38ǁÎ ǁKHĀǁKHĀS
Ûib ǀkhaeba ǃgôaǃgâ re
ǂGui ǁkhoaxa xūn ge hâ dī ǁkhā du ana. Ûitsama du a ǃkhais ǃaroma. ǃGomsina du ga hōǃâ. Xaweb ge ûiba noxoba a ǁkhoaxa. Mati du a ǁgau ǁkhā, ûib ǀkhaeba du ra ǃgôaǃgâsa? Tsî mâ ǂhâǂhâsa ǃaromas ǃgao du ǁnāsa nî dī?
1. Tae-i ǃaroma du ûiba nî ǃgôaǃgâ?
Ûiba du ge nî ǃgôaǃgâ. Sadu ǀnamxaǃnâ Pap, Jehovab xa du ge māhe amaga. ǁÎb tawas ge “ûib di ǀausa” hâ. ǁÎb ge hoa xūna a kuru amaga. (Psalmdi 36:9) “Hoanab kom ûib tsî ǀoms tsî hoa xūna ra māo.” (ǃNaeǃkhaidi 17:25, 28) Jehovab ge sadu ûib ǃaroma a ǂhâǂhâsa xūna ra mā du. ǁNās xōǀkhāb ge ǁkhoaxase ra tsâ kai du. Xūn tsîna ra mā du.—Khomai re ǃNaeǃkhaidi 14:17 sa.
2. Mati du Jehovaba nî ǁgau, ûib di ǀkhaeba du ra ǃgôaǃgâsa?
Sadu mas ge sadu ǀkha ǀgamǀkhā. ǁAeba xub ge Jehovaba sadu ǃnâ ǃgâiǃgâibasensa ūhâ. Davib ǀgores hîna Elobmîs ǃnâ xoamâisas. ǃNâb ge ǁîba Jehovab ǃoa ge mî: “Sa mûra ge tita kuruhe tama ta hâ hîa ge mû.” (Psalmdi 139:16) Jehovab ge sadu ûiba ǂhâǂhâsase ra mû. (Khomai re Mateub 10:29-31 sa.) ǁÎb ge kaise nî tsûaǂgao. Khoe-i ga ǂanapegase nau khoe-i. Tamas ka io ǁî-i ûiba a ǀam kai o.a (Eksodus 20:13) ǂAnapegas ǃnâ i ga khoe-e. ǁÎ-i ûiba ǁkhōǁkhōsa mâsib ǃnâ mâi. Tamas ka io nau khoen ûiga nî ǁkhauba xū-e dī tama io. Os tsînab ge Jehovaba nî tsûaǂgao. Sadu ûiba kōǃgâ. Tsî du ga nau khoen ûib tsîna ǃgôasiba ǁgau o. O du ge ûib ǀkhaeba du ǃgôahâsa ra ǁgau.
ǃGAMSE ÔAǃNÂ RE
Kō re, mâ ǀgaugu ǃnâs tsîna du ûib di ǀkhaeba ǃgôaǃgâsiba a ǁgau ǁkhā ǀgausa.
3. Sadu ǂurusiba kōǃgâ re
Jehovaba du ge ǁîb ǂhâba hâ xūn hoana du nî dī ti a mîmâiba. Amaga du ge sadu ûib hoab ǀkha ra ǃoaba bi. Nēs ge sadu ûiba Eloba ǁguibas ǀkha a ǀgui. Khomai re Romeǁîn 12:1, 2 sa. Tsî sao ra dîra ǃhoaǃgao re:
Tae-e nî ǂkhâǃnâ du, î du sadu di ǂurusiba kōǃgâ?
Mâga ǀgauga nēsa du a dī ǁkhāga?
4. Dī du ra xūn hoana ǃamkuse dī re. Î-i tā khoe-e tsû, tamas ka io ǁî-i di ûiba ǂoaǃnâ
Elobmîs ge ra ǂkhâǃnâ du. Î du ǁkhōǁkhōsa xūna xu hâbē. VIDIOBA ǀhuru re. Tsî ǁkhāǁkhāsen re, taena du a dī ǁkhāsa ǃnorasase hâs ǃaroma.
Khomai re ǂKhoamîdi 22:3 sa. Tsî ǃhoaǃgao re, mati du sadu tsî nau khoen tsîna ǃnorasase a hâ ǁkhāsa . . .
sadu omdi ǃnâ.
sadu sîsen ǃkhaib tawa.
ǂgamǂgamsen ǀhuruna du ra ūhâ ǃkhain tawa.
audo-e du ga aitsama ǃnari tamas ka io ǃnari sao ǁaeb ai.
5. Noxoba ǃnaehe tama hâ ǀgôa-i ti ûiba ǃgôaǃgâ re
Îsa mîdi ǃnâb ge Daviba, Jehovab ûib tsî ǀgôa-i ra kuruhe ǀgaus ǃnâ ūhâ ǃgâiǃgâibasens xa ge ǃhoa. Khomai re Psalmdi 139:13-17 sa. Tsî sao ra dîsa ǃhoaǃgao re:
Jehovab mûǁae i ǀgôa-i ûiba mâǁae ra tsoatsoa? Kuruhe î ra ǁaeb ai? Tamas ka io ǃnae i ra ǁaeb ai?
