Nau gūna xu kuruǂuisa kai ǂnubis ge Elob tsî Xristuba ra koa

1. Tae-i sîsenǂuibas ge ǀgui ǃhoas hîna ge 1935ǁî kuri a māhesa ǀgui ǂkhamkhoeb ai ūhâ-i?

ǂKHAMKHOEB ge ge 18 kurixas ǀguisa i i, 1926ǁî kurib ǃnâb ge ǁâǁnāhe o. ǁÎb ǁgûra ge ge Elobmîs ǁkhāǁkhāsen-ao i, Jehovab di ǀhûǀguitimî-aon ge ǂansa i se. ǃNona ǀgôagu tsî ǀgam ǀgôara ra ge ge ūhâ-i, hîna ra ge Jehovab tsî Jesub tsîna nî ǁgaese a kaikaina. Nau Elobmîs ǁkhāǁkhāsen-aon gere dīseb ge nē ǂkhamkhoeba, Jesub di ǁōb ǂâiǂâisens tawa xûi-e ā tsî pere-e xu gere ǂû. Xawe i ge ǁîb di ǂâiǀgauba “kai ǂnubis” di ge hâ i ǃhoas xa ge dawahe. ǁNā ǃhoas ge ǃgâsab J. F. Rutherfordi xa ge māhe 1935ǁî kurib ǃnâ, kai ǀhaos hîna ge Washington, D.C. di ǀon hâ ǃās hîna Amerikab ǃnâ hâs tawa. Tae-e nē kai ǀhaos tawa ge ǂoaxa?

2. ǃGâsab Rutherfordi di ǃhoas ǃnâ i ge mâ amaba ǁguiǃāhe?

² ǃGâsab Rutherfordi ge ǁîb di ǃhoas ǃnâ “kai ǂnubis” hîna ǂHaiǂhais 7:9 ǃnâ ra mîhes ham-e ǃoa ra ǁnaeǁgausa ge ǁguiǃā. Tsî ǁnās kōsen ge Elobmîs ǁkhāǁkhāsen-aona ge ǂâi hâ i kai ǂnubis di khoen tsîn ǀhomma ǃoa nî īsa. Xawen ǂkhauhesan khami ǂgomǂgomsa tama hâsa. ǃGâsab Rutherfordi ge xoade ra sîsenūse ge ǁguiǃā, kai ǂnubis di khoen ǀhomma ǃoa īs ǃgao ǁkhauhe tama hâsa. Xawen ge a Xristub di nau gū,b hîna kai ǁgâiǀāba nî ûiǃkharu tsî ǀamose ǃhūbaib ai ûina. (J.ǂHa. 7:14) Jesub ge ge mî: “Tsî ta ge ǀnî gūn nē ǃharas di tamana ūhâ; tsî ǁîn ona ta nî ūhā, tsîn ge ti domma nîra ǁnâu, on ge nî ǀgui gū ǀgui ǃûi-aoba ūhâna.” (Jhn. 10:16) Nē gūn ge Jehovab di ǃoaba-aona hîna paradais ǃhūbaib ai nî ûina. (Mat. 25:31-33, 46) Hāre i da kō matib ge nē amaba ǂgui Jehovab di ǃoaba-aon di ûiga a tsâǀkhā ǀgausa, nē 18 kurixa ǃgâsaba ǃkhōǂgā hâse.—Psa. 97:11; ǂKhm. 4:18.

ǀASA ǁNÂUǃĀ ǀGAUB GE ǂGUI KHOEN DI ÛIGA RA TSÂǀKHĀ

3-4. 1935ǁÎ kurib di ǀhaos tawan ge duisende khoena tae-e ǁnâuǃā ǁîn di ǃâubasens xa tsî tae-i ǃaroma?

