Sadu ǀhōsana ǃgâise ǁhûi re

ǀGū ǀhōsan ǀkha du ga hâ o. O du ge ǂkhîba a ūhâ ǁkhā. ǁÎn ge ǃgom ǁaegu ǃnâ a ǂkhâǃnâ du ǁkhā. Elobmîs ge ra mîba da, hoa khoe taman ge ǃgâi ǀhōsana. Mati du ǃgâi ǀhōsana a ǁhûi ǁkhā? Sao ra dîdi xa ǂâi re.

1. Hâǀhao ū du ra ǀhōsana sadu tanisen ǀgauba mati ra tsâǀkhā?

Hâǀhao ū du ra khoen khami du ge a. Tanisen tsoatsoa ǁkhā. ǁNā tanisen ǀgaub ge a ǃgâi. Tamas ka io a tsū ǁkhā. Tsî nēs ge a ama. ǁÎn ǀkha du ga hâǀhao tamas ka io internets ǃnâ-ū ǃhoa xawe. Elobmîs ge ra mî: ‘Gā-ain ǀkha ga hâǀhaob, ǁnāb ge nîra gā-ai, xawe ǁnāb hîa gâren [ǁnān hîna Jehovaba ǀnam tama hân] di ǀhōsab ge nîra ǁgaibahe.’ (ǂKhoamîdi 13:​20) ǀHōsan hîna Jehovaba a ǀnam. Tsî ra ǃoaban ge nî hui du. Î du Jehovab ǀgūse hâ. Tsî ǃgâi mîǁguiga dī. Xawe ǀhōsan hîna Jehovaba ǀnam tama hân. Ge Jehovaba xu nî ūbē du. ǁNās ǃaromas ge Elobmîsa ra ǂkhâǃnâ du. Î du gā-aise ǀhōsana ǁhûi. Sadu ǀhōsan ga Eloba ǀnam o. On ge ǃgâi sîsenǂuiba sadu ai a ūhâ ǁkhā. Tsî du ge sadu tsîna ǃgâi sîsenǂuiba, ǁîn ai a ūhâ ǁkhā. ‘ǁNā-amaga ǁnamagu [ǂkhâǃnâgu] re, î-i nē-e nau-e omkhâi.’​—1 Tesalonikaǁîn 5:11.

2. Sadu ra ǁhûi ǀhōsana mati Jehovaba ra tsâ kai?

Jehovab ge ǁîb ǀhōsana ǃgâise ra ǁhûi. ǁÎb ǀhōsagusis ge “ǂhauǃnâb ǀkha hâ.” (ǂKhoamîdi 3:​32) Jehovaba mati nî tsâ? ǁÎba ǀnam tama ǀhōsan ǀkha du ga hâ o? ǁÎb ge ǁnās xa kaise nî ǂkhîoǃnâ kaihe. (Khomai re Jakobub 4:4 sa.) Xaweb ge Jehovaba nî ǂkhî tsî ǀhōsa-i ase nî ǁhûi du. ǃGâi tama ǀhōsana xu du ga hâbē o. Tsî du ga Jehovab tsî ǁîba a ǀnam khoen ǀgūse hâ o.​—Psalmdi 15:​1-4.

ǃGAMSE ÔAǃN RE

3. ǂAnbasen re, î du tā ǁgai ǀhōsana ǁhûi

Khoen hîna Eloba ǀnam taman. Tsî Eloba ǁnâuǀnam taman, ge a tsū ǀhōsa. VIDIOBA ǀhuru re. Tsî sao ra dîsa ǃhoaǃgao re.

VIDIOB: ǁGai ǀhōsana xu hâbē (6:17)

• Mati du tsū khoen ǀkha a hâǀhao ǁkhā, ǂan tamase?

Khomai re 1 Korinteǁîn 15:​33 sa. Tsî sao ra dîsa ǃhoaǃgao re:

• Mâ ǃnôa khoe-e xu du nî hâ bē? Tsî tae-i ǃaroma?

Khomai re Psalmdi 119:​63 sa. Tsî sao ra dîsa ǃhoaǃgao re:

• Tae-e nî ǁgau du khoe-i a ǃgâi ǀhōsa ǃkhaisa?

