ǁNaeǁgaudi sida Xristeǁî ûib tsî aoǁnâ sîsenni sîsen ǂkhanib

MEIB 3-9

ELOBMÎSA XU HÂ ǂÛǂÛSA MÎDI | NUMERI 27-29

“Jehovab ǀgora-e ūhâ tama ǀgauba ǁgae re”

w13-E 6/15 10 ¶14

Jehovab di ǀgauga ǀoasase ǃgoaǃgâ re

Koro khoe ǃgâgudi ge Moseb tawa sī tsî ge dî bi: “Tarexas kha ǁnâi sise îb di ǀonsa ǁîb ǃhaos di ǁaeguba xu nî ūbēhe, aore ǀgôa-eb ūhâ tama amaga?” ǁÎdi ge ge ǀkhoma: “Sise ǁnâi mā re ūhâse nî xū-e, sise îb di ǃgâsagu ǁaegu.” Moseba ǃeream tsî ge mî ‘nēti i xū-i ge dīhe ǁoa di ’Hî-i. ‘Moseb ge ǁîdi ǂhanu ǃkhaisa Jehovab tawa ge sī-ū.’ (Num. 27:2-5) Jehovaba Moseba mati ge ǃeream? Saoraseb ge ge mî: “ǀGôadi Selofhadi didi ge ǂhanuse ra ǃhoa: Sats ge ǁîde ūhâ di nî xū-e ǀumise nî mā, ǁgûb di ǃgâsagu ǁaegu; tsîts ge ǀumis ǁgûb disa ǁîdi ǃoa nî hā kai.” Jehovab ge aiǃgû tsî ǂhanuba ge ǂnûiǂgā. Tsî Moseba ge mîba: ‘Khoeb ga ǁō tsîb ga aore ǀgôa-e ūhâ tama io, ots ge ǁîb ǀumisa ôasadi ǃnâ nî ǀgora.’ (Num. 27:6-8; Jos. 17:1-6) ǁNāpaxu i ge Israelǁaes tare khoedi. Hîna ge ǁkhā ǃgomsiba gere hōǃâde gere ǁkhaubahe.

w13-E 6/15 11 ¶15

Jehovab di ǀgauga ǀoasase ǃgoaǃgâ re

Nē mîǁguib ge ǃgâi tsî ǀgora-e ge ūhâ tama hâ i. Jehovab ge nē tare khoedi hîna ge hui-e ūhâ tama i de, ǃoasib ǀkha ge hâ-ū. ǁNā Israelǁaes khoen hîna ge ǃgâi mâsiga ūhâ-în xa. (Psa. 68:5) Nēs ge ǂgui Elobmîs aiǁgaudi di ǀgui. Hîna sida ǂgaoga ra tsâǀkhāsa. Jehovab ge ǁîb ǃoaba-aona ǀguiǃnâxase ra hâ-ū.—1Sam. 16:1-13; ǃNǃkh. 10:30-35, 44-48.

w13-E 6/15 11 ¶16

Jehovab di ǀgauga ǀoasase ǃgôaǃgâ re

Mati da Jehovab ǀgora-e ūhâ tama, ǀgauba a ǁgae ǁkhā? ǂÂis ǃnâ ūhâ re, ǀgorasa ūhâs ge ǀgam ǀgaukha ǃnâ hâ. ǀGora-e da ga ūhâ tama i o, o ǀgui da ge nau khoena ǀgora i ose nî hâ-ū. Ama i ge, hoa da ge ra ǂâi ǀgora-e da ūhâ tama hâ di. Hoa ǁae i ge supu tama hâ, sida tsâsiga ǂhanuse ôaǃnâsa. Tae-e da nî dī, i da ǂan ǀkhā-e da ǁhûi tamasa. Jesub gere ǂan ǂgao o, khoen ǁîb xa tae-e ra mîsa. Ob ge ǁîb ǂgomǃgâ hâ ǀhōsaga ge dî: “Tariba Khoen Ôaba, tin khoena ra mî?” (Mat. 16:13, 14) Mati io du Jesuba ǁgae tama hâ? ǂGomǃgâ du hâ ǀhōsa-e du ge a dî ǁkhā. ǂHauǃnâse nî mîba du-e, ǀgora-e du ūhâ tamasa. ǁÎ-i ga mîba du o, ǃhaoǀgorasa du ūhâsa. Tamas ka io du khoena mari ǁhōgu ǃoagu ra ǀgora ǃgâdi. Tae-e du nî dî? Jehovab ǃoa ǀgore tsî ǁîba sadu tsâsiga mîba re. Î ǀkhomabi îb huidu sadu ǂâi ǀgauga tawasa. Î du ǀoasase ǁîb ǀgora-e ûhâ tama ǀgauba ǁgae.—Mat. 7:7; Kol. 3:10, 11.

Gagasi xūna ǀō-aisase ôaǃnâs

it-2-E 528 ¶5

ǁGuibadi

Ā ǁguibadi. Ā ǁguibadi ge nau ǁguiba di ǀkha ǀguiba gere dīhe. ǃGōsase Israelǁaes ge mîmâisa ǃhūb ǃnâ doeǂgâ o. (Num. 15:2, 5, 8-10) Nē ǀgaisa xûi-i ge altars ai gere ǁhōǂuihe. (Num. 28:7, 14; ǀgopeǀnō re Eks. 30:9; Num. 15:10) Apostel Paulub ge Filipes ǃnâ ra hâ Xristeǁîna ǃoa ge xoa: “Ā ǁguibas tsî eloǃoabas ǃaroma ta ga ǁguibahe xawe ta ra ǃgâiaǂgao, tsî ta sadu hoadu ǀkha ra ǃgâiaǂgao.” Nēpab ge ā ǁguibas, di aiǁgau-e ra sîsenūse. ǁÎb di māsen xa ǀgauba gere ǁgaiǂui. ǁÎb tsî nau Xristeǁîn ǃaroma. (Fil. 2:17) ǁŌb nîs aiǃâb ge Timoteub ǃoa ge xoa: “Tita ǀnai āǁguibase ra ǁguibahe xui-ao, tsî orehe ta nî ǁaeb ge a ǀgū.”—2Tim. 4:6.

