Khomai-aon Dîdi

Jodeǁî tempelgu ǀapaǃnamga ge ham-i? Tsî tae-e gu gere dī?

ǀGui xū-i hîna prister tama ge hâ i Leviǁîgu xa gere dīhe i ge ǀapaǃnamgu sîsenni ǀkha a ǀgopeǀnōhe ǁkhā. Nēs ge tempeli di mûǂam-aob kōǃgâs ǃnāka ge hâ i. Jodeǁî xoa-aob Philob ge saora-e ra mî: “ǀNî Leviǁîgu ge dao-ams tawa gere mâ tsî ǀnîga tempeli ǂnamipe, îgu mā-ams ose ra ǂgâ khoena ǁkhae. Tsî ǀnîgu ge ǃûias tamas ka io tsēa ge ǁgaumâisa i, îgu tempela ǃûi.”

Nē ǀapaǃnamgu ge Jodeǁîn ǀapeǀhaos ǃnâns xa ge ǂnûiǂgāhe hâ i. Romeǁîn ge nē Jodeǁî ǀapaǃnamgu ǀguiga ge mā-am hâ i.

Joachim Jeremiasi ge ra mî: “Jesub ge tsēkorobe ta ge sadu ǀkha tempeli ǃnâ ǂnû, tsî gere ǁkhāǁkhā xawe du ge ǃkhō te tama hâ i tib ge ǃkhōsis ǃnâb ge ūhes aisi a mî ǃkhais ge ra ǁgau ǃkhōsis ǃnâ ge ūbi khoegu ge tempeli ǀapaǃnam i ǃkhaisa. (Mat. 26.55)” Nē xoa-aob tsîn ge ra ǂgom Jesuba ge ǀnî hâ ǁaxasib ǃnâ ǃkhōsis ǃnâ ūgu tsîn ge tempeli ǀapaǃnam i ǃkhaisa. (Jhn. 7:32, 45, 46) Tempeli di ǂamkhoeb ge ega Jesub di ǁkhāǁkhāsabega Jodeǁîn ǀapeǀhaos aiǃâ ge sī-ū. Tsî nē khoegu ǂûgu ge apostel Pauluba tempela xu ge a ǃhaeǂui.—ǃNǃkh. 4:1-3; 5:17-27; 21:27-30.