn hoan ge Moseb tsî Aronni tsîkha ǃoagu gere ǃhoa—Elob ǃoagus tsînan ge gere ǃhoa—Tsî manna-i ǃoagus tsîna. (Num. 17;6; 21:5) Jehovaba ǀaib xa ge kaibahe i tsî ǃgaesa xu tamase gere mû? Elobmîs ge ra ǁgau ǃgae-aon ge ǀaob xa ǃgamhesa. (Num. 21:6) Hakaǀaǀoadisi tsî hûkaidisi (14,700) mâǃoa-aon ge ge hîkākāhe. (Num. 17:14) Tā da ge Jehovab ǃnūǃnâxasiba nî ǃâitsâ. Tsî ǁîb ra mâ da xūna ǃgôaoǃnâsib ǀkha nî sîsenū.
w06-E 7/15 15 ¶7
‘Xu-i hoa-i xa tsûbahesa xu ǂgosen’
Israelǁaes di ǂâiǀgaub ge ge tawa. Egipteb tsî ǂĀxahuriba xun ge orehe o. Nēs ge ǁîna ge ǁgari în Jehovaba ganganxa ǁnaetsanade ǁnaeba. (Eks. 15:1-21) ǃGaroǃhūb ǃnân ge ǃgâise hâ-ūhe tama hâ i tsî Kanaanǁîna gere ǃao amagan ge ge ǃgae tsoatsao. Eloban ǁîn ǃnorasasib ǃaroma nî gangan hînan ge ǃgâi tama ǂâi ǀgauba ge ūhâ tsoatsoa. ǃGaes ge Jehovab ra mā xūna ǃoaǃgâsiba ǁgau tama is tira ǂâibasen. ǁNā-amagab ge ge mî: “Mâ ǁaeb kōse ta kha nē ǂkhaba ǀhaohâb, tita ǃoagu ra ǀarab ǀkha nî hâ?”—Num. 14:27; 21:5.
it-2-E 719 ¶4
ǂNoagu
ǃGae ǀgaugu. ǃGae hâse ǀgui hâs ge ǂkhabuǂâi kai tsî ra khôaǁnâ. Egipteba xun ǀhapese ǂoa tama, hînan ge Jehovab ǃoagu ge ǃhoa tsoatsoa. Moseb tsî Aronni tsîkha ǃnâ-ūb Jehovaba ra ǂgaeǂgui ǀgaub xan ge ge tsûbahe. (Eks. 16:2, 7) ǁÎn di ǃgaeb ge Moseba ge ǂkhabuǂâi kai. Tsîb ge ega ge ǂgan îb ǁō. (Num. 11:13-15) ǃGaes ge ǃgae-aihera khoe-i ǃoagu kaise a ǁgai, tamas ka io a tsū. Jehovab ge ǃgae-aon Moseb ǃoa gere mî xūna. ǁÎb ǂgaeǂguis ǃoagu i ra mîhe khami gere mû. (Num. 14:26-30) ǂGuin ge ǁîn ûiga ge ǂoaǃnâ mâ xū-i hoa-i xa tsûbahes xa.
Gagasi xūna ǀō-aisase ôaǃnâs
it-2-E 309
Manab
Īsib. Manab ge “korianderǃkhommi khami ge ǃuri i”, tsî-i ge hairab khami gere mûsen. ‘Dani-e ūhâ ǁganpere-i khama-i ge gere ǁoa’ tamas ka io ‘olitsampereb khami.’ Manab ge ǁkhamihe tsî sūdi ǃnâ gere ǁgam sâihe tamas ka io gere amhe.—Eks. 16:23, 31; Num. 11:7, 8.
