¿Kenijkatsa uelis tijtlaskamatilisej toTeotsij kema moilnamiki Cristo imikilis?

1. ¿Tlake uelis tijnextisej kema moilnamikis Cristo imikilis?

¹ Kema moilnamikis Cristo imikilis ipan abril 14, uelis tijtlaskamatilisej Jehová tlen techmakatok. Ipan Lucas 17:11-18 nesi kenijkatsa Jehová uan Jesús kinekij ma titetlaskamatilikaj. Kema Jesús kinchikajki nopa matlaktli tlakamej katli kipixtoyaj lepra san setsi kitlaskamatilik. ¡Tlauel amo kuali tlen kichijkej nopa sekinok! Teipa, Jesús kichiuas ma tlami nochi tlen amo kuali uan ma tiitstokaj nochipa. Ipan nopa tonali, mojmostla tijtlaskamatilisej Jehová nopa tlateochiualistli. Uan nama, ¿kenijkatsa uelis tijtlaskamatilisej toTeotsij?

2. ¿Tlake techpaleuis ma tijtlaskamatilikaj toTeotsij nopa tlamakixtili?

² Tlen mitspaleuis tijtlaskamatilis toTeotsij. Kema se akajya moyoliljuia tetlaskamatilis, kej nopa kichiua. Tlen mopouas ipan Biblia kema nechka moilnamikis Cristo imikilis techpaleuis ma tijpatiitakaj nopa tlamakixtili. Uelis tikitasej tlen mopouas ipan calendario uan ipan pilamochtsi Examinando las Escrituras diariamente. ¿Uelis tijpouasej ininuaya tochampoyouaj? Tlaj kena, tlauel tijpatiitasej nopa tlamakixtili uan techpaleuis kuali timonejnemiltisej (2 Cor. 5:14, 15, TNM; 1 Juan 4:11).

3. ¿Kenijkatsa uelis tijtlaskamatilisej toTeotsij kema nechka moilnamikis Cristo imikilis?

³ Ma tijtlaskamatilikaj toTeotsij. Ika tlen tijchiuaj tijnextiaj titetlaskamatiliaj (Col. 3:15). Nopa tlakatl katli kipixtoya lepra kiitato Jesús pampa kinekiyaya kitlaskamatilis. Uan pampa tlauel paktoya, kinpouilik miakej kenijkatsa kichikajki Jesús (Luc. 6:45). ¿Titlajtolmoyauasej ika miak pakilistli kema nechka moilnamikis Cristo imikilis? Nojkia tijnextisej tijtlaskamatiliaj toTeotsij tlaj timochiuasej precursores auxiliares, tlaj tlauel titlajtolmoyauasej, tlaj kuali tikinselisej katli techpaxalosej ipan nopa youali uan tlaj tikiniljuisej uelis tikinixtomilisej tlen kinekisej kimatisej.

4. ¿Tlake uelis tijchiuasej ni xiuitl kema moilnamikis Cristo imikilis, uan kej nopa amo timokuesosej?

⁴ ¿San ni xiuitl tikilnamikisej Cristo imikilis? (1 Cor. 11:26.) Maske amo tijmatij, tlaj ipan nopa youali amo timonechikoskiaj, amo tijtlaskamatiliskiaj toTeotsij. ¿Nojkia tijtlaskamatilisej? Ma tijtlaskamatilikaj ika tlen tikijtosej uan ika tlen timoyoliljuisej kej kipaktia Jehová, katli kichijki ma techmakixtikaj (Sal. 19:14).