Sida ge mâtarehe ra ǁkhāǁkhā-aona sida ti ǀapeǂhumis ǃnâ ūhâ tama hâ. Xristub ǁaeb di ǀhaohâb ge tsoatsoa khami da ge anu hâ mûǂam-aoga ra ǁgaumâi î gu “gūn hoaragana ǃûi.” (ǃNaeǃkhaidi 20:28) Nē aogu gāgāsise ǀgaisase mâbasen hâgu ge ǀhaohâba ra ǂgaeǂgui, “ǁgarisa xu tama i tsî māsenxase; ǁkhāti taotaosa hōbasen-i ǃaroma tama i tsî ǂgaob hoaba xu.” (1 Petrub 5:1-3) Tae sîsena gu sida ǃaroma ra dī?

ǀǀÎgu ge sida ra tsâba tsî ra kēǃgâ. ǀHaohâb ǃûi-aoguge ǀhaohâba daoǁgau tsî gāgāsi se ra kēǃgâ. ǂAn gu a Elob ge nē ǂhâǂhâsa sîsenni ǀkha ǂgomǃgâgu ǃkhaisa amaga gu ge Elob di khoena gaoǂam tama i tsî xawe sida di ǃgâise hâsa kai ǂkhîb tsî ǀnami ǀkha ra huiǃnâ. (2 Korinteǁîn 1:24) Mâ ǃûi-aob hoab ta ǀguiǀguibese gūte kēǃgâs, ǁkhās khami gu ge ǀǀîga ǀhaohâba ǀguiǀguibese mâ-i hoa-e ǂansa ra ǁgūba.—ǂKhoamîdi 27:23.

Elob ǂâisa da nî dī ǀgausa ra ǁkhāǁkhāda. Mâ wekheb hoaba gu ge ǀhaohâb ǀhaode ra ǂgaeǂgui tsî sida gāgāsise ra ǀgaiǀgai. (ǃNaeǃkhaidi 15:32) Nē aogu ge māsenxa se ǃgâiǂhôas sîsenî ǃnâs tsîna ǂgaeǂguisa ūhâ tsî sida ǀkha ra sîsen ǁae, nē sîsena gu ra ǁkhāǁkhāda se.

ǁÎgu ge mâ khoe-i hoa-e ǁî-i ǃoa hâ ǂkhâǃnâsa ra mā. Sida gāgāsise huis ǃaroma gu ge ǀHaohâb ǃûi-oaga oms tawa tamas ka io ǀHû-omi tawa ra sarida tsî Elobmîsa xu huida tsî ra ǁkhaeǂgao da.—Jakobub 5:14, 15.

ǀHaohâba gu ra sîsenba xawe gu ge mâtarehera sîsen-e ūhâ tsî ǁîgu omaride kēǃgâ tsî ǁaeba ūbahâ. Nē ǃgarise ra sîsen aogu ge sada di ǃgôasiba anu hâ.—1 Tesalonikaǁîn 5:12, 13.

• ǀHaohâb di ǃûi-aogu sîsen e tae?

• Mâ ǀgaub ai gu ǀHaohâb ǃûi-aoga mâ khoe-i hoa-i ǀkha gu ǁaehâ ǀgausa ra ǁgau?

Elobmîs ge ǀgam ǃnâgu Xristeǁî aogu xa ra mîǃgāǃgā ǀhaohâba nî kēǃgâ ga—“mûǂam-aob tsî ǀhaohâb hui-aob tsîkha.” (Filipeǁîn 1:1) ǁNaetisase gu ge nē ǃgâsaga mâ ǀhaohâb hoab ǃnâ hâ. Tae sîsen e gu ǀhaohâb hui-aoga ra dī ǀhaohâba a hui ǁkhāse?

ǁÎgu ge ǀhaohâb ǃûi-aoga ra hui. ǀHaohâb hui-aob ge gāgāsise a ǁguiǂgāsa tsî ǂgomǃgâhe ǁkhā tsî a ǃgari sîsen-ao, ǂkhamgu tsî kaigu tsîna. ǁÎgu ge kaise ǂhâǂhâsa ǀhaohâb sîsena dī tsî ra kēǃgâ ǁaeb hoaba. Nēs ǀkha gu ge ǀhaohâb ǃûi-aoga ǁaeba ūhâ ǀhaohâba gāgāsise ǀgaiǀgai tsî ǁkhāǁkhāsa.

ǁÎgu ge ǀhaohâba ra hui. ǀNî ǀhaohâb hui-aogu sîsenni ge ǀhaos ǃoa ra hā khoena ǁkhoreǁharesa. Naugu ge ǃhoaǃnâ ūhera xūna ra sîsenū, ǂkhanina māǂuis, ǀhaohâb marina sîsenūs tsî aoǁnâ sîsenni nî dīhe ǂharide ǀhaohâba mâǂuisa. Hoagu ge ǀhû-oma keǃgâs ǃnâ ra hui. ǀHaohâb ǃûi-aogu ge ǀhaohâb hui-aoga a ǂgan ǁkhā kaira khoena huis ǀkha. Mâ sîsenni ǀgui-e gu ga mâhe xawe gu ge ǀhaohâb hui-aoga a māsenxa nē sîsena dīsa tsî gu ge ǃgôasiba ra hō.—1 Timoteub 3:13.