MAARTI 22-28
ELOBMÎSA XU HÂ ǂÛǂÛSA MÎDI | NUMERI 13-14
“ǂGoms ge sida ra ǁkhoaǂgao kai”
w06-E 10/1 16-17 ¶5-6
ǁKhoaǂgoa, ǂgoms tsî Eloǃaoǃgâxasib ǃnâ
ǀGam ǃkhē-aokha, Josuab tsî Kaleb tsîn ge mîmâisa ǃhūb ǃnâ kaise gere ǂgâǂgao. Kanaanǁîn ge ‘perese ība da’ din ge gere mî. “ǁÎn di sommi ge ǁîna xu ge ǂgō, tsî ǃKhūb ge sada ǀkha hâ; tā ǁîna ǃao.” (Num. 14:9) Josuab tsî Kaleb tsîna gere gâredīsen? Hî-i. ǁÎgu tsî ǃhaos hoas ge ge mû matib ge Jehovaba Egpibteb. Tsî ǁîb elogu tsîna disi ǃkharagagu ǁkharagu tamas ka io tsûtsû-aigu ǃnâ-ū taotao ǀgausa. Tsîn ge ge mû Jehovab, mati Faraob tsî ǁîb toroǃkham-aogu tsîna ǂĀxahurib ǃnâ āǁō kai ǀgausa. (Psa. 136:15) ǃGāsa i ge a, disi ǃkhē-aogu gere ǁgau ǃaob tsî ǁîga gere ǂkhâǃnân a ǂnoaguhe ǁoasa. “Matikōsen kha tita ǃnâ ǂgom tide buruxa dīn ǁîn ǁaegu ta ge dīn hoan tawa?” tib ge Jehovaba tsâb ra ǀgausa ra mî.—Num. 14:11.
6 Jehovab ge ǃgomsiba ǃamkuse ge tsâǀkhā.—Khoen tanisen ǀgaub ge ǁîn ǂgomsa ūhâ tamasa gere ǁgau. ǂGoms tsî ǁkhoaǂgaosib ge ǀguiba ra sîsen ǀhao. Aposel Paulub tsîn ge Xristeǁî ǀhaohâba ǃoa ge xoa ǁîn di gagasi ǂhâsib xa: “Nēs ge dans, ǃhūbaiba ra dansa: Sada ǂgoms.” (1Jhn. 5:4) Nētsē i ge Josuab tsî Kaleb hakha ge ūhâ i ǂgomsa, Gaosib ǃgâiǂhoasa aoǁnasa ge īǁkhā kai. Tsî i ge ǂgui khoen Jehovaba ra ǃoabana, ǂkhaman, Kairan, ǀgâisa tsî ǂkhabusan xa ra dīhe. ǀGui khākhoe-i tsîn ge nē ǀgâisa khoena ǃnō kai tide.—Rom. 8:31.
Gagasi xūna ǀō-aisase ôaǃnâs
it-1-E 740
Elob ge Israelǁaesa mā ǃhūb
ELOB ge Israelǁaesa mā ǃhūb ge kaise ge ǃgâi i. Moseb ge ǃkhē-aoga ǃhaos tawa ge sī-ū. I gu ǃhūba ôaǃnâ tsî ǃhūb di ǂûn xa ū. Fyadi, granati, ǂauxûiǂûhais ǁnâukha ge ǀgam khoekha xa ge tanihe hâ i. ǃAob xa ǃaromahe hâse gu ge, ǂgae-oasen. Xawe gu ge ge mî: “Amaseb ge ǁîba daib tsî danib tsîkha xa ra dâuǃnâhe.”—Num. 13:23, 27.
MAARTI 29–APRILI 4
ELOBMÎSA XU HÂ ǂÛǂÛSA MÎDI | NUMERI 15-16
“ǀGapiǂâixasib tsî sats ǃnâ kai ǂgomǃgâsiba ūhâsa ǂanbasen re”
w11-E 9/15 27 ¶12
Jehovaba ǂan du-e?
Israelǁaes ge mîmâisa ǃhūb ǃoa gere ī. Hînab ge Koraxa Elob ǂgaeǂguis xa ge tsûbahe tsoatsoa. Tsî i ge 250 aogu ǂgaeǂguira ga, Koraxa ge ǃkhō-am, ǀkharaǀkharana dīsa. Koraxi tsî ǁîba gere ǂkhâǃnâ khoen tsîn ge Jehovab ǀkhan ǃgâi ǀhōsagusisa nog ūhâ di ge ǂâi hâ i. Moseban ge ge mîba: “Î kho ǂâubahe, nē ǀhaohâb hoab, ǁîn hoan kom a ǃanuo, tsî ǃKhūb kom ǁîn ǁaegu hâo.” (Num. 16:1-3) Matikōse ǁgai tsî ǀapiǂâixa ǀgauba ǁnāpa. Moseb gege mîbagu: “ǁArikam ǁgoab ge ǃKhūba nîra ǂanǂan, tari-i a ǁîb di” ǃkhaisa. (Khomai re Numeri 16:5.) Saora tsēs ǀams ai i ge Koraxi tsî ǁîba gere ǂkhâǃnâ khoen tsîna ge ǁō.—Num. 16:31-35.
w11-E 9/15 27 ¶11
Jehovaba ǂan du-e?
