Gagasise ǀgaisa khoen ge gā-ai mîǁguiga ra dī

Genesis 25:​29-34 sa khomai tsî ǁkhāǁkhāsen re Esaub tsî Jakob tsîn ge gā-ai mîǁguiba dīsa.

Khomai du ra xū-e hoase ǁnâuǃās. Tae-e ais ai ge ī? (Gen. 25:​20-28) ǁNās khaoǃgâ tae-e ge ī?—Gen. 27:​1-46.

Ôaǃnâsa dīs. Mâ aiǂhanugu tsî ǁgui-aidi tsîna ǂguroǃnaesabena xu gere ǂgaoǀkhāhe?—Gen. 18:​18, 19; w10-E 5/1 13.

• ǁNā ǂhanuga gere ǂgaoǀkhā î-i Mesiab di suriba xu ǂguroǃnaesabe-e aorekhoe i? (w17-E 12 14-15)

ǁKhāǁkhāsen du go xūn tsî sadu ûib ǃnâ du nî sîsenū xūna ǂâiǃgâs. Tae-i ǃaroma i ge ǂguroǃnaesabes aiǂhanuga kaise Jakoba ǂhâǂhâsaba ī Esaub xa? (Heb. 12:​16, 17; w03-E 10/15 28-29) Jehovaba nē khoeǃgâgu kha xa mati gere tsâ tsî tae-i ǃaroma? (Mal. 1:​2, 3) Esauba tae-e ǀkhara ti ga dī hâ, îb ǃgâi mîǁguiga dī?

• Dîsen re: ‘Mati ta gagasi xūna ǃgôaǃgâsiba wekheb ǃnâ ta ra dī xūn ǃnâ ǁgau ǁkhā, aiǁgause ta ga omaris ǃoabas ǃaroma ǁaeba ǁamaǂui o?’