1 CRÓNICAS*

5 Ikoneuan Jafet katkaj Gómer, Magog, Madái, Javán, Tubal, Mesec uan Tirás.

6 Ikoneuan Gómer katkaj Askenaz, Rifat uan Togarmá.

7 Ikoneuan Javán katkaj Elisá, Tarsis, Kitim uan Rodanim.

8 Ikoneuan Cam katkaj Cus, Mizraim, Put uan Canaán.

9 Ikoneuan Cus katkaj Sebá, Havilá, Sabtá, Raamá uan Sabtecá.

Ikoneuan Raamá katkaj Seba uan Dedán.

10 Cus no kipiak se okichpil akin kitokaytij Nemrod. Yejua yekinika takat akin mochiuak ueyichiujkej itech taltikpak.

11 Ikoneuan Mizraim katkaj Ludim, Anamim, Lehabim, Naftuhim, 12 Patrusim, Casluhim uan Caftorim. Casluhim katka ininuejkaujtat filisteos.

13 Ikoneuan Canaán katkaj Sidón uan Het. Sidón tayekanaya. 14 Canaán no katka ininuejkaujtat jebuseos, amorreos, guirgaseos, 15 heveos, arqueos, sineos, 16 arvadeos, zemareos uan hamateos.

18 Iokichpil Arpaksad katka Selá uan iokichpil Selá katka Éber.

19 Éber kinpiak ome iokichpipiluan. Akin tayekanaya monotsaya Péleg* porin keman yejua nemik moxexelojkej akin nemiaj itech taltikpak.* Iikniuj Péleg monotsaya Joctán.

20 Ikoneuan Joctán katkaj Almodad, Sélef, Hazarmávet, Jérah, 21 Hadoram, Uzal, Diclá, 22 Obal, Abimael, Seba, 23 Ofir, Havilá uan Jobab. Nochin nejin katkaj ikoneuan Joctán.

24 Sem,

28 Ikoneuan Abrahán katkaj Isaac uan Ismael.

29 Yejuan nejin katkaj ikoneuan Ismael. Akin tayekanaya monotsaya Nebayot uan kitojtokayaj* Quedar, Adbeel, Mibsam, 30 Mismá, Dumá, Masá, Hadad, Temá, 31 Jetur, Nafís uan Quedemá. Nochin yejuan katkaj ikoneuan Ismael.

32 Abrahán kipiaya okse isiuatsin* akin monotsaya Queturá. Iuan Queturá kinpiak Zimrán, Jocsán, Medán, Madián, Isbac uan Súah.

Ikoneuan Jocsán katkaj Seba uan Dedán.

33 Ikoneuan Madián katkaj Efá, Éfer, Hanok, Abidá uan Eldaá.

Nochin nejin katkaj ikoneuan uan iixuiuan Queturá.

34 Itat Isaac katka Abrahán. Ikoneuan Isaac katkaj Esaú uan Israel.

35 Ikoneuan Esaú katkaj Elifaz, Reuel, Jeús, Jalam uan Coré.

36 Ikoneuan Elifaz katkaj Temán, Omar, Zefó, Gatam, Quenaz, Timná uan Amalec.

37 Ikoneuan Reuel katkaj Náhat, Zérah, Samá uan Mizá.

38 Ikoneuan Seír katkaj Lotán, Sobal, Zibeón, Aná, Disón, Ézer uan Disán.

39 Ikoneuan Lotán katkaj Horí uan Homam. Iikniuj siuat Lotán monotsaya Timná.

40 Ikoneuan Sobal katkaj Alván, Manáhat, Ebal, Sefó uan Onam.

Ikoneuan Zibeón katkaj Ayá uan Aná.

41 Iokichpil* Aná katka Disón.

Ikoneuan Disón katkaj Hemdán, Esbán, Itrán uan Kerán.

42 Ikoneuan Ézer katkaj Bilhán, Zaaván uan Acán.

Ikoneuan Disán katkaj Uz uan Arán.

43 Yejuan nejin akin tekiuajtikej ompa Edom achto ke israelitas* kipiaskiaj se tekiuaj: Bela iokichpil Beor akin nemia itech ueyi xolal Dinhabá. 44 Keman Bela momikilij, peuak tekiuajti Jobab iokichpil Zérah akin katka de Bozrá. 45 Keman Jobab momikilij, peuak tekiuajti Husam akin katka de Temán. 46 Keman Husam momikilij, peuak tekiuajti Hadad iokichpil Bedad uan nemia itech ueyi xolal Avit. Hadad kintanik madianitas akin nemiaj Moab. 47 Keman Hadad momikilij, peuak tekiuajti Samlá akin katka de Masrecá. 48 Keman Samlá momikilij, peuak tekiuajti Shaúl akin katka de Rehobot, tein yetoya inakastan se ueyiat. 49 Keman Shaúl momikilij, peuak tekiuajti Baal-Hanán iokichpil Acbor. 50 Keman Baal-Hanán momikilij, peuak tekiuajti Hadad. Yejua nemia itech ueyi xolal Paú uan isiuatsin monotsaya Mehetabel, akin katka isiuapil Matred uan iixuiuj Mezahab. 51 Satepan Hadad momikilij.

Akin taixyekanayaj* Edom katkaj Timná, Alvá, Jetet, 52 Oholibamá, Elá, Pinón, 53 Quenaz, Temán, Mibzar, 54 Magdiel uan Iram. Nochin yejuan taixyekanayaj Edom.

2 Ikoneuan Israel katkaj Rubén, Simeón, Leví, Judá, Isacar, Zabulón, 2 Dan, José, Benjamín, Neftalí, Gad uan Aser.

3 Ikoneuan Judá katkaj Er, Onán uan Selá. Nejin eyi ikoneuan kinpiak iuan iichpoch Súa. Nejin siuatsin katka kayot Canaán. Iokichpil Judá akin tayekanaya monotsaya Er, sayoj ke Jehová kimiktij porin amo kiyolpaktiaya tein kichiuaya. 4 Judá kinpiak ome ikoneuan iuan Tamar akin katka isiuamon. Yejuan monotsayaj Pérez uan Zérah. Nochin ikoneuan Judá katkaj makuil.

5 Ikoneuan Pérez katkaj Hezrón uan Hamul.

6 Ikoneuan Zérah katkaj Zimrí, Etán, Hemán, Calcol uan Dará. Nochin ikoneuan Zérah katkaj makuil.

7 Iokichpil* Carmí katka Acar* akin kinkuejmolkalakij israelitas porin amo tatakamatik uan kikuik tein Dios kijtoj ke monekia kiixpoloskej.

8 Iokichpil* Etán katka Azarías.

9 Ikoneuan Hezrón katkaj Jerahmeel, Ram uan Kelubái.*

10 Iokichpil Ram katka Aminadab. Iokichpil Aminadab katka Nahsón, akin kinixyekanaya ikoneuan Judá. 11 Iokichpil Nahsón katka Salmá. Uan iokichpil Salmá katka Boaz. 12 Iokichpil Boaz katka Obed uan iokichpil Obed katka Jesé. 13 Jesé kinpiak chikome iokichpipiluan. Akin tayekanaya monotsaya Eliab uan iikniuan akin kitojtokayaj* monotsayaj Abinadab, Simeá, 14 Netanel, Radái, 15 Ozem uan David. 16 Ininikniuan siuamej monotsayaj Zeruyá uan Abigaíl. Ikoneuan Zeruyá katkaj eyin: Abisái, Joab uan Asahel. 17 Iokichpil Abigaíl katka Amasá uan itat Amasá monotsaya Jéter akin katka ismaelita.

18 Caleb* akin katka iokichpil Hezrón kinpiak ikoneuan iniuan ome isiuauan. Yejuan monotsayaj Azubá uan Jeriot. Ikoneuan Azubá monotsayaj Jéser, Sobab uan Ardón. 19 Keman Azubá momikilij, Caleb monamiktij iuan Efrat uan kipiakej Hur. 20 Iokichpil Hur monotsaya Urí uan iokichpil Urí monotsaya Bezalel.

21 Satepan Hezrón monamiktij iuan isiuapil Makir keman kipiaya 60 xiujmej. Hezrón motekak iuan isiuapil Makir uan kipiakej Segub. Iokichpil Makir monotsaya Galaad. 22 Ikoneuj Segub monotsaya Jaír. Jaír moaxkatilij 23 uejueyi xolalmej tein pouij Galaad. 23 Panok tiempo uan akin nemiaj Guesur uan Siria moaxkatilijkej Havot-Jaír uan Quenat uan xolaltsitsin tein ompa pouij tein katka ininaxka akin ompa nemiaj. Sennochia moaxkatilijkej 60 uejueyi xolalmej. Nochin yejuan katkaj ikoneuan Makir akin katka itat Galaad.

24 Satepan ke Hezrón momikilij ompa Caleb-Efrata, Abías akin katka isiuatsin Hezrón kipiak Asjur, itat* Tecoa.

25 Iokichpil Hezrón akin tayekanaya monotsaya Jerahmeel. Iokichpil Jerahmeel akin tayekanaya monotsaya Ram uan akin kitojtokayaj monotsayaj Buná, Orén, Ozem uan Ahíya. 26 Jerahmeel kipiaya okse isiuatsin akin monotsaya Atará. Iokichpil Atará monotsaya Onam. 27 Iokichpil Jerahmeel akin tayekanaya monotsaya Ram. Ikoneuan Ram monotsayaj Maaz, Jamín uan Équer. 28 Ikoneuan Onam monotsayaj Samái uan Jadá. Uan ikoneuan Samái monotsayaj Nadab uan Abisur. 29 Isiuatsin Abisur monotsaya Abihail uan kipiakej Ahbán uan Molid. 30 Ikoneuan Nadab monotsayaj Séled uan Apaim. Sayoj ke Séled momikilij uan amo kinpiak ikoneuan. 31 Iokichpil* Apaim monotsaya Isí, iokichpil* Isí monotsaya Sesán, iokichpil* Sesán monotsaya Ahlái. 32 Ikoneuan Jadá katkaj Jéter uan Jonatán. Sayoj ke Jéter momikilij uan amo kinpiak ikoneuan. Jadá katka iikniuj Samái. 33 Ikoneuan Jonatán monotsayaj Pélez uan Zazá. Nochin nejin katkaj ikoneuan Jerahmeel.

34 Sesán amo kinpiak okichpipil ta sayoj siuapipil. Sesán kipiaya se itakeual akin kayot Egipto akin monotsaya Jarhá. 35 Sesán kimakak Jarhá se isiuapil para maj iuan monamikti, uan kipiakej Atái. 36 Iokichpil Atái katka Natán uan iokichpil Natán katka Zabad. 37 Iokichpil Zabad katka Eflal uan iokichpil Eflal katka Obed. 38 Iokichpil Obed katka Jehú uan iokichpil Jehú katka Azarías. 39 Iokichpil Azarías katka Hélez uan iokichpil Hélez katka Eleasá. 40 Iokichpil Eleasá katka Sismái uan iokichpil Sismái katka Salum. 41 Iokichpil Salum katka Jecamías uan iokichpil Jecamías katka Elisamá.

42 Caleb katka iikniuj Jerahmeel. Iokichpil Caleb* akin tayekanaya monotsaya Mesá. Iokichpil Mesá monotsaya Zif, uan no ompa pouiaj ikoneuan Maresá akin katka itat Hebrón. 43 Ikoneuan Hebrón katkaj Coré, Tapúah, Réquem uan Sema. 44 Iokichpil Sema katka Raham uan iokichpil Raham katka Jorqueam. Iokichpil Réquem katka Samái. 45 Iokichpil Samái katka Maón uan iokichpil Maón katka Bet-Zur. 46 Efá okse isiuatsin* Caleb kipiak Harán, Mozá uan Gazez. Ikoneuj Harán monotsaya Gazez. 47 Ikoneuan Jahdái monotsayaj Réguem, Jotán, Guesán, Pélet, Efá uan Sáaf. 48 Maacá okse isiuatsin Caleb kipiak Séber uan Tirhaná. 49 Panok tiempo uan Maacá no kipiak Sáaf uan Sevá. Iokichpil Sáaf monotsaya Madmaná uan ikoneuan Sevá monotsayaj Macbená uan Guibeá. Iichpoch Caleb monotsaya Acsá. 50 Nochin nejin katkaj ikoneuan uan iixuiuan Caleb.