³ Kaise i ge ge ǁoaxa i ǃhoa-aob ge “ǃhūbaib di ǃâubasensa ūhâ khoen hoanan khâi re” ti a mî o. ǃGâsab hîna ǁnā ǀhaos tawa ge hâ-ib ge ra mî, ǃnāsa khoen hîna ge ǁnapa hâ-in ge khâimâsa. Tsîb ge ǃgâsab Rutherforda ge mî: “Kē re, kai ǂnubisa.” Tsîn ge ǁnās khaoǃgâ ǁnapa ge hâ-ina ǃgâiaǂgaob xa gere dâ. Khâimâ ge khoen ge ge mûǂan ǁîn ǀhomma ǃoa ī tide ǃkhaisa. ǁÎn ge ge ǂan i ǃanu gagab ǀkhan ǂkhauhe tama hâsa. Saora tsēs ai i ge 840 khoena ge ǁāǁnâhe tsî ǃnāsan ge ge nau gūn di ǃâ i.

⁴ ǁNā ǃhoas khaoǃgân ge ais ai go ro ǂgaihe ǂkhamkhoeb tsî ǀnî duisende khoen tsîna Jesub di ǁōb di ǂâiǂâisens tawa xûi-e ā tsî pere-e ge ǂû ǀû. ǂGui khoen ge ǀgui ǃgâsab gere tsâ khami gere tsâ. ǁÎb ge ge mî: “1935ǁÎ kurib di Jesub ǁōb ǂâiǂâisens ge ge ǀuniga i, hîna ta ge xûi-i xa ā tsî pere-i xa gere ǂûsa. Mûǂan ta ge ge ǀhommi di ǃâubasens tida ǃnâ khâi kaihe tamasa Jehovab di ǃanu gagab xa. Xawe ta ge ǃâubasensa ge ūhâ-i, i ta ǃhūbaib ai hâ tsî paradais ase ǃhūbaiba dī.” (Rom. 8:16, 17; 2Kor. 1:21, 22) Tsî i ge ǁnās ǀkha kai ǂnubisa ra kuruǂui khoen di ǃgôaba ge khâimâ, tsîn ge ǃgau hâ ǂkhauhesanc ǀkha ǀguiba ra sîsen.

5. Tae-eb Jehovaba ra ǂâi ǁnān hîna ge Jesub ǁōb di ǂâiǂâisens tawa xûi-e ā tsî pere-e ǂû ǀûn xa?

⁵ Matib Jehovaba ǁnān hîna 1935ǁî kurib ǃnâ Jesub ǁōb ǂâiǂâisens tawa ge pere-e ǂû tsî xûi-e a ǀûn xa ra tsâ? O, ǀnîsi i ga ǁāǁnâhe hâ ǃgâsa-e nētsē xûi-i xa ā tsî pere-i xa ga ra ǂû o Jesub ǁōb di ǂâiǂâisens tawa, xawe ega ka ra ǁnâuǃā o ǁî-i ǃanu gagab ǀkha ǂkhauhe tama hâ ǃkhaisa? (1Kor. 11:28) ǀNîn ge xûi-e ā tsî pere-e gere ǂû, ǁîn ge ǁîn di ǃâubasensa ǁnâuǃāsā amaga. Xawen ge amabes ǃnâ ǁîn di dīsāsa ǂanǃgâ tsî xûi-e ā tsî pere-e ǂû ǀû o, tsî ǂgomǂgomsase Jehovaba ka ra ǃoaba o, ob ge Jehovaba ǁî-e nau gūn di ǃgôab ǃnâ nî ǂgā. Pere-i xa ǂû tsîn ga xûi-i xa ā tama i xawen ge Jesub ǁōb di ǂâiǂâisensa ra hâǃnâ. Jehovab ge dīn tsî Jesub ge dīn tsînan kaise ra ǃgôaǃgâ amaga.

