Khomai-aon Dîdi

Aoǁnâ-aob 5:7 sa khoesi ǂgaeǂgui-aoga ǃoa ra ǁnaeǁgau tamas ka io Jehovaba ǃoa?

Nē xoas ge ra mî: “ǃHūǃâ-i ǃnâts ga ǀgâsab di ǁgâiǀāb tsî ǂhanub tsî ǂhanu-aisib tsîkha di ǀâǀhanahesa mûo, ǁnâi nēti ī ǂâibasens xa tā buru, ǀgapib ǂamai a ǀgapib ra ǁî ǃkhaisa ǃgaoǃgâ tsî hoan xa ǀgapib ge ǁîna ǃnā hâ xuige.”—Aoǁn. 5:7.

Jehovab nē xoas ǃnâ ra mîhe xūn xa ra tsâ ǀgaus xa da ga ǂâi tama io, o da ge nē xoas ǂhanub ǃnâ ra ǂgaeǂgui khoegu xa ǀgui ra ǃhoa di nî ǂâi. Xawe da ga ra ǂâiǃgâ os ge nēsa Jehovab xa hâ amaba ra mîba da, hîna ra ǁkhaeǂgao da tsî ǂgomǃgâsiba māda ba.

Aoǁnâ-aob 5:7 ge ǁnā ǂgaeǂgui-aob hîna ǀâsana ǁgâiǀā tsî ǁîna ǂhanu-oǃnâse ra hâ-ūba ǃoa ra ǁnaeǁgau. ǁNā ǂgaeǂgui-ao i ge ǂâis ǃnâ nî ūhâ ǁî-i tsîn ǀgapi ǃharosa ūhâ khoe-i xa ra kōhesa. Tsî i ge ǁnā khoe-i xa ǀgapi ǃkharosa ūhâ khoe-e hâ. Tsûaǂgaoxase i ge khoesi ǂgaeǂgui-aoga a ǀhôakao tsîn ge khoena nēs xa ǃaromahe hâse ǃgoma ra tsâ.

Xūn hoan ga ǃgâi tamase a mûsen xawe da ge a ǂan, Jehovab ‘ǀgapib ǂamai a ǀgapiba ra ǃgaoǃgâ’ ǃkhaisa. Tsî da ge ǁî ǃkhais xa ra ǁkhaeǂgoahe. Jehovab ai huiba ǂan tsî da ge sida ǃgomsin hoana ǁîb ai a ǃnao ǁkhā. (Psa. 55:22; Fil. 4:6, 7) ǂAn da ge a “ǁÎb di mûra ge ǃhūbaib hoaba ra ǃganu, ǀgaisaseb nî ǁgausenga, ǁnān ǂgaob ân ǀoasase ǁîb tawa ǂae hâna.”—2Kro. 16:9.

Aoǁnâ-aob 5:7 ge ra hōhōǃnâ da ǂhunagu di ama mâsiba tsî i hoa ǁae nau-i xa a ǀgapi khoe-e hâsa. ǁNās ǂam-ais ge nē xoasa ra huida, i da mû Jehovab a ǀgapi tsî a hoaǀgaixa sa. ǁÎb Ôab Jesub Xristub hîna a Goasib di Gao-aob ǃnâ-ūb ge nēsi ra ǂgaeǂgui. Hoaǀgaixab hîna hoa xūna mû tsî ra kōǃgâb ge a ǂhanu-ai tsî ǁîb Ôab tsîn ge di ī.