Iokichpil Efrata akin tayekanaya monotsaya Hur. Iokichpil Hur katka Sobal. Iokichpil Sobal katka Quiryat-Jearim. 51 Okse iokichpil Hur katka Salmá. Iokichpil Salmá katka Belén. Okse iokichpil Hur monotsaya Haref. Iokichpil Haref katka Bet-Gader. 52 Sobal akin katka itat Quiryat-Jearim kipiak se iokichpil akin monotsaya Haroé. Sobal no katka ininuejkaujtat sekin* akin moixmatiaj kemej menuhot. 53 Ichankauan Quiryat-Jearim katkaj itritas, putíes, sumatitas uan misraítas. De ompa no ualeujkej zoratitas uan estaolitas. 54 Ikoneuan Salmá katkaj Belén, Atrot-Bet-Joab, netofatitas, sekin* akin nemiaj Manáhat uan zoritas. 55 Ininchankauan tajkuilouanij akin nemiaj Jabez katkaj tirateos, simeateos uan sucateos. Yejuan katkaj quenitas akin ininuejkaujtat katka Hammat. Hammat katka inintat ichankauan Recab.

3 Yejuan nejin ikoneuan David akin yolkej ompa Hebrón: akin tayekanaya monotsaya Amnón uan inan monotsaya Ahinoam akin katka kayot Jezreel. Okse ikoneuj David akin kitojtokaya* Amnón monotsaya Daniel uan inan monotsaya Abigaíl akin katka kayot Carmelo. 2 Okse ikoneuj David monotsaya Absalón uan inan monotsaya Maacá. Maacá katka iichpoch Talmái akin tekiuajtia Guesur. Okse ikoneuj David monotsaya Adonías uan inan monotsaya Haguit. 3 Okse ikoneuj David monotsaya Sefatías uan inan monotsaya Abital. Okse ikoneuj monotsaya Itream uan inan monotsaya Eglá. 4 Nochin nejin chikuasen ikoneuan David yolkej ompa Hebrón. David tekiuajtik chikome xiuit uan chikuasen metsti ompa Hebrón. Uan ompa Jerusalén tekiuajtik 33 xiujmej.

5 Ikoneuan David akin yolkej Jerusalén monotsayaj Simeá, Sobab, Natán uan Salomón. Ininnan nejin naui ikoneuan David monotsaya Bat-Seba akin katka iichpoch Amiel. 6 Uan okseki chiknaui ikoneuan monotsayaj Ibhar, Elisamá, Elifélet, 7 Noga, Néfeg, Jafía, 8 Elisamá, Eliadá uan Elifélet. 9 Nochin yejuan katkaj ikoneuan David. Uan no kinpiak okseki ikoneuan iniuan okseki isiuauan.* Ininikniuj siuat monotsaya Tamar.

10 Iokichpil Salomón katka Rehoboam. Iokichpil Rehoboam katka Abías. Iokichpil Abías katka Asá. Iokichpil Asá katka Jehosafat. 11 Iokichpil Jehosafat katka Jehoram. Iokichpil Jehoram katka Ocozías. Iokichpil Ocozías katka Jehoás. 12 Iokichpil Jehoás katka Amasías. Iokichpil Amasías katka Azarías. Iokichpil Azarías katka Jotán. 13 Iokichpil Jotán katka Acaz. Iokichpil Acaz katka Ezequías. Iokichpil Ezequías katka Manasés. 14 Iokichpil Manasés katka Amón uan iokichpil Amón katka Josías. 15 Iokichpil Josías akin tayekanaya monotsaya Johanán uan akin kitojtokayaj monotsayaj Jehoiaquim, Sedequías uan Salum. 16 Ikoneuan Jehoiaquim monotsayaj Jeconías uan Sedequías. 17 Jeconías kinpiak okseki ikoneuan keman tsaktoya uan monotsayaj Sealtiel, 18 Malkiram, Pedaya, Senazar, Jecamías, Hosamá uan Nedabías. 19 Ikoneuan Pedaya monotsayaj Zorobabel uan Simeí. Ikoneuan Zorobabel monotsayaj Mesulam uan Hananías (ininikniuj siuat monotsaya Selomit). 20 Okseki makuil ikoneuan Zorobabel katkaj Hasubá, Ohel, Berekías, Hasadías uan Jusab-Hésed. 21 Uan ikoneuan Hananías monotsayaj Pelatías uan Jesayá. Iokichpil* Jesayá monotsaya Refayá. Iokichpil* Refayá monotsaya Arnán. Iokichpil* Arnán monotsaya Abdías. Iokichpil* Abdías monotsaya Secanías. 22 Iokichpil Secanías monotsaya Semaya uan ikoneuan Semaya monotsayaj Hatús, Igal, Barías, Nearías uan Safat. Sennochinya katkaj chikuasen. 23 Ikoneuan Nearías katkaj eyin. Yejuan monotsayaj Elioenái, Hizquías uan Azricam. 24 Ikoneuan Elioenái katkaj chikome. Yejuan monotsayaj Hodavías, Eliasib, Pelayá, Acub, Johanán, Delayá uan Ananí.

4 Ikoneuan Judá katkaj Pérez, Hezrón, Carmí, Hur uan Sobal. 2 Itat Reayá katka Sobal uan itat Jáhat katka Reayá. Ikoneuan Jáhat monotsayaj Ahumái uan Lahad. Nochin yejuan nemiaj Zorá. 3 Akin yekinika peuak nemi ompa* Etam kinpiak ikoneuan. Yejuan monotsayaj Jezreel, Ismá uan Idbás (ininikniuj siuat katka Hazelelponí). 4 Itat Guedor katka Penuel uan itat Husá katka Ézer. Yejuan katkaj ikoneuan Hur. Itat Hur monotsaya Efrata uan Hur tayekanaya. Ikoneuj Hur katka Belén. 5 Asjur akin katka itat* Tecoa monamiktij iniuan ome siuamej: Helá uan Naará. 6 Naará kinpiak ikoneuan iuan Asjur. Ikoneuan monotsayaj Ahuzam, Héfer, Temení uan Haahastarí. Nochin yejuan katkaj ikoneuan Naará. 7 Uan ikoneuan Helá katkaj Zéret, Izhar uan Etnán. 8 Ikoneuan Coz katkaj Anub uan Zobebá. No katkaj ikoneuan ichankauan Aharhel. Itat Aharhel katka Harum.

9 Jabez okachi kitakachiuayaj* ke iikniuan, uan inan kitokaytij Jabez* porin kijtoj: “Semi nechkokoj keman nikpiak”. 10 Jabez kitataujtij ininDios israelitas uan kiluij: “¡Xinechtatiochiui uan xinechmaka okachi talmej! ¡Xinechpaleui uan xinechyekpia para maj amo teyi nechpano!”. Yejua ika Dios kichiuak tein kitajtanij.

11 Kelub uan Suha katkaj iknimej uan iokichpil Kelub monotsaya Mehir. Iokichpil Mehir monotsaya Estón. 12 Ikoneuan Estón katkaj Bet-Rafá, Paséah uan Tehiná. Iokichpil Tehiná monotsaya Ir-Nahás. Nochin yejuan nemiaj Recá. 13 Ikoneuan Quenaz katkaj Otniel uan Seraya. Uan iokichpil* Otniel monotsaya Hatat. 14 Iokichpil Meonotái monotsaya Ofrá. Iokichpil Seraya monotsaya Joab uan Joab katka inintat nochin akin nemiaj Gue-Harasim.* Kitokaytikej Gue-Harasim porin ompa nochin tamachijchiuayaj.

15 Iokichpil Jefuné monotsaya Caleb uan ikoneuan Caleb monotsayaj Iru, Elá uan Naam. Iokichpil* Elá monotsaya Quenaz. 16 Ikoneuan Jehalelel monotsayaj Zif, Zifá, Tiría uan Asarel. 17 Ikoneuan Ezrá katkaj Jéter, Méred, Éfer uan Jalón. Semej isiuauan Méred* kipiak Míriam, Samái uan Isbá. Iokichpil Isbá monotsaya Estemoa. 18 Nochin yejuan katkaj ikoneuan Bitías akin katka iichpoch faraón uan iuan monamiktij Méred. Uan isiuatsin Méred akin katka judía kipiak Jéred, Héber uan Jecutiel. Iokichpil Jéred monotsaya Guedor, iokichpil Héber monotsaya Socó uan iokichpil Jecutiel monotsaya Zanóah.

19 Isiuatsin Hodías kinpiak ikoneuan uan yejuan katkaj itatuan Queilá uan Estemoa. Queilá katka garmita uan Estemoa katka maacatita. Isiuatsin Hodías katka iikniuj Náham. 20 Ikoneuan Shimón katkaj Amnón, Riná, Ben-Hanán uan Tilón. Uan ikoneuan Isí monotsayaj Zóhet uan Ben-Zóhet.

21 Iokichpil Judá monotsaya Selá uan ikoneuan Selá monotsayaj Er uan Laadá. Iokichpil Er monotsaya Lecá uan iokichpil Laadá monotsaya Maresá. Ichankauan Selá no katkaj ichankauan Asbea akin kichijchiuayaj kuajkuali tasal. 22 Nejin takamej no katkaj ichankauan Selá: Joquim, Jasubí-Léhem uan akin nemiaj Cozebá, Joás uan Saraf, akin monamiktijkej iniuan siuamej akin kayomej Moab. (Nochi nejin uejkaujya moijkuiloj). 23 Seki nejin takamej nemiaj Netaim uan Guederá. Katkaj sokikonchiuanij uan kitekitiliayaj tekiuaj.

24 Ikoneuan Simeón katkaj Nemuel, Jamín, Jarib, Zérah uan Shaúl. 25 Iokichpil Shaúl monotsaya Salum. Iokichpil Salum monotsaya Mibsam. Iokichpil Mibsam monotsaya Mismá. 26 Uan iokichpil Mismá monotsaya Hamuel, iokichpil Hamuel monotsaya Zacur uan iokichpil Zacur monotsaya Simeí. 27 Simeí kinpiak 16 okichpipil uan chikuasen siuapipil, sayoj ke iparientes Simeí amo kinpiakej miakej ininkoneuan. Ichankauan Judá kinpiakej okachi miakej ininkoneuan ke ichankauan Simeón. 28 Ichankauan Simeón chanchiujkej ompa Beer-Seba, Moladá, Hazar-Sual, 29 Bilhá, Ézem, Tolad, 30 Betuel, Hormá, Ziclag, 31 Bet-Marcabot, Hazar-Susim, Bet-Birí uan Saaraim. Nejon uejueyi xolalmej katka ininaxka hasta keman peuak tekiuajti David.

32 Seki ichankauan Simeón nemiaj Etam, Ain, Rimón, Token uan Asán. Sennochia katkaj makuil uejueyi xolalmej. 33 Nejin uejueyi xolalmej kinyoualojtoyaj miak xolaltsitsin uan tamia hasta Baal uan katka ininaxka ichankauan Simeón. Nikan ijkuiliujtok akonimej katkaj ininchankauan uan kani nemiaj. 34 Okseki ichankauan Simeón katkaj: Mesobab, Jamlec uan Josá akin katka ikoneuj Amasías. 35 Joel uan Jehú no katkaj ichankauan Simeón. Itat Jehú katka Josibías, itat Josibías katka Seraya uan itat Seraya katka Asiel. 36 Okseki ichankauan Simeón katkaj Elioenái, Jaacoba, Jesohaya, Asaya, Adiel, Jesimiel, Benaya 37 uan Zizá. Itat Zizá katka Sifí uan itat Sifí katka Alón. Itat Alón katka Jedayá. Itat Jedayá katka Simrí uan itat Simrí katka Semaya. 38 Nochin yejuan kinixyekanayaj ininfamilias. Uan nochin familias de ininuejkaujtatuan momiakilijkej. 39 Yejua ika yajkej kampa se kalaki para Guedor para kitemoskej kani takuaskej inintapialuan. Guedor yetok tanakastan* de se tal tamanis.* 40 Uan kiajsikej talmej kampa onkaya miak sakat, semi taueyika katka uan amo akin takuejmolchiuaya. Achto ompa nemiaj ichankauan Cam. 41 Nochin akin nikan ijkuiliujtokej kinteuitoj ichankauan Cam keman Ezequías tekiuajtitoya ompa Judá. Kinmiktijkej ichankauan Cam uan kinixpolojkej ininkaltsitsin.* No kintamimiktijkej meunim akin no ompa nemiaj uan amo akin mokauakok. Kintalkuilijkej porin ompa onkaya miak sakat para inintapialuan.

42 Sekin ichankauan Simeón yajkej tepet Seír, yajkej 500 takamej. Uan kinixyekanaya Pelatías, Nearías, Refayá uan Uziel. Nochin yejuan katkaj ikoneuan Isí. 43 Kinmiktijkej nochin amalequitas akin ompa cholojkaj uan ompa chanchiuaj hasta axkan.

