36ǁÎ ǁKHĀǁKHĀS
Dī du ra xūn hoana ǂhauǃnâse dī re
Hoa da ge ǂhauǃnâ ǀhōsan xa a ǃgâibahe. Jehovab tsîn ge ra ǂhâba în ǁîb ǀhōsana ǂhauǃnâse tanisen. Kaise i ge a ǃgom ǂhauǃnâse hâsa. Nē ǃhūbaib ǂhauǃnâ tama khoena xa ǀoahe hâ amaga. Tae-i ǃgâi xūna du nî hō. Dī du ra xūn hoan ǃnâ du ga ǂhauǃnâse tanisen o?
1. Tae-i ǃaroma du ǂhauǃnâse nî tanisen?
ǂHâuǃnâ du ga o, o du ge Jehovaba ra ǁgau. ǁÎba du a ǀnam tsî ra ǃgôasa. ǂÂis ǃnâ ūhâ re. Jehovab ge ǂâi du ra. Tsî dī du ra xūn hoana a ǂan. (Hebreǁîn 4:13) ǂHauǃnâ xū-e dīsa du ga ǁhûi o. Ob ge Jehovaba ǁnāsa ra mû tsî kaise ra ǂkhî. ǁÎb mîs ge ra mî: “ǁNāǁgôa-aob ge ǃKhūba ǁgaiǁgaisase ība xuige, xawe ǂganǃgâsib âb ge ǂhauǃnâb ǀkha hâ.”—ǂKhoamîdi 3:32.
2. Mâ xūn ǃnâ du tsēs hoasa ǂhauǃnâsiba a ǁgau ǁkhā?
Jehovab ge ǂhâba hâ î du. “Amaba ǃhoa mâ-i hoa-e ǁî-i di ǀgūkhoe-i ǀkha.” (Saxariab 8:16, 17) Nēsa tae-e ra ǂâibasen? Sadu omaris ǁanin, sîsenǁare ū du ra khoen. Sadu Xristeǁî ǃgâsan tsî ǂhanub khoen ǀkha du ga ǃhoa o. O du ge tā nî ǂhumi. ǂHauǃnâ khoen ge ǃnari tama hâ. Tsî nau khoena gāxaǃnâ tama hâ. (Khomai re ǂKhoamîdi 24:28 tsî Efeseǁîn 4:28 sa.) Tsîn ge ǂhanub khoen ra ǂgaoǀkhā marin hoana ra matare. (Romeǁîn 13:5-7) Nē ǀgaub ai du ge “xūn hoan ǃnâ” ǂhauǃnâse “ra tanisen.”—Hebreǁîn 13:18.
3. Mâ ǀkhaega du a hōǁkhā ǂhauǃnâse du ga tanisen o?
ǂHauǃnâse du ga hoaǁae tanisen o. On ge khoena nî ǂgomǃgâ du. ǀHaohâb ǃnâ hâ ǃgâsan hoana du ge ǃnorasase nî tsâ kai. ǀNamma ūhâ omaris khami. ǃAnu ǃgâiǂâis tsîna du ge nî ūhâ. Sadu ǂhauǃnâsib ge ‘Elob sada ǃGâiǃōdī-aob di ǁkhāǁkhāsa hoa xūn ǃnâ ra ǁgau.’ Tsî ǁnās ǀkha khoena ra ǂgae. În Jehovaba ǃoaba ǂgao.—Titub 2:10.
ǃGAMSE ÔAǃNÂ RE
Kō re, matib sadu ǂhauǃnâsiba Jehovaba ra tsâ kai ǀgausa. Tsî mati du ǁnāpaxū ǃgâiba a hōǁkhāsa. Tsî ǁkhāǁkhāsen re. Mati du ǃkharagagu mâsigu ǃnâ ǂhauǃnâse nî tanisensa.
