• Elob Gaosiba a tae?
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 31ǁÎ ǁkhāǁkhāǃâs. Jesub Xristub ge ǀhomsi Gaob ase. Jehovab ǂkhaisib ais ai mâ.

      31ǁΠǁKHĀǁKHĀǃÂS

      Elob Gaosiba a tae?

      ǂHâǂhâsa haisi-ams hîna Elobmîs ǃnâ hâs ge. Elob di Gaosib xa hâ. Jehovab ge Elob Gaosib ǃnâ-ū. ǃHūbaiba paradais ǃnâ nî ǀkharaǀkhara. Tsoatsoasa xub ge Jehovaba ǃhūbaiba ūba hâ i ǂâibasens ge. Elob Gaosiba a tae? Mati du a ǂan nē Gaosib nēsi ra ǂgaeǂguisa? Tae-eb ǀnai ge dīǀoaǀoa? Tsî tae-eb hānîǁaeb ǃnâ nî dī? Nē ǁkhāǁkhāǃâs tsî sao ra ǀgam ǁkhāǁkhāǃâra ge. Nē dîde nî ǃhoaǃgao.

      1. Elob Gaosiba a tae tsî nē Gaosib Gaoba a ham?

      Nē Gaosib ge ǂhanub hîna. Jehova Elob xa kuruhe hâba. Nē Gaosib di Gaob Jesub Xristub ge ǀhomma xu ra ǂgaeǂgui. (Mateub 4:17; Johaneb 18:36) Elobmîs ge Jesub xa ra mî: “Ob ge ǀamos kōse . . . nîra gaosîsen.” (Lukab 1:32, 33) Elob Gaosib ǂgaeǂgui-aob aseb ge Jesuba. Hoa khoen hîna ǃhūbaib ai hâna nî ǂgaeǂgui.

      2. Hamna Jesub ǀkha nî ǂgaeǂgui?

      Jesub ge ǀguri ǂgaeǂgui tama. Khoen ‘ǃhaoǃnā-i tsî gowa-i tsî ǁae-i din ge . . . ǃhūbaiba’ nî ǂgaeǂgui. Jesub ǀkha ǀguiba. (ǂHaiǂhais 5:9, 10) Matikō khoena Xristub ǀkha nî ǂgaeǂgui? ǃHūbaiba ǃoab ge Jesuba hāsa xun ge. Miliundi Xristeǁîna ge ǁîb di saosabe kai. Xawen ge 144 000 khoen ǀguina ǀhomma ǃoa nî ī. În Jesub ǀkha ǂgaeǂgui. (Khomai re ǂHaiǂhais 14:1-4 sa.) Nau Xristeǁîn hoan ge nî ǁnā Gaosib di ǁani kai.—Psalmdi 37:29.

      3. Tae-i ǃaromab Elob Gaosiba ǃhūbaib di, khoesi ǂhanugu xa a ǃgâi?

      ǃHūbaisi ǂgaeǂgui-aogu ge. ǃGâi xūna dīsa ra dītsâ. Xawe gu ge ǀgaiba ūhâ tama hâ hoa xūna dīsa. Tsî ǀnî hâ ǂgaeǂgui-aogu ge ǁîgu xa ǀgui ra ǂâi. Tsî khoena hui tama hâ. Xawe Elob Gaosib ǂgaeǂgui-aob Jesub ge. Tātsē ǀnî hâ Gao-ao i xa ǃkhōǃkhunihe tide. Elob ge “Gaosiba nîra ǂnûikhâi, ǀamosib kōse hîkākāhe tideba.” (Danieli 2:44) Jesub ge hoa ǃhūbaiba nî ǂgaeǂgui. Tsî khoen ǁaegu ǀgora-e ūhâ tide. Jesub ge ǀnamxaǃnâ, tsaura tsî a ǂhanu-ai. Tsî khoena nî ǁkhāǁkhā. În ǃgâi ǀgaub ǃnâ hâ-ūgu. ǀNammi, ǃgâisib tsî ǂhanu-aisib ǃnâ.—Khomai re Jesajab 11:9 sa.

      ǃGAMSE ÔAǃN RE

      Kō re, tae-i ǃaromab Elob Gaosiba. Khoesi ǂhanugu xa a ǃgâisa.

      Jesub Xristub ge ǃhūbaiba ǁîb ǀhomsi tronsa xu ra ǂgaeǂgui. ǁÎb ǀkha ra ǂgaeǂgui khoen ge ǁîb ǃnâb ai ǃnôa. Jehovab ǂkhaisib ge ǁîn ǃnâb ai ra ǃnâ.

      4. ǀGaisa ǂhanub ge ǃhūbaib hoaba nî ǂgaeǂgui

      Jesub ge kai ǀgaiba ūhâ ǂgaeǂguis ǃaroma. Ū da hâ ǂhanugu hoagu xa. Khomai re Mateub 28:18 sa. Tsî sao ra dîsa ǃhoaǃgao re:

      • Tae ǃkharagagusiba hâ Jesub ǂgaeǂguis ǀgaib. Tsî khoesi ǂhanugu ǂgaeǂguis ǀgaib ǁaegu?