5 Iokichpil Israel akin tayekanaya katka Rubén. Yejuan nejin katkaj ikoneuan Rubén. Rubén tayekanaya sayoj ke tein kinamikia kimakaskej porin tayekanaya, kinmakakej ikoneuan José porin Rubén motekak* iuan semej isiuauan* itat. Itat José katka Israel. Kemej Rubén kichiuak nejon, yejua ika amo nesi ke yejua akin tayekanaya kampa ijkuiliujtok akonimej katkaj ichankauan Israel. 2 Judá katka okachi ueyichiujkej ke iikniuan uan de ikoneuan kisaskia akin satepan taixyekanaskia. Maski ijkon, José kimakakej tein kinamikia kimakaskej akin tayekana. 3 Iokichpil Israel akin tayekanaya monotsaya Rubén. Yejuan nejin katkaj ikoneuan Rubén: Hanok, Palú, Hezrón uan Carmí. 4 Yejuan nejin katkaj ikoneuan Joel: iokichpil Joel katka Semaya, iokichpil Semaya katka Gog, iokichpil Gog katka Simeí, 5 iokichpil Simeí katka Miqueas, iokichpil Miqueas katka Reayá, iokichpil Reayá katka Baal, 6 iokichpil Baal katka Beerá. Beerá katka semej akin kinixyekanaya ikoneuan Rubén uan Tilgat-Pilnéser akin tekiuajtia Asiria kikixtij de kampa nemia uan kiuikak okseko. 7 Kampa ijkuiliujtok akonimej katkaj ichankauan Beerá nesij kemej iparientes nejin takamej: Jeiel akin taixyekanaya, Zacarías 8 uan Bela. Itat Bela katka Azaz, itat Azaz katka Sema, itat Sema katka Joel. Ichankauan Bela nemiaj desde Aroer hasta Nebo uan Bet-Baal-Meón. 9 Kemej inintapialuan semi momiakilijkaj ompa Galaad, sentakuikej hasta kampa peua taluakyan uan hasta ueyiat Éufrates. Nochi nejin talmej yetoyaj kampa ualkisa tonaltsin. 10 Keman Saúl tekiuajtitoya, ikoneuan Rubén moteuijkej iniuan hagritas uan kintankej. Yejua ika ikoneuan Rubén peuak nemij itech kaltsitsin* tein katka ininaxka hagritas uan chanchiujkej ompa Galaad. Nejin tal yetoya kampa ualkisa tonaltsin.

11 Ikoneuan Gad nemiaj tanakastan de kampa nemiaj ikoneuan Rubén itech talmej tein yetoyaj Basán uan hasta Salecá. 12 Joel katka akin taixyekanaya uan Safam no kipaleuiaya para taixyekanas. Uan oksekin akin no kipaleuiayaj para taixyekanaskej katkaj Janái uan Safat. Yejuan kichiuayaj nejin tekit ompa Basán. 13 Uan nejin chikome takamej katkaj ininparientes uan pouiaj iniuan tataman uejueyi familias. Nejin chikome takamej monotsayaj Miguel, Mesulam, Seba, Jorái, Jacán, Zía uan Éber. 14 Nochin yejuan katkaj ikoneuan Abihail. Itat Abihail katka Hurí, itat Hurí katka Jaróah, itat Jaróah katka Galaad, itat Galaad katka Miguel, itat Miguel katka Jesisái, itat Jesisái katka Jahdó uan itat Jahdó katka Buz. 15 Akin kinixyekanaya ininuejueyi familias katka Ahí. Itat Ahí katka Abdiel, itat Abdiel katka Guní. 16 Yejuan nemiaj Galaad, Basán uan xolaltsitsin tein ompa yetoyaj. Uan sekin no nemiaj Sarón itech talmej kampa onkaya miak sakat, sentakuikej hasta kampa tamiaj nochi nejon talmej. 17 Nochin nejon familias kinijkuilojkej keman Jotán tekiuajtia ompa Judá uan keman Jeroboán tekiuajtia itech xolal Israel.

18 Ikoneuan Rubén, ikoneuan Gad uan seki* ikoneuan Manasés kinpiayaj 44,760* soldados akin kuali tateuiayaj. Yejuan kipiayaj ininescudos, ininmachete tein ojkan tenej* uan ininarcos* uan kimatiaj keniuj tateuiskej. 19 Yejuan moteuijkej iniuan hagritas. No moteuijkej iniuan ininchankauan Jetur, Nafís uan Nodab. 20 Keman iniuan moteuijtoyaj, kiluijkej Dios maj kinpaleui uan yejua kinpaleuij porin iuan takuaujtamatkej. Yejua ika kintankej hagritas uan nochin akin kinixnamikiaj. 21 Mokuilijkej inintapialuan: 50 mil camellos, 250 mil ichkamej* uan ome mil burros. No kinkixtijkej 100 mil takamej uan siuamej de kampa nemiaj. 22 Ijkuak, toTajtsin Dios kinpaleuij keman tateuijkej yejua ika miakej kinmiktijkej. Ikoneuan Rubén, ikoneuan Gad uan seki* ikoneuan Manasés nenkej itech nejon talmej tein moaxkatilijkej hasta keman kinkixtijkej de ompa uan kinuikakej okseko.

23 Uan ininchankauan seki ikoneuan Manasés nenkej itech talmej tein yetoyaj Basán hasta Baal-Hermón. No nemiaj Senir uan tepet Hermón. Yejuan semi miakej katkaj. 24 Nejin takamej kinixyekanayaj ininuejueyi familias: Éfer, Isí, Eliel, Azriel, Jeremías, Hodavías uan Jahdiel. Yejuan katkaj soldados akin kuali tateuiayaj uan semi kinixmatiaj. Nochin yejuan kinixyekanayaj ininfamilias. 25 Nochin akin pouiaj iniuan nejon uejueyi kalyetonij amo kitakamatkej Dios akin kiueyichiuayaj ininuejkaujtatuan. Uan peuak kinueyichiuaj tatadiosmej* tein kinueyichiuayaj akin nemiaj itech nejon talmej. Dios kinixpoloj akin ompa nemiaj para maj israelitas ompa chanchiuanij. 26 Pul akin tekiuajtia Asiria, kinkixtij ikoneuan Rubén, ikoneuan Gad uan seki* ikoneuan Manasés de kampa nemiaj uan kinuikak okseko. (Tekiuaj Pul no moixmatia kemej Tilgat-Pilnéser). Yejua kinkixtij porin ininDios israelitas kitanemililtij maj ijkon kichiua uan kinuikak Halá, Habor, Hará uan ueyiat Gozán uan ompa nemijok hasta axkan.

6 Ikoneuan Leví katkaj Guersón, Cohat uan Merarí. 2 Ikoneuan Cohat katkaj Amram, Izhar, Hebrón uan Uziel. 3 Ikoneuan Amram katkaj Aarón, Moisés uan Míriam. Uan ikoneuan Aarón katkaj Nadab, Abihú, Eleazar uan Itamar. 4 Iokichpil Eleazar monotsaya Finehás, uan iokichpil Finehás monotsaya Abisúa. 5 Iokichpil Abisúa monotsaya Buquí, uan iokichpil Buquí monotsaya Uzí. 6 Iokichpil Uzí monotsaya Zerahías, uan iokichpil Zerahías monotsaya Merayot. 7 Iokichpil Merayot monotsaya Amarías, uan iokichpil Amarías monotsaya Ahitub. 8 Iokichpil Ahitub monotsaya Sadoc, uan iokichpil Sadoc monotsaya Ahimáaz. 9 Iokichpil Ahimáaz monotsaya Azarías, uan iokichpil Azarías monotsaya Johanán. 10 Iokichpil Johanán monotsaya Azarías. Yejua katka tiopixkat itech templo tein Salomón kichijchiuak ompa Jerusalén.

11 Iokichpil Azarías monotsaya Amarías, uan iokichpil Amarías monotsaya Ahitub. 12 Iokichpil Ahitub monotsaya Sadoc, uan iokichpil Sadoc monotsaya Salum. 13 Iokichpil Salum monotsaya Hilquías, uan iokichpil Hilquías monotsaya Azarías. 14 Iokichpil Azarías monotsaya Seraya, uan iokichpil Seraya monotsaya Jehozadac. 15 Jehozadac no kiuikakej okseko keman Jehová kikauak maj Nabucodonosor kinkixtiani akin nemiaj Judá uan Jerusalén uan maj kinuikani.

16 Ikoneuan Leví monotsayaj Guersom,* Cohat uan Merarí. 17 Ikoneuan Guersom monotsayaj Libní uan Simeí. 18 Ikoneuan Cohat monotsayaj Amram, Izhar, Hebrón uan Uziel. 19 Ikoneuan Merarí monotsayaj Mahlí uan Musí.

Yejuan nejin familias de ininuejkaujtatuan levitas akin taixyekanayaj. 20 Ichankauan Guersom katkaj: Libní akin katka iokichpil, iokichpil Libní monotsaya Jáhat uan iokichpil Jáhat monotsaya Zimá. 21 Iokichpil Zimá monotsaya Joá, iokichpil Joá monotsaya Idó, iokichpil Idó monotsaya Zérah uan iokichpil Zérah monotsaya Jeatrái. 22 Ikoneuan Cohat katkaj: Aminadab akin katka iokichpil, iokichpil Aminadab monotsaya Coré, iokichpil Coré monotsaya Asir, 23 iokichpil Asir monotsaya Elcaná, iokichpil Elcaná monotsaya Ebiasaf, iokichpil Ebiasaf monotsaya Asir, 24 iokichpil Asir monotsaya Táhat, iokichpil Táhat monotsaya Uriel, iokichpil Uriel monotsaya Uzías uan iokichpil Uzías monotsaya Shaúl. 25 Ikoneuan Elcaná monotsayaj Amasái uan Ahimot. 26 Ichankauan Elcaná* katkaj: Zofái akin katka iokichpil, iokichpil Zofái monotsaya Náhat, 27 iokichpil Náhat monotsaya Eliab, iokichpil Eliab monotsaya Jeroham uan iokichpil Jeroham monotsaya Elcaná. 28 Ikoneuan Samuel katkaj Joel akin tayekanaya uan akin kitojtokaya* monotsaya Abías. 29 Ikoneuan Merarí katkaj: Mahlí akin katka iokichpil, iokichpil Mahlí monotsaya Libní, iokichpil Libní monotsaya Simeí, iokichpil Simeí monotsaya Uzá, 30 iokichpil Uzá monotsaya Simeá, iokichpil Simeá monotsaya Haguías uan iokichpil Haguías monotsaya Asaya.

31 David kinixtalij seki takamej para maj kinixyekananij akin cantarouayaj itech ikaltsin Jehová.* Kichiuak nejin satepan ke ompa kikauatoj tatiochiualkaxon.* 32 Nejon takamej kinixyekanayaj akin cantarouayaj itech ikaltsin Dios kampa yayaj kiueyichiuatij, uan kichiujkej ijkon kemej kinnauatijkaj. Nejon tekit kichiujkej hasta keman Salomón kichijchiuilij Jehová ichan ompa Jerusalén. 33 Yejuan nejin takamej akin kichiuayaj nejon tekit iniuan ininkoneuan akin katkaj ichankauan Cohat: Hemán akin cantarouaya. Itat Hemán katka Joel, itat Joel katka Samuel, 34 itat Samuel katka Elcaná, itat Elcaná katka Jeroham, itat Jeroham katka Eliel, itat Eliel katka Tóah, 35 itat Tóah katka Zuf, itat Zuf katka Elcaná, itat Elcaná katka Máhat, itat Máhat katka Amasái, 36 itat Amasái katka Elcaná, itat Elcaná katka Joel, itat Joel katka Azarías, itat Azarías katka Sofonías, 37 itat Sofonías katka Táhat, itat Táhat katka Asir, itat Asir katka Ebiasaf, itat Ebiasaf katka Coré, 38 itat Coré katka Izhar, itat Izhar katka Cohat, itat Cohat katka Leví uan itat Leví katka Israel.

39 Asaf akin katka ipariente Hemán moketsaya iyekmakopa. Itat Asaf katka Berekías, itat Berekías katka Simeá, 40 itat Simeá katka Miguel, itat Miguel katka Baaseyá, itat Baaseyá katka Malkiya, 41 itat Malkiya katka Etní, itat Etní katka Zérah, itat Zérah katka Adaya, 42 itat Adaya katka Etán, itat Etán katka Zimá, itat Zimá katka Simeí, 43 itat Simeí katka Jáhat, itat Jáhat katka Guersom uan itat Guersom katka Leví.

44 Ikoneuan Merarí akin no katkaj iparientes Hemán moketsayaj iopochmakopa. Semej katka Etán. Itat Etán katka Quisí, itat Quisí katka Abdí, itat Abdí katka Maluc, 45 itat Maluc katka Hasabías, itat Hasabías katka Amasías, itat Amasías katka Hilquías, 46 itat Hilquías katka Amzí, itat Amzí katka Baní, itat Baní katka Sémer, 47 itat Sémer katka Mahlí, itat Mahlí katka Musí, itat Musí katka Merarí uan itat Merarí katka Leví.