MEIB 10-16

ELOBMÎSA XU HÂ ǂÛǂÛSA MÎDI | NUMERI 30-31

“Sadu māde du matare re”

it-2-E 1162

Mādi

Māsenxa, xawe ǀamosib kōse hâ ǃgaeǀhaos. Mādi ge ge mâsenxa-i. Tsî i ga khoe-e ǃgaeǀhaosa ga ra mîmâi o. O i ge ǀoasa ǂgaoǀkhāsa, Elob ǂhanuba xu ǂhâbasa. Nēs ǃoagu i ge ǁî-i di mîmâisa dawa tide. ‘Ûib ǀkha i ǃgaeǀhaosa’ ūhâ amaga. Tsî nî ǁgau, mîmâi i ge khami i ra dīsa. (Num. 30:3; Rom. 1:31, 32) Khoe-i di ûiba i ǃkhōǂgā hâ amaga, i ge a ǁnâuǃāxa. Tae-i ǃaroma i xoasa nî ǁnâuǃā, mîmâisa i nî dīs aiǃâ. Nēsa i ge kaise, ǃgâise nî ǂâiǃâ. Elob ǂhanub ge ra mî: “ǃKhūb, sa Elobats ga mîmâi-e mîmâibao . . . ǃKhūb, sa Elob ge ǁîsa ǂanǂansase satsa nî ǂgaoǀkhā, tsî ǁore-i ge sa ǃnâ nî hâ, Xawe mîmâiǀûts kao, o i ge ǁorese ība tsi tide.”—Deu. 23:22, 23.

it-2-E 1162

Mîmâidi

Mîmâidi ge Eloba ǃoa ǀgaisa mîmâi i, ǀkhaegu, Eloba ǃoabas ǃgao du ra mā ǀkhaeb. Tamas ka io ǂhanu tama xūna xu ūbēsens ti ra ǂâibasen. Tsî mādi ge aitsâma mâsensa xū gere dīhe. Mîmâis ge ǀgaisa ǂâibasensa ge ūhâ i nūs xa. Tsî i ge ǀnî ǁaegu ai, nē ǀgam ǂâibasen ra ǀguiba gere xoahe Elobmîs ǃnâ. (Num. 30:3; Mat. 5:33) “Mîmâis” ge kaise ǀgaisa. “Nūs” ǀgapiǂansagu aiǃâ amaba ǃhoas, xa ra ǂâibasen hîna. Tsî ǃgaeǀhaos ǀkhas tsîna dī xū-e ūhâ.—Gen. 26:28; 31:44, 53.

w04-E 8/1 27 ¶3

ǂÛǂûsa mîdi Numeri ǂkhanisa xu

30:7-9—Xristeǁî-aoba, ǁîb taras mîmâi hâ mîmâisa khoa ǁkhā-e? Mîmâidi tawa i ga hâ o. Ob ge Jehovaba a ǂan matib ǁîb ǃoaba-aon ǀkha ra sîsensa. Aiǁgause khoe-i ga Jehovab ǃoagu māǁnâsen o, o i ge ǁî-e aitsâma nēsa ra dī (Gal. 6:5). Aob ge ǁnā ǀgaiba ūhâ tama hâ, ǁîb taras di mîmâide khoasa. Taras ge nî dītsâ i i tā ǁîs mîmaî hâ mîmâide, Elobmîs tsî ǁîs aobas nî dība xūna tsâǀkhā.

Gagasi xūna ǀō-aisase ôaǃnâs

it-2-E 28 ¶1

Jeftab

Khoe-i ge ǀō-aisase i, Jehovab ǃoabas ǃnâ nî sîsen ga. ǁÎb ǂkhaisib ǃoa gere māhe. Nēti i mîǁguiga dīs ge ge ǁgûn di aiǂhanu i. Aiǁgauseb ge Samuela ǃnaeb nîs aiǃâ ǀnai. Hannas xa tabernakeli aib nî sîsense ge mîmâisa i. Nē mîmâis ge ǁîs aob Elkanab xa ge mā-amhe. Tsîs ge Samueli ge ǀōǀōhe toa o. ǀGôaba Elob ǂkhaisib tamas ka io Tempeli tawa ge sī-ū. ǁÎb ǀkhas ge Hannasa xamani i, hînas nî ǁguiba-e ge ū-sao. (1Sam. 1:11, 22-28; 2:11) Samsonni tsîn ge Jehovab di ǃoabas ǃnâ ge māhe, Nasireǁîse.—ǂHǂh. 13:2-5, 11-14; ǀgopeǀnō re, dadasab di ǂhanuba, ǁîb ǀgôas ai. Num. 30:4-6, 17 ǃnâ i xoasa khami.

MEIB 17-23

ELOBMÎSA XU HÂ ǂÛǂÛSA MÎDI | NUMERI 32-33

‘ǁAnǂgāsaben nē ǃhūb dina doe kai re’

w10-E 8/1 23

ǂAn i du go i?

Hebreǁî xoadi ǃnâ ra mîhe “ǀgapigu” ǃkhaide ge tae-i?

Israelǁîn mîmâisa ǃhūb ǃnâ nî ǂgâs aiǃâb ge Jehovaba ge mîba nî. În Kanaanǁîn gere ǃoaba ǃnâ ǃkhaiga hîkākā. ‘Ūn hâ xūn hoana ǁgâiǁgâi tsî īsigu hoaga nî hîkākā; ǁkhāti du ge ǁîn di ǁhōhe hâ īsigu hoaga nî hîkākā tsî ǁîn di ǀgapigu hoaga nî aoǁgui.’ Dib ge Eloba ge mî. (Num. 33:52) ǁNā ǃoaba ǃkhaidi ge ǀnîsi ǁkhopamsa ǃkhaigu. Tsî ǃkharagaǃnâgu ǃkhaidi ai gere dīhe. Aiǁgause haidi ǃnāga. (1Gao. 14:23; 2Gao. 17:29; Ese. 6:3) Altardi, haigu, ai-īsigu, hamham xūn nî mâi-aihe xūn. Tsî ǀkhara xūn tsînan ge ǃoabas ǃgao gere sîsenū.

w08-E 2/15 27 ¶5-6

Israelǁîn dīsade xu ǁkhāǁkhāsen re

Nētsē da ge Israelǁaes khoen gere hōǃâ khami i, ǃgomsiga ra hōǃâ. Nē ǁaeǃâs khoen tsîn ge kurubasenan hâ elorona ūhâ. Nen ge mari-i, ǃgâi ǁaeba ūhâs, ǀnûgudi, ǂgīǂgōsi ǃnandi, kerken danan tsî omaris khoena ǃkhōǂgā hâ. Nē xūn di ǀgui i ge sada ûib ǃnâ ǂhâǂhâsa ǁkhā. ǀHōsagusisa ǁnān hîna Jehovaba ǃoaba taman ǀkha ūhâs ge. Sida gagasise a ǂkhabu kai ǁkhā.