      Khoesi ǂhanugu ge ra ǃkhōǃkhunihe. Tsî nē ǂhanugu ge ǀgui ǃhūb ǃnâ ǀgui a ǂgaeǂgui ǁkhā. Nēsa du Elob Gaosib xa a mî ǁkhā? Khomai re Danieli 7:14 sa. Tsî sao ra dîra ǃhoaǃgao re:

      • Tae-i ǃaroma i a ǃgâi Elob Gaosib ‘hîkākāhe tidesa’?

      • Tae-i ǃaroma i a ǃgâi. Elob Gaosib nî hoa ǃhūbaiba ǂgaeǂguisa?

      5. Khoesi ǂhanugu ge nî ǃkhōǃkhunihe

      Tae-i ǃaromab Elob Gaosiba khoesi ǂhanuga nî ǃkhōǃkhuni? VIDIOBA ǀhuru re. Tsî sao ra dîsa ǃhoaǃgao re.

      VIDIOB: Elob Gaosiba a tae?—ǃnubuǃnubusa ǃâb (1:41)

      • Khoesi ǂgaeǂgui-aogu, ǂgaeǂguis ǀamǂoasa a tae?

      Khomai re Aoǁnâ-aob 8:9 sa. Tsî sao ra dîsa ǃhoaǃgao re:

      • ǂÂi î du ra, Elob Gaosib khoesi ǂgaeǂgui-aoga nî ǃkhōǃkhuni di? Tsî tae-i ǃaroma?

      6. Elob Gaosib ge ǁnâuǃā du ra ǂgaeǂgui-aona ūhâ

      Sada Gaob Jesub ge khoe-i amagab ge. “Sada ǂkhabusasigu ǀkha ǀkhomǀkhomsi-e ūhâ.” (Hebreǁîn 4:15) ǂGomǂgomsa 144 000 aogu tsî taradi. Hîna Jesub ǀkha nî ǂgaeǂguise în ge Jesub xa. “Mâ ǃhaoǃnā-i tsî gowa-i tsî ǁae-i” tsîna xu ǁhûi-e hâ.—ǂHaiǂhais 5:9.

      • ǁKhaeǂgaohe du ra ǂansa. Jesub tsî ǁîb ǀkha nî ǂgaeǂgui khoen. Tsîn a ǂansa mati i ra tsâsa khoe-i ase ûisa? Tsî tae-i ǃaroma?

      ǃKharagagu khaoǃhūgu ūhâ tsî ǃkharagagu ǁaeb ai ge ûi hâ i ǂkhauhesa taradi tsî aogu.

      Jehovab ge ǃkharagagu khaoǃhūga ūhâ. Aogu tsî taradi tsîna ge ǁhûi. În Jesub ǀkha ǂgaeǂgui

      7. Elob Gaosib ge ǃgâi ǂhanuga, khoesi ǂhanugu xa ūhâ

      ǂHanugu ge ǁgaraga ra dī. Hînan khoena nî hui tsî ǁkhaubaga. Elob Gaosib tsîn ge ǂhanuga ūhâ hînan. ǁÎb ǃnāka hâ khoena nî saose i ga. Khomai re 1 Korinteǁîn 6:9-11 sa. Tsî sao ra dîde ǃhoaǃgao re:

      • Mati du ra ǂâi, ǃhūbaiba mati nî ī. Khoen hoan ga Elob di ǂhanuga sao o?a

      • ǁNâuǃāxa-e Jehovab nē Gaosib ǃnāka nî hâse i. Khoen hoana ra ǂgaoǀkhāsa în ǁîb ǁgaraga ǁnâuǀnam? Tsî tae-i ǃaroma?

      • Tae-e ra ǁgau, nē ǂhanuga ǁnâuǀnam tama khoen a ǀkharaǀkharasen ǁkhā ǃkhaisa?—11ǁÎ ǁaraǃāsa khomai re.

      ǀAwaǃnammi ge audosa ra mâ kai daob ai. ǃKharagagu kurina ūhâ khoen ge daoba ra ǃgâu.

      ǂHanugu ge ǁgaraga ra dī. ǁÎn ǁanina ra ǁkhauba tsî ǃgâiba hō kaina. Elob Gaosib ge kaise ǃgâi ǂhanuga ūhâ. ǁÎb ǁanina ra ǁkhauba tsî ǃgâiba māga

      KHOE-I GE ǀNÎSI A DÎ DU ǁKHĀ: “Elob Gaosiba a tae?”

      • Mati du nî ǃeream?

      ǃKHŌǀHAOS

      Elob Gaosib ge ama Gaosiba. Hîna ǀhomma xu hoa ǃhūbaiba nî ǂgaeǂguiba.