ǀŌ-AISA ǃÂUBASENS

6. Jesuba tae-e ǀhomǃgāga ge dī kai?

⁶ Kai ǁgâiǀāb ǃoaxa amaga i ge kaise a ǂhâǂhâsa î da ǂHaiǂhais di hûǁî danaǃâs ǃnâ ra mîhe ǂkhauhesa Xristeǁîn tsî kai ǂnubis hîna nau gūna xu ra ǂoaxas xa hōhōǃnâhe. Jesub ge ǀhomǃgāga ge mîba î gu haka ǂoagu ǃhūbaiba nî dīkākāga ǃkhō-oa. ǂKhauhesan Jehovab xa ūǃoa toahe hâs khaoǃgâ ǀguigu ge nē ǂoade nî ǁnāxū. (J.ǂHa. 7:1-4) ǂGomǂgomsase gu ge hâ amaga gu ge Jesub di ǃgâga ǀhommi ǃnâ nî gao kai tsî nî prister kai. (J.ǂHa. 20:6) Jehovab tsî Jesub tsî ǀhomǃgāgu ge kaise nî ǂkhî 144 000 ǃgâsan ga ǁîn di ǀhomsi ǁgaumâisa ga ra hō o.

7. ǂHaiǂhais 7:9, 10 ǃoagub ge Johaneba hamna mû tsî tae-en gere dī? (Tsoatsoas ai hâ ai-īsiba mû re.)

⁷ Johaneb ge 144 000 gaogu tsî pristergu xa ǃhoa toas khaoǃgâb ge ǁîba ǀō-aisa xū-e ge mû. “Kai ǂnubis” hîna ge Armagedonsa a ûiǃkharusa. ǀGamǁî ǃgubis ge ǂguron xa a kai tsî a ǃgôahe ǁoa. (Khomai re ǂHaiǂhais 7:9, 10.) ǁÎn ge “ǃuri saraga” ana hâ tsî ra ǁgau ǁîn a ‘ǂnao-o’ Satanni ǃhūbaib ǃnâ tsî ǂgomǂgomsase Xristub tsî Elob ǃoagu hâsa. (Jak. 1:27) ǁÎn ge ra dâ Jehovab tsî Jesub ge dība nî xūn ǃgao. Tsî gu ge nē ǁaeb ai palmhais di ǂgonaga ǃomman ǃnâ ge ūhâ-i tsî ǁnās ǀkha gere ǁgau ǁîgu ra ǂanǃgâsa Jesub Jehovab xa gaob ase ǁgaumâihe hâsa.—Johaneb 12:12, 13 ǀkha ǀgopeǀnō re.

8. ǂHaiǂhais 7:11, 12 sa tae-e Jehovab di ǀhomsi omaris xa ra mîbada?

⁸ ǂHaiǂhais 7:11, 12 sa khomai re. ǀHommi ǃnâ hân ge kai ǂnubisa mû o, o tae-e ge ī? Johaneb ge Jehovab di ǀhomsi omaris kaise ra ǃgâiaǂgao ǀgausa ge mû, kai ǂnubis di khoen hā tsî Jehovaba ra koa hîna. Jehovab di ǀhomsi omaris ge nî ǂkhî mûn ga o nē ǁkhapos ra dīǀoaǀoahesa tsî kai ǂnubis khoen kai ǁgâiǀāba ra ûiǃkharu ǃkhaisa.

9. ǂHaiǂhais 7:13-15 ǃoagun kai ǂnubis di khoena tae-e nētsē ra dī?

⁹ ǂHaiǂhais 7:13-15 sa khomai re. Johaneb ge ge mî kai ǂnubis ge “saran âna ǁKhaob di ǀaob ǃnâ ǁā tsî ǃuriǃuri” di. Nēs ge ra ǂâibasen ǁîn ǃanu ǃgâiǂâisa ūhâ tsî Jehovab aiǃgâ a ǂhanu-ai ǃkhaisa. (Jes. 1:18) ǁÎn ge ǁāǁnâhe hâ Xristeǁîn hîna ǀgaisa ǂgomsa Jesub di ǁguibas ǃnâ ra mâina. Tsî Jehovab ǀkha ǃgâi ǀhōsagusisa ūhâna. (Jhn. 3:36; 1Pet. 3:21) ǁNā-amagab ge Jehovaba ǁîna ra ūǃoa tsîn ge “tsēs tsî tsuxub” tsîna ǁîba ǃhūbaib ai a ǃoaba ǁkhā. Nēsis tsînan ge Gaosib di ǃgâiǂhôasa aoǁnâ tsî ra khoena ǁkhāǁkhāsabe dī. Tsî Elob di Gaosiba ǁîn ûib ǃnâ ǂgurose ra mâi.—Mat. 6:33; 24:14; 28:19, 20.