Mā-amhe tama ǁgoe-ūgus ge ge Baal ǃoabas di ǃâ i. Tsî i ge nēs ǀkha ǂgui Israelǁîna ge ǂgaeǂkhapuhe. ǁNā ǀgaub ge nētsēs tsîna Elob ǃoaba-aon ǃnâ ra hō-e. Aiǁgause i ge xū-i hoa-e ra mû ǂgao khoe-e, ǁî-i oms ǃnâ komputers ai xū-e a ǁgâi ǁkhā. Tsî ǁî-i ǃgâi ǂâisa ǁgaiǁgai ǁkhā. Kaise i ge nî tsûaǂgaoxa, Xristeǁî-i ga ǀōǀkhā khoen xūna kō o.

it-1-E 404 ¶2

Kanaan

Josuab ge “ǀgui mî-i xare-e ǁnāxūǂui tama, ǃKhūb ge Moseba mîmān hoan xa.” Tsî Kananǁîna gā-ai ǀgaub ǃnâ ge hîkākā. (Jos. 11:15) Xawes ge Israelǁaesa ǁîb di ǂgaeǂguisa ǃgâise ge sao-ai tama hâ i. Tsîs ge hoa ǁaesa ge hîkākāhe. Kananǁîn ge Israelǁaes ǀkha hâǀkhaos ǃkhais ge ge ǃaroma în ǂgui khoena ǁō ǂoa. (ǂKhabadīb, ǀaib tsî ǀkhara elo ǃoabana ǃkhōǂgā hâse.) ǁÎn ga mîhe ge khami dī hâ o, os ge ǁnāsa ǁîn ǀkha ga ī tama hâ. (Num. 33:55, 56; ǂHǂh. 2:1-3, 11-23; Psa. 106:34-43) Jehovab ge Israelǁaesa ge mîba, ǁîb di ǂhanub tsî ǀgoraǃgâs ǃnâb ǀgorahe ūhâ tide di. Israeǁaes khoen ga Kananǁîn ǀkha hâǀhao, ǃgamme, ǁîn elona ǃoaba tsî ǁîn ǂgom ǀgauba sao o. On ge ǁîn tsîna Kananǁîn ge dīhe khami ‘ǁnā ǃhūba xu ǂaraǂuihe tamas ka io nî ǀkhûiǂuihe.’—Eks. 23:32, 33; 34:12-17; Lev. 18:26-30; Deu. 7:2-5, 25, 26.

Gagasi xūna ǀō-aisase ôaǃnâs

it-1-E 359 ¶2

ǀKharib

Haib ge ǃhaos nî hâ ǀkhāba ǁgau toas khaoǃgâ. I ge matikōse kai ǃkhaiban nî hōsa gere mîǁguihe. Tsî i ge ǀgamǁî ǀgaub tsîna gere sîsenūhe kaisiba kōs ǃgao. “Tsî du ge ǂnōgusa xu ǃhūba ǀumise nî ū, sadu di ǃhaodi ǃoa: ǁÎn hîa ǂguinats ge ǀumis âna nî kaikaiba, tsî ǁîn hîa ǀoronats ge ǁîn di ǀumisa nî ǂkhariǂkhariba; mâ-i hoa-i di ǂnōgus ra ǁnā khami i ge nî ūhâ; sadu îgu di ǃhaodi ī khami du ge ǀumisa nî ū.” (Num. 33:54) Haib ta ǁgau ǃkhaib ge gere sîsen-ūhe. Xawe i ge ǀkharaǀkharana matikōse i ǀumisa kais ai gere kōhe. ǁNās ǀkha i ge Judab ǃās ge ǀumi ǃhūba kaiseb ge kai i amaga. Simeonni ǃhaos ǃnâ ge ǀgora-e.—Jos. 19:9.

MEIB 24-30

ELOBMÎSA XU HÂ ǂÛǂÛSA MÎDI | NUMERI 34-36

“Jehovaba sadu sâu ǃkhai kai”

w17-E 11 9 ¶4

Jehovaba du ra sadu sâu ǃkhai kai?

Israelǁaesa ǂâibasen tamase gere, ǃgamhe khoe-i ǁhōga mati gere ǀgoraǃgâ? Nē xūna gere dī, khoe-i ge ǂâibasens ǀkha dī tama hâ i. Xawe i ge ge ǀhapixa i. (Gen. 9:5) ǃGamao i ge gere mā-amhe i i, xōǀkhā ǂnôa ǃnani ǃāde ǃoa ǃkhoe. În ǁnāpa ǃnorasasiba hō. Tsî ǁî-i ge ǃās ǀgapipristeri nî ǁōs kōse ǁnāpa nî hâ.—Num. 35:15, 28.

w17-E 11 9 ¶6

Jehovaba du ra sadu sâu ǃkhai kai?

ǂÂibasen tamase ga khoe-e ǃgam khoe-i ge. ǁNā ǃās dao-ams ǃnâ mâ tsî nî ǃhoa “ǁnā ǃās kaigu di ǂgaedi aiǃâ.” ǃHaokhoeseb ge ǁnā ǃās khoen xa nî ǃkhōǃoahe. (Jos. 20:4) ǁAe-e ǃkharu tsî i ge khoe-i ge ǁō ǃnâ ǃās di kaiga ǃoa gere sî oahe. ǁÎgu xa nî ǀgoraǃgâhese. (Khomai re Num. 35:24, 25.) ǁÎgu ga mû o, nēs ge ǃgams di ǂâibasens ǀkha dīhe tamasa. O i ge ǃnorasasib ǃās ǃoa nî oa.

w17-E 11 ¶13

Jehovaba du ra sadu sâu ǃkhai kai?