ǁÎgu ge ǃgâi aiǁgausa Xristeǁî aogu axase ra ǁgau. ǀHaohâb hui-aogu ge ǁîgu ǃgâi gāgāsi tanisens ai ra ǁhûihe. ǃÂde gu ga ǃoabadi ai ūhâ o, ogu ge sida di ǂgomsa ra ǀgaiǀgai. Daoba aoǁnâ sîsenni ǀkha ǁgaudas ǃnâ-ū gu ge ra ǀgaiǀgai da. ǁÎgu di sîsenǁaes gāgāsises ge ǂkhîb tsî ǀguiǃnâxasib tsîna ra ǀgaiǀgai. (Efeseǁîn 4:16) ǁAeb ǀkha gu ge ǁîgu tsîna ǀhaohâb ǃûi-ao kai ǁkhā.

• Tae ǃnôa khoega ǀhaohâb hui-aoga?

• Matigu ǀhaohâb hui-aoga ǀhaohâba ra hui supuse hoa xūna sîsensa?

Xristesi Grikeǁî Xoadi ge ǃnâs hoasa apostel Barnabab tsî Paulub xa ra ǃhoa. Nē khoega ge ǃnarima mûǂam-aokha axase aibekam ǁaeb ǀhaohâga gere sari. Mati i io? ǁÎgu ge ǂgaob ǃgamsiba xu ǁîgu di gāgāsi ǃgâsan ǂurusib ǃaroma gere ǂhansen. Paulub ge ge mî “Akhom ǁkhawa oa” tsî mû matin hâsa. ǁÎb ge ge māsenxa i 100 xa ǃnāsa kilometerte ǃgû tsî ǁîna sī ǀgaiǀgaisa. (ǃNaeǃkhaidi 15:36) Nē turab ge sida di ǃnarima ra mûǂam-aogu nētsē ūhâba.

ǁÎgu ge sida ǀgaiǀgais ǃaroma ra hā. Mâ !Narimara mûǂam-aob hoab ge ǀgamdisi ǃnāte ǀhaohâga ra sari wekheb hoaba ǀgui ǀhaohâb tawa tsî kurib ǃnâ ǀgam ǃnara ǁkhā ǀhaohâb tawa. Nē ǃgâsagu ge kaise a huida ǁkhā ǁîgu di ûib ǂansa xu tsî ǃgamehâgu di tarade xu. ǁÎgu ge ǁnās kose ra dītsâ mâ ǂkham tsî kaira khoen hoana ǂansa tsî ǁîn ǀkha aoǁnâ sîsena dī tsî Elobmîs ǁkhāǁkhās ǃoa saosa. Nē mûǂam-aogu ge ǀhaohâb ǃûi-aogu ǀkha ǃgâsana gāgāsise ǀgaiǀgais ǃaroma omdi tawas tsîna ra sari tsî gāgāsise ra ǀgaiǀgai ǃhoaǃâdi tsîna ra mā.—ǃNaeǃkhaidi 15:35.

ǁÎgu ge ra ǁgau hoa khoena gu ra tsâba ǃkhaisa. ǃNarimara mûǂam-aogu ge ǀhaohâb nî gāgāse kaise ǀgais ǀkha ǁaehâ. ǁÎb ge ǀhaohâb ǃûi-aogu tsî ǀhaohâb hui-aogu ǀkha ǀhao tsî ra ǁgamǁgae ǀhaohâb da mati gāgāsise aiǃgû tsî mati gu harebese ǁîgu sîsenni tsî ǃereamde nî di ǀgausa. ǁÎgu ge aimâba-aona ra hui ǁîn aoǁnâ sîsena dans ǀkha aoǁnâ tsî ǀasase tsoatsoa hâna gāgāsise ǀgaiǀgaisa. Mâ ǃgâsab hoab ge māsenxase ‘sîsenǁare aob’ ase i. (2 Korinteǁîn 8:23) Sada tsîn ge ǁîn aiǁgausa nî sao ǂgoms ǃnân mâǁnāsen hâ ǀgausa.—Hebreǁîn 13:7.

• Tae-i ǃaromab ǃnarimara mûǂam-aoba ǀhaohâga ra sari?

• ǁÎgu di sarisa satsa mati a hui ǁkhā?

Tsūkēǃgâb ga hâ o, on ge Jehovab di ǀHûǀguitimî-aona kaise a ǃhae ǁîn ǃgâsan tsūkēǃgâb xa ǃoahehâna huis ǀkha. Nē huib ge ra ǁgau ǂgaoba xu da ǀnam gu ǃkhaisa. (Johaneb 13:34, 35; 1 Johaneb 3:17, 18) Mâ ǀgaugu ai da hui ǁkhā?

Marina da ge ra ao. Judeab ǃnâb ge ǂûǀorosiba hâ i o, on ge aibekam Xristeǁîn Antioxias dina marin ǀkha ǁîn gāgāsi ǃgâsana ge hui. (ǃNaeǃkhaidi 11:27-30) ǁNās khami nētsē, da ge sida ǃgân ǀnîhâ ǀkhāb ǃhūbaib dib ai ǁanhân ga tsûsasib ǃnâ hâ o ra hui ǀhaohâb ǃnâ-ū ǂhâǂhâsa xūn huib ǀkha ǁîn ǂhâsib !oa.—2 Korinteǁîn 8:13-15.

ǁKhā da a ǀgaub ai da ge ra hui. Tsūkeǃgâb ga hâ o, o gu ge ǀhaohâb ǃûi-aoga mâ khoe-i ǀhaohâb ǃnâ hâ-i hoa-e ôaǂui tsî ra kēǃgâ ǂuru tsîn a ǃnorasa ǃkhai-e. Huira ǀapeǀhaos ge ǂûn, ǃanu ǁgami, saran, ǂurusib tsî hâǃkhai-i ǀkha ra hui. ǂGui ǀHûǀguitimî-aon hîna ǂansa ūhân ge māsen tsî ǁîn marin tsî xūn ǀkha nē ǃgâsana hui tsî kuru-unuhe ǁkhā xūna ǀHû-omi tsî khoen omdi tawa ra hui. Sida di ǀguiǃnâxasib tsî ǂkhîb ǃgaeǁaes tsî ǂans hîna da ra hōs ǀguiba sîsenǁaes ǃaromas ge ra hui i da ǃhaese huib ga ǂhâbasa o khâimâsa. Sida ǃgâsana da ra hui xawe da ge ǁnān sida ǀkha ǀgoreǀhao tama hân tsîna ra hui.—Galateǁîn 6:10.