10. Kai ǂnubisa tae-e ra ǃâubasen tsî mâ mîmâisa nî dīǀoaǀoahe?

¹⁰ Kai ǂnubis khoen hîna kai ǁgâiǀāba nî ûiǃkharun ge a ǂan Elob nî kōǃgâ nîsa, ‘trons ai ǂnôab ǁîn ǂama ǁan-aisa nî dībasen’ amaga. Mîmâis hînan nau gūna gaxuse ǃâuhâs ge nî dīǀoaǀoahe: “Ob ge Eloba mûdi âna xu ǁgamron hoana nî ǀombē; ob ge ǁōba ǃaruǀî hâ tide, tsî ǃoa-i xare-i tsî ā-i xare-i tsî ǃgomsi-i xare-i ǃaruǀî hâ tide; ǂguron go ǃgôa-ī xui-ao.”—J.ǂHa. 21:3, 4.

11-12. (a) ǂHaiǂhais 7:16, 17 ǃoagun kai ǂnubis khoena mâ ǀkhaeba ǃâubasen hâ? (b) Tae-en nau gūna Jesub ǁōb di ǂâiǂâisens tawa a dī ǁkhā, tsî tae-i ǃaroma?

¹¹ ǂHaiǂhais 7:16, 17 sa khomai re. Nēsis tsînan ge Jehovab di ǃoaba-aona a ǃâ, ǂû-en nî ǁama-ū mari-en ūhâ tama amaga. Tamas ka ion ǃgomsin hîna torob xa ǃaromahe hâna ra hōǃâ amaga. Tsî naun ge ǁîn di ǂgoms ǃaroma ǂganamǂnûihe hâ. Nē kai ǂnubis ge a ǂan nē ǃhūbaib ga dīkākāhe o, on nî ǂâusa ǂû-e ūhâ tsî gagasi ǂûn tsîna nî ūhâsa. Nē dīkākās ga Satanni di ǃhūbaib ai dīhe o, on ge kai ǂnubis di khoena nî sâuhe, “ǀgam-i” khami ī ǁaib Jehovab dib ga ǃhūbaib ai ga ra ǁhōǂuihe o. Kai ǁgâiǀāb khaoǃgâb ge Jesuba ûiǃkharu nî khoena ǀamo ‘ûib ǁgamǀaude’ ǃoa nî daoǁgau. ǂÂis ǀguisa hîre, kai ǂnubis ge ǀō-aisa ǃâubasensa ūhâ. Biliuns di khoen hîna ge ûihâ-in ge ǁkhapa ǁō tide.—Jhn. 11:26.

¹² Nau gūn ge Jehovab tsî Jesub xan māhe hâ ǃâubasens ǃaroma ra gangan. Jehovab ga ǀhomsi khâisa mā nî tama ga ra ī, xaweb ge ǁîna ǂkhauhesanab a ǀnam khami a ǀnam. ǂKhauhesan tsî nau gūn ge Xristuba a koa ǁkhā. Nēsan ge Jesub ǁōb di ǂâiǂâisensa hâǃnâs ǃnâ-ū ra dī.

ELOB TSÎ XRISTUBA ǂGAOBA XU KOA RE JESUB ǁŌB DI ǂÂIǂÂISENS TAWA

13-14. Tae-i ǃaroman hoa ǃgâsana Jesub ǁōb di ǂâiǂâisensa nî hâǃnâ?