ǃNorasasib ǃās ǃnâ i ga sî o, o i ge nē khoe-e a ǃnorasa. Jehovab ge nē ǃādi xa ge mî: ‘A di ǁîde sado ǃnorasase ība, ǀkhaoǃoa-aob aiǃâ’. (Jos. 20:2, 3) Jehovab ge ge mā-am tama hâ i. Khoe-i ǀguis xa ǃnāsa ǃâde nî ǀgoraǃgâhesa. ǀKhaoǃoa-aob ge ge mā-amhe tama hâ i. ǃKhoe hâ khoeba ū tsî ǃgamsa. ǁNās ǀkha i ge khoe-e ge ǃao tama hâ i ǀkhaoǃoahesa. ǁNā ǃās ǃnâ i hâs kōse i ge ge ǃnorasa i. Jehovab sâus ǃnāga. Nēs ge ge tronkē tama hâ i. ǁNā ǃādi ge sîsen-e khoe-e gere mā. Tsî nau khoena huis aiǂhanub tsîna gere mā. ǁÎ-i ge Jehovaba ǂkhîb ǃnâ ge ǃoaba ǁkhā i.

Gagasi xūna ǀō-aisase ôaǃnâs

w91-E 2/15 13 ¶13

ǀGuiǃnâxa xoremarib hoan ǃaroma

Adammi tsî Eva hara ge xoremariba xu ǃgâiba hō tide. Moseb ǂhanub ge saora tsoatsoasa ge ūhâ i: “Tsî du ge ǃgamaob hîa ǁōba anu hâb di ǀomsa ǂkhîbaguxū-e ūba tide; ǁîb ǂanǂansase nî ǃgamhe xui-ao.” (Num. 35:31) Adammi ge ǂgaeǂhapuhe tama. Xawe nēsa ǂanabegase ge dī. (1Tim. 2:14) Nēs ge ǁîb suriba ǃgams ǀkha ge ǀgui i tsîn ge ǁîna ǁîba xu ǀoasaoǃnâsiba ge ǀumi. Nēs ge ǁōba ge ǃaroma. ǃGāsa i ge a Adammi ge ǁōba anuhâ-isa. ǁÎb ge ǀoasa kurasab ūhâ hîna, māsenxase ǀoasaoǃnâsiba ge ǁhûi. Tsîb ge ge ǁnâuǀnamxa tama hâ i. Jehovab ǂhanu tsoatsoadi ǃoagu i ge ga ǃgâi tama hâ, xoremarib ga Adammi ǃnâ-ū dīhe hâ o. Adammi di ǁōrena mātares ge ǁîb ǀaokhoena ǁōreba xu ga ǃnora kai tama hâ. (Rom. 5:16) ǂHanub ǃoagub ge ǁîba ga ǃgamge hâ. Xoremariba ge māb ge ‘hoan ǃaroma ǁōba ge tsâ’.Tsî Adammi ge, ǁîb surub ai a hau ǁōreba ge mâǂgāba.—Heb. 2:9; 2Kor. 5:21; 1Pet. 2:24.

MEIB 31–JUNIB 6

ELOBMÎSA XU HÂ ǂÛǂÛSA MÎDI | DEUTERONOMIUM 1-2

“ǀGoraǃgâs ge a Elob di”

w96-E 3/15 23 ¶1

Jehovab—ǂHanub tsî ǂhanu-aisiba ǀnammi

ǀHaohâb ǃnâ mâisa ǃgâsagu ge ǁnā aiǂhanuba ūhâ. I gu ǀhaohâb ǃnâ ra ī xūna ǀgoraǃgâ (1Kor. 5:12, 13) Nēsa gu ga dī o gu ge, Elob ǀkhomxaǂgaosiba ra ǁgau ǂhâsib hâba. Khoe-i ga ǃhausen tama io i ge, ǀkhomxaǂgaosiba ǁgauhe tama. ǀHaohâb ǃûi-aogu ge tsūse go dī khoe-e ǁgai ǀgaub ǃnâ ǂnûiǂui tama hâ. Xawe gu ge ǃâubasensa ūhâ, khoe-i nî ôaǀkhī. Tamas ka io ǃhausenxasiba nî ǁgausa. (ǀgopeǀnō re Ese. 18:23.) Xristub ǂgaeǂguis ǃnāga gu ge ǀhaohâb ǃûi-aoga ǂhanu aisib ǃnâ ǃgâiǃgâibasensa ūhâ. Nēs ge ‘ǂoaba xu sâusen ǃkhaib khami nî ība da.’ (Jes. 32:1, 2) ǁÎgu ge ǀgora-e ūhâ tama i tsî ǁnâuǃāxa ǀgauba ra ǁgau.—Deu. 1:16, 17.

w02-E 8/1 9 ¶4

ǂGomǂgomsase Elob ǂgaeǂguis ǃnâ ǃgamǃgamsen re

ǀGora ǃgâ-aob ge ǂhanub xa ǃnāsase nî ǂan ge is ge. ǀOasa kurusa gu ge ūhâ tama hâ i, amaga gu ge ǀhaohâb ǃûi-aoga nî ǂanbasen. Î gu ǁîgu ǁorexa ǀgauba xu ǂanbasen. Aiǁgause ǁîgu xa ǀgui ǂâis, ǀgorasa ūhâs tsî kai ǂgaoxasib. Nēti ǀgauba ūhâs ge ǁîgu ra ǀgoraǃgâ ǀgauba a tsâǀkhā ǁkhā. Moseb ge ǁîga ge mîba: “Aisa go ge ǀgoraǃgâs ǃnâ ǂan tide; ǂkhariba go ge kaib ǁkhāb xase nî ǁnâu; sago ge khoe-i di aisa ǃao tide, ǀgoraǃgâs ge a Elob di xuige; xawe ǁnā ǃkhais, ǁîs xa go ga ǃgomdāhes, ǁîsa go ge tita ǃoa nî ūhā, î ta tita ǁnâu si.” Israelǁaes ǀgoraǃgâ-aogu ge Eloba gere ǀgoraǃgâba. ǁNā aiǂhanub ge kaise ge ǃgâi i.—Deu. 1:16, 17.