Gāgāsise tsî tsâbarase da ge ra hui. Tsūkēǃgâb ǃnâ ǃkharu hâ khoen ge ǃnāsase huiba ǂhâba hâ. ǁNā ǁaeb ai da ge ǀgaiba Jehovaba xu ra hō “Elob ǁkhaeǂgaos hoas diba.” (2 Korinteǁîn 1:3, 4) ǂKhîb ǀkha da ge tsūkēǃgâb ǃnâ hâ khoena Elobmîs mîmâis, ǀāǁaeb Elob Gaosiba hoa tsûb tsî ǃgomsin tsūkēǃgâb xa ǃaromahe hâna nî ūbesa ra ǀgoragu.—ǂHaiǂhais 21:4.

• Tae-i ǃaroman ǀHûǀguitimî-aona kaise ǃhaese ra hui tsūkēǃgâb ga hâ o?

• Tae gāgāsi huiba da a ǀgoragu ǁkhā ûiǃkharuga khoen ǀkha?

ǁŌb nîs aiǃâb ge Jesuba ǁîb di haka ǁkhāǁkhāsabegu Petrub, Jakobub, Johaneb tsî Andreab ǀkha ǀgurihâse gere ǁgam. Jesub ge saos ǁîb nî has dis xa gere ǁgam hînab ge kaise ǂûǂûsa dîsa ge dî: “Mâba a ǂgomǂgomsa tsî a gā-ai ǃgāb ǀhonkhoeb omi din ǂama ge mâiba, ǁaeb aib nî ǁîna ǂûmāse?” (Mateub 24:3, 45; Markub 13:3, 4) Jesub ge ǁîb ǁkhāǁkhāsabega ǂgomǃgâsa ge mâ “ǀhonkhoeb” nî ǁnāna ǁgaumâi hoa ǁae gāgāsi ǂûna ǁaeb ai ǁîb saosabena nî mâ ǀunis tsēti ǃnâ. Nē ǂgomǂgomsa ǃgāba hamna xu ǃkhōǂuisa?

ǁÎn ge amab ǃnâ gāgāb xa ǂhauhesa Jesub saosabena. “ǃGāb” ge gāgāsi ǃgâsan Jesub dina ǁkhoreǁharexase mîmâisa ǁaeb ai gāgāsi ǂûna Jehovab ǂgomsabena ra mā. Nē ǂgomǂgomsa ǃgān ai da ge ra ǂgomǃgâ “mîmâisa ǁaeb ain ǁîna ǂûna” nî mā da ǃkhaisa.—Lukab 12:42.

Elob omsa ra kēǃgâ. (1 Timoteub 3:15) Jesub ge ǂgomǂgomsa ǃgāba ǃgom ǁgui-aisa ge mâ ǁîb sîsena nē ǃhūbaib ai ǁîb ǀapeǂhumis ǃnâ-ū—kēǃgâsa sorosise tsî aoǁnâ sîsenni daoǁgausa ǀhaohâgu ǃnâ-ū. Nēs ǀkha ǂhâba da hâ xūna ra mā da, “ǂgomǂgomsa ǃgāb ge” gāgāsi ǂûn sida ǂkhanin aoǁnâ sîsenni ǃnâ da ra sîsenūn tsî ǀapeǁguib ǀhaodi tsî kai ǀhaodi tawa ra sîsenūn tsîna.

ǂGomǂgomsa ǃgāb ǃgubis ge ǂgomǂgomsa Elobmîs amab ai, ǃgâiǂhôasa ra aoǁnâ tsî ǂōrisase Jesub di turaxasiba nē ǃhūbaib ai ra aiǃgû kaisa. (ǃNaeǃkhaidi 10:42) Jehovab ge ǁîb sîsena ra ǀkhae kaisib tsî ǀoahâ gāgāsi ǂûn ǀkha.—Jesajab 60:22;65:13.

• Ham-e ge ǁgaumâihe Jesub xa ǁîb di ǁkhāǁkhāsabena gāgāsise ǂûmāsa?

• Mâ ǀgaub aib ǂgomǂgomsa ǃgāba ama tsî a ǂōrisa?

Aibekam ǁae ge hâ i, ǂkhari ǃgubis, “apostelgu tsî ǀhaohâb di ǂnomdomgu” ge kaise ǂhâǂhâsa mîǁguide hoa ǀhaohâba ǂnûǁkhaeba hâse gere dī. (ǃNaeǃkhaidi 15:2) ǀGuiǂâixasegu gere mîǁgui o, os ge nēsa ǃanu gāgāb xa ǁguiǂgāhe hâse tsî Elobmîs ai ǃgaoǃgaohe hâse gere dīhe. (ǃNaeǃkhaidi 15:25) ǁNāti ǀgui i ge nētsē ra dīhe.

