Mā-am îs ǁgamǀhaosa hoaǃnâ-aixa

Filipub ge dī-i

VIDIOB: Filipub ge Etopiaǁîba ra aoǁnâba

1. VIDIOBA kō tamas ka io ǃNaeǃkhaidi 8:30, 31 sa khomai. Tsî saora dîde ǂâiǃgâ:

1. Filipuba mati ǁgamǀhaosa ge tsoatsoa?

2. Nēsa tae-i ǃaroma ge ǃgâi ǀgau-i ǁgamǀhaosa tsoatsoa tsî Etopiaǁîba ǀasa xū-e ǁkhāǁkhāsa?

Tae-e da Filipuba xu ra ǁkhāǁkhāsen?

2. ǃGâi ǀgaub ǃnâ da ga ǁgamǀhao-e tsoatsoa, o î ge nau khoe-e nî supuba ī-i ǁgamǀhaos ǃnâ ǁhao.

Filipuba ǁgae

3. ǃGaoǃgâxa. Khoe-i ra mûsen tsî tanisen ǀgaub ge ǂgui xūna a mîba da ǁkhā. Khoe-e māsenxase tita ǀkha ra ǃhoa ǂgao? Elobmîsa xu hâ xū-i xa du ge a ǃhoa tsoatsoa ǁkhā dî rase, “ǂan-i du go ī . . . ?” Tā sadu ǀkha ǃhoa ǂgao tama hâ khoe-e ǁgamǀhaos ǃnâ ǁgari.

4. ǃNūǃnâxa. Tā Elobmîs amaba du tsoatsoasa xu nî mâi-aiǃâ khami tsâ. ǂHanu ǁaeba ǃâu tsî ǁî-i xa ǃhoa. ǀNî ǁaegu ais ge nēsa ra ǂâibasen saora ǃnās kōse du nî ǃâusa, ǁkhawa du nē khoe-i ǀkha nî ǃhoas aiǃâ.

5. ǂHâsigu ǃoagu dawa. Khoe-i ge buru kai du ra xū-i xa a ǃhoa ǁkhā. ǁNā-amaga nē khoe-i ǀkha xū-e ǀgoragu re. ǁÎ-i go ǃhoa xū-i ǀkha ra ǃgû ǀhao-e. ǂÂibasen ǁkhā î ge a sadu go aiǂhomi hâ-i Elobmîs amaba du ǀgoragu tidesa.