Gagasi xūna ǀō-aisase ôaǃnâs

w13-E 9/15 9 ¶9

Jehovab hōhōǃnâ di ge a ǂgomǂgomsa

Israelǁaes khoen ge 40 kuriga “kai tsî ǃaoǃaosa ǃgaroǃhūb” ǃnâ ǂoa o. Ob ge Jehovaba matib ǁîna nî sâu tsî kōǃgâsa ge mî tama hâ i. Xaweb ge ge ǁgau matin, ǁîb ǃnâ ǂgom tsî ǁîb daoǁgaude nî sâusa. ǃÂusa tsēs ǃnâ sîsēnū tsî ǀaesa ǃoea gere sîsenūse. Jehovab ge Israelǁaesa ge ǁgau matib, ǁîna a kōǃgâ ǁkhāsa. (Deu. 1:19; Eks. 40:36-38) ǁÎb ge ǁîn ǂhâsiga ge kōǃgâ. “ǁÎn di saran ge ǀoro tama” ge hâ i, “tsî ǂaidi ân ge xâi tama ge i.”—Neh. 9:19-21.

JUNIB 7-13

ELOBMÎSA XU HÂ ǂÛǂÛSA MÎDI | DEUTERONOMIUM 3-4

“Jehovab di ǂhanugu ge gā-ai tsî a ǂhanu-ai”

it-2-E 1140 ¶5

ǁGauǃāxasib

Elobmîsa ǁkhāǁkhāsen tsî ûiǂuis ge khoe-e ra hui i i gā-aisiba ūhâ. ǁKhāǁkhā-aon tsî ǁîn xa kairan xa. (Psa. 119:99, 100, 130; ǀgopeǀnō re Luk. 2:46, 47.) ǁNā-amaga i ge Israelǁaes khoen ‘gā-aisib tsî ǁnâuǃāxasiba.’ ǁÎn ǁaegu ra hâ khoen xa ge mûhe ǁkhā i. (Deu. 4:5-8; Psa. 111:7, 8, 10; ǀgopeǀnō re 1Gao. 2:3.) ǁNâuǃāxa khoe-i ge Jehovab mîsa ra mûǃā. ǁÎ-i ge ǁnâuǃā tsî Eloba ra ǀkhoma i i huihe. (Psa. 119:169) Elobmîsa i ge ra mā-am i i tsâǀkhāhe. (Mat. 13:19-23) Tsî nē mîde ǁî-i ǂgaob ai ra xoamâi. (ǂKhm. 3:3-6; 7:1-4) Tsî i ge “ǂhumidaogu hoaga ǁkhan hâ.” (Psa. 119:104) ǃHūbaib aib ge hâ i o, ob ge Elob ǀgôaba. ǁNâuǃāxasiba, nēti i ǀgaub ǃnâ ge ǁgau. Haib ai ǁōsa xub ge ge ǃkhoebē tama hâ i. Nēti i ǀgaub ǃnâb nî ǁōse di ge xoade xoasa i amaga.—Mat. 26:51-54.

w99-E 11/1 20 ¶6-7

ǃGâisib ga ǀoa o

Gao-aos ge ǁnâu tsîs ge mû xūn xa buru tsî ge mî: “ǃGâiǃō gu ge hâ sa aoga tsî ǃgâiǃō gu ge hâ sa ǃgāga, hugaǀgui ais âts aiǃâ ra mâga tsî sa gā-aisiba ra ǁnâuga.” (1Gao. 10:4-8) ǁÎs ge Salomob ǃgān ǃkhūn hâ amaga a ǂkhî, ti ge ǂâibasen tama hâ i. Ama ǃkhūn ge hâ i xawe. Salomob ǃgān ge ge ǀkhaesa i. ǁÎb ge Elob xa māhe gā-aisiban gere ǃgâ amaga. Gao-aos Skebas ge mā aiǁgaus ge nētsē, Jehovab khoen ǃaroma a ǃgâi. ǁÎn hîna kuru aob tsî ǁîb ǀgôab Jesub Xristub gā-aisib, ǃnâ ra ǂgomai ǂnûina.

ǃGaoǃgâ re gao-aos ge Salomoba ǃoa mî xu-e: ‘Ab koahe re, Jehovab sa Eloba.’ (1Gao. 10:9) ǁÎs ge Jehovab ǃomma Salomob gā-aisib ǃnâ ge mû. Nē ǃâb ge, Jehovab ge Israelǁaesa ǀnai mîmâiba xū-i ǀkha a ǀgui. Ti ‘ǂnûiǂgādi tsî mîmāde dī’ tib ge mî o. ǁÎb ge ǀaro tsî ge mî “nēb ge sadu di gā-aisi tsî sadu di ǁnâuǃā nî ī, ǁnā ǁaedi, nē ǂnûiǂgādi tsî ǂhanugu tsîna nî ǁnâudi tsî: Nē kai ǁaes ǀguis ge a gā-ai tsî ǁnâuǃāxa ǁae, ti nî mîdi di mûdi aiǃâ.”—Deu. 4:5-7.

w07-E 8/1 29 ¶13

‘Elob ǃnâ du ǃkhū hâ’?

Jehovab ge ǁîb di khoena hoa ǁae ǃgâi ǀkhaega ra mā. (Jak. 1:17) Aiǁgauseb ge Jehovaba ǁîna ǁanǃkhai-e mā o, ob ge. ‘ǃHūb, daib tsî danib tsîkha xa ra dâuǃnâheba’ ǁîna ge mā.’ Egipteb ǃhūb tsîn ge di gere mîhe, xaweb ge Jehovaba Israelǁaesa a mā ǃhūb ge ge ǀkhara i. ǁNā ǃhūb, ‘ǁîbab ge Jehovab, sadu Eloba ra ǂhansenba.’ Tib ge Moseba Israelǁaesa ge mîba. ǀNî mîdi ǃnân ge ǁîna gere aiǃgû. Jehovab ge ǁîna gere kōǃgâ amaga. Israelǁaes ge ǂgomǂgomsase Jehovab ǃoagu gere hâs kōsen ge. ǁÎna Jehovab xa ǃkhū hâse gere ǀkhaehe. Tsî ǃgâi ûiba nau ǃhaodi xa ge ūhâ ǁkhā i. Amase “ǀKhaeb ǃKhūb dib ge ra ǃkhū kai”.—Num. 16:13; Deu. 4:5-8; 11:8-15.