      ǁKhāǁkhāsen du go xūna ǂâiǃgâs

      • Elob Gaosib ǂgaeǂgui-aona a ham?

      • Elob Gaosiba mati khoesi gaosigu xa a ǃgâi?

      • Jehovaba tae-e ǁîb Gaosib ǁanina xu ra ǃâubasen?

      Sadu nî dī xū-i

      ÔAǃNÂ

      Kō re, tae-eb ge Jesuba. Elob Gaosib mapa hâs xa ǁkhāǁkhāsa.

      “Elob Gaosiba sadu ǂgaob ǃnâ hâ?” (Internets ai hâ ǁkhāǁkhādi)

      Tae-i ǃaroman Jehovab di ǃoaba-aona. Elob Gaosib ǃoa-ai a ǂgomǂgomsa, khoesi gaosigu xa?

      ǂGomǂgomsa Elob di Gaosib ǃoa-ai (1:43)

      Ôaǃnâ re, Elobmîs tae-e 144 000 khoen xa ra mîsa. Hîna Jehovab xa ra ǁhûihena. În Jesub ǀkha ǂgaeǂgui.

      “Hamna ǀhomma ǃoa ra ī?” (Internets ai hâ ǁkhāǁkhādi)

      Tae-e tronkhes ǃna hâ khoesa ge hui, is mûǂan Elob Gaosib ǀguib ǂhanu-ai ǃhūbaiba a hā-ū ǁkhāsa?

      “ǂHanuoǃnâsib ai ta ge ǃereamsa ge hō” (ǂKhaikari hâb, Novemberi 2011)

      a Nē ǂhanugu ge 3ǁî ǃâb ǃnâ nî ǃhoaǃgaohe.

  • Elob Gaosib ge nēsi ra ǂgaeǂgui!
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 32ǁÎ ǁkhāǁkhāǃâs. Jesub ge ǀhomsi Gaob ase. Haiba ǁîb ǃommi ǃnâ ūhâ tsî ǃhūbaiba ra ǂgaeǂgui.

      32ǁΠǁKHĀǁKHĀǃÂS

      Elob Gaosib ge nēsi ra ǂgaeǂgui

      Elob Gaosib ge ǀhommi ǃnâ. 1914ǁÎ kuri ge ǂgaeǂgui tsoatsoa. ǁNāb ge ǁaeb khoesi ǂgaeǂgui-aon. ǀUni tsēdi ge tsoatsoa ǃnâba. Nēsa da mati a ǂan? Elobmîs ǃnâ hâ kēbode khomai re. Tsî ǃhūbaib ǃnâ ra ī xūn. Khoen di tanisen ǀgauga ǃoas tsîna du kō re. 1914ǁÎ kuriba xūn ge xūna ǁgai tsoatsoas ǀguisa ge dī.

      1. Elobmîs kēbode tae-e ra ǁgau?

      Danieli ǂkhanis ge ge kēbo. Elob Gaosib ‘hû ǁaegu’ ǀams khaoǃgâ nî ǂgaeǂgui tsoatsoasa. (Danieli 4:16, 17) ǂGui kurin khaoǃgâb ge Jesuba ǁkhā ǁaeba ǃoa ǁnaeǁgau tsî ge mî. “ǁAedi di ǁaegu nîra ǀoas kōse.” ǁÎb ge ge mî, nē ǁaeb noxoba ǀam tama hâsa. (Lukab 21:24) Mû du nî khami gu ge. Nē hû ǁaega 1914ǁî kurib ǃnâ ge ǀam.

      2. Mâ mâsigu tsî ǀgauga, 1914ǁî kuriba xu ge mûsen tsoatsoa?

      Jesub di ǁkhāǁkhāsabegu ge ǁîba ge dî: “Mâǁaen nēna nîra īsa, tsî mâs a saos sa hās tsî nē hâ ǁaeb ǀams disa?” (Mateub 24:3) ǃEream tsîb ge Jesuba ǂgui xūn hîna nî īn xa ge kēbo. ǀHommi ǃnâb ga Elob Gaosib Gao-aob ase ǂgaeǂgui tsoatsoa o. Nēn ge ī nîse ī xūna torogu, ǃâtsūǀkhāb, tsî ǃhūǂgubigu tsîna ǃkhōǂgā hâ. (Khomai re Mateub 24:7 sa.) Elobmîs ge ra kēbo khoen ǀgaugu “ǀuni tsēdi” ǃnâ “ǃgom ǁaega nîra” ǃaromasa. (2 Timoteub 3:1-5) Nē xūn tsî khoen ǀgaugu ge. 1914ǁÎ kuriba xu ge mûhe tsoatsoa.