Nēs ge Elob xa gere sîsenūhe ǁÎb ǂâisa dīǀoaǀoas ǃaroma. ǂHauhesa ǃgâsagu hîna ǂGaeǂguira soros ǃnâ hâ gu ge Elobmîs ǃnâ ǀgaisa turab tsî kai ǂansa tsēgorobe tsî gāgāsi xūn ǃnâ ūhâ. Wekheb hoaba ǀhao tsîgu ge ǃhūbaib ǂhawase hâ ǃgâsan ǂhâsiga ra kēǃgâ. Aibekam ǁaeb khamin ge Elobmîs ai ǃgaoǃgao hâse huiba ra mā sîǂkhanidi ǃnâ-ū tamas ka io ǃnarimara mûǂam-aogu ǃnâ-ū. Nēs ge ǀguiǃnâxasiba ǂâiǀgaub tsî dīb ǃnâ ra hā-ū. (ǃNaeǃkhaidi 16:4, 5) ǂGaeǂguira soros ge ra kēǃgâ gāgāsi ǂûn ǁaeb ai ǂhomihe tsî aoǁnâ sîsenni ra dīhesa tsî ǃereamsa nî ūhâ ǃgâsaga ra ǁgaumâi.

ǁÎgu ge ǃanugāgāb xa daoba ǁgauhesa ra ǃkhōǃoa. ǂGaeǂguira soros ge Hoa ǃHūbaib Gaob, Jehovab tsî ǀhaohâb di danab Jesub xa ra huihe. (1 Korinteǁîn 11:3; Efeseǁîn 5:23) ǁÎgu ge Elob khoenagu nî gaoǂam khami tanisen tama hâ. ǁÎn ge ǂhauhesan ǀkha, “ǁKhaoba ǃgûb ra ǃkhais hoas ǁga ra saona.” (ǂHaiǂhais 14:4). ǂGaeǂguira soros ge sada ǀgorete ǁîn amǃnâs ai kaise ra aio.

• Aibekam ǁaeb ai hamga ǂgaeǂguira soros ǃnâ ge hâ-i?

• ǂGaeǂguira sorosa nētsē daoba Elob xa ǁgauhesa mati ra ôa?

Bet-el di hâ ǀons ge Hebregowab ǃnâ “Elob om” di ra ǂâibasen. (Genesis 28:17, 19) Nēs ge ǀgauhâ ǀonsa Jehovab ǀHûǀguitimî-aon ge ǁîn xa omhehâ omga māsa, ǃhūbaib ǂhawase hâ aoǁnâ sîsenî ǁnapaxu kēǃgâhe tsî nî ǂkhâǃnâhese. ǂGaeǂguira Soros kai berodi ge New Yorki ǃnâ, Amerikab tawa ǂnoa tsî ǁnapaxu ǁnâugu berode ǃhūgu hâse ǂnoade ra mûǂam. Omaris axasen ge khoen ǁnapa ra sîsena Bet-el omaris di a ǂansa. ǀGui omaris khoen khamin ge ǁanǀhao, sîsenǁae, ǂûǁae tsî Elobmîs ǁkhāǁkhāsensa ǀguiba ra ūhâ.—Psalmdi 133:1.

ǀŌ-aisa ǃkhais khoen omaris axase ǁî aitsama ǁguiǁnāsen tsî ǀguiba māsenxase ǁanhâs. Mâ Bet-el omaridi hoadi tawan ge Xristeǁî aogu tsî tarate hâ ǁîn ûiba mâǁnā tsî Elob Gaosib sîsena hoaǁae ra dīna. (Mateub 6:33) Nē khoen ge ǀgui-i tsîna mâtarehe tama hâ xawe ǀnai omǃnāb xūna ūhâ hâǃkhaisa hō tsî ǂkhari marirosa ra hō ǁîn ǂhâba dīǀoaǀoas ǃaroma. Mâ khoe-i hoa-i ge Bet-els ai sîsen-e mâhe hâ berodi ǃnâs gas, sâi sîseni gas ǂûǃnâ-oms ǃnâs ga xawe. ǀNîn ge ǁgâis tsî ǃamǁares, omǃanūs, sarana ǁās tamas ka io khôara xūna kurus ǃnâ hâ.

Nē ǃkhaib ge Elob Gaosiba aoǁnâs sîsena ra ǂkhâǃnâ. Bet-el omdi kai ǃaromas ge Elobmîs amaba hoa khoena ǂanǂansa. Aiǁgause nē ǂkhanib khami. Nē ǂkhanib ge ǂGaeǂguira soros keǃgâs ǃnāga xoahe tsî elektronise ǀoadisis xa ǃnāsa ǂnûiǃkhunî-aon ǃoa sîhe tsî kaise ǃhae ǁaeb ǃnâ ǁgâihe tsî 110 000 ǀhaohâgu ǃoa sîhe hâ. Mâ ǃharos hoas tawas ge Bet-el omarisa kaise ǂhâǂhâsa kai huib axase i, kaise ǂhâǂhâsa sîseni— ǃgâiǂhôasa aoǁnâs diba.—Markub 13:10.

• Hamna Bet-els tawa ra sîsen tsî matin da huihe?

• Tae kaise ǂhâǂhâsa sîsena ǂkhâǃnâhe hâse bet-els hoas tawa ra dīhe?

Bet-el omaris khoen ge ǂgui ǃkhaidi ai ra sîsen, aoǁnâ sîsenan ta ǀguis xa ǃnāsa ǃhūgu ǃnâ keǃgâse. ǀNîn ge ǂnûiǃkhuni-aon ase ra sîsen, ǁgâi-aon ase, ǂkhanina ǃamǁae-aon ase, sâuǃnâ oms ǂkhanin dis tawa, ǃhoahe ra tsî ǀhuruǃâs axase ra dīhe ǃkhōǁnādi tamas ka io ǀkharib di ǃgomsiga ra kēǃgâ.