Moseb tsî Koraxi tsîn ge kai ǃkharagagusiba ge ūhâ i. Jehovaba ǃgôa tsî ǁîb ǂhanuga ǁnâuǀnams tawa i gere hā o. ǁÎkha gere tanisen ǀgaub ge Jehovab mati gere mû kha ǀgauba gere tsāǀkhā. Koraxi ge ge Kehatiǁî tsî Leviǁî i. Tsîb ge ǂgui aiǂhanuga ge ūhâ i. Nēs ge Jehovab ge mati, Israelǁaesa ǂĀxahuriba xu huiǂui ǀgausa mûs tsîna ge ǃkhōǂgā hâ i. Tsî Jehovab ge Sinaiǃhommi ai ǁnâuǀnamoǃnâ Israelǁaesa mati ǀgoraǃgâs tsînab ge ge mû. Tsîb ge tabernakela gere tani hui. (Eks. 32:26-29; Num. 3:30, 31) Mûǃāxaseb ge ǂgui kurina Jehovab ǃoagu ge ǂgomǂgomsa i. ǁÎb ge Israelǁaes ǃoagu ge ǃgâi aiǁgau i.
Gagasi xūna ǀō-aisase ôaǃnâs
w98-E 9/1 20 ¶1-2
ǂGuro xūna ǂgurose mâi re
Jehovab ge xūna kaise ǂhâǂhâsase gere mû. Elobmîs ge “Ega” ra mî: ‘ǃKhūb ge Moseb ǃoa ge mî’: “ǁNā khoeb ge ǂanǂansase nî ǃgamhe” (Num. 15:35) Jehovaba mati io, khoeb ge dī xū-i xa di gere tsâ?
Khoen ge ǃnani tsēde ge ūhâ i ǀaere, ǂûna ǀhaoǀhao. Sarana ǁā tsî omde oms tamas ka io dī-unusa. Hûǁî tsēs ge ge gagasi xūn di i. ǀAeres ge tsū tama ge hâ i. Xawe Jehovaba ǃoabas ǃgaots ga sîsenū hâ, ǁaeba ǁnā xūn ai sîsenūs ge ge ǂhanu tama hâ i. Xristeǁîn nētsē Moseb ǂhanub ǃnaga hâ tama xawe. Nēsa huida tama i hâ, ǂhâǂhâsa xūna ǂgurose mâis ǀkha?—Fil. 1:10.
APRILI 5-11
ELOBMÎSA XU HÂ ǂÛǂÛSA MÎDI | NUMERI 17-19
“Tita ge . . . Sadu ǀumi”
w11-E 9/15 13 ¶9
Jehovaba du ra sadu ǃâ kai?
Leviǁîn xa ǂâi re, hîna ge ǃhū-e ǀumi tama hâ îna. ǃAnu ǃoabas ge ǁîna ge ǂhâǂhâsaba i. Jehovab hîna ge: ‘Tita ge sa ǀumita’ ti a mîb ain ge gere ǂgomǃgâ. (Num.18:20) Nētsē da tempeli ai Pristergu tsî Leviǁîn khami ǃoaba tama hâ. Xawe da ge ǁîn di ǀgauba a ǁgae ǁkhā. Tsî ǁîn khami ǂgomǃgâsiba nî ūhâ, Jehovab sida nî kōǃgâsa. Sida ǂgomǃgâsib, Jehovab ǀgaib ǃnâ da ūhâb ge ǀuni tsēdi ǃnâ ra ǀgai.—J.ǂHa. 13:17.