      3. Tae-i ǃaroma gu mâsiga, Elob Gaosib ge ǂgaeǂgui tsoatsoasa xu ge ǁgaiǂoaba?

      Jesub ge Elob Gaosib di Gao-ao kais khaoǃgâb ge. Toroba ǀhommi ǃnâ Satanni tsî ǁîb demongu. Tsî Jesub tsîn ǁaegu ge khâi. Satanni ge nē toroba ge dan tama i. Elobmîs ge ra mî, “ǁÎb ge ǃhūbaib ai ge aoǁnâhe, tsî ǀhomǃgāgu âb ge ǁîb ǀkha ge aoǁnâhe.” (ǂHaiǂhais 12:9, 10, 12) Satanni ge kaise ǁaixa hâ. Hîkākāheb nîsab a ǂan amaga. Nēs ǃaromab ge tsûb tsî ǃgomsin. Tsîna hoa ǃhūbaib ai ra ǃaroma. Nēs ge ra hui du, î du ǁnâuǃā. Tae-i ǃaromagu ǃhūbaib ǃgomsiga ra ǁgaiǂoasa. Elob Gaosib ge nē ǃgomsigu hoaga nî ūbē.

      ǃGAMSE ÔAǃN RE

      Ôaǃnâ re, mati du a ǂansa. Elob Gaosib ge 1914ǁî kurib ǃnâ a ǂgaeǂgui tsoatsoasa. Tsî nēs tae, ǂâibasensa ūba du hâsa.

      4. ǃGôagu, ǃgôaǀhaos ge ra ǁgau. Elob Gaosib ge 1914ǁî kuri a ǂgaeǂgui tsoatsoasa

      VIDIOBA ǀhuru re.

      VIDIOB: Elob Gaosib ge 1914ǁî kuri ge ǂgaeǂgui tsoatsoa (5:02)

      Elob ge ǃkharu ge ǁaeb Gaob Nebukadnesara. Hānîǁaeb ǃnâ nî ī xūn ǁhaposa ge mā. Nē ǁhapos xa du ga khomai o. Tsî Danieli ge nē ǁhapos xa ǁguiǃā xūna. O i ge a ǃgāsa mûsa. Nē ǁhapos ge Nebukadnesari gaosis tsî Elob Gaosib tsîn xa hâ.—Khomai re Danieli 4:17 sa.a

      Khomai re Danieli 4:20-26 sa. Tsî sao ra ǃâba sîsenū re. Sao ra dîde ǃereams ǃaroma:

      • (A) Nebukadnesara tae-e ǁîb ǁhapos ǃnâ ge mû?—20ǁÎ tsî 21ǁî ǁaraǃāra khomai re.

      • (B) Hais ǀkha tae-e nî hā?—23ǁÎ ǁaraǃāsa khomai re.

      • (C) Tae-e “hû ǁaegu” ǀams ai nî ī? —26ǁÎ ǁaraǃāsa khomai re.

      Hais xa hâ ǁhapos Elob Gaosib ǀkha ra ǃgûǀhao ǀgaus

      KĒBOS (Danieli 4:20-36)

      ǂGaeǂguis

      (A) Kai hais

      Kaise kai tsî ǀgapi hais.

      ǂGaeǂguis ge ra ǀam kaihe

      (B) “Haisa ǁhāǁnâ,” “hû ǁaegu ge sa ǂama nîra ǃgôa-ī”

      Hais di ǃgaob ge silver ringsa ūhâ.

      ǂGaeǂguis ge ǁkhawa ra tsoatsoa

      (C) “Sa Gaosis ge nîra” sa kai ǁkhawa

      Kaise kai tsî ǀgapi hais.

      ǂGuro ǃâb dīǀoaǀoas, nē kēbos dis . . .

      • (D) Nē haisa ham-e gere ǂnûǁkhae? —22ǁÎ ǁaraǃāsa khomai re.

      • (E) Mâǁaeb ge ǂgaeǂgui ǀû? —Khomai re Danieli 4:29-33 sa.

      • (F) Nebukadnesari ǀkha tae-e ge ī, “hû ǁaegu” ǀams ai? —Khomai re Danieli 4:34-36 sa.

      ǂGURO DĪǀOAǀOAS

      ǂGaeǂguis

      (D) Nebukadnesari Babilons di Gaob

      Gao-aob Nebukadnesari ge ǂnīsase mâ.

      ǂGaeǂguis ge ra ǀam kaihe

      (E) 606ǁÎ kurib khaoǃgâb ge Nebukadnesara ge ǃkhau. Tsî hû kuriga ge ǂgaeǂgui ǁoa i

      Nebukadnesari ge ǃhūb ai ǁgoe. Tsî ǀgâna xamani-i khami ra ǂû.

      ǂGaeǂguis ge ǁkhawa ra tsoatsoa

      (F) Nebukadnesari ge ge dī-unusen. Tsî ǁkhawa ge ǂgaeǂgui tsoatsoa

      Gao-aob Nebukadnesari ge ǀhomma ǃoa ra kōse, ǁôaga ǀgapise khui hâ.

      ǀGamǁî dīǀoaǀoas nē kēbos dis . . .

      • (G) Haisa ham-e gere ǂnûǁkhaeba? —Khomai re 1 Kroniks 29:23 sa.

