Mati du nē Elobmîs ǁkhāǁkhāde xu ǃgâiba a hōǁkhā ǀgaus
Nē ǃâba aibe khomai re, tsî ǁnāpaxū VIDIOBA ǀhuru re.
ǂGURO ǃÂB
ǁKhāǁkhāǃâsa du ra aiǂhomi ǁaeb ai. ǂGuro xoaǀgorade khomai re. ǂNūse ǁgâisa dîdi (A) tsî xoadi (B) ge ǂhâǂhâsa ǂâide ra mâǂoa kai. ǀNî xoadi ge “khomai re” di a saosa.
ǁAEGUB ǃÂB
Tsoatsoas ai (C) ǃgamse ôaǃnâ re, di hâ ǃâb ǃnāka. I ge sao nî xūna ra mîǃāhe. ǃNāka ǂnôa xoaǂamdi (D) ge mâǂoa ra ǂâide ra mâi-aiǃâ. ǁKhāǁkhā du ra khoe-i ǀkha xoade khomai. Dîde ǃeream tsî vidioga kō re.
VIDIOB boksidi ge xoasa xūn ǀkha ra ǃgûǀhao vidioba ūhâ. ǀNî vidiogu ge ama ī ge xūna ra ǁgau. Tsîn ge ǀnîna ama ī ǁkhā xūna ra ǁgau. Xawen ge vidiob ǃnâ hâ xūna ama ī ra xūn ǀkha ra ǀgau.
Ai-īsiga kō re tsî ǁîgu ǃnāka xoasa mîdi tsîna (E). Tsî ǂâi re, mati du nî ǃereamsa, mati du nî ǃeream khoe-i ga mî o di hâ ǃâba (F).
ǀUNIGA ǃÂB
ǃKhōǀhaos tsî ǁkhāǁkhāsen du go xūna ǂâiǃgâs (G) ge ǁkhāǁkhāǃâs ǀams ai hâ. Xoaǂgā re, tsēsa nē ǁkhāǁkhāǃâs go toasa. Sadu nî dī xū-i (H) nēs ge sîsen ai du nî xū-i ǃoa ra ǁnaeǁgau. Ôaǃnâ (I) di hâ ǃâb ge sadu nî khomai tsî kō vidion ǃâba.
Mati du Elobmîs xoade nî hō ǀgaus
Elobmîs ge 66 ǂkhari ǂkhanide xu hâ. Tsî ǀgam ǃâkha ǃnâ a ǀgoraǂgāsa: Hebregowab tsî Aramaigowab xoadi (“ǀOro Testamens”) tsî Xristeǁî Grikegowab xoadi (“ǀAsa Testamens”).
Nē ǃhoaǀhaodi ǃnâ i ge xoade Elobmîs ǂkhanidi (A) ǀons ǀkha ra tsoatsoa. ǁNāpaxū danaǃâdi (B) tsî ǁaraǃās tamas ka io ǁaraǃādi (C).
Aiǁgause, Johaneb 17:3 ge Johaneb ǂkhanis ǃoa ra ǁnaeǁgau. Tsî danaǃâs ge 17 tsî ǁaraǃāsa a 3.