Elobmîsa mati sa omarisa a hui ǁkhā?

AOGU/ǁGÛGU

“ǁNāti gu nî aoga ǁîgu tarade ǀnam, ǁîgu sorodi ǂûdi khami. ǁÎb tarasa ra ǀnammi ge ǁî-aitsama a ǀnamsenna; khoe-i xare-i ge tātsē ǁî-i ǁgans ǂûsa ǁkhan tama hâ xui-ao; xawe i ge ǂûmā tsî ra sâu si, . . . Tsî sago tsîna ab mâb hoaba taras âba ǁîb a ǀnamsens ǁkhās khami ǀnam.”

Efeseǁîn 5:28, 29, 33

“Tsî sago ǁgûgo, sago ôana tā ǁaib ǃoa ǁgonǁgon, î go ǁîna ǃKhūb [Jehovab, NW] ǂgōǀaus tsî ǁnamas tsîra ǃnâ kaikai.”

Efeseǁîn 6:4

TARADI

“Tsî tarasa as aoba ǃgôa.”

Efeseǁîn 5:33

“Saso taraso, saso aoga ǃnaga hâba anu i hâ khami ǃKhūb ǃnâ.”

Koloseǁîn 3:18

ǀGÔARON

“Sadu ǀgôado, sadu îna ǁnâuǀnam re, ǃKhūb ǃnâ; ǁîs a ǂhanu xuige. ‘Saob tsî saos tsîrats ge nî ǃgôa; nēs ge ǂguro mîmās mîmâi-i ǀkha hâsa, ǃgâibahets nîse, tsîts nî ǂomxase ǃhūbaib ai ûise.’”

Efeseǁîn 6:1-3

“Sadu ǀgôado, sadu îna ǁnâuǀnam hoa xūn ǃnâ; ǁîs a ǃKhūba ǃgâiba xuige.”

Koloseǁîn 3:20