ǁNâugu |Ape|haos ge sîsena ra kēǃgâ. ǂGaeǂguira Soros ge ǁnâugu berodi tawa ra dīhe sîsena ǁNâugu ǀApeǀhaos mûǂams ǃnāga mâi hâ, ǃnona tamas ka io ǃnāsa ǀHaohâb ǃûi-aogu ǀgaisa ǁkhāǁkhāsa ūhâga. ǀApeǀhaos ge ǂGaeǂguira Sorosa ǃnâs hoasa ra ǂanǂan, xūn ta aiǃgû ǀgausa mâ ǃhūb hoab ǃnâ tsî ǁnapa ga hâ ǃgomsin ǂama. Nē ǃgomsin ge ǂGaeǂguira Sorosa ra hui ǂansa hānîǁaeb ǃnâ tae ǃhoaǃâdi xa ǂkhanin ǃnâ nî xoahes, ǀhaodi tsî kai ǀhoadi tawa tae-i xa nî ǃhoaǃgaohes tsîna. ǂGaeǂguira Soros ǂnûǁkhaeba aob ge ǃnâs hoasa ǁnâugu berodi ǃoa ra sîhe daoǁgaus tsî kēǃgâsa sîseni ǁaeb ai ra dīhesa. (ǂKhoamîdi 11:14) ǀŌ-aisa ǀapeǁguib ge ǂhomisa Dana beros di ǂnûǁkhaeba-aob tsîn ǃâsa ūhâ ǃhoas dība khoena ǂkhâǃnâsa ǁnān ǁnâugu berodi ǂnamibe ǁan hâna.

ǀGūse hâ ǀhaohâgu ge ra ǂkhâǃnâhe. ǁNâugu berodi ǂgaeǂgui-aogu ge ra kēǂam ǀasa ǀhaohâba tsoatsoasa. Nē ǃgâsagu ge aimâba-aon sîsena ǁgaumâi tsî mâhe ra Elobmîs ǁkhāǁkhā-aon tsî ǃnarimara mûǂam-aob ǁnā ǂharis ǃnâb sîsena ra kēǃgâ. ǁÎgu ge ǀhaohâb ǀhaodi, kai ǀhaodi tsî ǀhû-omga oms tsî ǀhaohâba ǂkhanina ǁaeb ai hōsa ra mûǂam. Mâ xū-i hoa-i ǁnâugu berodi tawa ra dīhe i ge ǃamku ǀgaub ais ǃgâiǂhôas aoǁnâsa nî dīhesa ra ǃaroma.—1 Korinteǁîn 14:33, 40.

• ǁNâugu ǀApeǀhaosa mati ǂGaeǂguira Sorosa ra ǂkhâǃnâ?

• Tae ǃereamdes ǁnâugu berosa ūhâ?

ǃGâiǂhôasa mâ ǃhaos tsî ǁaes tsî gowab tsî khoen ai aoǁnâs ǃaroma da ge ǁkhā da as kose 750 xa ǃnāsa gowagu ǃnâ ra xoa. (ǂHaiǂhais 14:6) Nē ǃgomǃgâxa sîsene mati da ra dīhō? Nēsa ge ǃhūbaib ǂhawase hâ māsenxa ǂnûiǃkhuni aon Jehovab ǀHûǀguitimî-aon din xa ra dīhe.

ǂGuro xoas ge ǀawaǃao gowab ǃnâ ra xoahe. ǂGaeǂguira soros ge sîsena ra mûǂam Xoara ǃÂb tiba sida di ǃhūbaib hoab dana beros tawa. Nē ǃâb gera ǀguiǀgui xoa-aogu sîsena dana berodi tawa tsî ǁnâugu berodi tawa. ǃKharagagu xoa-aon hâ tsî ǂgui ǃhaode ǃkhais ge ra hui ǂûi ǃhaoǃnâbe ǃhoaǂamdi xa xoasa tsî nēs ge sida ǂkhanin khoena ǃhūbaib ǂhawase kaise ra ǂgaesa.

Xoaǃâs ge ǂnûiǃkhuni-aon ǃoa ra sîhe. Xoaǃâs ga xoahe toas khaoǃnâ i ge khomaihe tsî dī-unuhe tsî internets ǃnâ-ū nau ǂnûiǃkhuni-aon ǃoa ra sîhe ǃhūbaib ǂhawase tsîn ge ǁîna ǁkhapa ǂnûiǃkhuni tsî ra khomai ǃgâ. ǁÎn ge ra dītsâ “xoahehâ di ge a ǂhanu tsîti ge a ama” ǂâibasensa ǀawaǃao gowaba xu ǁîn gowab ǃnâ ǂnûiǃkhunisa.—Aoǁnâ-aob 12:10.

Komputers ge sîsena ra ǃhaeǃhae. Komputers ge xoa ra khoen tsî ǂnûiǃkhuni-aona a ǃkhōǃkhuni ǁoa. Xawe, ǁîn sîsenni ge a ǃhaeǃhaehe ǁkhā komputers ǃnâ hâ mîdi ǂkhanis, gowab xoaǀgaub tsî gowab oâǃnâǀgaub xūn ǀkha. Jehovab di ǀHûǀguitimî-aon ge Multilanguage Electronic Publishing System (MEPS) di ra ǂgaihe komputers ǀapeǁguiba ûhâ ǀoadisis xa ǃnāsa gowagu ǃnâ ra sîsen ūhega, ai-īsi sîsenni tsî xoahehâ xūn ǀkha ra ǀgauna ǁgâis ǃaroma.

Tae-i ǃaroma da nētiko kai ǀhububa ra dī, gowagu ǀoro khoeron xa ǀgui ra ǃhoahen ǃnâs tsîna? Jehovab ǂâis ge “khoen hoan nî ǃgâiǃō, tsîn nî amab di ǂans dawa sīsa.”—1 Timoteub 2:3, 4.

