9 Ham ta tita

NĒSA TAE-E RA ǂÂIBASEN

Sats a hams ge sa ǀons tsî sats ra mûsen ǀgaub xa a kai. Nēs ge sats ra ǂgom xūn tsî sa ǂūb tsîna ǃkhōǂgā hâ. Sats a hams ge satsa ra sa kai, ǂganaga tsî ǃaugas tsîna.

TAE-I ǃGAO I A ǂHÂǂHÂSA

Ham du a sadu ga ǂan o, o du ge ǂgom dura xūna ra khâimâba. Tsî du ge sa du ǀhōsan ra mî xūna sao tama hâ.

“ǂGui khoen ge poppi-i khami ī. Nē poppi-i ge ǁîn ra ana sarana aitsama ǁhûi tama. ǀNî khoe-i ge ǁî-e ǁnāsa ra dība.”​—Adrian.

“ǁKhāǁkhāsen te ge ge î ta ǂkhanu xūna mâba, ǃgom i a xawe. Nēsi ta ge a mî ǁkhā, hami a ti ama ǀhōsa ǃkhaisa. ǁÎn ǀkha ta ga hâ o.”—Courtney.

ELOBMÎS DAOǁGAUDI: ‘Î tā nē ǃhūbaib xa ǂgaeǂhapuhe, î du sadu ǂâis di ǀasa kaisis ǃnâ ǀkhara.’—Romeǁîn 12:2.

TAE-E DU NÎ DĪ

ǂAnǂui re, nēsi ham du asa. Tsî tae kai ǂgao du ra sa. ǀGaisa ǃnâts a xūna ôaǃnâs ǃnâ-ū. Tsî kē re, man ǃnâts a ǂkhabusasa. Tsî mâ xūn ǃnâts ǀgaisa ǂgomsa ūhâsa. Nēsa ǃereams ǃgao, ǃnaga hâ dîde ǃeream re.

ǀGaib: Tae-i ǁkhāsib tsî ǂansa ta ūhâ? Mâ xūn ǃnâ ta ǃgâise ra dī? (Aiǁgause: ǁAeb ai ta xūna ra dī? ǃkhō-oasen ǁkhā ta a? ǃgarise ta ra sîsen? tsîn auxa ta a?) Mâ ǃgâi xūna ta a dī ǁkhā?

ǀApemās: ǃGâi xūna sats ǃnâ mûs ǃgomsibats ūhâ? Sa ǁgû-e dî re, sats tae-i ǃnâ a ǃgâisa. Tsî ǁNāpaxū dî re, tae-i ǃaroman di ra mîsa.

ELOBMÎS DAOǁGAUDI: ‘A i mâ-i hoa-e ǁî-i sîsenna ôaǃnâ, o i ge ǁî-i ǀgui-i tawa koa-e nî ūhâ, tsî nau-i tawa tama.’—Galateǁîn 6:4.

ǂKhabusasib: Sa tanisen ǀgaub ǃnâts, tae-e nî ǀkharaǀkhara? ǃâitsâhe ta ga o, o ta tsū xū-e ra dī? Mâ xūn ǃnâ ta a ǃkhō-oasen ǁkhā?

ELOBMÎS DAOǁGAUDI: “ǁOre-i xare-e da ūhâ tama, ti da ga mîo, o da ge ǁî-aitsama ra ǂgaeǂhapusen.”—1 Johaneb 1:8.

ǂGomǃgâsib: Ham-i ǂūba ta ra sao tsî tae-i ǃaroma? Elob ǃnâ ta ra ǂgom? Tae-e ra ǁgau te, Elob hâsa? Taena ta nî ǀkharaǀkhara tsî tae-i ǃgao? Tae-i ǂgomǃgâsiba ta ūhâ hānîǁaeb xa?

ELOBMÎS DAOǁGAUDI: ‘Ob ge ǂansa satsa nîra ǃûi, ob ge ǁnâuǃāxasiba satsa nîra sâu.’—ǂKhoamîdi 2:11.