      • (H) Mâǁaen ge ǂgaeǂgui ǀû? Mati du a ǂan Jesub ge noxoba ǃhūbaib ai hâ i. ǁAeb ain ge ǂgaeǂgui tsoatsoa tama hâ isa? —Khomai re Lukab 21:24 sa.

      • (I) Mapa tsî mâǁaes ge nē ǂgaeǂguisa tsoatsoa?

      ǀGAMǁÎ DĪǀOAǀOAS

      ǂGaeǂguis

      (G) Israelǁî gaogu hîna Elob ǂgaeǂguisa gere ǂnûǁkhaebagu

      Israelǁî gaogu ge ǁîgu trondi ai ǂnôa. ǃNâb ge ǁîgu ai hâ.

      ǂGaeǂguis ge ra ǀam kaihe

      (H) Jerusalems hîkākās. Nēs ge 2 520 kuriga Israelǁî gaogu. ǂGaeǂguisa ge ǀam kai

      ǀAeb ge ǀorokamǁaeb Jerusalemsa 607ǁî kurib ǃnâ ra hîkākā Jesub ǃnaes aiǃâ. 2 520 Kurigu ge ge ǃkharu.

      ǂGaeǂguis ge ǁkhawa ra tsoatsoa

      (I) Jesub ge ǀhommi ǃnâ Elob Gaosib Gao-aose ra ǂgaeǂgui tsoatsoa

      Jesub ge ǃhūbaiba ra ǂgaeǂgui. ǁÎb ǀhomsi tronsa xu 1914ǁî kurib ǃnâ Jesub ǁōb khaoǃgâ. ǃNâb ge ǁîba xu ra hā.

      Nē hû ǁaega matikōse a gaxu?

      ǀGui ǃâb Elobmîs dib ge ra hui du. Nau ǃâga ǁnâuǃāsa. Aiǁgause, Elobmîs ǂkhanis ǂHaisǂhais dis ge ra mî. Hais tsî ǃkhare ǁaeb a 1 260 tsē ǃkhaisa. (ǂHaiǂhais 12:6, 14) Hû ǁaegu ge ǀgam ǃnara ra ǃgôaǀhaohe. Tsî 2 520 tsēde ra mā. ǀNî ǁaegas ge tsēsa kuriba ra ǂnûǁkhaeba Elobmîs ǃnâ. (Esegieli 4:6) ǁNā-amaga i ge Danieli ǂkhanis ǃnâ hâ hû ǁaega 2 520 kuriga ra ǂnûǁkhaeba.

      5. ǃHūbaib ge ge ǀkharaǀkharasen 1914ǁî kuriba xu

      VIDIOBA ǀhuru re.

      VIDIOB: ǃHūbaib ge ge ǀkharaǀkharasen 1914ǁî kuriba xu (1:10)

      Jesub ge ǁîb ga Gao-ao kais khaoǃgâgu. ǃHūbaib mâsiga mati nî īsa ge mîmâi. Khomai re Lukab 21:9-11 sa. Tsî sao ra dîsa ǃhoaǃgao re:

      • Mâ mâsiga du ra mû, tamas ka io ǁîgu xa ǁnâu hâ?

      Apostel Paulub ge ge ǁguiǃā khoen mati nî īsa. ǀUni tsēdi ǃnâ, khoen ǂgaeǂguis ǃnāka. Khomai re 2 Timoteub 3:1-5 sa. Tsî sao ra dîsa ǃhoaǃgao re:

      • Mâ ǀgauga du khoen ǃnâ nētsē ra mû?

      ǀHaoǀhaosa ai-īsigu: Xūn hîna ǀuni tsēdi ǃnâ ra īn. 1. A Toro ǃkham-aogu ǂgaeǂgui-aob ge ǃomga ǀgapise ūhâse ǃgarise ra ǃhoa. 2. ǃHūǂgubib khaoǃgâ i ge khôa hâ omdi ǃâga ǃhūb ai ǁoe. 3. Soldagu di anikhunidi. 4. Maskerde ǂnûi hâ khoen ge ǃauga ra ǃgû mâ. 5. New Yorki ǃnâ kha ge Twin Tower omga mâ ra ǂhubiǂui. 6. Khoeb ge drugsna ra sîsenū. 7. Aob ge ǁîb ǁoaba ūkhâi tsî ǁîb taras ai ra ǃau. 8. ǃKharagagu drugs an tsî xûin. 9. ǀGam khoera ge anaǂui tsî fotosa ra ǃkhō. 10. DJ ra khoeb ge konserts ai khoena musik-e ra ǀhuruba. 11. Khoeb ge ǀaeba ūhâ botola ra ǂnôa.

      6. Elob Gaosib ǂgaeǂguis ge nî ǂkhâǃnâ du

      Khomai re Mateub 24:3, 14 sa. Tsî sao ra dîde ǃhoaǃgao re:

      • Mâ ǂhâǂhâsa sîsenna ra ǁgau. Elob Gaosib nēsi ra ǂgaeǂguisa?

