Tlen mitspaleuis timomachtis

¿Tlake techpaleuis ma tijpojtiakaj nochi tlamachtili tlen moyankuilijtia?

Tlauel tiyolpakij pampa ipan ni tonali Jehová techpaleuijtok ika yolik ma tijkuamachilikaj tlen Biblia kiijtoua (Dan. 12:4). Pero uelis ouij tijmatij tijpouasej nochi tlamachtili tlen moyankuilijtia. ¿Kanke uelis tijpantisej nochi tlamachtili tlen kiyankuilijtiauij?

• Kampa kiijtoua “Aclaración de creencias” ipan Índice de las publicaciones Watch Tower ika tlajtoli español, uelis tijpantis se lista ika miak tlamachtili tlen kistiajki sejse xiuitl. Tlaj tijneki tijpantis nopa tlamachtili, xikijkuilo “aclaración de creencias” (ika comillas) kampa kiijtoua “Xikijkuilo tlen tijneki tijtemos” ipan Watchtower Library o ipan BIBLIOTECA EN LÍNEA Watchtower™.

• Ipan amatlajkuiloli Tlen ika momachtiaj Jehová itlajtoltemakauaj kipia se lista kampa uala se keski tlamachtili tlen moixtoma. Uelis tijpantis ipan “Jehová itlajtoltemakauaj”, teipa “Tlen tijmatij uan tlen tijneltokaj” uan teipa “Kej nama tijkuamachiliaj se keski tlamachtili”.

¿Uelis timosentlalis timomachtis tlamachtili tlen namanok moyankuilijtok pampa mopatlak kej tijkuamachiliyayaj? Xikita kenijkatsa mokuamachilia nama nopa tlamachtili uan ika tlake textos tikitakej monekiyaya moyankuilis.