Watchtower BIBLIOTECA ITECH TEPOS
Watchtower
BIBLIOTECA ITECH TEPOS
náhuatl del norte de Puebla
  • BIBLIA
  • AMAIXMEJ
  • NECHIKOLMEJ
  • Deuteronomio 16
  • ITajtol Dios para akin nemiskej keman Dios taixyekantos

Amo moajsi nion se video ika tein tikonixpejpenak

Xitechontapojpolui, se taman kitsakuilij maj amo moita video.

Tein ika tajtoua amatajkuilol Deuteronomio

      • Pascua uan pantsin tein amo kipia levadura (1-8)

      • “Keman peuas tiktekis tein mochiuak” (9-12)

      • Iluit itech sakakaltsitsin (13-17)

      • Kinixtaliaj jueces (18-20)

      • Maj amo kiketsakan nion teyi para taueyichiuaskej (21, 22)

Deuteronomio 16:1

Tajtolmelaualis

  • *

    Axkan nejin metsti uetsi itajkotian marzo hasta itajkotian abril. Xikonita abib.

Deuteronomio 16:2

Tajtolmelaualis

  • *

    Oso “borregos”.

Deuteronomio 16:10

Tajtolmelaualis

  • *

    No moixmati kemej iluit tein kichiuaj keman tami chikome semana oso Pentecostés.

Deuteronomio 16:11

Tajtolmelaualis

  • *

    Oso “iknotsin”, “mikakaual”.

Deuteronomio 16:21

Tajtolmelaualis

  • *

    Xikonita koujmej tein ika taueyichiuayaj.

  • ITajtol Dios para akin nemiskej keman Dios taixyekantos
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
ITajtol Dios para akin nemiskej keman Dios taixyekantos
Deuteronomio 16:1-22

Deuteronomio

16 ”Xikelnamiki ke itech metsti abib,* moneki tikchiuas iluit tein monotsa Pascua para tikueyitalis toDios Jehová, porin itech nejon metsti toDios Jehová mitskixtij de Egipto keman youak katka. 2 Uan keman tiktemaktis tapialtsin para Pascua, moneki tikmaktilis toDios Jehová kuakuejmej, ichkamej* uan chivos kampa Jehová kiixtalis maj kiueyichiuakan. 3 Amo xikua nejon iuan teisa tein kipias levadura. Chikome tonal moneki tikuas pantsin tein amo kipias levadura kemej ijkuak ijsiujka tikisteuak de Egipto. Nejon mitselnamiktis tein tikijyouij Egipto uan amo keman tikelkauas keniuj tikisak de ompa. 4 Itech nochi nejon chikome tonal, amo kanaj xikpia harinajtix tein kipia levadura. Uan tapialtsin tein tiktemaktis tiotakpa itech yekinika tonal, maj amo mokaua nion teyi de inakayo para mostika. 5 Amo uelis tiktemaktis tapialtsin para Pascua itech tein yeski xolal tein toDios Jehová mitsmakas. 6 Moneki tiktemaktis kampa toDios Jehová kiixtalis maj kiueyichiuakan. Moneki tikmiktis tapialtsin para Pascua niman keman pankalakis tonaltsin, kemej tikchiuak itech tonal keman tikisak de Egipto. 7 Xikchijchiua tapialtsin uan xikua kampa toDios Jehová kiixtalis, uan mostika kualkan uelis timokepas mochan. 8 Chikuasen tonal moneki tikuas pantsin tein amo kipias levadura, uan itech chikometika tonal namosentiliskej para nankiueyichiuaskej toDios Jehová. Amo xitekiti nejon tonal.

9 ”Desde tonal keman peuas tiktekis motatok, moneki tikpouas chikome semanas. 10 Satepan moneki tikchiuas iluit para toDios Jehová keman peuas tiktekis tein mochiuak* motalpan. Ijkuak, tiktayokolis toDios Jehová tein tiknekis, ijkon kemej yejua mitstatiochiuijtos. 11 Uan kampa toDios Jehová kiixtalis maj kiueyichiuakan, xiyolpaki iixpan toDios Jehová. Maj no yolpaki mookichpil, mosiuapil uan motakeual. No akin nemiskej itech moxolal, kemej se ikoneuj Leví, se akin amo israelita, akin amo kinpiaok itatuan* uan akin amo nemiok itakatsin. 12 Xikelnamiki keniuj mitsteltekitiltiayaj ompa Egipto, yejua ika xikchiua nochi nejin tein Dios kiixtalij.

13 ”Chikome tonal moneki tikchiuas iluit itech sakakaltsitsin, keman tiksentilisya nochi motatok, aceite uan vino. 14 Keman tikchiuas nejin iluit, xiyolpaki tejua, mookichpil, mosiuapil uan motakeual. Maj no yolpakikan akin nemij itech moxolal, kemej se ikoneuj Leví, se akin amo israelita, akin amo kinpiaok itatuan uan akin amo nemiok itakatsin. 15 Chikome tonal tiiluichiuas para tikueyitalis toDios Jehová. Tikchiuas nejon iluit kampa Jehová kiixtalis, porin toDios Jehová mitstatiochiuis itech nochi tein tikchiuas uan kichiuas maj moteltachiua motalpan, uan tejua titelyolpakis.

16 ”Expa xiuit, nochin takamej moneki kiueyichiuatiuij toDios Jehová kampa yejua kiixtalis. Yeski itech nejin eyi iluimej: keman tikuas pantsin tein amo kipia levadura, keman peuas tiktekis tein mochiuak uan keman mochiuas iluit itech sakakaltsitsin. Nochin akin kiueyichiuatiuij Jehová moneki kiuikiliskej teisa. 17 ToDios Jehová semi mitstatiochiuijtos, yejua ika no moneki tikmakas miak taman.

18 ”Itech sejse ueyi xolal tein toDios Jehová mitsmakas, moneki tikinixtalis jueces uan taixyekananij. Uan yejuan moneki kiyektaliskej ininkuejmoluan israelitas kemej kijtoua tanauatil. 19 Amo xikpata tein kijtoua tanauatil nion xitechichikoui keman tikmelaujtos se kuejmol. Amo no xikaua maj mitstaxtauikan para titakajkayauas, porin nejon kichiua maj amo yektanemiliok akin yektanemiliaya uan uelis kichiuas maj takajkayaua akin yolkuali. 20 Sayoj moneki tiktemos maj mochiua tein kuali. Ijkon tiksentokas tinemis uan timokuilis tal tein toDios Jehová mitsmakas.

21 ”Amo xiktoka nion se taman kouit para ika titaueyichiuas* kampa tikchijchiuilis ialtar toDios Jehová.

22 ”Amo no xiketsa se tet para ika titaueyichiuas. ToDios Jehová kitauelita nejon.

Amaixmej itech Náhuatl (norte de Puebla) (2003-2025)
Kampa se kisa
Kampa se kalaki
  • náhuatl del norte de Puebla
  • Maj se kipanoltili okse
  • Kampa se kipata kemej se kineki
  • Copyright © 2025 Watch Tower Bible and Tract Society of Pennsylvania
  • Kemej kinamiki motekitiltis
  • Keniuj tikyekpiaj tein tikseliaj
  • Kampa mopata seki taman
  • JW.ORG
  • Kampa se kalaki
Maj se kipanoltili okse