      • Mati du ǃâ-e, nē sîsenni ǃnâ a ūhâ ǁkhā?

      Elob Gaosib ge nēsi ra ǂgaeǂgui. Tsî ǃhūbaib hoabab nî ǂgaeǂgui tsēs ge go ǀgū. Khomai re Hebreǁîn 10:24, 25 sa. Tsî sao ra dîsa ǃhoaǃgao re:

      • Tae-e i mâ khoe-i hoa-e nî dī. “Tsēs ra ǀgū ǃkhaisa i ra mû” khami?

      ǀHaoǀhaosa ai-īsikha: 1. Elobmîsa ra ǁkhāǁkhāsen khoes ge Jehovab di ǃoaba-aon ǀhaosa ra hâǃnâ. 2. ǁÎs ge ǀhao-ūs go khoesa ra aoǁnâba.

      Khoe-i ûiba a sâu ǁkhā xū-i xa du ga. ǁKhāǁkhāsen o tae-e du nî ǁgarihe dīsa?

      KHOE-I GE ǀNÎSI A DÎ DU ǁKHĀ: “Jehovab di ǃoaba-aona tae-i ǃaroma nētikōse 1914ǁî kurib xa ra ǃhoa?”

      • Mati du nî ǃeream?

      ǃKHŌǀHAOS

      Elobmîs kēbodi, ǃgôagu ǃgôaǀhaos, tsî ǃhūbaib mâsigu ge ra ǁgau. Elob Gaosib nēsi ra ǂgaeǂguisa. Nēsa du ra ǂgomsa du ge ra ǁgau. Elob Gaosib xa du ga aoǁnâ. Tsî ǀhaohâb ǀhaode hâǃnâ o.

      ǁKhāǁkhāsen du go xūna ǂâiǃgâs

      • Tae-e hû ǁaegu ǀams ai ge ī. Danieli ǂkhanis ǃnâ i, ra kēbohe khami?

      • Tae-i ǃaroma du ra ǂgom Elob Gaosib ge 1914ǁî kurib ǃnâ a ǂgaeǂgui tsoatsoasa?

      • Mati du a ǁgau ǁkhā ǂgom du rasa. Elob Gaosib nēsi ra ǂgaeǂguisa?

      Sadu nî dī xū-i

      ÔAǃNÂ

      ǃKharu ge ǁaeb xūn ôaǃnâ-aon. Tsî ǀnî khoen tae-e ra mîsa, 1914ǁî kuriba xu ge hā. ǀKharaǀkharan ǃhūbaib ai hân xa ǁkhāǁkhāsen re.

      “Khoen tanisen ǀgaub ge ǃhaese ǁgaiǂoa ǀgaus” (ǂKhaikari hâb, Aprili 2007)

      Khomai re, matis ge Mateub 24:14 ǃnâ hâ kēbosa. Khoeb ûiba tsâǀkhā ǀgausa.

      “Basebolsa ta ge hoa xūn ǃgâ-ai ge ǀnam i” (ǃKhē xu ǂgō-ommi No. 3 2017)

      Mati du a ǂan kēbos hîna Danieli 4ǁî danaǃâs ǃnâ hâs. Elob Gaosib ǃoa ra ǁnaeǁgausa?

      “Elob Gaosiba mâǁae ge ǂgaeǂgui tsoatsoa? (1Ro ǃâb)” (ǃKhē xu ǂgō-ommi, Oktoberi 1, 2014)

      Tae-e ra ǁgau “hû ǁaegu” hîna. Danieli 4ǁî danaǃâs ǃnâ ra ǃhoaǃgaohegu ge 1914ǁî kurib ǃnâ a ǀamsa?

      “Elob Gaosiba mâǁae ge ǂgaeǂgui tsoatsoa? (2ǁÎ ǃâb)” (ǃKhē xu ǂgō-ommi, Novemberi 1, 2014)

      a ǀUniga ǀgam ǁkhāǁkhāǃâra hîna. Ôaǃnâ di hâ ǃâb ǃnâ hâra khomai re.

  • Gaosib nî dīxūn
    ǀAmosib kōse ǃgâiaǂgao re—ǃgâi Elobmîs ǃhoaǀhaodi
    • 33ǁÎ ǁkhāǁkhāǃâs. Khoen paradais ǃhūbaib ai hân.

      33ǁΠǁKHĀǁKHĀǃÂS

      Elob Gaosib nî dī xūn

      Elob Gaosib ge ǀnai ra ǂgaeǂgui. ǀGūǁaeb ge Elob Gaosiba. Kai ǀkharaǀkharana ǃhūbaib ai nî dī. Hā re, î da ǀnî ǃgâi xūn xa ǃhoa. Hîna du Elob Gaosib ǃnāka ra mû ǂgaona.

