ǂAn I Du Go i?

Tae-e Nineves ǀkha ge ī Jonab tsēdi khaoǃgâ?

Sao ra kurigu 670 B.C.E ǃnâb ge Asiriaba ǁaeroba ge kai ǃā i ǃhūbaib ǃnâ. “Siprusa xu Irani di westesa xu oostes kōse ge ǁgoe-i. Tsî ǁaeroba i ge Egipteb tsîna ge ǃkhōǂgā hâ i.” British Museumi di internets ǂhaweb ai i ra ǁguiǃāhe khami. ǁÎb di kai ǃās Nineves ge ǃhūbaib ǃnâ ge kai i ǃāsa. Nē ǃās ge kai îsa ǃhanagu, kai omgu. Tsî kai ǂkhanin ǁgaugu tsîna ge ūhâ i. Mîrgu ai hâ xoadi Nineves digu ge ra ǁgau. Gao-aob Ashurbanipali ge nau gaogu khami “ǃhūbaib di gaob” ti gere ǂgâisen. ǁÎb gere ǂgaeǂgui ǁaeb ǃnâ i ge. Asiriab tsî Nineves tsîn di hîkākāhe khami ge ǁgausen tama hâ i.

Xawe Asiriab ge kai ǀgaiba ǀhoaǀhao toabasen o. Ob ge Jehovab kēbo-aob Sefanjaba ge kēbo: ‘Jehovab ge Asiriaba nîra hîkākā, tsî ǁîb ge Ninevesa ǃū-aisa ǃkhaise nîra ǂnûi, ǂnâsa tsî ǃgaroǃhūse.’ Tsî Jehovab kēbo-aob Nahummi tsîn ge ge kēbo: “ǃNari ǀhaiǀuriba, ǃnari ǃhuniǀuriba . . . ǁÎs ge ǀkhaiǀkhaiǃnâhe hâ, ā ǀkhaiǀkhaiǃnâhes ge ǁîsa hâ . . . Sasa ga mûn hoan nî sasa xu ǁhai ǃkhaisa. Tsî Nineves ge hîǀhuruhe hâ” ti mî. (Sef. 2:13; Nah. 2:9, 10; 3:7) Nē kēboden ge ǁnâu o, on ge khoena gere ǂhâ: ‘Nēsa nî ama ī?’ Nē ǀgaisa Asiriaba nî hîkākāhe? Nē-i ge ǂgom-e ǁoa ge ī xū-e.

Xawes ge nē ǃāsa ge hîkākāhe. ǃNubu ǁaero-e 600 B.C.E ǁî kurib ais aib ge. Asiriaba Babilonǁîn tsî Medeǁîn tsîn xa ge hîkākāhe. Nineves ge ge hîkākāhe tsî ge ǀuruhe. Metropolitan Museum of Art di mâǂuis ǃoagus ge “Ninevesa ge hîkākāhe. Tsîn ge khoena Elobmîs ǁaeb di ǃās Nineves ǀguisa ge ǂan i.” The Biblical Archaeology Society. Tamas ka io Elobmîs ǁaeb xūn ôaǃnâ-aon ge ra mî. “Khoen ge ge ǀū i nē kai ǃās Asiriab dis ge amabes ǃnâ hâ isa.” Xawe 1845ǁî kurub ge archaeologist Austen Henry Layarda Nineves di khaokhâisa xūna ge hō. Hōb ge xūn ge ge ǁgau Nineves ge kai ǃā i ǃkhaisa.

Nineves xa ge hâ i kēbodi dīǀoaǀoas ge. Sada ǂgomsa Elobmîs kēbodi hîna ǂgīǂgōsi ǁaxasigu nētsēs digu. Di hîkākāhes ǃnâ ra ǀgaiǀgai.—Dan. 2:44; J.ǂHa. 19:15, 19-21.