KEJ TIMONEJNEMILTIAJ
Ximomachti kuali titlajtolmoyauas: xijnextili katli tijmachtia kenijkatsa mokualchijchiuas ika nopa tlamachtili tlen tijmachtis
¿KENKE TLAUEL MONEKI? Katli tijmachtiaj kuali kikuamachilis uan kiilnamikis tlen tijmachtisej tlaj achtoui momachtis tlen tikixtomilisej. Uan nopa kipaleuis kuali ma tlaneltokatia. Kema ya moatsonpoliuiltis nojkia monekis momachtis tlen moixtoma ipan tlanechikoli uan tlen kiijtos kema tlajtolmoyauas, nopa kipaleuis kuali ma tlachixto (Mt 25:13). Yeka tlaj kimatis kenijkatsa momachtis uan momatis kuali kichiuas, tlauel kipaleuis. Kema peuas tijmachtisej se akajya, moneki nimantsi tijpaleuisej ma kimati kenijkatsa mokualchijchiuas ika nopa tlamachtili tlen tijmachtisej.
¿TLAKE UELISKIA TIJCHIUAS?
Xijnextili kenijkatsa ta tijchiua (Ro 2:21). Ximomachti nopa tlamachtili tlen tijmachtis uan ximoiljui kenijkatsa tijpaleuis katli tijmachtia (km 11/15 iamayo 3). Xijnextili moamoch kampa nesi timomachtijtok.
Xikiljui ma mokualchijchiua. Kema ya inmomachtisej ajachika, xikiljui tlauel moneki achtoui ma momachti nopa tlamachtili tlen tikixtomilis uan xikiljui kenijkatsa kipaleuis tlaj kichiuas. Xikiljui kenijkatsa uelis kiiyokatlalis tonali uan kiampa momachtis. Sekij toikniuaj kitlanejtiaj ininamoch katli kimachtiaj, kiampa ya kiitas kenijkatsa kiuasanijtokej ininamoch. Kema katli tijmachtia mokualchijchiuas, xikiljui kuali tlen kichijki.
Xijnextili kenijkatsa ya ma kichiua. Sekij toikniuaj kema peuaj kimachtiaj se akajya, kiiyokatlaliaj se tonali uan san kimachtiaj kenijkatsa mokualchijchiuas ika nopa tlamachtili tlen teipa kiixtomilisej.