Gagasi xūna ǀō-aisase ôaǃnâs

w04-E 9/15 25 ¶3

ǂÛǂûsa mîdi Deuteronomium ǂkhanisa xu

4:15-20, 23, 24—ǃGaoǂuihe hâ īsina kurus ge ǂkhāhe hâ isa ra ǂâibasen. Aitsama kurusa xūna sîsenūs ge ǂkhāsa isa? Hî-î. Ai-īsina kuru tsî ǃoabas ge ge ǂkhāsa i. ‘ǁÎn aiǃâts ge ǃhonǁgoa tsî ǁîna ǃoaba tide.’ Xoadi ge xūna kurus tamas ka io xūna paintsa ge ǂkhā tama hâ i.—1Gao. 7:18, 25.

JUNIB 14-20

ELOBMÎSA XU HÂ ǂÛǂÛSA MÎDI | DEUTERONOMIUM 5-6

“Sadu ǀgôana ǁkhāǁkhā re în Jehovaba ǀnam”

w05-E 6/15 20 ¶11

ǁGûdo, sadu omaris ǂhâsiga du kōǃgâ re

Nē ǃhoaǃâs ǃnâ i ge Deuteronomium 6:5-7 xa ǃnāsa, ǁaeba ra ǃhoahe. Toxoba du sadu Elobmîde ǁkhopa-am tsî ǁnā xoade khomai re. ǃGaoǃgâ re, ǁgûn ge ǂgurose nē xūna ǁîn ǂgoagu ǃnâ nî omkhâi. ǀNamma Jehovaba omkhâiba tsî ǁîb mîde ǂgaob ǃnâ nî ūbasen. Elobmîsa du ge ǃgamse nî ôaǃnâ. Tsēs hoasa khomaisi tsî nî ǂâiǃgâ. Î du Jehovab di ǀgaugu, ǁîb tsoatsoadi tsî ǂhanugu tsîna ǃamkuse ǁnâuǃā. Nēs ge nî hui du îb sadu di ǂgaoba Elobmîs amab xa ǀoa. Nē amab ge nî hui du ǂkhîba ūhâ, Jehovaba ǃao tsî ǁîba ǀnamsa. O du ge ǂgui ǃgâi xūna nî ūhâ sadu ǀgôana du nî ǁkhāǁkhāna.—Luk. 6:45.

w07-E 5/15 15-16

Mati ta ti ǀgôana nî hui în ǃgâi ǁkhāǁkhāsa ūhâ?

ǁHapodi, ǂâidi tsî ǃgâiba du a xūna, sadu dīb ǃnâ-ū ǁgau re. (Rom. 2:21, 22) ǂKharirosisa xun ge, ǀgôana ǁgûn ra dī xūna ra ǃgaoǃgâ. ǀGôan ge ǁîn ǁgûna a ǂhâǂhâsaba xūna ra mû. Tsî ǁnā xūn ge kai ǃâba, ǂkhamkhoen ûib ǃnâ ra ǀhuru. Jehovaba du ga ama ǀnam o, on ge sadu ǀgôana ǁnāsa nî mû. Aiǁgausen ge nî mû, Elobmîsa khomais tsî ǁkhāǁkhāsens sado a ǂhâǂhâsabasa. ǁÎn ge nî mûǃā Goasiba du ǂgurose ra mâisa. (Mat. 6:33) Sadu ǀhaode hâ ǃnâ tsî aoǁnâ sîsenni ǃnâ ra ǃâ ǃkhais ge ra ǁgau nî. Jehovaba ǃoabas a ǂhâǂhâsaba dusa.—Mat. 28:19, 20; Heb. 10:24, 25.

w05-E 6/15 21 ¶14

ǁGûdo, sadu omaris ǂhâsiga du kōǃgâ re

Deuteronomium 6:7 ra ǁgau khami i ge ǂgui gagasi xūna hâ. ǁGûn ǁîn ǀgôana a ǁkhāǁkhā ǁkhāna. ǃNari, sîsenǀhao tsî du ga sâǃgû o, o du ge. ǁAeba ūhâ, sadu ǀgôana gagasise ǁkhāǁkhāsa. ǂHâbasa tama i ge hâ, sadu ǀgôana Elobmîs amab xa ǀgui ǁkhāǁkhāsa. Xawe du ge nî dītsâ i du ǁîn ǀkhā omkhâi ra ǃhoana ūhâ. Aiǁgause ,i ge Awake ǂkhaniba ǂgui ǃâna ūhâ, ǃhoaǃgao ǁkhā du ana. Nē ǁkhāǁkhā ǃâdi ge nî hui du Jehovab xamanina kuru hâ ǀgaus. ǃHūbaib îxasib, khoen ǃkharagagu ǃhaoǃnâsi ǀgauga ūhâ ǀgaub xa ǃhoasa. Nēti i ǁgamǀhaodi ge ǂkhamkhoena nî hui. În ǂgomǂgomsa tsî gā-ai ǃgāb ra mā ǂkhanina khomai.—Mat. 24:45-47.

Gagasi xūna ǀō-aisase ôaǃnâs

w19 02 22 ¶11

ǀNammi tsî ǂhanu-aisib ǃkharu ge ǁaeb Israelǁaes ǃnâ

ǁKhāǁkhāsen da ra xūn: Jehovab ge khoe-i ǃaugab īsiba kō tama hâ. ǁÎb ge khoe-i ǂganaga ī ǀgauba ra kō, ǁî-i ǂgaob ǃnâ. (1Sam. 16:7) ǂÂidi, tsâsigu tsî dīgu tsîn ge Jehovaba xu a sâuhe ǁoa. ǁÎb ge sida ǃgâina dīs ǃgao ra ǂkhâǃnâ. Xaweb ge ra ǂhâba i da ǃgâi tama ǂâide mûǂan tsî sîsenǂam, ǃgâi tama xū-e da nî dīs aiǃâ.—2Kro. 16:9; Mat. 5:27-30.