• Sida di ǂkhanina mati ra xoahe?

• Mati i io da sida ǂkhanina nētikō ǂgui gowagu ǃnâ ra ǂnûiǃkhuni?

Sida di ǀapeǂhumis ge miliuns xa ǃnāsa Baibeldi tsî ǂkhanina kurib hoaba ra māǂui marihe ǂgan tamase. Sida ge ǀHû-omgu tsî ǁnâub berode ra om tsî ǃgâi sîsen mâsib ǃnâ ra ūhâ. Sida ge ǀoadisis xa ǃnāsa bet-el ǁan-aon tsî sîsaben tsîna ra kēǃgâ, tsūkēǃgâb ga hā o khoena ǂûn tsî ǂhâbasa xūn ǀkha ra hui. Ots ge ra ǂhâ, ‘Nē xūn hoana marisise mati ǂkhâǃnâhe hâ?’

Sida ge khoena xu disi-ǁîna ū tama-i, matare kai tama i tsî marina ao kai tama. Nē aoǁnâ sîsena ǂkhâǃnâs ge kai marisa ǂgan hâ, xawe da ge marina ǀhope mâ tama hâ. Kurin ǃkharuhâse da ge ǀgamǁî ǂhaweb Watchtower ǂkhanib dib ai ge xoamâi, nē sîsenni Jehovab xa ǂkhâǃnâhe hâ tsî “ǂhâbasa tama ǀhope mâ tsî ǂganmâsa” tsî da ti dī tama hâ.—Mateub 10:8.

Sida sîsenni ge ǂgaoba xū māsenxa huib xa ǂkhâǃnâhe hâ. ǂGui khoen ge kaise sida di Elobmîs huib sîsena ǂkhâǃnâ tsî ra hui. ǀHûǀguitimî-aon tsîn ge māsenxase tsî ǂkhîse ǁîn ǁaeb, marin tsî ūhân ga xūn ǀkha nē sîsena ra ǂkhâǃnâ Elob ǂâis nî i ǁkhā ga. (1 Kroniks 29:9) Mâ ǀHû-omi hoab tawa i ge marin ta aoǂgā ǃnâhe ǃkhaide mâisa khoe-i māsenxase ǁkhā i a khami xū-e mā ǁkhā sa. Tamas ka io marisise sida sîsenna ǂkhâǃnâ re tsî www.jw.org/jw-dmr ti hâ internets ǂhaweba sari. ǃNāsa marina ra mā khoen ge ǁnān hîna ǃgamǃgamsenxa, Jesub gere mî ǀgâsa ǃoa taras hîna ge ǀgam ǂkhari marirora mâs ǀkha a ǀgui. (Lukab 21:1-4) ǁNās ǁkhās khami i ge mâ khoe-i hoa-e “xū-e ǁî-i tawa ǁguibē” tsî a mā ǁkhā “A i mâ-i hoa-e ǂgaob ǃnâ i go ǂâibasen khami dī.”—1 Korinteǁîn 16:2; 2 Korinteǁîn 9:7.

Sida ge ra ǂgom Jehovab khoen ǂgaoga nî tsâǀkhasa, ǁnān hîna Gaosib aoǁnâ sîsena ra ǂkhâǃnâ ǂgaon māsenxase ǁîb ǀonsa nî koa ǁîn di xūn ǀkha ǃkhaisa.—ǂKhoamîdi 3:9.

• Tae-e sida ǂgomsa nau ǂgomde xu ra ǀkharaǀkhara?

• Māsenxase ra māhe marina mati ra sîsenūhe?

ǀOns ta mî Gaosib ǀHû-omi di, khamis ge dana ǁkhāǁkhāsa Elob Gaosib xa ra ǃgû—Jesub gere ǁkhāǁkhā khami.—Lukab 8:1.

ǀHû-omgu ge ama ǃoabas ǃkhai ǀhûhâsib ǃnâ. Nē ǃkhaiba xūs ge ǃgâiǂhôas gaosib dis aoǁnâ sîsena ra dīhe. (Mateub 24:14) Gaosib ǀHû-omgu ge kaisib tsî isib tsîna a ǃkharagagu, xawe om ǀgaub ge a ǃamku, ǂguigu ǀguis xa ǃnāsa ǀhaohâgu xa ra sîsenūhe se. Nē kurigu ǃnâ da ge disidi ǀoadisidi ǀasa ǀHû-omga ge om (tsēs ǃnâ goroga) ǀhaohâgu ra ǂgui khami. Matis nēsa a i ǁkhā?—Mateub 19:26.

ǁÎgu ge sâuǁguisa maris māheras ǀkha ra omhe. Nēba ra mâhe marin tsî xūn ge ǁnâub berode ǃoa ra sîhe tsîs ge nē marisa ǀHû-omga ǂhâ hâ ǀhaohâga ra omba ūhe.

ǀHû-omgu ge matarehe tama māsenxa sîsen-aon ǃkharagagu ǁaede xū hân xa ra omhe. ǂGui ǃhūgu ǃnân ge, ǀHû-omga ra om ǃgubisa aiǂhomisa. Omra ǃnans tsî māsenxase ra hui ǃgâsan tsîn ge ǀhaohâba xu ǀhaohâb ǀkha ra ī. ǃNūse ǁgoe ǃādi ǃoas tsîna gu ge i tsî ǂgaeǂguisa ra ū omhe raba tsî ǁnapa hâ ǀHûǀguitimî-aona ra ǁkhāǁkhā matin nî omsa. ǀNî ǃhūgu ǃnâs ge ǂansa ūhâ ǃgâsaga ǁgaumaisa kēǃgâsa omhe ra tsî dī-unuhe ra ǀhû-omgu ǂama ǁnā ǀkharib ǃnâ. ǀHaohâb ǃûi-aogu hîna oms ǂansa ūhâgu ge ǀhaohâba tsoatsoasa xu ra hui, tsî ǂansa omǀgaugu ǃnâ ūhâ khoegu ge māsenxase ra hui. Jehovab di gāgāb tsî hoa khoen hîna ǂgaoba xu hui ǀnamxa ǀgaus ge nēsa ra ī ǁkhā kai.—Psalmdi 127:1; Koloseǁîn 3:23.