4. ǃKharagagu ǃgâi khoen ge sadu ǀhōsa kai ǁkhā

Elobmîs ge Davib tsî Jonatanni xa ra ǃhoa. Nē ǀgam khoekha ge ǃkharu ge ǁaeb ǃnâ Israeli ǃnâ ge ûi hâ i. ǁÎkha ge ǃkharagagu kurin tsî mâsiga ge ūhâ i. Xawe kha ge kaise ǃgâi ǀhōsagusisa ge ūhâ i. Khomai re 1 Samueli 18:1 sa. Tsî sao ra dîsa ǃhoaǃgao re:

• Tae-i ǃaroma du sadu ǀkha a ǀgui kurixa. Tsî ǀgui mâsiba ūhâ khoe-i ǀkha ǀgui ǀhōgu tide?

Khomai re Romeǁîn 1:​11, 12 sa. Tsî sao ra dîsa ǃhoaǃgao re:

• Matin ǀhōsan hîna Jehovaba a ǀnamna a ǂkhâǃnâgu ǁkhā?

Nē vidiob ǃnâ kō re. Matib ge ǂkham ǃgâsaba ǃâubasen tamab hâ ǃkhaidi ǃnâ ǀhōsana a kurusa. VIDIOBA ǀhuru re. Tsî sao ra dîde ǃhoaǃgao re.

VIDIOB: ǃÂubasen tama du hâ ǃkhain ai ǀhōsana hō re (5:06)

• Vidiob ǃnâ ra, Akili ǁgûra. Tae-i ǃaroma skoli aib gere kuru ǀhōsan xa gere ǂâiǂhansen?

• Tae-i ǃaromab ge tsoatsoas ai ǁnā ǀhōsan xa ǃgâibahe i?

• Matib ge ǀguri tsâsensa dan?

5. Mati du ǃgâi ǀhōsana kuru ǁkhā ǀgaus

VIDIOB: Ama ǀhōsa-e a tae? (4:14)

Khomai re ǂKhoamîdi 18:​24; 27:​17 sa. Tsî sao ra dîra ǃhoaǃgao re:

• Ama ǀhōsana mati ra huigu?

• ǁNāti ī ǃgâi ǀhōsana du ūhâ? Mati du ǃgâi ǀhōsana a hō ǁkhā?

Khomai re Filipeǁîn 2:4 sa. Tsî sao ra dîsa ǃhoaǃgao re:

• ǃGâi ǀhōsana du ga ǂhâba o. O du ge sadu tsîna nî ǃgâi ǀhōsa i. Mati du ǁnāsa a dī ǁkhā?

ǃKHŌǀHAOS

ǃGâi ǀhōsana du ga gā-aise ǁhûi o. O du ge Jehovaba ra ǂkhîǂkhî. Tsî du ge sadu tsîna ǃgâiba ǁnāsa xu ra hō.

ǁKhāǁkhāsen du go xūna ǂâiǃgâs

• Tae-i ǃaroman sadu ra hâǀhao ū, ǀhōsana Jehovaba a ǂhâǂhâsaba?

• Mâ khoen ǀkha du ǀhōgu tide?

• Mati du ǃgâi ǀhōsaguside ǃgâi ǀhōsan ǀkha a omkhâi ǁkhā?

ÔAǃNÂ

Khomai re, matin ǃgâi ǀhōsana ǃgom ǁaegu ǃnâ a hui du ǁkhā ǀgausa.

“Nau ǃgâsan ǀkha ǃgâi ǀhōsagusisa ūhâ re ǀams nî hās aiǃâ” (ǃKhē xu ǂgō-ommi, Novemberi 2019)

ǂÂi re, tae-e du a dī ǁkhāsa. ǃGâi ǀhōsana kurus ǃaroma.

“Mati ta ǃgâi ǀhōsana a kuru ǁkhā?” (ǂKhamkhoen ra dî dîdi​—ǃgâi ǃereamdi, 1ro ǃâb, 8ǁî danaǃâs)

Tae-e du internets ai ra kuruhe ǀhōsan xa nî ǂan?

Internetsa gā-aiba re (4:​12)

“Papasa-e ūhâsa ǃoa ta ge gere mûǂui.” Nē ǃâb ǃnâ ǂanǂui re. Tae-i ǃaromab ge ǀgui khoeba ǁîb ǀhōsana ǃgâise ǁhûisa.

“Elobmîs ge ûiga ra dawa” (ǃKhē xu ǂgō-ommi, Aprili 1, 2012)