48 Okseki levitas akin no katkaj ininparientes kinixtalijkej* para kichiuaskej nochi tekit tein onkaya itech ikaltsin toTajtsin Dios kampa yayaj kiueyichiuatij. 49 Aarón uan ikoneuan kichichinouayaj tapialmej itech altar kampa kichichinouiliayaj Dios tein kimaktiliayaj uan kichichinouayaj kopal itech altar kampa tapopochuiayaj. Yejuan kichiujkej tekit tein Dios kinmakaka. Nejon tekit kinpaleuiaya israelitas maj kiueyichiuakan Dios uan maj kintapojpolui. Kichiujkej ijkon kemej tanauatijka Moisés akin katka itekitikauj toTajtsin Dios. 50 Yejuan nejin katkaj ikoneuan Aarón: Eleazar akin katka iokichpil. Iokichpil Eleazar monotsaya Finehás, iokichpil Finehás monotsaya Abisúa, 51 iokichpil Abisúa monotsaya Buquí, iokichpil Buquí monotsaya Uzí, iokichpil Uzí monotsaya Zerahías, 52 iokichpil Zerahías monotsaya Merayot, iokichpil Merayot monotsaya Amarías, iokichpil Amarías monotsaya Ahitub, 53 iokichpil Ahitub monotsaya Sadoc uan iokichpil Sadoc monotsaya Ahimáaz.

54 Yejua nejin talmej kampa levitas chanchiujkej. Keman yekinika kitatamotkej tetsitsin* nesik kani kintaxejxelouiliskiaj ikoneuan Aarón akin pouiaj iniuan ichankauan Cohat. 55 Kinmakakej Hebrón tein yetok Judá uan ixtauat tein kiyoualoua nejon ueyi xolal kampa ueliskia kinpiaskej inintapialuan. 56 Sayoj ke talmej uan xolaltsitsin tein pouij Hebrón kimakakej Caleb ikoneuj Jefuné. 57 Uan ikoneuan Aarón kinmakakej uejueyi xolalmej* kampa israelitas ueliskia choloskej komo kiualmiktiayaj aksa.* Kinmakakej Hebrón, Libná uan ixtauat tein kiyoualoua kampa ueliskia kinpiaskej inintapialuan. No kinmakakej Jatir, Estemoa uan ixtauat tein kiyoualoua kampa ueliskia kinpiaskej inintapialuan, 58 Hilén uan Debir uan ixtauat tein kinyoualoua kampa ueliskia kinpiaskej inintapialuan, 59 Asán uan Bet-Semes uan ixtauat tein kinyoualoua kampa ueliskia kinpiaskej inintapialuan. 60 Uan ikoneuan Benjamín kinmakakej ichankauan Aarón ueyi xolal Gueba, Alémet uan Anatot uan ixtauat tein kinyoualoua kampa ueliskia kinpiaskej inintapialuan. Sennochia kinmakakej 13 uejueyi xolalmej para nochi ininfamilias.

61 Uan familias den okseki uejueyi kalyetonij uan seki* ikoneuan Manasés kinmakakej* okseki ichankauan Cohat majtakti uejueyi xolalmej.

62 Uan levitas akin katkaj ikoneuan Guersom kinmakakej 13 uejueyi xolalmej. Nejin uejueyi xolalmej yetoyaj kampa kintaxejxelouilijkaj ikoneuan Isacar, ikoneuan Aser, ikoneuan Neftalí uan ikoneuan Manasés akin nemiaj Basán. Kinmajmakakej por familias.

63 Keman kitatamotkej tetsitsin, kinmakakej ichankauan Merarí 12 uejueyi xolalmej tein yetoyaj kampa kintaxejxelouilijkaj ikoneuan Rubén, ikoneuan Gad uan ikoneuan Zabulón. Kinmajmakakej por familias.

64 Israelitas ijkon kinxejxelouilijkej levitas nejin uejueyi xolalmej uan ixtauat tein kinyoualoua kampa ueliskia kinpiaskej inintapialuan. 65 Uan no, yejua nejin uejueyi xolalmej tein kinmakakej keman kitatamotkej tetsitsin. Nejin uejueyi xolalmej yetoyaj kampa kintaxejxelouilijkaj ikoneuan Judá, ikoneuan Simeón uan ikoneuan Benjamín.

66 Seki ichankauan Cohat kinmakakej uejueyi xolalmej tein yetokej kampa kintaxejxelouilijkaj ikoneuan Efraín. 67 Kinmakakej uejueyi xolalmej* kampa israelitas ueliskia choloskej komo kiualmiktiayaj aksa. Kinmakakej ueyi xolal Siquem uan ixtauat tein kiyoualoua kampa ueliskia kinpiaskej inintapialuan. Nejin ueyi xolal yetok kampa tepeyoj kampa kintaxejxelouilijkaj ikoneuan Efraín. No kinmakakej Guézer uan ixtauat tein kiyoualoua kampa ueliskia kinpiaskej inintapialuan, 68 Jocmeam uan Bet-Horón uan ixtauat tein kinyoualoua kampa ueliskia kinpiaskej inintapialuan, 69 Ayalón uan Gat-Rimón uan ixtauat tein kinyoualoua kampa ueliskia kinpiaskej inintapialuan. 70 Uan seki* ikoneuan Manasés kinmakakej okseki ichankauan Cohat nejin uejueyi xolalmej: Aner uan Bileam uan ixtauat tein kinyoualoua kampa ueliskia kinpiaskej inintapialuan.

71 Seki* ikoneuan Manasés kinmakakej ikoneuan Guersom nejin uejueyi xolalmej: Golán tein yetok Basán uan Astarot uan ixtauat tein kinyoualoua kampa ueliskia kinpiaskej inintapialuan. 72 Uan ikoneuan Isacar kinmakakej ichankauan Guersom: Quedes uan Daberat uan ixtauat tein kinyoualoua kampa ueliskia kinpiaskej inintapialuan, 73 Ramot uan Anem uan ixtauat tein kinyoualoua kampa ueliskia kinpiaskej inintapialuan. 74 Uan ikoneuan Aser kinmakakej ichankauan Guersom: Masal uan Abdón uan ixtauat tein kinyoualoua kampa ueliskia kinpiaskej inintapialuan, 75 Hucoc uan Rehob uan ixtauat tein kinyoualoua kampa ueliskia kinpiaskej inintapialuan. 76 Uan ikoneuan Neftalí kinmakakej ichankauan Guersom: Quedes tein yetok Galilea, Hamón uan Quiryataim uan ixtauat tein kinyoualoua kampa ueliskia kinpiaskej inintapialuan.

77 Uan ikoneuan Zabulón kinmakakej okseki ichankauan Merarí ueyi xolal Rimono uan Tabor uan ixtauat tein kinyoualoua kampa ueliskia kinpiaskej inintapialuan. 78 Uan ikoneuan Rubén kinmakakej ichankauan Merarí seki uejueyi xolalmej ompa Jordán taixpan de Jericó kampa ualkisa tonaltsin. Kinmakakej Bézer tein yetok taluakyan uan Jáhaz uan ixtauat tein kinyoualoua kampa ueliskia kinpiaskej inintapialuan. 79 No kinmakakej Quedemot uan Mefaat uan ixtauat tein kinyoualoua kampa ueliskia kinpiaskej inintapialuan. 80 Uan ikoneuan Gad kinmakakej ichankauan Merarí ueyi xolal Ramot tein yetok Galaad, Mahanaim uan ixtauat tein kinyoualoua kampa ueliskia kinpiaskej inintapialuan. 81 No kinmakakej Hesbón uan Jazer uan ixtauat tein kinyoualoua kampa ueliskia kinpiaskej inintapialuan.

7 Ikoneuan Isacar katkaj nauin: Tolá, Pua, Jasub uan Simrón. 2 Ikoneuan Tolá monotsayaj Uzí, Refayá, Jeriel, Jahmái, Ibsam uan Semuel. Yejuan kinixyekanayaj ininuejueyi familias. Seki ikoneuan Tolá katkaj soldados akin kuali tateuiayaj. Katkaj kemej 22,600* soldados keman David taixyekanaya. 3 Uan ikoneuan Uzí katkaj Izrahías uan ikoneuan Izrahías. Yejuan monotsayaj Miguel, Abdías, Joel uan Isías. Nejin makuil takamej kinixyekanayaj ininfamilias. 4 Yejuan uan ininchankauan kinpiakej miakej ininsiuauan uan miakej ininkoneuan, yejua ika akin kinixyekanayaj ininuejueyi familias kipiayaj 36 mil soldados akin ueliskia yaskej tateuitiuij. 5 Uan ininparientes nochin ichankauan Isacar katkaj soldados akin kuali tateuiayaj. Uan sennochinya katkaj 87 mil, ijkon kemej ixnesi kampa ijkuiliujtok akonimej katkaj ininchankauan.

6 Ikoneuan Benjamín katkaj eyin: Bela, Béker uan Jediael. 7 Uan ikoneuan Bela katkaj makuil: Ezbón, Uzí, Uziel, Jerimot uan Irí. Yejuan kinixyekanayaj ininuejueyi familias uan katkaj soldados akin kuali tateuiayaj. Sennochinya katkaj 22,034,* ijkon kemej ixnesi kampa ijkuiliujtok akonimej katkaj ininchankauan. 8 Uan ikoneuan Béker monotsayaj Zemirá, Joás, Eliezer, Elioenái, Omrí, Jeremot, Abías, Anatot uan Alémet. Nochin yejuan katkaj ikoneuan Béker. 9 Kampa ijkuiliujtok akonimej katkaj ininchankauan oso akin kinixyekanayaj ininuejueyi familias no ixnesij 20,200* soldados akin kuali tateuiayaj. 10 Uan ikoneuan Jediael katkaj Bilhán uan ikoneuan Bilhán monotsayaj Jeús, Benjamín, Ehúd, Kenaaná, Zetán, Tarsis uan Ahisáhar. 11 Nochin yejuan katkaj ikoneuan Jediael uan nochin akin kinixyekanayaj ininfamilias. No iniuan pouiaj 17,200* soldados akin kuali tateuiayaj akin ueliskia yaskej tateuitiuij.

12 Akin kinixmatiaj kemej supim uan hupim* katkaj ichankauan Ir. Uan akin kinixmatiaj kemej Husim katkaj ichankauan Aher.

13 Ikoneuan Neftalí monotsayaj Jahziel, Guní, Jézer uan Salum. Nejin takamej katkaj ikoneuan Bilhá.

14 Manasés kinpiak ikoneuan uan se monotsaya Asriel. Manasés kipiak Asriel iuan isiuatsin* akin kayot Siria. (Nejon siuatsin kipiak Makir uan iokichpil Makir katka Galaad. 15 Uan Makir kintemolij ininsiuauan Hupim uan Supim. Iikniuj siuat Makir monotsaya Maacá). Okse iokichpil Manasés akin kitojtokaya* Asriel monotsaya Zelofehad, sayoj ke Zelofehad sayoj kinpiak siuapipil. 16 Maacá akin katka isiuatsin Makir kipiak se iokichpiltsin uan kitokaytij Peres. Uan iikniuj Peres katka Seres. Ikoneuan Seres monotsayaj Ulam uan Réquem. 17 Uan iokichpil* Ulam monotsaya Bedán. Yejuan katkaj ikoneuan Galaad. Itat Galaad katka Makir uan itat Makir katka Manasés. 18 Uan Galaad kipiaya se iikniuj siuat akin monotsaya Hamoléket. Ikoneuan Hamoléket monotsayaj Isod, Abí-Ézer uan Mahlá. 19 Uan ikoneuan Semidá monotsayaj Ahián, Siquem, Liquí uan Aniam.

20 Iokichpil Efraín monotsaya Sutélah. Iokichpil Sutélah monotsaya Bered, iokichpil Bered monotsaya Táhat, iokichpil Táhat monotsaya Eleadá uan iokichpil Eleadá monotsaya Táhat. 21 Uan iokichpil Táhat monotsaya Zabad uan iokichpil Zabad monotsaya Sutélah. Uan okseki ikoneuan Efraín monotsayaj Ézer uan Elead. Takamej akin nemiaj Gat temokej kinichtekilitoj inintapialuan ikoneuan Efraín uan kinmiktijkej Ézer uan Elead. 22 Efraín akin katka inintat tayokoxtoya miak tonalmej uan iparientes ualayaj kiyolchikauakij. 23 Satepan motekak iuan isiuatsin, yejua mokokoxkatalij uan kipiak se okichpiltsin. Sayoj ke Efraín kitokaytij Berías* porin ijkuak ichankauan tajyouijtoyaj. 24 Isiuapil katka Seerá akin kichijchiuak ueyi xolal Bet-Horón Baja uan Bet-Horón Alta uan Uzén-Seerá. 25 Réfah uan Résef no katkaj ichankauan Efraín. Iokichpil Résef monotsaya Télah, uan iokichpil Télah monotsaya Tahán. 26 Iokichpil Tahán monotsaya Ladán, iokichpil Ladán monotsaya Amihud, iokichpil Amihud monotsaya Elisamá, 27 iokichpil Elisamá monotsaya Nun uan iokichpil Nun monotsaya Josué.*

28 Yejua nejin talmej uan xolalmej kampa mokaltalijkej ichankauan Efraín: Betel uan xolaltsitsin tein ompa pouij, Naarán tein yetok kampa ualkisa tonaltsin, Guézer uan xolaltsitsin tein ompa pouij tein yetok kampa pankalaki tonaltsin. No ininaxka katka Siquem uan xolaltsitsin tein ompa pouij uan tamia hasta kampa motanotsa Ayyá* uan xolaltsitsin tein ompa pouij. 29 Uan inintal no yetoya tanakastan de kampa nemiaj ikoneuan Manasés. Nejin uejueyi xolalmej katkaj Bet-Seán, Taanac, Meguidó uan Dor uan nochi xolaltsitsin tein ompa pouij. Ompa chanchiujkej nochin ikoneuan José iokichpil Israel.