• Tae-i ǃaroma da sida ra ǃoaba ǃkhaiba Gaosib ǀHû-omi ti ra ǂgai?

• Matis ǁnā ǃkhaisa a ī ǁkhā ǀHû-omga ǃhūbaib ǂhawase omsa?

Mâ Gaosib ǀHû-omi hoab ge Jehova Elob di ǃanu ǀonsa tani hâ. ǁNā-amaga da ge ra tsâ, nē ǃkhaiba huigu tsî ǃanuse ūhâs kai aiǂhanub ase i sa. Hoada ge huigu ǁkhā.

ǀHaodi khaoǃgâ māsen re ǃanus ǀkha huisa. Mâ ǀhaos hoas khaoǃgân ge ǃgâsana ǂkhî ǂgaogu ǀkha ǂkhari ǃanurosa ra dī ǁgoema ra xūna ūkhâisa. Wekheb ǃnâs ge ǀgui ǃnâsa kai ǃanusa ra dīhe. ǀHaohâb ǃûi-aob tamas ka io ǀHaohâb hui-aob ge ǃanusa ra ǂgaeǂgui, dīheni xūnab ta kēǃgâse. ǃGâsan ge māsenxase ǀnapu, ǁā, tsaraba ǃgomǂui, ǂkhari-omde ǁā tsî ǃanu, mûǂui daode ǁā, mûǃnâxude ǃanu, ǀapona āxū tsî ǃaugapa ra ǃanu. Kurib ǃnâs ge ǀgui tsēsa ǃkhōǂuihehâ kai ǃanus ta dīhesa. Sida ǀgôana nē ǃanu di ǃnâ amǃnâxa kais ǃnâ-ū da ge ǁîna ra ǁkhāǁkhā ǀgoreǀî ǃkhaiban ǃgôasiba nî ūhâbasa.—Aoǁnâ-aob 5:1.

ǁÔaba mā re kuruheni xūn tawa. Kurib hoabab ge ǀHû-oma ǀgui ǃnāsa ǂorisase ra kēǃgâhe, ǂganagab tsî ǃaugab tsîna. Nē kēǃgâs khaoǃgâb ge ǀHû-oma khôa hâ xūn hoana ra kuruhe, ǀHû-oma ǃgâi mâsib ǃnâ ūhâs ǃaroma tsî kai mariba mâǂuisa ǁkhaes ǃaroma. (2 Kroniks 24:13; 34:10) ǃAnu tsî ǃgâise ra kēǃgâhe ǃkhaib ge Eloba ǃoaba aihesa a anu. Nē sîsenni ǃnâ ǁanî tsî huis ge ra ǁgau Jehovab tsî ǁîb ta ǀgoreǀîhe ǃkhaiba da sida ǂgaob ai tanî hâ ǃkhaisa. (Psalmdi 122:1) Nēs tsîn ge ǃgâi ǀonsa ǀhûhâsib ai ra ǁgau.—2 Korinteǁîn 6:3)

• Tae-i ǃaroma da ǀgoresǀî ai da ra ǃkhaiba ǃamku mâsib ǃnâ nî ūhâ?

• ǀHû-oma ǃamku mâsib ǃnâ ūhâs ǃaroma tae-e ra dīhe?

Ôaǃnâsats ta dī ǂgao sa Elobmîs ǂansa ǀgaiǀgais ǃaroma? Turaxasibats ūhâ khoe-i, ǃkhai-i tamas ka io xoas xa ǃnāsase ǂan ǂgaosa? ǂHâts ge hâ i Elobmîs mati a huitsi ǁkhā sa sats ūhâ ǃgom-i ǀkha? ǂKhaniǀhuwiǃkhais ǀHû-omi disa sari re.

Huitsi ǁkhā a xūna ūhâ. ǀNîsits ge hoa ǂkhanin Jehovab di ǀHûǀguitimî-aon dina ūhâ tama hâ sa gowab ǃnâ. Xawe ǂkhaniǀhuwiǃkhais ǀHû-omi tawa hâs ge ǀasa ǂkhanina ūhâ. ǁNābats ge ǂgui gowagu ǃnâ hâ Baibelde hōǁkhā, mîdidiǂkhanisa hōǁkhā tsî ǂgui ǂkanin ǁgau mâis mâbats sī a kē ǁkhā nē ǃhoaǃâs xa ǃkhaisa ra huitsi sa hōǁkhā. Matare tamasets ge nē ǂkhaniǀhuwiǃkhaisa sari ǁkhā ǀHaos nî tsoatsoas aiǃâ tamas ka io khaoǃgâ. Komputers nî hâs ga o os ge Watchtower Library ti hâ komputers ǀapeǁguib tsîna ûhâ. Nē elektronise ǀapeǁguib ge ǂgui xūna ūhâ sida di ǂkhanin tsî supuse hōhe ǁkhā ǃhoaǃâde gowab, mîs tsî xoas ǃnâ.

