Jesuba mati ī ǀgauga ge ūhâ i?

Jesub ge ǃhūbaib aib ge hâ io gere mî tsî dī xūna du ga ǁkhāǁkhāsen o. O du ge ǁîb tsî ǁîb Papab tawa ra ǀgū. Jesuba mâ ǃgâi ǀgauga ge ūhâ i? Tsî mati du Jesuba a ǁgae ǁkhā sadu ûib ǃnâ?

1. Jesuba mâ ǀgaugu ǃnâ ǁîb Papab khami ī?

ǀHommi ǃnâb ge hâ io. Ob ge Jesuba ǁîb ǀnamǀnamsa Papab gere dī xūna kō tsî gere ǁkhāǁkhāsen. Nēsab ge miluindi kuriga ge dī. ǁNā-amaga i ge ǁîb ǂâiǀgaub, tsâsigu tsî dīb ta xūn. Tsîna ǁîb Papab din ǀkha a ǀgui. (Khomai re Johaneb 5:19 sa.) Jesub ge ǁîb Papab ǀgaugab ǀoasase ra ǁgae amaga. Ge mî: “Tita ra mû-i kom ǁGûba ra mû-eo.” (Johaneb 14:9) Jesub ǀgaugu xa du ga ǁkhāǁkhāsen o. O du ge Jehovaba ǃgâise nî ǂan. Jesub khoena ūba hâ ǀnammi ge ra ǁgau. Jehovab mati sadu xa ra tsâsa.

2. Jesuba mati ge ǁgau Jehovabab a ǀnamsa?

Jesub ge ge mî: “Xawe ǃhūbaib nî mûǂan, Aboba ta a ǀnamsa tsî Abob ge mîmā te khami ta ra dī ǃkhaisa.” (Johaneb 14:31) ǃHūbaib aib ge hâ io. Ob ge Jesuba ǁîb Papaba kai ǀnamma gere ǁgau. ǃGom i ge ī xawe. ǁÎb Papabab ge ǀnam i ǃkhais ǃaromab ge hoaǁae ǁÎb xa gere ǃhoa. Tsî khoena gere hui în ǀhōsagusisa ǁîb Papab ǀkha omkhâi.—Johaneb 14:23.

3. Jesuba mati ge ǁgau khoenab a ǀnamsa?

Elobmîs ge ra mî Jesub ge ‘khoen ôan ǃnâ ǃgâiǃgâibasensa’ ūhâ. (ǂKhoamîdi 8:31) Nē ǀnammab ge khoena ǂkhâǃnâs tsî huis ǃnâ-ū ge ǁgau. ǁÎb ge buruxa dīga gere dī. Hîna ǁîb ǀgaib tsî khoenab gere tsâba ǀgauba gere ǁgauna. (Markub 1:40-42) ǁÎb ge khoena ǃgâi ǀgaub ǃnâ hâ-ū. Tsî ge ǀgoraǃgâ tama hâ i. ǁÎb mîs ge khoena ǁkhaeǂgao tsî ǃâubasensa gere mā. ǂHâuǃnâ ǂgaoga ūhân, hoan hîna ǁîba gere ǃgâna. Jesub ge ge māsen xa i. ǃGoma tsâ tsî ǁōsa. Khoenab ge ǀnam i amaga. Xaweb ge ǃnāsase ǁîb ǁkhāǁkhāde ra sao khoena ge ǀnam i.—Khomai re Johaneb 15:13, 14 sa.

ǃGAMSE ÔAǃN RE

4. Jesub ge ǁîb Papaba a ǀnam

Jesub ǀnammi ge ra hui da. ǁÎb khami Jehovaba ǀnamma ǁgaus ǀkha. Khomai re Lukab 6:12 tsî Johaneb 15:10; 17:26 sa. Mâ xoas hoas khaoǃgâ sao ra dîsa ǃeream re:

• Mati du Jesuba ǁgae tsî Jehovaba ǀnamma a ǁgau ǁkhā?

6. Jesub ge māsa a ǀnam

ǂGui xūnab ge ūhâ tama hâ i. Xaweb ge Jesuba ūb ge hâ-i xūna. Nau khoen ǀkha gere ǀgoragu. Tsîb ge sadu tsîna ra ǂkhâǃnâ î du nau khoena harase mā. Khomai re ǃNaeǃkhaidi 20:35 sa. Tsî sao ra dîsa ǃhoaǃgao re:

• Jesub di mîdi ǃoagu du mati ǂkhîba a hōǁkhā?

VIDIOBA ǀhuru re. Tsî sao ra dîsa ǃhoaǃgao re.

VIDIOB: “Mās ge hōs ǃgâ-ai a ǃgâi”—ǃnūbuǃnūbasa ǃâb (4:00)

• Mâ ǀgaugu ǃnâ du a mā ǁkhā ǂgui xūna du ga ūhâ tama i xawe?

ǂAn i du go i?

Elobmîs ge ra ǁkhāǁkhā du î du Jehovaba ǃoa ǀgore. Jesub ǀons ǃnâ-ū. (Khomai re Johaneb 16:23, 24 sa.) Nē ǀgaub ai du ga ǀgore o. O du ge ra ǃgôaǃgâ Jesub ge hui du ǃkhaisa. Î du Jehovab di ǀhō kai.

ǃKHŌǀHAOS

Jesub ge Jehovaba a ǀnam. Tsîb ge khoen tsîna a ǀnam. Jesub ge ǁîb Papab khami ī. Tsî du ga ǃnāsase Jesub xa ǁkhāǁkhāsen o. O du ge Jehovaba ra ǂan.

ǁKhāǁkhāsen du go xūna ǂâiǃgâs

• Mati du Jehovaba ǀnamma a ǁgau ǁkhā Jesub ge dī khami?

• Mati du khoena ǀnamma a ǁgau ǁkhā Jesub ge dī khami?

• Mâ ǀgaub Jesub di ba ra mâǂoaba du?

ÔAǃNÂ

Jesub ǀgaugu hîna da a ǁgae ǁkhāga ôaǃnâ re.

“Jesub ǀgauga ǁgae re” (Jesub ge daoba, amaba tsî ûiba, 317ǁî ǂhaweb)

Ôaǃnâ re tae-i ǃaroma da Jesub di ǀons ǃnâ nî ǀgoresa.

“Tae-i ǃaroma da Jesub ǀons ǃnâ nî ǀgore?” (ǃKhē xu ǂgō-ommi, Februarib 1, 2008)

Elobmîsa Jesub gere mûsen ǀgaub xa xū-e ra mî?

“Jesuba mati gere mûsen?” (Internets ai hâ ǁkhāǁkhādi)

Jesub gere tarekhoede hâ-ū ǀgauba xu du, tae-e a ǁkhāǁkhāsen ǁkhā?

“Elob xa ra kōǃgâhe khoen ge ǃgôasib ǃnâ ra hâ-ūhe” (ǃKhē xu ǂgō-ommi, Septemberi 1, 2012)