30 Ikoneuan Aser katkaj Imná, Isvá, Isví uan Berías. No kipiayaj se ininikniuj siuat akin monotsaya Sérah. 31 Ikoneuan Berías katkaj Héber uan Malkiel. Ikoneuj Malkiel monotsaya Birzayit. 32 Ikoneuan Héber monotsayaj Jaflet, Somer uan Hotam. Yejuan kipiayaj se ininikniuj siuat akin monotsaya Súa. 33 Ikoneuan Jaflet monotsayaj Pasac, Bimhal uan Asvat. Yejuan katkaj ikoneuan Jaflet. 34 Ikoneuan Sémer* monotsayaj Ahí, Rohgá, Jehubá uan Aram. 35 Sémer kipiaya se iikniuj takat akin monotsaya Hélem.* Ikoneuan Hélem monotsayaj Zofá, Imná, Seles uan Amal. 36 Ikoneuan Zofá monotsayaj Súaj, Harnéfer, Sual, Berí, Imrá, 37 Bézer, Hod, Samá, Silsá, Itrán uan Beerá. 38 Ikoneuan Jéter monotsayaj Jefuné, Pispá uan Ará. 39 Ikoneuan Ulá monotsayaj Ará, Haniel uan Rizía. 40 Nochin yejuan katkaj ikoneuan Aser. Yejuan kinixyekanayaj ininuejueyi familias, uan kinijitayaj para maj mochiuakan soldados porin kuali tateuiayaj. Yejuan no kinixyekanayaj takamej akin kinixyekanayaj soldados. Sennochinya katkaj 26 mil soldados akin ueliskia yaskej tateuitiuij, ijkon kemej ixnesi kampa ijkuiliujtok akonimej katkaj ininchankauan.

8 Iokichpil Benjamín akin tayekanaya monotsaya Bela. Iikniuan Bela akin kitojtokayaj* monotsayaj Asbel, Ahará, 2 Nohá uan Rafá. 3 Ikoneuan Bela monotsayaj Addar, Guerá, Abihud, 4 Abisúa, Naamán, Ahoá, 5 Guerá, Sefufán uan Huram. 6 Ikoneuan Ehúd kinixyekanayaj ininuejueyi familias akin nemiaj Gueba uan yejuan akin kinuikakaj Manáhat. 7 Ikoneuan monotsayaj Naamán, Ahíya uan Guerá. Yejua kinuikak okseko uan ikoneuan monotsayaj Uzá uan Ahihud. 8 Saharaim kintokak* akin nemiaj Moab uan satepan kinpiak ikoneuan. Isiuauan monotsayaj Husim uan Baará.* 9 Iuan isiuatsin Hodes kinpiak Jobab, Zibía, Mesá, Malcam, 10 Jeúz, Sakía uan Mirmá. Yejuan katkaj ininkoneuan uan kinixyekanayaj uejueyi familias.

11 Iuan isiuatsin Husim kinpiak Abitub uan Elpaal. 12 Uan ikoneuan Elpaal monotsayaj Éber, Misam, Sémed (Sémed kichijchiuak Onó uan Lod uan xolaltsitsin tein ompa pouij). 13 Uan okseki ikoneuan Elpaal monotsayaj Berías uan Sema. Yejuan kinixyekanayaj uejueyi familias akin nemiaj Ayalón, uan yejuan kinkixtijkej akin nemiaj Gat. 14 Ikoneuan Berías katkaj Ahió, Sasac, Jeremot, 15 Zebadías, Arad, Éder, 16 Miguel, Ispá uan Johá. Yejuan katkaj ikoneuan Berías. 17 Uan ikoneuan Elpaal katkaj Zebadías, Mesulam, Hizquí, Héber, 18 Ismerái, Izlías uan Jobab. Yejuan katkaj ikoneuan Elpaal. 19 Uan ikoneuan Simeí katkaj Jaquim, Zicrí, Zabdí, 20 Elienái, Ziletái, Eliel, 21 Adaya, Berayá uan Simrat. Yejuan katkaj ikoneuan Simeí. 22 Uan ikoneuan Sasac katkaj Ispán, Éber, Eliel, 23 Abdón, Zicrí, Hanán, 24 Hananías, Elam, Antotiya, 25 Ifdeyá uan Penuel. Yejuan katkaj ikoneuan Sasac. 26 Uan ikoneuan Jeroham katkaj Samserái, Seharías, Atalía, 27 Jaaresías, Elías uan Zicrí. Yejuan katkaj ikoneuan Jeroham. 28 Nochin yejuan kinixyekanayaj ininuejueyi familias, ijkon kemej ixnesi kampa ijkuiliujtok akonimej katkaj ininchankauan. Nejin takamej nemiaj Jerusalén.

29 Jeiel nemia Gabaón uan yejua akin yekinika peuak nemi itech nejon ueyi xolal. Isiuatsin Jeiel monotsaya Maacá. 30 Iokichpil Jeiel akin tayekanaya monotsaya Abdón, satepan kinpiak Zur, Quis, Baal, Nadab, 31 Guedor, Ahió uan Zéker. 32 Iokichpil Miclot katka Simeá. Yejuan nemiaj ompa Jerusalén kampa nemiaj ininikniuan. Amo uejka de ompa no nemiaj okseki ininikniuan.

33 Iokichpil Ner monotsaya Quis, iokichpil Quis monotsaya Saúl uan ikoneuan Saúl monotsayaj Jonatán, Malki-Súa, Abinadab uan Esbaal.* 34 Uan iokichpil Jonatán monotsaya Merib-Baal* uan iokichpil Merib-Baal monotsaya Miqueas. 35 Ikoneuan Miqueas monotsayaj Pitón, Mélec, Tarea uan Acaz. 36 Iokichpil Acaz monotsaya Jehoadá. Ikoneuan Jehoadá monotsayaj Alémet, Azmávet uan Zimrí. Iokichpil Zimrí monotsaya Mozá. 37 Iokichpil Mozá monotsaya Bineá, iokichpil Bineá monotsaya Rafá, iokichpil Rafá monotsaya Eleasá, iokichpil Eleasá monotsaya Azel. 38 Azel kinpiak chikuasen ikoneuan uan monotsayaj Azricam, Bocrú, Ismael, Searías, Abdías uan Hanán. Yejuan katkaj ikoneuan Azel. 39 Azel kipiaya se iikniuj takat akin monotsaya Éshec. Iokichpil Éshec akin tayekanaya monotsaya Ulam uan iikniuan Ulam akin kitojtokayaj monotsayaj Jeús uan Elifélet. 40 Uan ikoneuan Ulam katkaj soldados akin kuali tateuiayaj uan kuali kikuiaj arco.* Yejuan kinpiakej miakej ininkoneuan uan ininixuiuan, sennochinya katkaj 150. Nochin yejuan katkaj ikoneuan Benjamín.

9 Moijkuilojtiajki inintokay nochin israelitas por familias, satepan kimajxitilijkej amatajkuilol kampa ininka tajtoua nochin akin tekiuajtikej itech xolal Israel. Akin nemiaj Judá kinuikakej Babilonia porin amo kitakamatkej Dios. 2 Seki israelitas, tiopixkamej, levitas uan akin tekitiaj ichan Dios* mokepkej ininueyi xolal kampa kipiayaj inintal. Yejuan akin yekinika mokepkej. 3 Uan seki ininkoneuan Judá, Benjamín, Efraín uan Manasés mokaltalijkej Jerusalén. Yejuan monotsayaj: 4 Utái, itat Utái katka Amihud, itat Amihud katka Omrí, itat Omrí katka Imrí, itat Imrí katka Baní. Nochin yejuan katkaj ikoneuan Pérez uan itat Pérez katka Judá. 5 No nemitoj Jerusalén Asaya uan ikoneuan. Yejuan katkaj ikoneuan uan iixuiuan Selá. Asaya kinyekanaya iikniuan. 6 Jeuel akin katka ichankauj Zérah no mokepak Jerusalén. No mokepkej 690 takamej akin katkaj ichankauan Judá.

7 Seki ikoneuan Benjamín no mokaltalitoj Jerusalén. Nejin takamej katkaj: Salú, itat Salú katka Mesulam, itat Mesulam katka Hodavías uan itat Hodavías katka Hasenuá. 8 Okseki takamej akin no mokepkej katkaj Ibneyá, Elá uan Mesulam. Itat Ibneyá katka Jeroham. Itat Elá katka Uzí uan itat Uzí katka Micrí. Itat Mesulam katka Sefatías, itat Sefatías katka Reuel uan itat Reuel katka Ibniya. 9 Iniuan nejon takamej mokepkej okseki 956, ijkon kemej ixnesi kampa ijkuiliujtok akonimej katkaj ininchankauan. Nochi nejon takamej kinixyekanayaj ininuejueyi familias.

10 Uan tiopixkamej akin mokepkej monotsayaj Jedayá, Jehoiarib, Jakín uan 11 Azarías. Itat Azarías katka Hilquías, itat Hilquías katka Mesulam, itat Mesulam katka Sadoc, itat Sadoc katka Merayot, itat Merayot katka Ahitub akin taixyekanaya ichan* toTajtsin Dios. 12 No mokepkej Adaya uan Maasái. Itat Adaya katka Jeroham, itat Jeroham katka Pasjur uan itat Pasjur katka Malkiya. Itat Maasái katka Adiel, itat Adiel katka Jahzerá, itat Jahzerá katka Mesulam, itat Mesulam katka Mesilemit uan itat Mesilemit katka Imer. 13 Uan no mokepkej ininikniuan akin kinixyekanayaj ininuejueyi familias. Katkaj 1,760* takamej akin yolchikaujkej uan takuaujtamachmej akin motemakakej tekitiskej ichan toTajtsin Dios.

14 Uan no mokepkej seki levitas. Semej katka Semaya. Itat Semaya katka Hasub, itat Hasub katka Azricam uan itat Azricam katka Hasabías. Nochin yejuan katkaj ikoneuan Merarí. 15 Uan no mokepkej Bacbacar, Héresh, Galal uan Matanías. Itat Matanías katka Micá, itat Micá katka Zicrí uan itat Zicrí katka Asaf. 16 Uan no mokepak Abdías uan Berekías. Itat Abdías katka Semaya, itat Semaya katka Galal uan itat Galal katka Jedutún. Itat Berekías katka Asá uan itat Asá katka Elcaná. Yejua nemia kampa chanchiuayaj netofatitas.

17 Akin tajpiayaj puertajtenoj katkaj Salum, Acub, Talmón uan Ahimán. Uan Salum akin katka ininpariente kinixyekanaya akin tajpiayaj puertajtenoj. 18 Hasta ijkuak yejua tajpiaya itech puerta kampa kalakia tekiuaj tein yetok kampa ualkisa tonaltsin. Nochin yejuan tajpiayaj kampa levitas chanchiuayaj. 19 Uan Salum uan iparientes akin moixmatiaj kemej coreítas* kinixyekanayaj akin tajpiayaj ichan Dios. Salum uan iparientes pouiaj itech sayoj se ueyi familia. Inintatuan kinixyekankaj akin tajpiayaj kampa se kalakia itech ikaltsin Jehová kampa yayaj kiueyichiuatij.* Itat Salum katka Coré, itat Coré katka Ebiasaf uan itat Ebiasaf katka Coré. 20 Ne uejkauj, Finehás iokichpil Eleazar kinixyekanaya. Jehová nochipa kipaleuij Finehás. 21 Zacarías iokichpil Meselemías tajpiaya kampa se kalakia itech kaltsin kampa yayaj kiueyichiuatij Dios.