w11-E 9/15 7 ¶4
Jehovab ge a ti ǃâ
ǁNā ǁgaumâisa Leviǁîn ǃgao tae-e gere ǂâibasen? Jehovab ge ge mî, ǁîb ge nî ǁîn di ǀumi kai. Nēs gere ǂâibasens ge, ǃhūba ǀumis xan ge ǁîna ǀō-aisa aiǂhanuba ge māhe. ‘Jehovab pristersisa’ ǀumisa. (Jos. 18:7) Numeri 18:20 ge ra ǁgau nēs ge ǁîna ǀgâsase ǁnāxū tama hâ isa. (Khomai re Numeri 18:19, 21, 24.) Leviǁin ge ‘disiǁî ǃân hoana Israeli ǃnâ ǀumise ge māhe. ǁÎgu di ǃoabas hîna gu ra ǃoabas’ ǃgao. ǁÎgu ge disi persenti xūna Israela xu gere hō, xamanin tsîna ǃkhōǂgā hâse. Hōn da xūn ‘hoan ǃgâ-ai ǃgâi’ xūnan ge disiǁî ǃâba xu nî mā. Pristerga ǂkhâǃnâs ǃgao. (Num. 18:25-29) Pristergu ge “ǁguibadi hoadi ǃanu xūn” didi. Israeli ôan ge Eloba, ǃoaba ǃkhaib ai gere sī-ūbade gere māhe. Pristergu ge ǁnās ǀkha ǂgomǃgâsiba ge ūhâ i. Jehovab ǁîga nî kōǃgâsa.
Gagasi xūna ǀō-aisase ôaǃnâs
g02-E 6/8 14 ¶2
ǂŌ-e—ǀŌ-aisa xī-i
ǂŌ i ge ǀgaisa ǃgaeǀhaosa gere ǂnûǁkhaeba. ǁNā-amaga i ge Elobmîs ǀhaoǀhao ra ǃgaeǀhaosa “ǂōǃgaeǀhaosens” di ge ǂansa i. Nē ǃgaeǀhaos ge ǀguiba ra ǂûhese gere dīhe, ǂō-e ra sîsenūse. (Num. 18:19) Moseb ǂhanub ǃnaga i ge ǂō-e, ǁguibadi altars ai gere dīhe di ai gere tsorohe. Nēs ge ǃnorasasiba ūhâs tsî xu-i tā nî ǀōsa gere ǂâibasen.
APRILI 12-18
ELOBMÎSA XU HÂ ǂÛǂÛSA MÎDI | NUMERI 20-21
“Tsamtsiǃnâsiba ūhâ ǀkhara ǃgomsin ǃnâ”
Tsamtsiǃnâsiba ôa tsî Jehovaba ǂkhîǂkhî re
Dīsā da ge tide. Moseb xa ǁkhawa ǂâi re. ǂGui kurinab ge tsamtsiǃnâse ge hâ tsî Jehovaba gere ǂkhîǂkhî. Israelǁîn ge 40 kuriga ǃgaroǃhūb ǃnâ a hâs khaoǃgâb ge. Moseba tsamtsiǃnâsiba ge ǁgau tama hâ i. ǁÎb ǃgâsas hîna ge ǁîb ûiba Egipteb ǃnâ a sâus ge ge ǁō. Tsî Kadesh ǃnâ ge ǁkhō-e. Tsîn ge Israelǁîna ǁkhawa gere mî ǃgâi tama ǀgaub ǃnân ge ge hâ-ūhe di. Nē ǃnās ain ge ‘Moseb ǀkha gere ǂnoagu’ ǁgammi ge ǀkhai i ǃkhais ǃgao. Jehovab ge Moseba ǀgaiba ge mā, îb buruxa dīna dī. Tsî Moseb ge khoena ǃgâi ǀgaub ǃnâ gere ǂgaeǂgui. Xawen ge khoena noxoba gere ǂnoagu. ǁÎn ge ǁgammi xa ǀgui ge ǂnoagu tama hâ i. Xawe Moseb xas tsîna, ǁîn ge ǁîb ǃaromas ge ǁgam-en ge ūhâ tama hâ isa di gere mî.—Num. 20:1-5, 9-11.
