Ximomachti kuali titlajtolmoyauas: xikiniljui maseualmej sampa tikinpaxaloti

¿Kenke tlauel moneki? Tlaj tijpantiskiaj se akajya katli kinekis techtlakakilis, tijnekij sampa tijpaxalotij pampa tijnekij tijchiuasej kej Apolos katli kichijki “keja se tlen kitojki se xinachtli, uan iteki Apolos elki keja se tlen kiatekik” (1 Cor. 3:6). Yeka, kema nechka tiasej moneki ma tijtlajtlanikaj kema ueliskia sampa tijpaxalotij. Nojkia kualtiaskia tijtlajtlanisej se tlamantli tlen tijnankilitij, kiampa tlauel kinekis kimatis tlake tijmachtitij. Tlaj tijtlajtlaniskiaj se tlamantli katli uala ipan se pilamochtsi tlen tijmakaskiaj, ya ueliskia kipouas. Kema timokauaj tlake tijmachtitij se maseuali, ya kimajtos tlake tijpouilitij uan amo tijmatisej ouij sampa tijpaxalotij. Kema sampa tikitatij, uelis tijkiljuisej tijnekij tijnankilisej nopa tlajtlanili katli timokajkej tijnankiliskiaj kema tijpaxalotoj.