Jehovab ge Israelǁaesa mā hâ i ǁgaragu ge. ǁGûs tsî ǁîs di ǀgôaro-i hîna noxoba ǃnae tama i tsîna gere ǁkhauba. Khomai re Eksodus 21:22, 23 sa. Tsî sao ra dîde ǃhoaǃgao re:
Jehovaba ǃnae tama ǀgôa-e ǂâibasen tama i hâ hîna ra ǃgam khoe-i xa mati gere tsâ?
Matib nî tsâ khoe-i ga ǂanapegase ǁnāsa dī o?b
Mati du Jehovab di mûǂuib xa ra tsâ?
Ûiba ra ǃgôaǃgâ khoes tsîn ge a ǂâi ǁkhā. ǀGôa-es ga āǁnâ o. On hoana nî ǃgâi di. Khomai re Jesajab 41:10 sa. Tsî sao ra dîra ǃhoaǃgao re:
Khoes ga ǀgôa-e āǁnâs ǃaroma ǁgâiba a hō o. Ham-i ais huiba nî ǂgan? Tsî tae-i ǃaroma?
MATI DU NÎ ǃEREAM KHOE-I GA MÎ O: “Khoes ge a ǁhûi ǁkhā, ǀgôa-e āǁnâsa. ǁÎs di soros a amaga.”
Tae-e ra ǁgau Jehovab ǁgûs. Tsî ǁîs di ǃnaehe tama ǀgôa-i di ûiba ra ǃgôaǃgâ ǃkhaisa?
ǃKHŌǀHAOS
Elobmîs ge ra ǁkhāǁkhā du, î du ûib ǀkhaeb. Hîna du ge Jehovaba xu hōba ǀnam, ǃgôa tsî kōǃgâ. Nēs ge sadu di ûib tsî nau khoen ûib tsîna ǃkhōǂgā hâ.
ǁKhāǁkhāsen du go xūna ǂâiǃgâs
Khoen ûiba tae-i ǃaroma Jehovaba a ǂhâǂhâsaba?
Jehovaba mati ra tsâ khoe-i ga ǂanapegase nau khoe-e ǃgam o?
Tae-e du ûib di ǀkhaeb xa ra ǃgôaǃgâ?
ÔAǃNÂ
Mati du Jehovaba a gangan ǁkhā, ûib di ǀkhaeb ǃaroma?
Sao ra dîs di ǃereamsa hō re. Eloba ǀgôa-e ge āǁnâ khoesa ǀûba i nî?
“Elobmîsa tae-e ǀgôa-e āǁnâs xa ra mî?” (Internets ai hâ ǁkhāǁkhādi)
ǁKhāǁkhāsen re, matib Elob ûib xa ūhâ. Mûǂuiba sadu ga ǁkhoaxa ǁaeba ūhâ. O nēsa nî tsâǀkhā ǀgauba.
“‘ǁKhōǁkhōsa ǂgamǂgamsen ǀhurun’—ǁîn ǃnâ du nî ǀhuru?” (ǂKhaikari hâb, Oktoberi 8, 2000)
O khoe-i ga ǃgamsens ǂâide ūhâ os? Kō re, matis Elobmîsa a hui ǁkhā ǀgausa.
“ǁŌ ǂgao ta ge ra—Elobmîsa a hui te ǁkhā, ǃgamsens ǂâide ta ga ūhâ o?” (Internets ai hâ ǁkhāǁkhādi)
a Jehovab ge tsûaǂgao ra khoena ra tsâba. (Psalmdi 34:18) Tsûtsûsa ǂâidi hîna khoe-e ǃgamsens ǃoa a ǁgari ǁkhādeb ge ra ǁnâuǃā. Tsîb ge ra hui ǂgao. ǁÎb huib ǀkharaǀkharasa a dī ǁkhā. ǀGausa mûs ǃaroma, “ǁŌ ǂgao ta ge ra—Elobmîsa hui te ǁkhā-e, ǃgamsens ǂâide ta ga ūhâ o?” Ti hâ khomaiǃâsa, ôaǃnâ di hâ ǃâs nē ǁkhāǁkhāǃâs dis ǃnâ khomai re.
b ǁNān hîna ǀgôa-e ge āǁnân ge. Tā ǂâiǂhansens tsâsigu xa nî ǁgâiǀāhe. Jehovab ge ra ǀûba. ǃNāsa ǃgāsasib ǃaroma “Elobmîsa tae-e ǀgôa-e āǁnâs xa ra mî” di hâ ǁkhāǁkhāǃâsa khomai re. Ôaǃnâ di hâ ǃâb nē ǁkhāǁkhāǃâs dib ǃnâ.