Tsamtsiǃnâsiba ôa tsî Jehovaba ǂkhîǂkhî re
Moseb ge kaise ge ǁaixa tsî ge tsaura tama hâ i. Jehovab ge mî khamib ge Moseba ǀuis ǀkha, ǂgoms ǃnâ ge ǃhoa tama hâ i. Xawe khoen ǀkha ǃgâi tama ǀgaub ǃnâ ge ǃhoa tsî ge mî ǁîb ge buruxa dība nî dī di. Tsîb ge ǀuisa ge ǂnau tsî i ge kai ǁgam-e ǁnāpaxū ge ǂoaxa. ǀGapiǃgôasens tsî ǁaib tsîn ge ge dī îb tsūdī. (Psa. 106:32, 33) Nēs ǃgaob ge Moseba mîmâisa ǃhūb ǃnâ ge ǂgâ tama hâ i.—Num. 20:12.
Nēsa xu da ge ǂhâǂhâsa xūna ra ǁkhāǁkhāsen. ǂGurose da ge hoaǁae nî dītsâ tsamtsiǃnâsiba ūhâ ǀgarasa. Nēsa da ga dī tama io, o da ge nî ǀgapiǃgôasen tsoatsoa. Tsîs ge nēsa nî dī i da ǃgâi tama ǀgaub ǃnâ ǃhoa tsî tanisen. ǀGamǁîse, ǂâiǂhansen da ga o, o da ge tsamtsiǃnâsiba ūhâ tide. ǁNās ǀkha da ge nî dītsâ tsamtsiǃnâsiba ūhâsa ǁgâiǀāhe da ga xawe.
w09-E 9/1 19 ¶5
ǂHanuǂhanu-aob ǃgâiba ǀnammi
ǂGuroseb ge Eloba Moseba ge mîba tama hâ i. Îb khoen ǀkha ǃhoa tsî ǁîna ǁnâuǁoa khoedo di ǂâi. ǀGamǁîse kha ge Moseb tsî Aronni tsîkha Jehovaba ǂkhaisiba ge mā tama hâ i. ‘Tita kho ge. . . ǃgôa tama’ dib ge Eloba ge mî. (Verse 12) “ǁGam-e xare ūǀkhība du khom nî” di kha ge mî o. Okha ge Moseb tsî Aronni tsîkha ǁîkha ge nē buruburuxa dība, dī khami gere ǃhoa. Tsî Elob ose. ǃNonaǁîse, Mîhe ge mîdi ge ǃkharu ge xūn ǀkha ge ǀhaobesa i. Elob ge ǂguro ǁaes hîna ge ǁnâuǁoa isa ge mîba, ǁîn Kanaanni ǃnâ ǂgâ tidesa. (Num. 14:22, 23) Hakaǁîse, Moseb tsî Aronni tsîkha ge ge Israels di ǂgaeǂgui-ao-i. Elob ge ǂguina ǂgomǃgâbahe hâna xu ǂguina nî ôa.—Luk. 12:48.
Gagasi xūna ǀō-aisase ôaǃnâs
w14-E 6/15 26 ¶12
Jehovab ra mû khami du khoesi ǂkhabusasiga ra mû?
Nē māsigu hoagu ǃnâb ge Jehovaba, Aronna ǃkhais ai ga ǁkhara hâ. Xaweb ge ge ǂan i Aronni ge ǁgai khoe tama hâ isa. Aronni ge ǁîb mâsigu tamas ka io nau khoen xa ǂgaeǂhapuhe. Tsî ǂhanu daoba xu ge bē. ǁÎb ǁoreb xab ge mîbahe o, ob ge ge ūǃoa. Tsî Jehovab ǂgaeǂguisa ge ǂkhâǃnâ. (Eks. 32:26; Num. 12:11; 20:23-27) Jehovab ge Aronni ǂgoms tsî ǃhobasen i ge ǀgaub ai ǁîb ǂâisa ge ǂnûi. Kurina ǃkharu tsî i ge Aronni tsî ǁîb surib tsîna, Eloba ra ǃgôa khoen ase ge ǂansa i.—Psa. 115:10-12; 135:19, 20.