JUNIB 21-27

ELOBMÎSA XU HÂ ǂÛǂÛSA MÎDI | DEUTERONOMIUM 7-8

“ǃGaeǀhao-i xare-ets ge ǁîn ǀkha dī tide”

w12-E 7/1 29 ¶2

Tae-i ǃaromab ge Jehovaba gere ǂgaoǀkha în ǁîb ǃoaba-aona. ǁÎn ǀkha ǀguiba ra ǃoaba khoena ǃgamme?

Jehovab ge ǃkamkuse ǂan. ǁGâuab Jehovab khoena ra ǂgaeǂkhapusa. În ǂhumi eloga ǃoaba. ǁNā-amagab ge Jehovaba ǃkhâikom tsî ge mî. “Sadu di ôaga di nî tita xu ǂgō kai amaga, ǀkhara eloga gu nî ǃoaba ga.” Nēs ge a ǃaorosa. Israelǁaes ǃhaos ga ǀkhara eloga ǃoaba o, on ge Jehovab ǀhommi. Tsî kōǃgâsa ra ǂoaǃnâ, tsî Supuse nau khoen xa tsûtsûhe ǁkhā. Matis ǃhaosa Mesiaba nî ǁkhauba? ǃGāsa i ge a ǁGâuab ge ǂgui ǃaromade ūhâ īsa. Israelǁaesa ǂgaeǂkhapusa în ǀkhara eloga ǃoaba.

w15-E 3/15 30-31

“ǃKhūb ǃnâ ǀgui” ǃgammesa—Sîsen i ra?

Jehovab ge ǁîb mîs ǃnâ ra doaǁgauda. I da ǃKhūb ǃnâ ǀgui ǃgamme. Tae-i ǃaroma? ǁÎb ge a ǂan tae-i ǁîb khoena a ǃgâibasa. Khoenab ge sâus ǀguisa hî tama. Xaweb ge ǁîna tsû xūna xu ra ǁkhauba ǂgao. Tsî ra ǂhâba ǂkhîban nî ūhâsa. Nehemiab Tsēdi ǃnân ge ǂgui Jodeǁîna ǃhao taradi. Hîna Jehovaba ǃoaba tamade gere ǃgamme. Nehemiab ge Salomonni ǃgâi tama aiǁgausa ge sîsenū. Salomonni ge ‘Jehovab xa ǀnamhe ī, . . . Xawe di ge ǃhao tarade ǁîba ge ǁore kai.’ (Neh. 13:23-26) ǁNā-amgab ge Jehovaba ǁîb khoen di ǃgâib ǃoa ge mî. În ǁîn ǀkha ǀguiba ra ǃoaba khoe-e ǃgamme. (Psa. 19:7-10; Jes. 48:17, 18) Xristeǁîn ga Jehovab ǀnamma ǃgôaǃgâ. Tsî ǁîb doaǁgaude ǂgomǃgâ o. Tsî ǁîb ǃnāga ǃgamǃgamsen o, on ge ra ǁgau ǁîban ra ǀnâuǀnamsa.—ǂKhm. 1:5.

w15-E 8/15 26 ¶12

Nē ǀuniga tsēdi ǃnâ du ra hâǀhao-ū khoena ǂanbasen re

ǃGamme ǂgao ra ǂkhamkhoen. ǃAroma i ge kaise a ǂhâǂhâsa. ǁÎn hâǀhaode kōǃgâsa. Elobmîs ge ǃgāsase ra mî: “Î du ǂgomoǃnân ǀkha tā ǁkhā ǃnao-e ǂgaeǀhao. Mâ amǃnâ-eb kha ǂhanu-aisiba ǂhanuoǃnâsib ǀkha ūhâ? Tsî mâ ǀhûǁare-eb kha ǃnâba ǃkhaenab ǀkha ūhâ?” (2Kor. 6:14) Elobmîs ge Jehovab khoen hîna ra ǃgamme ǂgaona ra ǀapemā în “ǃKhūb ǃnâ ǀgui” ǃgamme. ǁNās ge ra ǂâibasen i i ǁāǁnâsa ǃgâsa-i hîna. Jehovaba ǃoaba tsî ǁîb daoǁgaude ra sao-e ǃgamme. (1Kor. 7:39) Xristeǁî-i ga ǁî i ǀkha ǀguiba ra ǃoaba khoe-e ǃgamme o. O i ge ǀhōsa-i hîna ǂgomǂgomsase hâsa nî hui nî-e ra ǃgamme.

Gagasi xūna ǀō-aisase ôaǃnâs

w04-E 2/1 13 ¶4

Jehovab ge sida gagasi ǂhâsiga ra kōǃgâ

Sida ǂû-e ǀgorebas ge, sida gagasi ǂhâsigu xa ra ǂâiǂâiǃnâ da. Gaixuseb ge ǂû tama hâ i. Tsîb ge kaise ǃâ hâ i xaweb ge. Jesuba ǁgâuab xab ge ǃâitsâhe tsî ǀuide pere-i ǃnâ tawa. Kaihe o mâǃoa tsî ge mî: “Nēti xoahe hâ: Pereb ǀguiba xu i ge khoe-e ûi tide, tsî i ge Elob amsa xu ra ǂoa mîs hoasa xu nî ûi.” (Mat. 4:4) Jesub ge nēba kēbo-aob Moseb ge mî mîde ge sîsenū. Israelǁaesab ge mîba mîde: “Ob ge ǁîba ge ǃgamǃgam tsî ge ǃâ kai du, tsî manab, sadu a ǀūb tsî sadu îgu tsîn ǂan tama ge hâ iba gere ǂûmā du; ǁîb nî ǂanǂan duse, khoeb pereb ǀguib xa ûi tama xawe mâ mîs ǃKhūba xu ra ǂoaxas hoasa xu ra ûi ǃkhaisa.” (Deu. 8:3) Jehovab ge manaba gere mā nî ǀgaub ge ǁîna. Sorosise ǂû-i ǀkha ǀgui ge hui tama hâ i. Xawe gagasisen ra kōǃgâhes tsîna gere ǁgau. Aiǁgausen ge ‘tsēs ǀguisa ǂâu hâ-e gere ǀhaoǀhaobasen.’ ǁNā tsēs xa ǃnāsasen ga ǀhaoǀhoa o, o i ge ǀō tsî ǂunina gere hō. (Eks. 16:4, 20) 6ǁÎ tsēs ain ga, sâtsēts ǃaroma ǂguise ǀhaoǀhoa. Xawe i ge ge ǀō tama hâ i. (Eks. 16:5, 23, 24) Nēs ge gere ǁgau ǁnâuǀnaman nîsa. Tsî i ǁîn ûiga pereb ai ǀgui ûisa xu hâ tamasa. “Xawe mâ mîs ǃKhūba xu ra ǂoaxas hoasa xu.”