Nēs ge kaise Life and Ministry Meetings ǃâb ǃaroma ǂhâǂhâsa. Nē Life and Ministry Meetings ǃnâts ga xoaǂgāsen o, ots ge kaise nē ǂkhaniǀhuwiǃkhaisa xu huiba nî hō sa ǃâbats ga aiǂhomisen o. Nē Life and Ministry Meetings di mûǂam-aob ge ǂkhaniǀhuwiǃkhaisa ra kēǂam. ǁÎb ǃereams ge mûǂamsa ǀasa mâǂuihe hâ ǂkhanin hâ ǃkhaisa tsîn ǃgâi ǀgaub ai ǁguiǂguisa ǃkhaisa. ǁÎb tamas ka io satsa Elobmîs ǁkhāǁkhāsa ra mā khoe-i ge ǁgau tsi ǁkhā matits ǃnāsa ǃgāsasiba a hōǁkhā ǃkhaisa ǂanǂgaots ta ǃhoaǂams ai. Xawe i ge ǀgui ǂkhani-i tsîna ǀHû-oma xu oa ūhe tama hâ tsî da ge ǂkhanina ǃamkuse sîsenū tsî ǃanuse nî ūhâ.

Elobmîs ge ra mîǃgāǃgā “ǂans Elob disa nîra” hō ǂgao khoe-i ge māsenxase nîra ôa “ǀhaiǀurib” khami. (ǂKhoamîdi 2:1-5) ǀHû-omi ǂkhaniǀhuwiǃkhais ge huitsi ǁkhā sa ôaǃnâs ǀkhats ga tsoatsoa ǂgao o.

• Tae ôaǃnâ xūna ǀHû-omi ǂkhaniǀhuwiǃkhais tawa hâ?

• Ham-e a huitsi ǁkhā nē ǂkhaniǀhuwiǃkhaisats ga sîsenū ǂgao o?

Jesub Xristub ge ǁîb di saosabena ge mîba: “ǁNati ǃnâb ado khoen aiǃâ ǃnâǃnâ, în sadu ǃgâi sîsenga mû, în sadu Îb ǀhomgu ǃnâ hâba ǂkhaiǂkhai.” (Mateub 5:16) ǁNās kōse da ge ǃgâiǂhôasa ra aoǁnâ, nētsē ra sîsenūhe internets tsîna da ra sîsenūs kōse. Sida soab internets aib ge jw.org, ǂhanu soab ǃnāsa ǃgāsasibats a hōǁkhā Jehovab di ǀHûǀguitimî-aon xa tsî ǁîn ǂgoms tsî sîsen ǀgaub xa. Tae-e ǃkhōǂgā hâ?

Elobmîs ge hoaǃnâ-aixase ra dîhe dîde ra ǃeream. ǃEreamtets ge a hōǁkhā kaise ǃnāsasen khoena ra dî dîdi ǃereamdi ai. Aiǁgause sao ra ǂhawero kha ǃGomsiga huga toa i nî? tsî ǁŌhâna ǁkhapan amabes ǃnâ nî ûi ǁkhā? Di hâ kha ge 600 gowagu ǃnâ a hōhe ǁkhā internets ai. Sats tsîn ge New World Translation di ǀon hâ Elobmîsa 130 gowagu ǃnâ a hōǁkhā. Elobmîsa tae-e a ǁkhāǁkhā da ǁkhā? di hâ ǂkhanis tsî Watchtower and Awake! di hâ ǂkhanigu tsîna a hōǁkhā. ǂGui ǂkhanin nēn xan ge internets sa xu ǃnaoǁnâhe tamas ka io ǁîs ai ǃgâhe ǁkhā, MP3, PDF tamas ka io EPUB ǀgaub ai. ǂHâbats ga o, ots ge ǁgâiǁnâs tsîna a dī ǁkhā tsî ǃgâ ǂgao ra khoen ǀkha nē xūn xa a ǁgam ǁkhā sa gowab ǃnâ! ǃGomekhoen gowab ǃnâ ǂnûiǃkhunisa vidiob ge a hōhe ǁkhā. ǀHuruǃâs khami Elobmîsa xū khomaihe hâ ǃân tsînats ge a ǃnaoǁnâ ǁkhā, Elobmîs ǀhuruǃâdi, ǁkhoaxa musik amdi sa ǁaeb aits a ǃgâ ǁkhāde.

Jehovab di ǀHûǀguitimî-aon xa hâ amab. Hōǁkhāts a i ge ǀasa ǂhôan, ǃnaoǁnâsa vidiob ǁîn di ǃhūbaib ǂhawa sîsenni, tsî ī ra xūn Jehovab di ǀHûǀguitimî-aona ǃkhōǂgā hân tsî matin da tsūkēǃgâb ǃnâ ge hâ i khoena huiǂuihe ǀgaub tsîn ge a mûhe ǁkhā. Hānîǁaeb ǃnâ nî hâ kai ǀhaodi tsēdi tsî mapats ǃnāsa ǃgāsasiba ǁnâugu berodi xa hōǁkhās tsîna.

Nēs ǀkha da ge sida ǃnâb amab diba ra ǃnâ kai kaise ǃnū ǃādi ǃhūbaib ǂhawase hâ di ais tsîna. Hoa khoen ǃhūbaib ǂhawase a hōhe ǁkhān hoan ge ra huihe Antartikab kōse. ǀGore da ge ra is Jehova Elob “mîsa ǃgûba ūhâ” hoa ǃhūbaib ai ǁÎb di koas tsî gares kōse.—2 Tesalonikaǁîn 3:1.

• Matis jw.org sa khoena ra hui Elobmîs amaba ǁkhāǁkhāsensa?

• Tae-ets ǃnāsase ra ǂanǂgao sida internets soab ai?