APRILI 19-25
ELOBMÎSA XU HÂ ǂÛǂÛSA MÎDI | NUMERI 22-24
“Jehovab ge ǀâxareba ǀkhaeb ǃnâ ra tawa”
bt-E 53 ¶5
“ǃGâiǂhoas Jesub disa” aoǁnâs
Nētsē i ge ǂgurokham ǁaeb Xristeǁîn khami ǁgâiǀāba. Elob khoen ra dī aoǁnâ sîsen-e ǀam kai tama hâ. Aiǁgause ǁaeba xu ǁaeb ǀkha i ge Xristeǁîna gere ǁgarihe.—Tsî tronke di ǃnâ gere aoǂgāhe. Tamas ka io ǀkhara ǃhūba ǃoa gere doe.—Nēs ge Gaosib ǃgâiǂhôasa, ǀasa ǃkhaib ǃnâ aoǁnâsa gere īǁkhā kai. Aiǁgause, ǀgamǁî torob ǃnâ i ge Jehovaba ra ǃoaba khoena. Mâǂoara ǃgâi (Witnes) tamas ka io xū-e ge dī, Nazi kampi ǃnâ. Jodeǁîb hîna ge nēsa mûb ge ra mî: “Jehovaba gere ǃoaba khoen hîna ge tronkes ǃnâ hâ în ge ge ǁgaude. ǁÎn ǂgoms ge xoade xu hâ isa.—Tsî ta ge tita tsîna Jehovaba ge ǃoaba tsoatsoa.”
it-2-E 291
ǃKhausasib
Jehovaba mâǃoas ra ǃkhau kai. Kēbo-aob Bileammi ge ǃgâi tamase Israelǁaes ǃoagu gere kēbo ǂgoa. Îb mari-e Gao-aob Balaki, Moabǁîba xu hō. Xaweb ge Jehovaba ǁîb ǀapede ge ǁkhae. Apostel Paulub ge Bileammi xa ge xoa. ‘ǃGomma ge tani donkib kom khoesi dommi ǀkha ǃhoa tsî kēbo-aob di ǃkhausasiba ge ǃkhâi.’ Balaki ǃkhausasib xab ge kēbo-aoba pa·ra·phro·niʹa di hâ Grieke mîsa ge sîsenū. “Sa tamats ge” ti ra ǂâibasensa.—2Pet. 2:15, 16; Num. 22:26-31.
Gagasi xūna ǀō-aisase ôaǃnâs
w04-E 8/1 27 ¶2
Mâǂoa ra ǂâidi Numeris khanisa xu
22:20-22—Jehovaba tae-i ǃaroma Bileammi ǀkha ge ǁaixa? Jehovab ge kēbo-aob Bileamma ge mîba îb tā Israelǁaesa ǀâxare. (Num. 22:12) Xaweb ge Balaki khoegu ǀkha ge ǃgû. Israelǁaesab nî ǀâxare di hâ ǂâis ǀkha. Bileammi ge Moabǁî gao-aoba gere ǂkhîǂkhî ǂgao. Tsî ǀkhaeba ǁîba xu gere hōǂgao. (2 Pet. 2:15, 16; Jud 11) Bileammi ge ge ǁgarihe îb tā Israelǁaesa ǀâxare xawe ǀkhae. ǁÎb ge gao-aoba ge ǂkhî kai. Baala ra ǃoaba tare khoedi, Isaelǁaes aoga nî ǂgaeǂkhabusab ge ge ǂhaba hâ i. (Num. 31:15, 16) Jehovab ge Bileamma ǁaixaba, ǃaromas ge. ǁÎb di ǁgâi ǀhôakaosib ǃaroma.
APRILI 26–MAY 2
ELOBMÎSA XU HÂ ǂÛǂÛSA MÎDI | NUMERI 25-26
“ǀGui khoe-e ǃkharagagusiba kuru ǁkha-e?”
lvs-E 118 ¶1-2
“ǀÂiba xu ǃkhoebē”
ǁAUǃKHŌ-AOB ge ǁîba a ǃgâiba ǁaunab nî ǃkhō ǃkhaiba ǃoara ī. ǁAuna nî nana xu-eb ge ǃkhō ūhe ra tsurib ai ra mâi tsî ǁgammi ǃnâ ra oaǂā. ǃŪǃnâxase ǃâu tsîb ge ǁaub ga ǁnâ xū-e nâ o, o ra ǂgae ǂûi.