22 Nochin akin kinijitakej para maj tajpiakan puertajtenoj katkaj 212. Mokaltalijkej itech xolaltsitsin iniuan ininfamilias. David uan tanauatijkej* Samuel kinixtalijkaj nejin takamej para maj kichiuakan nejin tekit porin katkaj takuaujtamachmej. 23 Yejuan uan ininkoneuan moketsayaj kaltenoj de ichan Jehová para tajpiaskej. Ijkuak, nejin kali katka sayoj se kaltsin* kampa yayaj kiueyichiuatij. 24 Akin tajpiayaj puertajtenoj moketsayaj kampa ualkisa tonaltsin, kampa pankalaki tonaltsin, ajkokopa uan tanikopa.* 25 Ixyetoya maj ininparientes ualanij seki tonalmej para iniuan tekitiskej. Yejuan ualeuayaj desde kampa chanchiuayaj uan iniuan tekitiaj chikome tonal. 26 Naui levitas kinixtalijkej maj tajpiakan puertajtenoj den cuartos kampa takuayaj uan kampa kitaliayaj nochi tein kimaktiliayaj toTajtsin Dios. Nejin levitas taixyekanayaj uan katkaj takuaujtamachmej. 27 Yejuan nochi youal tajpiayaj ichan toTajtsin Dios uan moketsayaj kampa kinixtalijkaj maj tajpiakan. Mojmostaj kualkan tatapouayaj ichan Dios porin yejuan kipiayaj llave.

28 Seki levitas kinixtalijkej maj tajpiakan kampa kitaliayaj tapalkamej uan okseki taman tein mokuia ichan Dios. Yejuan kinpouayaj keman kinkixtiayaj uan keman oksepa kinualkuiliayaj. 29 Sekin kinixtalijkej maj kiyekpiakan okseki taman tein kikuiaj para kiueyichiuaskej Dios. No kiyekpiayaj harina tein yektakuechol, vino, aceite, istak kopal uan aceite tein monotsa bálsamo. 30 Seki ininkoneuan tiopixkamej kichijchiuayaj aceite tein kualtsin ajuiyak tein monotsa bálsamo. 31 Uan kemej Matitías katka takuaujtamach, kiixtalijkej maj kinixyekana akin kichijchiuayaj pantsitsin itech sartenes. Matitías katka se levita uan itat monotsaya Salum akin katka coreíta. Matitías katka iokichpil Salum akin tayekanaya. 32 Seki ininikniuan akin katkaj cohatitas kinixtalijkej maj kichijchiuakan pantsitsin tein kimaktiliayaj Dios nochi sábados.

33 Uan akin cantarouayaj, akin kinixyekanayaj ininuejueyi familias yetoyaj kampa takuayaj uan amo kichiuayaj okse tekit porin nochipa* monekia kichiujtoskej tekit tein kipiayaj. 34 Yejuan nejin levitas akin kinixyekanayaj ininuejueyi familias, ijkon kemej ixnesij kampa ijkuiliujtok akonimej katkaj ininchankauan. Yejuan nemiaj Jerusalén.

35 Jeiel nemia Gabaón uan yejua akin yekinika peuak nemi itech nejon ueyi xolal. Isiuatsin Jeiel monotsaya Maacá. 36 Iokichpil Jeiel akin tayekanaya monotsaya Abdón, satepan kinpiak Zur, Quis, Baal, Ner, Nadab, 37 Guedor, Ahió, Zacarías uan Miclot. 38 Iokichpil Miclot katka Simeam. Yejuan nemiaj ompa Jerusalén kampa nemiaj ininikniuan. Amo uejka de ompa no nemiaj okseki ininikniuan. 39 Iokichpil Ner monotsaya Quis, iokichpil Quis monotsaya Saúl uan ikoneuan Saúl monotsayaj Jonatán, Malki-Súa, Abinadab uan Esbaal. 40 Uan iokichpil Jonatán monotsaya Merib-Baal uan iokichpil Merib-Baal monotsaya Miqueas. 41 Uan ikoneuan Miqueas monotsayaj Pitón, Mélec, Tahrea uan Acaz. 42 Iokichpil Acaz monotsaya Jará uan ikoneuan Jará monotsayaj Alémet, Azmávet uan Zimrí. Iokichpil Zimrí monotsaya Mozá. 43 Iokichpil Mozá monotsaya Bineá uan iokichpil Bineá monotsaya Refayá, iokichpil Refayá monotsaya Eleasá uan iokichpil Eleasá monotsaya Azel. 44 Azel kinpiak chikuasen ikoneuan uan monotsayaj Azricam, Bocrú, Ismael, Searías, Abdías uan Hanán. Yejuan katkaj ikoneuan Azel.

10 Filisteos moteuijtoyaj iniuan israelitas. Sayoj ke soldados israelitas kincholuijkej filisteos uan filisteos kinmiktijkej miakej israelitas itech tepet Guilboa. 2 Filisteos motalojkej para kintokatiaskej Saúl uan ikoneuan. Keman kinajsitoj, kimiktijkej Jonatán, Abinadab uan Malki-Súa. Yejuan katkaj ikoneuan Saúl. 3 Filisteos kisenkuikej Saúl. Keman akin kitamotayaj flechas kiajsikej, kikokojkej. 4 Yejua ika Saúl kiluij takat akin kimamaliaya tein ika tateuiaya: “Xikixti momachete tein ojkan tenej* uan xinechtokili. Amo nikneki maj ualakan ne takamej akin amo kitekitiliaj Dios uan maj nechtajyouiltikan”.* Sayoj ke takat akin kitamamaliaya amo kinekik kimiktis porin semi mouia. Yejua ika Saúl kiketsak imachete tein ojkan tenej uan itech motamotak. 5 Keman takat akin kitamamaliaya Saúl kiitak ke mikkaya, no kiketsak imachete tein ojkan tenej, itech motamotak uan mikik. 6 Nejon tonal ijkon mikkej Saúl uan eyi ikoneuan. Uan no mikkej nochin akin nemiaj ichan akin iuan yetoyaj nejon tonal. 7 Keman israelitas akin yetoyaj tal tamanis* tein moixmati kemej Jezreel kiitakej ke nochin soldados cholojkaj uan ke Saúl uan ikoneuan mikkaj, kiskej de ininueyi xolal uan cholojkej. Satepan filisteos ompa chanchiuatoj.

8 Mostika, filisteos yajkej kampa uejuetstoyaj soldados israelitas akin kinmiktijkaj para kinkuiliskej nochi tein patiyoj tein kipiayaj. Uan kiitakej ke itech tepet Guilboa uetstoyaj Saúl uan ikoneuan. 9 Saúl kikixtilijkej itasal, kikechkotonkej uan kikixtilijkej nochi tein motaliliaya para tateuis. Satepan kititankej aksa* maj youi noyan* kampa nemiaj filisteos uan itech templos kampa kinueyichiuayaj inintatadiosuan* para maj kitematilti ke tatankaj. 10 Nochi tein Saúl motaliliaya para tateuis kikauatoj itech templo kampa kiueyichiuayaj inintatadios, uan itsontekon kipilotoj itech templo kampa kiueyichiuayaj inintatadios Dagón.

11 Akin nemiaj Jabés tein yetok Galaad kimatkej nochi tein filisteos kichiuilijkaj Saúl. 12 Yejua ika nochin soldados yajkej kikuitoj inakayo Saúl uan ininnakayo ikoneuan uan kinuikakej Jabés. Kitokkej ininomiyouan* tatampa de se ueyi kouit tein yetok Jabés uan amo takuajkej chikome tonal.

13 Ijkon mikik Saúl porin kiixtopeuak Jehová uan porin amo kitakamatik tein Jehová kinauatijka. Yejua no kiitato se siuat akin kinnojnotsaya mikemej para maj kipaleui, 14 uan amo kitemoj Jehová para maj kipaleui. Yejua ika kimiktij* uan kiixtalij David akin katka iokichpil Jesé para maj tekiuajti.

11 Panok tiempo uan nochin israelitas mosentilijkej iuan David ompa Hebrón. Israelitas kiluijkej: “Tejua titopariente,* yejua ika tiualajkej timitsitakoj. 2 Keman Saúl tekiuajtitoya, ipa tejua tikinixyekanaya soldados israelitas keman yayaj tateuitij. Uan moDios Jehová mitsiluij: ‘Tejua tikinyekpias israelitas akin pouij itech noxolal uan tikinixyekanas’”. 3 Nochin taixyekananij israelitas ualajkej Hebrón kiitakoj tekiuaj David. David kiniluij ke yejua yeskia inintekiuaj uan Jehová kikaktoya tein kijtoj. Satepan kikuatekilijkej aceite uan kiixtalijkej kemej inintekiuaj israelitas, ijkon kemej Jehová kiluijka Samuel maj kitematilti.

4 Satepan, David uan nochin israelitas yajkej Jerusalén tein no moixmati kemej Jebús kampa nemiaj jebuseos. 5 Akin nemiaj Jebús kikejkelojkej David uan kiluijkej: “¡Amo keman timoaxkatilis nejin ueyi xolal!”. Sayoj ke David moaxkatilij ueyi xolal Sion kampa kuali tatsaktoya, tein axkan moixmati kemej ueyi xolal tein iaxka David. 6 David kijtoj: “Akin achto kinteuitiuj jebuseos mochiuas ueyichiujkej uan nikixtalis maj kinixyekana nochin soldados”. Uan Joab iokichpil Zeruyá achto pankisak para kinteuis jebuseos uan yejua peuak kinixyekana soldados. 7 Uan David mokaltalij itech nejon ueyi xolal kampa kuali tatsaktoya. Yejua ika kitokaytijkej ueyi xolal tein iaxka David. 8 No kichijchiuak uejueyi tepamit uan uejueyi kalmej desde tepetsin tein moixmati kemej Miló* hasta tajtanakastan den ueyi xolal. Joab kiyekchijchiuak okseki taman tein poliuiaok. 9 David mochiuak se tekiuaj akin semi ueyichiujkej uan Jehová akin kinixyekana iangeluan nochipa kipaleuiaya.

10 Yejuan nejin takamej akin kinixyekanayaj isoldados David akin kuali tateuiayaj. Yejuan uan nochin okseki israelitas semi kipaleuijkej David keman taixyekantoya. Nejin takamej no kipaleuijkej para maj mochiua tekiuaj ijkon kemej Jehová kiniluijka israelitas. 11 David kinpiaya eyi soldados akin kuali tateuiayaj. Se monotsaya Jasobeam akin katka ichankauj Hacmoní uan kinixyekanaya okseki ome soldados. Se tonal Jasobeam kinmiktij 300 takamej ika ilanza.* 12 Okse isoldado David monotsaya Eleazar. Itat Eleazar katka Dodó iokichpil Ahohí. Eleazar katka semej isoldados David den eyi soldados akin kuali tateuiayaj. 13 Eleazar iuan yetoya David ompa Pas-Damim kampa filisteos mosentilijkaj para moteuiskej iniuan israelitas. Ompa yetoya se tal kampa kitokkaj cebada uan soldados israelitas kincholuijkaj filisteos. 14 Sayoj ke yejua mokauak tatajko de nejon tal uan kinteuij filisteos para maj amo moaxkatilianij. Kinmiktij filisteos uan ijkon Jehová kinmakixtij israelitas.

15 David kinixtalijka 30 takamej para maj kinixyekanakan isoldados, uan eyi de nejon takamej temokej kampa yetoya se tepejxit. Kiitatoj David akin yetoya itech tepekoyok ompa Adulam. Ijkuak, soldados filisteos kitalijkaj ininkaltsitsin* itech tal tamanis* tein moixmati kemej Refaím. 16 David motatijtoya* itech tepekoyok uan seki soldados filisteos kitalijkaj ininkaltsitsin ompa Belén. 17 Uan David kielnamikik ke puertajtenoj de Belén yetoya se ueyi talkoyok tein kichijchiujkej para kisentiliskej at. Yejua ika kijtoj: “¡Majkan nitayiskia* tepitsin at den ueyi talkoyok tein yetok Belén!”. 18 Keman nejon eyi takamej kikakkej tein kijtoj David, yajkej kampa filisteos kitalijkaj ininkaltsitsin. Kinteuijtiajkej filisteos hasta ke ajsikej itech ueyi talkoyok tein yetok tanakastan den puerta ompa Belén, kikixtijkej at uan kiuikilijkej David. Sayoj ke David amo kinekik tayis uan kimimiloj* para kimaktilis Jehová. 19 David kijtoj: “¡Nejua ipa amo nitayiskia in at porin semi nikmojkatoka Dios! Nejin takamej yajkaj nechkuilitoj maski ueliskia kinmiktiskej. Komo nitayiskia, kemej yeskia nitayitoskia ininesyo”. Yejua ika David amo kinekik tayis. Yejua nejon tein kichiujkej eyi isoldados akin kuali tateuiayaj.

20 Abisái akin katka iikniuj Joab kinixyekanaya okseki eyi soldados. Abisái kinmiktij 300 takamej ika ilanza uan no moteixmatiltijka kemej yekinika grupo de eyi soldados akin kuali tateuiayaj. 21 Abisái okachi moteixmatiltijka ke okseki ome soldados akin iniuan tateuiaya uan yejua kinixyekanaya. Sayoj ke amo semi kiixmatiaj kemej yekinika grupo de eyi soldados akin kuali tateuiayaj.