4. ǂHauǃnâsib ge Jehovaba ra ǂkhîǂkhî
Khomai re Psalmdi 44:21 tsî Maleaxib 3:16 sa. Tsî sao ra dîra ǃhoaǃgao re:
Amaba sâusa tae-i ǃaroma ǂhanu tama hâ?
ǃGom i ga xawe du ga amaba ǃhoa o. Ob Jehovaba mati ra tsâ, ti du ra ǂâi?
ǀGôan ga amaba ǃhoa o. On ge ǁîn ǁgûna ra ǂkhî. Amaba du ga ǃhoa o. O du ge Jehovaba ra ǂkhîǂkhî
5. Hoaǁae ǂhauǃnâse tanisen re
ǀNî khoen ge ra ǂâi hoaǁae ǂhauǃnâse tanisens īǁoa ti. Xawe kō re, tae-i ǃaroma du hoaǁae nî ǂhauǃnâse ī ǃkhaisa. VIDIOBA ǀhuru re.
Khomai re Hebreǁîn 13:18 sa. Tsî ǃhoaǃgao re, mati du ǂhauǃnâse a tanisen ǁkhāsa . . .
omaris ǃnâ.
sîsenni tamas ka io skoli tawa.
tsî ǀnî hâ mâsigu ǃnâ.
6. ǂHauǃnâsib ge ǃgâise ra tsâ kai
ǀNî ǁaegu ais ge ǂhauǃnâse tanisensa. ǃGomsina ra hau khami ra mûsen. Xawe i ge ǀams ai ǃgâi sîsenǂuiba ūhâ. Khomai re Psalmdi 34:12-16 sa. Tsî sao ra dîsa ǃhoaǃgao re:
ǂHauǃnâsiba mati sadu ûiba a ǃgâiǃgâi ǁkhā?
ǂHauǃnâ aogu tsî taradi ge ǁîn di ǃgammeba ra ǀgaiǀgai
ǂHauǃnâ sîsen-aon ge ǁîn ǀhonkhoen xa ra ǂgomǃgâhe
ǂHauǃnâ ǃhūb ǁanin ge ǃgâi ǀonsa ǂhanub khoen ǀkha ra kuru
MATI DU NÎ ǃEREAM KHOE-I GA MÎ O: “ǀNî ǂhumin ge ǂkhariro tsî tsū tama hâ.”
Tae-i ǃaroma du ra ǂgom Jehovab hoa ǂhumiga ǃhui hâsa?
ǃKHŌǀHAOS
Jehovab ge ǂhâba hâ. În ǁîb ǀhōsan hoana mî tsîn ra dī xūn ǃnâ ǂhauǃnâ.
ǁKhāǁkhāsen du go xūna ǂâiǃgâs
Mâ ǀgaugu ǃnâ du ǂhauǃnâsiba a ǁgau ǁkhā?
Tae-i ǃaroma i ǃgâi tama, ǂâisa amaba du a sâu ǁkhāsa?
Tae-i ǃaroma du hoaǁae ra ǂhauǃnâ ǂgao?
ÔAǃNÂ
Kai khoena mati ǁîn ǀgôana a ǁkhāǁkhā ǁkhā, în ǂhauǃnâ?
Sadu mîmâide dīǀoaǀoasa xu du tae-e a hōǁkhā?
ǂHanub ǂgaoǀkhā hâ marina [tax-e] du nî mā. ǃGâi tamase i ga sîsenūhe xawe?
“ǂHanub ra ǂgaoǀkhā marina matare da nî?” (ǃKhē xu ǂgō-ommi, Septemberi 1, 2011)
Tae-i ǃaromab ge ǂhauǃnâ tama ge hâ i khoeba. ǁÎb ûiba dawa tsî ǂhauǃnâse ûi tsoatsoa?
“ǁKhāǁkhāsen ta ge ge Jehovab khoena ra ǀkhomxa tsî ǀûbasa” (ǃKhē xu ǂgō-ommi, Meib 1, 2015)