ǁNās ǁkhās xase i ge khoen tsîna a ǃkhō-e ǁkha. Aiǁgausen ge Israelǁîna mîmâisa ǃhūb ǀûse ge hâ i. Moabǁîn ǂgādi tawan ge Kamp hâ io. Moabǁîn gaob ge Bileamma ge mîmâiba. Mari-eb nî mābisa, Israelǁaesab ga ǀâxare o. Bileammi ge ǀgau-e ge hō, îs Israelǁaesa ǀâxareba ǁîn ai aitsama hā-ū. ǁÎb ge nana-ūb nî xû-e ǃgâise ge ǁhûi. ǂKham Moabǁî tare khoedeb ge Israeli kampsa ǃoa ge sî. Khoega di nî ǂgaeǂkhapu ga.—Num. 22:1-7; 31:15, 16; J.ǂHa. 2:14.
lvs-E 119 ¶4
“ǀÂiba xu ǃkhoebē”
Tae-i ǃaroma i ge ǂgui Israelǁîna. Bileammi ǀapes ǃnâ mâǁnâsen? ǁÎn xa ǀgui ǂâi tsîn ge Jehovab ge dība nî xūna ge ǀuru. Israelǁîn ge ǂgui ǃaromade ge ūhâ i, Jehovaba ǂgomǂgomsase hâbasa. Egipteǁîn di ǃgāsisa xu ǃnora kai nî. Tsîb ge mîmâisa ǃhūb ǃnâ ge sī-ū nî. (Heb. 3:12) Xawen ge ǀaib ǃnâ ge māǁnâsen. Apostel Paulub ge ge xoa: “Î da ǁkhāti tā ǀai, ǀnîn ân gere ǀai khami, tsîn ge ǀgui tsēs ai ge ǁnā.”—1Kor. 10:8.
Gagasi xūna ǀō-aisase ôaǃnâs
it-1-E 359 ¶1-2
ǃHūǀgoras
ǃHūba ǃhaodi ǃnâ ǀgoras ge ǀgam ǀgaugu ǃnâ gere dīhe: Haigu tamas ka io ǀuidi ge gere sîsenūhe. Tsî i ge ham-i ra dansa xu gere māhe. Tsî nau ǀgaub ge matikōses ǃhaosa kaisa xu ge hâ i. ǁNā haib ge ǂhanu ǃās, mâ ǃhaos hoas nî hōsa gere ǁgau. ǁNās ǀkha i ge ǃâgu ǃnâ gere ǀgorahe. Aiǁgause Noordes, Suides, Oostes tamas ka io Westes ǀkhab ai. Haiba sîsenūs ge Jehovaba xu ge hâ i. ǁNās ǀkha i ge gere hui, i i tā surib tsî ǂhâbab tsîna ǃhaodi ǁaegu hâ. (ǂKhm. 16:33) Nē ǀgaub ǃnâb ge Eloba gere kōǃgâ is ǃhaosa mîsa ǀumisa hō. Aiǁgauseb ge Jakoba ǁîb ôaga ǁōb kharob ai ǀkhae khami. Gen. 49:1-33.
Haib ge ǃhaos nî hâ ǀkhāba ǁgau toas khaoǃgâ. I ge matikōse kai ǃkhaiban nî hōsa gere mîǁguihe. Tsî i ge ǀgamǁî ǀgaub tsîna gere sîsenūhe kaisiba kōs ǃgao. “Tsî du ge ǂnōgusa xu ǃhūba ǀumise nî ū, sadu di ǃhaodi ǃoa: ǁÎn hîa ǂguinats ge ǀumis âna nî kaikaiba, tsî ǁîn hîa ǀoronats ge ǁîn di ǀumisa nî ǂkhariǂkhariba; mâ-i hoa-i di ǂnōgus ra ǁnā khami i ge nî ūhâ; sadu îgu di ǃhaodi ī khami du ge ǀumisa nî ū.” (Num.33:54) Haib ta ǁgau ǃkhaib ge gere sîsenūhe. Xawe i ge ǀkharaǀkharana matikōse i ǀumisa kais ai gere kōhe. ǁNās ǀkha i ge Judab ǃās ge ǀumi ǃhūba kaiseb ge kai i amaga. Simeonni ǃhaos ǃnâ ge ǀgora-e.—Jos. 19:9.