22 Benaya akin katka iokichpil Jehoiadá semi yolchikauak katka* uan kichiuak miak taman tein se kimojkaita ompa Cabzeel. Kinmiktij nochin ome ikoneuan Ariel akin kayot Moab, uan se tonal keman tasekuetstoya mokalakij itech se ueyi talkoyok kampa kisentiliayaj at uan kimiktij se león. 23 No kimiktij se ueyi takat kayot Egipto akin uejkapantik katka panoua ome metro.* Benaya sayoj kipiaya se kouit, sayoj ke ueyi takat kipiaya se lanza tein katka kemej kouit tein ika tajkitij. Maski Benaya maaktoya sayoj se kouit moteuij iuan egipcio, kikuilij ilanza uan ika kimiktij. 24 Yejua nejin tein kichiuak Benaya iokichpil Jehoiadá, uan no semi kiixmatiaj kemej yekinika grupo de eyi soldados akin kuali tateuiayaj. 25 Maski Benaya okachi moteixmatiltijka ke okseki 30 soldados, amo katka kemej yekinika grupo de eyi soldados akin kuali tateuiayaj porin yejuan okachi kinixmatiaj. Sayoj ke David kiixtalij Benaya maj kinixyekana soldados akin kiyekpiayaj.

26 Isoldados David akin kuali tateuiayaj monotsayaj Asahel akin katka iikniuj Joab, Elhanán iokichpil Dodó akin katka kayot Belén, 27 Samot akin katka harorita, Hélez akin katka pelonita, 28 Irá iokichpil Iqués akin katka kayot Tecoa, Abí-Ézer akin katka kayot Anatot, 29 Sibecái akin katka kayot Husá, Ilái iokichpil Ahoá, 30 Maharái uan Héled akin katkaj kayomej Netofá. Héled katka iokichpil Baaná. 31 Okse soldado katka Itái iokichpil Ribái akin katka kayot Guibeá. Nejin ueyi xolal kinmakakaj ichankauan Benjamín. Okseki soldados katkaj Benaya akin katka kayot Piratón, 32 Hurái akin katka kayot Gaas kampa yetoyaj seki ataujmej, Abiel akin katka kayot Bet-Arabá, 33 Azmávet akin katka kayot Bahurim uan Eliahbá akin katka kayot Saalbim. 34 Okseki soldados katkaj ikoneuan Hasem akin katka guizonita, Jonatán iokichpil Sagué akin katka hararita, 35 Ahiam iokichpil Sacar akin no katka hararita, Elifal iokichpil Ur, 36 Héfer akin katka mekeratita, Ahíya akin katka pelonita, 37 Hezró akin katka kayot Carmelo, Naarái iokichpil Ezbái, 38 Joel iikniuj Natán, Mibhar iokichpil Hagrí, 39 Zélec akin katka kayot Ammón uan Naharái akin katka kayot Beerot. (Naharái kimamaliaya Joab tein ika tateuiaya. Joab katka iokichpil Zeruyá). 40 Okseki soldados katkaj Irá uan Gareb akin katkaj itritas, 41 Urías akin pouia iniuan ichankauan Het, Zabad iokichpil Ahlái 42 uan Adiná iokichpil Sizá akin pouia iniuan ichankauan Rubén. Adiná kinixyekanaya ichankauan Rubén uan kipaleuiayaj 30 soldados. 43 Okseki soldados katkaj Hanán iokichpil Maacá, Josafat akin katka mitnita, 44 Uzía akin katka asteratita, Sama uan Jeiel ikoneuan Hotam akin katka kayot Aroer, 45 Jediael iokichpil Simrí uan iikniuj Johá akin katka tizita, 46 Eliel akin katka mahavita, Jeribái uan Josavías ikoneuan Elnaam, Itmá akin katka kayot Moab, 47 Eliel, Obed uan Jaasiel akin katka mezobaíta.

12 Yejuan nejin takamej akin kiajsitoj David ompa Ziclag keman motatijtinemia* porin Saúl iokichpil Quis kitemojtinemia. Yejuan katkaj soldados akin kuali tateuiayaj akin kipaleuiayaj David keman yaya tateuiti. 2 Kipiayaj arcos* uan uelia kitamotayaj tet uan flechas ika ininyekmay uan ika ininopochmay. Katkaj iikniuan* Saúl akin pouiaj iniuan ikoneuan Benjamín. 3 Ahiézer kinixyekanaya nejin takamej uan Joás kipaleuiaya. Inintat Ahiézer uan Joás monotsaya Semaá akin katka kayot Guibeá. Uan okseki takamej akin no iniuan yetoyaj monotsayaj Jeziel uan Pélet akin katkaj ikoneuan Azmávet. No yetoya Beracá, Jehú akin katka kayot Anatot, 4 uan Ismayá akin katka kayot Gabaón. Ismayá pouia iniuan 30 soldados akin kuali tateuiayaj uan yejua kinixyekanaya. No yetoyaj Jeremías, Jahaziel, Johanán, Jozabad akin guederatita, 5 Eluzái, Jerimot, Bealías, Semarías, Sefatías akin harifita, 6 Elcaná, Isías, Azarel, Joézer, Jasobeam akin katkaj ichankauan Coré, 7 uan Joelá uan Zebadías akin katkaj ikoneuan Jeroham. Jeroham katka kayot Guedor.

8 Seki ikoneuan Gad yajkej taluakyan ompa Ziclag kampa David motatijtoya. Yejuan kiajsitoj David para kipaleuiskej. Katkaj soldados akin kimatiaj keniuj tateuiskej, kimatiaj keniuj kuali kikuiskej uejueyi escudos uan lanzas.* Ininixko moitaya kemej iixko se león* uan ijsiujka motalouayaj kemej masamej tein nemij kampa tepeyoj. 9 Katkaj 11 soldados, Ézer kinixyekanaya uan iniuan yetoyaj Abdías, Eliab, 10 Mismaná, Jeremías, 11 Atái, Eliel, 12 Johanán, Elzabad, 13 Jeremías uan Macbanái. 14 Nochin yejuan katkaj ikoneuan Gad uan kinixyekanayaj soldados. Akin amo semi chikauak katka uelia moteuiaya iniuan 100 soldados uan akin semi chikauak katka uelia moteuiaya iniuan mil soldados. 15 Yejuan nejin takamej akin kipanauijkej ueyiat Jordán itech metsti nisán* keman ueyiat moskaltijtoya, uan kichiujkej maj cholouanij nochin akin nemiaj kampa tamanis.* Sekin yajkej kampa ualkisa tonaltsin uan oksekin kampa pankalaki.

16 Seki takamej akin pouiaj iniuan ikoneuan Benjamín uan Judá no kiajsitoj David kampa motatijtoya. 17 David kisak, moketsak ininixpan uan kiniluij: “Komo nanualajkej nanechpaleuikoj, xikyekmatikan ke kuali timouikaskej. Sayoj ke komo nanechkitskikoj para nanechuikaskej kampa yetokej akin nechtauelitaj maski amo teyi nikchiuak, maj ininDios touejkaujtatuan kiita tein nankichiujtokej uan maj kiixtali tein mochiuas”. 18 Uan Dios kimakak* ichikaualis Amasái akin kinixyekanaya 30 soldados uan Amasái kijtoj:

“Tejuan timitspaleuiskej uan timitstekitiliskej David ikoneuj Jesé.

Yejua ika David kinkauak maj kipaleuikan uan kinixtalij maj kinixyekanakan isoldados.

19 Seki takamej akin pouiaj iniuan ikoneuan Manasés no peuak kipaleuiaj David keman yajka iniuan filisteos para kiteuiskej Saúl. Sayoj ke David amo tateuijok iniuan filisteos porin akin kinixyekanayaj filisteos kitokakej.* Filisteos monojnotskej uan moiluijkej: “Peuas kipaleuis iteko Saúl uan techmiktis”. 20 Takamej akin pouiaj iniuan ikoneuan Manasés akin peuak kipaleuiaj David keman yajki Ziclag katkaj Adná, Jozabad, Jediael, Miguel, Jozabad, Elihú uan Ziletái. Yejuan kinixyekanayaj mijmil soldados akin pouiaj iniuan ikoneuan Manasés. 21 Nejin takamej akin pouiaj iniuan ikoneuan Manasés katkaj yolchikaujkej uan amo mouiaj. Yejua ika kipaleuijkej David keman kinteuij seki takamej akin kitachtekitoj. Satepan yejuan kinixyekankej isoldados David. 22 Mojmostaj ajsiaj takamej akin kinekiaj kipaleuiskej David, yejua ika motelmiakilijkej isoldados. Tel miakej katkaj ijkon kemej isoldados Dios tein yetokej ne iluikak.

23 Takamej akin kiajsitoj David ompa Hebrón kiixtalijkej kemej tekiuaj para maj kiixpata Saúl ijkon kemej Jehová kijtojka. Nejin takamej kiuikayaj tein ika tateuiskej uan nikan nesi kanachimej katkaj. 24 De ikoneuan Judá katkaj 6,800* soldados. Yejuan kiuikayaj uejueyi escudos uan lanzas, ijkon ueliskia niman tateuiskej. 25 De ikoneuan Simeón katkaj 7,100* soldados. Yejuan katkaj yolchikaujkej uan amo mouiaj.

26 De ikoneuan Leví katkaj 4,600* takamej akin yayaj iniuan soldados. 27 Jehoiadá kinixyekanaya ikoneuan Aarón uan iuan yajkej 3,700* takamej. 28 Iniuan nejon takamej no yetoya Sadoc, se telpoch akin katka yolchikauak uan amo mouia. Uan no iuan yajkej 22 takamej akin kinixyekanayaj soldados akin pouiaj iniuan ichankauan Sadoc.

29 De ikoneuan Benjamín katkaj eyi mil soldados. Yejuan katkaj iikniuan* Saúl. Miakej de nejon soldados tateuijkaj para kipaleuiskej Saúl uan ichankauan. 30 De ikoneuan Efraín katkaj 20,800* soldados. Nejin takamej katkaj yolchikaujkej uan amo mouiaj. Yejuan akin okachi kinixmatiaj de nochin ininuejueyi familias.

31 Soldados akin pouiaj iniuan seki* ikoneuan Manasés katkaj 18 mil. Nejin soldados kinijitakej para kiixtalitiuij David kemej tekiuaj. 32 De ikoneuan Isacar katkaj 200 takamej akin kinixyekanayaj soldados. Yejuan kuali taixejekouayaj uan kimatiaj toni monekia kichiuaskej israelitas. Uan no kinixyekanayaj nochin ininikniuan. 33 De ikoneuan Zabulón katkaj 50 mil soldados akin niman ueliskiaj yaskej tateuitiuij uan kipiayaj tein ika tateuiayaj. Nochin sayoj kipaleuiayaj David. 34 De ikoneuan Neftalí katkaj mil takamej akin taixyekanayaj, uan iniuan yayaj 37 mil soldados akin kipiayaj uejueyi escudos uan lanzas. 35 De ikoneuan Dan katkaj 28,600* soldados akin niman ueliskiaj yaskej tateuitiuij. 36 De ikoneuan Aser katkaj 40 mil soldados akin niman ueliskiaj yaskej tateuitiuij.

37 Uan de ikoneuan Rubén, Gad uan seki* ikoneuan Manasés akin nemiaj oksekopa den ueyiat Jordán katkaj 120 mil soldados. Yejuan kipiayaj miak taman tein ika tateuiskej. 38 Nochin yejuan katkaj soldados akin niman ueliskiaj yaskej tateuitiuij. Ualajkej Hebrón porin kitelnekiaj* kiixtaliskej David kemej tekiuaj itech xolal Israel uan oksekin israelitas no kinekiaj maj David tekiuajti. 39 Uan mokaujkej iuan David eyi tonal, porin akin nemiaj Judá kintachijchiuijkaj para takuaskej uan tatayiskej. 40 Uan no, akin ompaka nemiaj uan hasta akin nemiaj kampa kintaxejxelouilijkaj ikoneuan Isacar, ikoneuan Zabulón uan ikoneuan Neftalí kiualkuiaj miak taman tein ueliskia kikuaskej porin israelitas semi yolpakiaj. Kiualkuiaj harina, taxkaltsitsin tein chijchiujtoyaj ika higos tein uakik uan pasas, vino uan aceite. Nochi nejon kinmamaltijkaj burros, camellos, mulas uan kuakuejmej para kiualkuiskej. No kinualkuiaj miak kuakuejmej uan ichkamej.*

13 David kinnojnotsak takamej akin kinixyekanayaj mijmil soldados, akin kinixyekanayaj ciejcien soldados uan nochin okseki taixyekananij. 2 Uan David kiniluij nochin akin mosentilijkaj: “Tiknekij tikinnauatiskej maj touan mosentilikan nochin toparientes israelitas, tiopixkamej uan levitas akin yetokej itech ininueyi xolal.* Ijkon tikchiuaskej komo namejuan nankiitaj ke kuali yetok uan komo toDios Jehová techkaua. 3 Tiknekij tikuitiuij tatiochiualkaxon* tein iaxka toTajtsin Dios”. David kijtoj nejon porin israelitas kisenkaujkaj tatiochiualkaxon keman Saúl tekiuajtitoya. 4 Nochin israelitas kiuelitakej tein David kijtoj porin kiitakej ke yejua tein monekia kichiuaskej. 5 Yejua ika David kinsentilij israelitas, nochin akin nemiaj tanakastan den ueyiat* tein yetok ompa Egipto hasta Lebó-Hamat.* Kinsentilij para yaskej kikuitiuij tatiochiualkaxon tein iaxka toTajtsin Dios ompa Quiryat-Jearim.