JUNIB 28–JULIB 4

ELOBMISA XU HÂ ǂÛǂÛSA MÎDI | DEUTERONOMIUM 9-10

“Tare xū-eb Eloba satsa ra ǂgaoǀkhā?”

w09-E 10/1 10 ¶3-4

Tae-e ra ǂhâǃnâ da Eloba ǂgaoba xu ǁnâuǀnamsa? Moseb ge ǀgui-e ge mî : “Khūb, sa Eloba ǃaos ǀguis” (12ǁî xoaǀgoras) Nēs ge ǁai ǀamǂoas tsû xūna dīs di tamasa. Xawe ǃgâi ǀgaub Elob daoga sao-ais disa. Elo ǃaoǃgâxasib xa da ga ǀoa o, o da ge ǁîba hoa ǁae nî ǂkhîǂkhî ǂgao. Tsî ǁîba tsûaǂgao kaisa xu nî ǂgōsen.

Tae-e sida nî ǂhâǃnâ Eloba ǁnâuǀnamsa? Moseb ge ge xoa: ‘Jehovab, sa Eloba ǀnam tsî ǃoabas ǀguis. Sa ǂgaob hoab ǀkha tsî ǀoms hoas ǀkha.’ (12ǁî xoaǀgoras) Eloba ǀnams ge tsâsin xa ǃāsa-e ǃkhōǂgā hâ. ǀNî ǁnaeǁgaudi ǂkhanib ge ra mîǃā: “Hebreǁî sîsen mîdi hîna tsâsib xa ra ǃhoadi ge. Xū-i hîna go dīhe i ra ǂoaxa-ū sîsenǂuib ǃoa ra ǁnaeǁgau.” ǁKhā ǁnaeǁgaudi ge Elob ǀnammi xa ra mî. “Khoe-i ǃoagu ǀnamxaǃnâse tanisen”. ǀNî mîdi ǃnâ Eloba da ga ama ǀnam o, o da ge. ǁÎba ra ǂkhîǂkhî di da a, ǂan ǀgaub ǃnâ nî ûi.—ǂKhm. 27:11.

w09-E 10/1 10 ¶6

Tare xū-eb Eloba satsa ra ǂgaoǀkhā?

Sida māsen xa ǁnâuǀnamxasib ge ǂgui ǀkhae ga nî hā-ū. Moseb ge ge xoa: “ǃkhōǀgaipets nîga ǃKhūb di mîmādi . . . nētsē ta ra mîmā tside, sa ǃgâiba ǃoa.” (13ǁî xoaǀgoras)) Mâ mîmās Jehovab dis—tsî ǂgan dab ra xu-i hoa i—ge sida ǃgâib ǃoa ǀgui hâ. Mati i ama tide? “Elob a ǀnam xui-ao” dis ge Elobmîsa ra mî. (1Jhn. 4:8) Tsîb ge nē mîmāde sida ǃgâiba nî hō ga ge mā. (Jes. 48:17) Jehovab ra ǂgaoǀkhā da xūna da ga dī o. O da ge ǂgui tsûadanaga xu, nēsi ra sâuhe. Tsî toa tide ǀkhae ga hānîǁae. ǁÎb Gaosib ǃnāga nî hōǃgâ.

cl-E 16 ¶2

“Eloba ǀgū” ǁkhā i du a?

Abrahammi ge ǁnān di ǀguib. Hîna ge nēdi i ǀhōsagusisa hōǃâba. Jehovab ge ǁîba “ti ǀhōsab” di ge ǂanǃgâ. (Jes. 41:8) Jehovab ge ǁîba ǀgū ǀhōsase gere ūǃoa. Abrahammi ge nē ǀgū ǀhōsasisa ge ūhâ i, ǁîb ge. ‘Elob ǃnâ gere ǂgom’ amaga. (Jak. 2:23) Nētsēb ge Jehovaba ǃēde ra oa îb “ǃkhōǂuibasen.” ǁNān hîna ǁîba ǀnamma xu ra ǃoabana. (Deu. 10:15) ǁÎb mîs ge ra mîba da: “Eloba ǀgū, ob ge sado nî ǀgū.” (Jak. 4:8) Nē mîdi ǃnâ da ge ǁkhauǂuis tsî mîmâis tsîna ra hō.

Gagasi xūna ǀō-aisase ôaǃnâs

it-1-E 103

Anakǁîn

Nē ǃhaos ge kaise ǂgui tsî ge kai i. ǁÎn ge Kanaanǁîn ǃhomgu ǃnâ gere hâ. Tsî huriba ūhâ ǃādi, ǃgōsase suides ǀkhab ai. Hebrons ǃnâ i ge ǂanǂansa aogu Ahimanni, Sesaib tsî Talmaib tsîga gere hâ. (Num. 13:22) Nēpas ge ǂguroǃnâs ase gu ge 12 Hebreǁî ǃkhē-aoga Anakimǁîna mûsa. 10 ǃKhē-aogu ge ǃaoǃaosa ǃnuriba ge mā. Tsî ge mî, gaxu khoegu kai ǁgammi daus di gu khamin ge i. Hebreǁîn ge “ǁkharigu” tamas ka io springkaani khami i. (Num. 13:28-33; Deu. 1:28) ǁÎn ǀgaub ge ge ǃaroma în kai tsî gaxu aoga. Emiǁîn tsî Refaimǁîgu ǀkha ǀgopeǀnōhe. ǁÎgu ǀgaib ge ǂkhoamîs. “Tari-e mâ ǁkhā Anaki ôan di ais aiǃâ?” di hâsa ge kuruǂui—Deu. 2:10, 11, 20, 21; 9:1-3.