¹³ Jesub ǁōb di ǂâiǂâisensa ra hâǃnâ khoen xan ge ǀoro khoena pere-e ǂû tsî xûi-e ra â. Nēs ge ra ǂâibasen ǃnâsa ǀhaohâgu ǃnân khoena pere-e ǂû tsî xûi-e ā tamasa. ǃNāsa khoen hîna Jesub ǁōb di ǂâiǂâisensa ra hâǃnân ge ǃhūbaib ai ûis di ǃâubasensa ūhâ. O, tae-i ǃaroman Jesub Xristub ǁōb di ǂâiǂâisensa ra hâǃnâ? ǀHōsa-i ǃgammeba ǃoa ra ī khoe-i ǀkha i ge ǁî-e a ǀgui. ǀHōsan ge ǃgammeba ǃoa ra ī în ǁîn ǀnammi tsî ǂkhâǃnâsa ǁgau. ǁKhā ǀgaub ǃnân ge nau gūna Jesub di ǁōb di ǂâiǂâisensa ra hâǃnâ. ǁÎn ra Xristub tsî ǂkhauhesan tsîna ǀnamma ǁgau ǂgao amaga. Tsîn ge Xristub di ǁguibasan ra ǃgôaǃgâ ǃkhaisa ra ǁgau ǂgao. Nē ǁguibas ge ǀamose ǃhūbaib ai ûisa ge īǁkhā kai.

¹⁴ Nau gūn ge Jesub ǁōb di ǂâiǂâisensa ra hâǃnâ, Jesub di mîmāsan ra ǁnâuǀnam ǂgao amaga. Jesub ge nē ǀō-aisa ǂûsa a ǂnûiǂgā ob ge ǁîb apostelga ǃoa ge mî: “Dī nēsa ti ǂâiǂâisensa ǃoa.” (1Kor. 11:23-26) Tsîn ge Jesub ǁōb di ǂâiǂâisensa nî hâǃnâ ǂkhauhesan ǃhūbaib ai nox hâs kōse. Tsî nau gūn ge hoa khoena ra ǁkhau în Jesub ǁōb di ǂâiǂâisensa hâǃnâ.

15. Mati da Elob tsî Xristuba, Jesub ǁōb di ǂâiǂâisens tawa a koa ǁkhā?

¹⁵ Jesub ǁōb di ǂâiǂâisens tawa da ge ǃēsa ūhâ î da, Elob tsî Xristub tsîna ǁnaes tsî ǀgores ǃnâ koa. Nē kurib di ǃhoas di xoaǂams ge “Elob tsî Xristub tsîna dīkha ge xūn ǃgao du ra gangan kha ǃkhaisa ǁgau re” di hâ. Nē ǃhoas ge sida di ǃgôaǃgâsiba Elob tsî Xristub ǃnâ nî ǀgaiǀgai. Xûi-i tsî pere-i ra māǃkharuhe ǁaeb ai da ge nî ǂâihō tae-en ra ǂâibasensa. Jesub di soros tsî ǁîb di ǀaob tsîna. Tsî da ge nî ǂâihō Jehovab ge ǁîb di ôaba a mā-amsa îb sida ǃaroma ǁō. Î da sida ûiba hō ǁkhā. (Mat. 20:28) Mâ khoe-i hoa i hîna sida ǀhomsi ǁGûba ǀnam tsî ǁîb ôaba a ǀnam i ge Jesub ǁōb di ǂâiǂâisensa nî hâǃnâ.