      1. Matib Elob Gaosiba ǂkhîb. Tsî ǂhanu-aisib tsîna ǃhūbaib ai nî hā-ū?

      Elob Gaosib, Gao-aob Jesub ge. Elob tsî ǁîb ǂhanuga ǁnâuǀnam ǂgao tama khoena. Armagedons torob tawa nî hîkākā. (ǂHaiǂhais 16:14, 16) ǁNā ǁaeb ais ge Elobmîs mîmâis sao rasa nî dīǀoaǀoahe. “Ganupe ǂkharirose ǁnam, ob ge eloxoresaba nî ǀkhai.” (Psalmdi 37:10) Elob Gaosib ǃnâ-ūb ge Jesuba ǂkhîb. Tsî ǂhanu-aisib tsîna ǃhūbaib ai nî ǀoa kai.—Khomai re Jesajab 11:4 sa.

      2. Ûiba mati nî ī Elob ǂâis ga ǃhūbaib ai dīǀoaǀoahe o?

      Elob Gaosib ǃnākan ge. ‘ǂHanu-aina ǃhūbaiba nîra ǀumi, tsî ǀamose ǁîb ai nîra ǁan.’ (Psalmdi 37:29) ǂÂi re, ǃhūbaib hînan. ǂHanu-ai khoen ǀguina nî ǁan aib xa. Hoa khoen ge Jehovaba nî ǀnam. Tsî ǁnās xōǀkhā nî ǀnamgu. Khoe-i ge ǀaesen tide. Tsî hoan ge ǀamosib kōse nî ûi.

      3. Eloba ǁnâuǀnam tama khoen ga dīkākāhe toas khaoǃgâb. Elob Gaosiba taena nî dīǀoaǀoa?

      Eloba ǃgâ ǂgao tama khoen. Dīkākāhe toa hâs khaoǃgâb ge. Jesuba 1 000 kuriga Gaob ase nî ǂgaeǂgui. ǁNā ǁaeb ǃnân ge Jesub tsî 144 000 khoen. Hîna ǁîb ǀkha nî ǂgaeǂguise îna. ǃHūbaib ai hâ khoena nî hui. În ǀoasa kurusa ūhâ tsî ǁoreb tsîna xu ǃnora. ǁNā 1 000 kurigu khaoǃgâb ge ǃhūbaiba. Îsa paradais ǃnâ nî ǀkharaǀkharahe. Tsî ǂkhî khoen xa nî ǀoahe. Hîna Jehovaban ra ǁnâuǀnam ǃkhais ǃaroma ǀkhaega nî hōna. Jesub ge Gaosiba ǁîb Pabab Jehovaba nî mā-oa. Noxoba ge dīhe tama hâ i. Khamis ge Jehovab ‘ǀonsa nî khaihe [ǃanuǃanuhe].’ (Mateub 6:9, 10) Nēs ge nî ǁgau Jehovab a ǃgâi ǂgaeǂgui-aosa. Tsî ǁîb khoena ra tsâbasa. Jehovab ge nēs khaoǃgâ Satanni tsî ǁîb demongu tsîna nî hîkākā. Tsî khoen hîna ǁîb ǂGaeǂguisa ra mâǃoan tsîna nî dīkākā. (ǂHaiǂhais 20:7-10) ǃGâi mâsigu hîna Elob Gaosib xa nî hau-e gu ge ǀamosib kōse nî hâ.

      ǃGAMSE ÔAǃN RE

      Ôaǃnâ re, tae-i ǃaroma du a ǂgom ǁkhāsa. Elob ǁîb Gaosib ǃnâ-ū Elobmîs ǃnâ hâ mîmâidi hānîǁaeb xa hâde nî dīǀoaǀoasa.

      4. Elob Gaosib ge khoesi ǂhanuga nî ǀamkai

      ‘Khoeb ge nau khoeba ra gaoǂam’ ǁîb di tsūǃgâb kōse. (Aoǁnâ-aob 8:9) Jehovab ge ǁîb Gaosib ǃnâ-ū. Nē ǂhanuoǃnâsiba nî dī-unu.

      Khomai re Danieli 2:44 tsî 2 Tesalonikaǁîn 1:6-8 sa. Tsî sao ra dîra ǃhoaǃgao re:

      • Jehovab tsî ǁîb ǀgôab Jesub tsîna khoesi ǂhanugu. Tsî ǁnān hîna ǁîna ra ǂkhâǃnâna tae-e nî dī?

      • Jehovab tsî Jesub tsîn xa du ge ǁkhāǁkhāsen xūna mati ra hui du. ǁNâ ǀgoraǃgâs ǃgâi tsî ǂhanu ǀgaub ǃnâ nî dīhesa mûǂansa?

      Jesub ge ǀhomsi Gao-aob ase paradais ǃhūbaiba ra ǂgaeǂgui.

