Tsâbaǁhaos

Jesub ge dī-i

VIDIOB: Jesub ge ǂgui khoena ra ǀkhom

1. VIDIOBA ko tamas ka io Markub 6:30-34 sa khomai. Tsî saora dîde ǂâiǃgâ:

1. Tae-i ǃaromab Jesub tsî ǁîb apostelgu tsîna “ǃnōsa ǃkhai-i” ai gere hâ ǂgao?

2. Jesuba tae-i xa ge ǂkhâǃnâhe îb ǂgui khoena ǁkhāǁkhā?

Tae-e da Jesuba xu ra ǁkhāǁkhāsen?

2. Tsâbaǁhaoxasib ge ra hui îda khoen ǃnâ ǃgâiǃgâibasensa ūhâ, sida haisi-ams ai ǀguis ose.

Jesuba ǁgae

3. ǃGaoǃgâxase ǃgâ. Khoe-e mā-am re ī-i mî mati i ra tsâǀgauba tamas ka io mati i ra ǂâiǀgauba. Khoe-e mā-am re ī-i ǁî-i tsâsin, ǂâiǂhansenan tsî ūǃoa tama i hâ xūn xa hārase ǃhoa. ǁÎ-e du ga ǃgaoǃgâxase ǃgâ o, o du ge ra ǁgau ǁî-i ra mî xūn ǃnâ du ǃgâiǃgâibasensa ūha ti.

4. ǃGâiǃgâibasensa ūhâ khoe-i xa ǂâi. ǁÎ-i ūhâ ǁgamǀhaon ai ǃgaoǃgaosase dîsen re:

1. ‘Nē khoe-e tae-i ǃaroma amaba ni ǁnâu?’

2. ‘Elobmîs ǁkhāǁkhāsa mati ǁî-i tsēkorobe ûib tsî hānîǁaeb tsîna nî ǃgaiǃgai?’

5 ǁÎ-e nî hui xūn xa ǃhoa. ǃHae ǁaeb ǃnâ ǁgau re Elobmîs ǁkhāǁkhāsens mati ǁî-i ūhâ dîde nî ǃereamsa tsî mati-i Elobmîs ǁkhāǁkhās xa nî huihesa.