ToTeotsij iTlanauatijkayo kichiuas maseualmej ma itstokaj ika pakilistli “pampa yajaya kinteochiuas hasta mokauas” (Salmo 37:11).
¿Tlake kiijtoua Biblia?
¿Uelis techpaleuis Biblia amo tlauel ma timotekipachokaj?
¿Tlake tikijtoskia?
Kena
Amo
Uelis kena
Tlen kiijtoua Biblia
“Xikiljuikaj toTeko nochi inmokuesol uan xijkauakaj imako, pampa yajaya inmechmokuitlauia” (1 Pedro 5:7). Biblia techiljuia toTeotsij uelis techpaleuis amo tlauel ma timotekipachokaj.
¿Tlake sekinok tlamantli kiijtoua Biblia?
Kema timomaijtouaj, toTeotsij techmaka “tlaseuilistli” uan techpaleuia amo ma timotekipachokaj (Filipenses 4:6, 7).
Kema tijpouaj toTeotsij iTlajtol nojkia techpaleuia kuali ma tijyolmatikaj (Mateo 11:28-30).
¿Asis se tonali kema ayokmo tleno techtekipachos?
Sekij kiijtouaj ... nochipa timokuesojtosej uan tiitstosej ika tekipacholi. Uan sekinok moiljuiaj ayokmo tleno techtekipachos san kema timikisej. Ta, ¿tlake timoiljuia?
Tlen kiijtoua Biblia
ToTeotsij kitlamiltis nochi tlen kichiua ma timotekipachokaj. “Ayok kema aki mikis, niyon mokuesos, niyon chokas, niyon mokokos” (Apocalipsis [Revelación] 21:4).
¿Tlake sekinok tlamantli kiijtoua Biblia?
Kema toTeotsij iTlanauatijkayo tekichijtos ipan Tlaltipaktli, tiitstosej ika tlaseuilistli (Isaías 32:18).
Ayokmo tleno techtekipachos yon techkuesos (Isaías 65:17).