      5. Jesub ge ǀō-aisa ǂgaeǂgui-aoba

      Elob Gaosib, Gao-aob aseb ge. Jesuba ǂgui ǃgâi xūna. Khoen hîna ǃhūbaib ai hâna nî dība. VIDIOBA ǀhuru re. Tsî mû re, matib Jesuba ǀnai ra ǁgausa. Elob xab ge māhe ǀgaibab. Khoen ǃaroma nî sîsenū ǀgauba.

      VIDIOB: Jesub ge ge ǁgau Gaosib taena nî dīsa (1:13)

      ǃHūbaib aib ge hâ io. Ob gere dī xūn ǃnâ-ūb ge Jesuba ge ǁgau. Elob Gaosib taena nî dīsa. Mâ ǀkhaegu hîna nepa mâga ǃoa du ǃnāsase ra mûǂui? Sao ra xoade khomai re. Hîna nē ǀkhaega ra ǁgaude.

      ǃHŪBAIB AIB GE HÂ IO, OB GE JESUBA . . .

      ǀHOMMA XUB GE, JESUBA . . .

      • ǂoab tsî ǀanub mâsiga ge ǃgâiǃgâi.—Markub 4:36-41.

      • ǃhūbaiba ra ǁgaiǁgai xūn hoana nî dī-unu. —Jesajab 35:1, 2.

      • ǂgui khoena ge ǂûmā. —Mateub 14:17-21.

      • ǃhūbaib ǂhawase hâ ǃâtsūǀkhāba nî ūbē. —Psalmdi 72:16.

      • ǀaegu hînan ǂguina ūhâga gere ǂgau kai.—Lukab 18:35-43.

      • hoa khoena ǃgâi ǂurusib ǀkha nî ǀkhae. —Jesajab 33:24.

      • ǁō hâna khâisa gere mā. —Lukab 8:49-55.

      • ǁōb ra ǃaroma tsûba nî ūbē. —ǂHaiǂhais 21:3, 4.

      6. Elob Gaosib ge ǃgâi hānîǁaeba nî hā-ū

      Elob Gaosib ge Jehovab ge khoena ūba hâ i, ǂâibasensa nî dīǀoaǀoa. Paradais ǃhūbaib ai ǀamosib kōse ûisa. VIDIOBA ǀhuru re. Tsî mû re, matib Jehovaba, ǁîb ǂâisa. Jesub ǃnâ-ū ra dīǀoaǀoasa.

      VIDIOB: Îsa ǀasa ǃhūbaib ǃnâ ǂuiǂgâs (4:38)

      Khomai re Psalmdi 145:16 sa. Tsî sao ra dîsa ǃhoaǃgao re:

      • Mati du ra tsâ ǂansa Jehovab ‘ûitsaman hoana nî ǂkhîǂkhîsa’?

      MATI DU NÎ ǃEREAM KHOE-I GA MÎ O: “Hoa da ga ǀguiba sîsenǀhao o, on ge ǃhūbaib ǃgomsina nî ǀam.”

      • Mâ ǃgomsigab Elob Gaosiba nî ǀam kai. Hînan khoesi ǂhanuga a ǀam kai ǁoana?

      ǃKHŌǀHAOS

      Elob Gaosib ge ǁîb ǂâisa nî dīǀoaǀoa. Tsî ǃhūbaiba paradais ǃnâ nî ǀkharaǀkhara. Hîna Jehovaba ǀamosib kōse nî ǃoaba khoen xa nî ǀoaba.

      ǁKhāǁkhāsen du go xūna ǂâiǃgâs

      • Elob Gaosiba mati, Jehovab ǀonsa nî ǃanuǃanu?

      • Tae-i ǃaroma du a ǂgomǃgâ ǁkhā. Elob Gaosib Elobmîs mîmâide nî dīǀoaǀoasa?

      • Elob Gaosib nî dīǀoaǀoa ǃgâi xūna xu. Du mâ-e ǃoa ra mûǂui?

      Sadu nî dī xū-i

      ÔAǃNÂ

      ǂAnǂui re, Armagedons tae-e ra ǂâibasensa.

      “Armagedons toroba a tae?” (Internets ai hâ ǁkhāǁkhādi)

      Khomai re, tae-i nî īsa. Jesub di 1 000 kurigu ǂgaeǂguis ǁaeb ǃnâ tsî ǁnās khaoǃgâ.

      “Tae-e ǀgoraǃgâs tsēs ai nî ī?” (ǃKhē xu ǂgō-ommi, Septemberi 1, 2012)

      Kō re, mati di omaride a ǂâiǃgâ ǁkhā ǀgausa. Paradais ǃhūbaib ai hâs xa.

      Paradais ǃnâ mûsen re (1:50)

      “Tita ge ǂgui dîn xa gere ǂhanihe.” Kō re, matib ge ǂgīǂgōsi ǃnânde gere. Mâǃoa khoeba ǁîb dîdi ǃereamde a hō ǀgausa.

      “Elobmîs ge ûiga ra dawa” (ǃKhē xu ǂgō-ommi, Januarib 1, 2012)