ǃÂUBASENS HÎNA DU GE MĀHES ǃGAO ǃGÔAǃGÂSIBA JEHOVABA ǁGAU RE

16. Mâ ǀgaub ǃnân ǂkhauhesan tsî nau gūna a ǀgui?

¹⁶ ǀNî ǀgaugu ǃnân ge ǂkhauhesan tsî nau gūna a ǀgui. Jehovab ge hoana ǀguitikōse a ǀnam. Nēsa da ge a ǂan ǁîb ge ǂkhauhesan tsî nau gūn tsîna ǁîb ôab ǀkha a ǁamaǂûi xui-ao. ǃKharagagusib hîna hâb ge hoara ge ǀkhara ǃâubasende ūhâ. Hoan ge Xristub tsî Elob ǃoagu ǂgomǂgomsase nî hâ. (Psa. 31:23) Tsî ǂâis ǃnâ ūhâ re, Elob di gagab ge hoada ǀgui ǀgaub ǃnâ ǀgaiba a mā ǁkhā. Nēs ge ra ǂâibasen Jehovab ra mâ-i hoa-e ǃanu gagaba māsa, ǂhâ i hâ ǀgaub ǃnâ.

17. ǂKhauhesana tae-e ǃoa ra mûǂui?

¹⁷ ǂKhauhesa ǃgâsan ge ǀhomsi ǃâubasensa ǃnaesa xu ūhâ tama hâ. Jehovab ge ǁîna ǁnā ǃâubasensa ge mā. ǁNā ǃâubasens xa ǂâi, ǀgore tsîn ge ra mûǂui ǁnā ǁgaumâisa ǀhommi ǃnâ sī ǃkhōǃoasa. ǁÎn gagasi soros mati nî īs tsînan ge a ǀū. (Fil. 3:20, 21; 1Jhn. 3:2) ǁNāti i ga ī xawen ge Jehovab, Jesub, ǀhomǃgān tsî ǂkhauhesan ǀkha ǀhao tsî ǀhommi Gaosib ǃnâ sī hâsa ǃoa ra mûǂui.

18. Nau gūna tae-e ǃoa ra mûǂui?

¹⁸ Nau gūn ge hoa khoen ūhâ ǃâubasens ǃhūbaib ai ûis disa ūhâ. (Aoǁn. 3:11) Mûǂuin ge ra ǁnā tsēs hînan nî ǃhūbaiba paradais ase ǀkharaǀkharasa. ǁÎn omna om, ǃhanaga ǂgā tsîn ǁîn ôana ǀoasa ǂurusib ǃnâ nî kaikaisa ǃoan ge ra ǁkhore. (Jes. 65:21-23) ǁÎn ge ra mûǂui ǃhomgu, ǂgui hain hâba tsî hurib tawa ǃgûmâsa. Tsî Jehovab ge kuru xūn hoan xa ǁkhāǁkhāsensa. Xawe ra kaise ǂkhî kai nî i ge ǁîn ǀhōsagusis Jehovab ǀkhan ūhâs kaise nî ǀgaisa.

19. Hoada mâ ǃēsa Jesub ǁōb ǂâiǂâisens tawa ūhâ, tsî nē kurib ǃnâ i mâ tsēs ai Jesub ǁōb ǂâiǂâisensa nî tsēdīhe?

¹⁹ Jehovab ge ǁîb di ǃoaba-aon hoana ǀō-aisa ǃâubasensa ǁguiǂuiba hâ. (Jer. 29:11) Jesub Xristub ǁōb di ǂâiǂâisens ge hoada ǃaroma kaise a ǀō-aisa. ǁNā ǁaen ge Xristub tsî Eloba ǀamo ûib ǃgao gangansa ra mā. Jesub ǁōb di ǂâiǂâisens ge kurib ǃnâ ra hâ ǀhaodi xa Xristeǁîna a ǂhâǂhâsaba. Satertaxtsēs, Maarti 27, 2021ǁî kurib ǃnâ i ge nî tsēdīhe. Nē kurin ge ǂgui khoena ǁkhaehe tamase nē ǀhaosa nî hâǃnâ. ǀNîn ge ǁkhaehen ga xawe nē ǀhaosa nî hâǃnâ. Tsîn ge ǀnîna tronkhedi ǃnân ǂnôase nēsa nî tsēdī. Jehovab, Jesub tsî ǀhomsi omaris ra kōse, a i mâ ǀhaohâb, groeps tsî khoe-i hoa-e, ǁkhoaxase Jesub ǁōb di ǂâiǂâisensa tsēdī re.