6 David uan nochin israelitas pankiskej Baalá tein no moixmati kemej Quiryat-Jearim. Nejin ueyi xolal yetok kampa kintaxejxelouilijkaj ikoneuan Judá. Yejuan yajkej ompa para kipankixtiskej tatiochiualkaxon tein iaxka toTajtsin Dios, akin tokotsyetok tapani* den querubines. Israelitas yayaj kampa yetoya tatiochiualkaxon para kiueyichiuaskej itokay Jehová. 7 Tatiochiualkaxon tein iaxka toTajtsin Dios yetoya ichan Abinadab. Keman kiuikakej, kitejkoltijkej* itech se carreta tein yankuik. Uzá uan Ahió kiuikayaj nejon carreta. 8 David uan nochin israelitas semi yolpakiaj uan kiiluichiuilijtiayaj toTajtsin Dios. Yejuan cantarojtiayaj, kitsotsontiayaj arpas, cítara,* kitsilinijtiayaj tambortsitsin,* kikakistiltijtiayaj címbalos* uan kipitstiayaj trompetas. 9 Sayoj ke keman ajsitoj kampa kichipauayaj xinach kampa motanotsa Kidón, Uzá kikitskij tatiochiualkaxon porin kuakuejmej yaya kitsonkepatij. 10 Uan Jehová tel kualanik iuan Uzá porin kikitskij tatiochiualkaxon uan yejua ika kimiktij. Uzá mikik iixpan tatiochiualkaxon.* 11 Sayoj ke David kualanik porin Jehová kualanik iuan Uzá uan kimiktij. Uan ompa kampa momikilij Uzá tatokaytijkej Pérez-Uzá* uan ijkon moixmati hasta axkan.

12 Uan nejon tonal David kimouilij toTajtsin Dios uan kijtoj: “Ijkon amo uelis nikualkuis tatiochiualkaxon tein iaxka toTajtsin Dios”. 13 David amo kiualkuik tatiochiualkaxon kampa yejua nemia, itech ueyi xolal tein iaxka David, ta tanauatij maj kiuikanij ichan Obed-Edom akin kayot Gat. 14 Tatiochiualkaxon tein iaxka toTajtsin Dios yetoya eyi metsti ichan Obed-Edom. Uan Jehová semi kintatiochiuiaya akin nemiaj ichan Obed-Edom uan momiakilij nochi tein kipiaya.

14 Hiram akin tekiuajtia Tiro kintitanik seki takamej maj kiitatij David. No kititanilij cedrojkouit uan kintitanik kalchiuanij* uan koujxijximanij para maj kichijchiuilikan David se ueyi kali. 2 Uan David kiajsikamatik ke Jehová kiixtalijkaya maj nochipa yejua tekiuajti itech xolal Israel, uan ke kintatiochiuijtoya israelitas akin kinixyekanaya. Dios kichiuak nejon para kinpaleuis israelitas.

3 David monamiktij iniuan okseki siuamej ompa Jerusalén uan kinpiak okseki iokichpipiluan uan isiuapipiluan. 4 Ikoneuan David akin yolkej Jerusalén monotsayaj Samúa, Sobab, Natán, Salomón, 5 Ibhar, Elisúa, Elpélet, 6 Noga, Néfeg, Jafía, 7 Elisamá, Beeliadá uan Elifélet.

8 Keman filisteos kimatkej ke israelitas kiixtalijkaj David kemej tekiuaj itech nochi xolal Israel, pankiskej para kiteuiskej. Keman David kimatik ke filisteos yayaj kiteuitij, yajki kinixnamikito. 9 Filisteos ajsikej itech tal tamanis* tein moixmati kemej Refaím uan peuak kinteuiaj akin ompa nemiaj. 10 David kitajtanij* Dios: “¿Maj nipankisa nikinteuiti filisteos? ¿Tinechpaleuis maj nikintani?”. Jehová kinankilij: “Kemaj, xipankisa xikinteuiti uan nimitspaleuis xikintani”. 11 Yejua ika David pankisak Baal-Perazim para kinteuis filisteos uan kintanik. Uan David kijtoj: “ToTajtsin Dios kintanik akin nechtauelitaj, kemej se tepamit tein xitini porin at kikuitikisa”. Yejua ika ompa tatokaytijkej Baal-Perazim. 12 Filisteos ompa kinkaujteujkej inintatadiosuan* uan David tanauatij maj kinchichinokan.

13 Satepan filisteos oksepa kinteuitoj akin nemiaj itech tal tamanis. 14 David oksepa kitajtanij Dios toni maj kichiua, sayoj ke toTajtsin Dios kinankilij: “Amo xipankisa para tikinixnamiktias, ta xitayoualoti kampa yetokej koujmej bacá* para tikinteuis desde ompa. 15 Uan keman tikakis ke ininkuapan koujmej bacá mokaki kemej yeskia miak soldados tajtaksatiuitsej,* ijkuak peua xikinteui soldados filisteos porin nejua akin yekmelauj niDios nimitsyekantias para tikintanis”. 16 Uan David kichiuak nochi tein toTajtsin Dios kinauatij. Israelitas kinteuijtiajkej soldados filisteos desde Gabaón hasta Guézer uan kintankej. 17 Uan nochin akin nemiaj itech okseki altepemej kiixmatkej David uan Jehová kichiuak maj kimouilianij.

15 David kisentokak moinchijchiuilij kalmej itech ueyi xolal tein iaxka David. No tachijchiuak kampa ueliskia kiketsas se kaltsin* para ompa kitalis tatiochiualkaxon* tein iaxka toTajtsin Dios. 2 Ijkuak, David kijtoj: “Sayoj levitas ueli kiuikaj tatiochiualkaxon tein iaxka toTajtsin Dios, porin Jehová kinijitak levitas para kiuikaskej tatiochiualkaxon tein iaxka Jehová uan para kitekitiliskej nochipaya”. 3 Satepan David kinsentilij nochin israelitas ompa Jerusalén para kikuitiuij* tatiochiualkaxon tein iaxka Jehová uan kitaliskej kampa David kitachijchiuijka.

4 David kinsentilij ikoneuan Aarón uan levitas: 5 de ikoneuan Cohat kinotsak Uriel akin taixyekanaya uan 120 iparientes. 6 De ikoneuan Merarí kinotsak Asaya akin taixyekanaya uan 220 iparientes. 7 De ikoneuan Guersom kinotsak Joel akin taixyekanaya uan 130 iparientes. 8 De ikoneuan Elizafán kinotsak Semaya akin taixyekanaya uan 200 iparientes. 9 De ikoneuan Hebrón kinotsak Eliel akin taixyekanaya uan 80 iparientes. 10 De ikoneuan Uziel kinotsak Aminadab akin taixyekanaya uan 112 iparientes. 11 Uan no, David kinotsak Sadoc uan Abiatar akin katkaj tiopixkamej. No kinotsak Uriel, Asaya, Joel, Semaya, Eliel uan Aminadab akin katkaj levitas. 12 David kiniluij: “Namejuan nankinixyekanaj uejueyi familias tein pouij iniuan ichankauan Leví. Namejuan uan namoparientes xikchiuakan nochi tein moneki para uelis nankiueyichiuaskej Dios. Satepan xikuitij tatiochiualkaxon tein iaxka Jehová, ininDios israelitas. Xikpankixtikan uan xiktalikan kampa niktachijchiuij. 13 Kemej amo namejuan nankiualkuikej tatiochiualkaxon keman yekinika tikuitoj, semi tikualantijkej toDios Jehová porin amo tikchiujkej kemej yejua tanauatij”. 14 Yejua ika tiopixkamej uan levitas kichiujkej nochi tein monekia para ueliskia kiueyichiuaskej Dios. Ijkon ueliskia kikuitiuij tatiochiualkaxon tein iaxka Jehová ininDios israelitas para kipankixtiskej.

15 Levitas kiuikakej tatiochiualkaxon tein iaxka toTajtsin Dios ijkon kemej Jehová kinauatijka Moisés maj kichiuakan. Moisés kiniluijka ke monekia kimamaskej tatiochiualkaxon ika koujmej tein kitalilijkaj para kiuikaskej. 16 David kiniluij akin kinixyekanayaj levitas maj kiniluianij ininparientes akin cantarouayaj maj cantarouanij ika miak pakilis uan maj kitsotsonanij cítara,* arpas uan maj kikakistiltianij címbalos.*

17 Yejua ika levitas kinixtalijkej seki ininparientes para maj kichiuanij tein David kijtojka. Kiixtalijkej Hemán akin katka iokichpil Joel, Asaf akin katka iokichpil Berekías uan de ichankauan Merarí kiixtalijkej Etán akin katka iokichpil Cusayá. 18 Levitas no kinixtalijkej okseki ininparientes. Kiixtalijkej Zacarías, Ben, Jaaziel, Semiramot, Jehiel, Uní, Eliab, Benaya, Maaseya, Matitías, Elifelehu uan Micneyá. No kinixtalijkej Obed-Edom uan Jeiel akin tajpiayaj puertajtenoj. 19 Hemán, Asaf uan Etán akin cantarouayaj monekia kikakistiltiskej címbalos tein chijchiujtoyaj ika cobre. 20 Zacarías, Aziel, Semiramot, Jehiel, Uní, Eliab, Maaseya uan Benaya kitsotsonayaj cítaras tein kualtsin kitilintiliayaj cuerdas para maj chikauak kakisti.* 21 Uan Matitías, Elifelehu, Micneyá, Obed-Edom, Jeiel uan Azazías kitsotsonayaj arpas tein amo semi kitilintiliayaj cuerdas para maj amo chikauak kakisti.* Yejuan kinixyekantiayaj tatsotsonanij. 22 Kenanías kinixyekanaya akin kiuikayaj tatiochiualkaxon porin kuali kimatia keniuj kiuikaskej. Yejua kinixyekanaya nochin levitas. 23 Uan Berekías uan Elcaná kiyekpiayaj tatiochiualkaxon. 24 Sebanías, Josafat, Netanel, Amasái, Zacarías, Benaya uan Eliezer akin katkaj tiopixkamej kipitsayaj trompetas. Yejuan chikauak kipitsayaj trompetas taixpan den tatiochiualkaxon tein iaxka toTajtsin Dios. Uan Obed-Edom uan Jehías no kiyekpiayaj tatiochiualkaxon.

25 David, taixyekananij israelitas uan akin kinixyekanayaj mijmil takamej yajkej ichan Obed-Edom uan semi yolpaktiayaj. Yejuan kikuitoj tatiochiualkaxon tein iaxka Jehová para kipankixtiskej. 26 Kemej toTajtsin Dios kinpaleuij levitas akin kiuikayaj tatiochiualkaxon tein iaxka Jehová, yejuan kichichinouilijkej chikome kuakuejmej tein yekin moskaltijtoyaj uan chikome ichkaueuetkej.* 27 David motalilijka se tasal tein ueyak uan makojkotoltik tein tel kuali katka, ijkon kemej nochin levitas akin kiuikayaj tatiochiualkaxon. Kenanías uan akin cantarouayaj no motalilijkaj se tasal ueyak uan makojkotoltik. Kenanías kinixyekanaya akin cantarouayaj uan kiuikayaj tatiochiualkaxon. David no motalilijka se koton tein kiluiaj efod* tein chijchiujtoya ika lino. 28 Nochin israelitas kiualkuiaj tatiochiualkaxon tein iaxka Jehová uan ajkotsajtsitiualayaj keman ualpankistiayaj porin semi yolpakiaj. No mokakia kuaomit tein kipitstiualayaj, trompetas uan címbalos tein kikakistiltijtiualayaj. No chikauak kitsotsontiualayaj cítaras uan arpas.

29 Keman tatiochiualkaxon tein iaxka Jehová kiejkoltijkej itech ueyi xolal tein iaxka David, Mical iichpoch Saúl pantachixtoya desde iventana. Keman kiitak ke tekiuaj David ajkotsikuintiualaya uan kichiujtiualaya miak taman porin semi yolpakia, peuak kitauelita.

16 David kichijchiujka se kaltsin* para ompa kitalis tatiochiualkaxon* tein iaxka toTajtsin Dios. Yejua ika ompa kitalijkej tatiochiualkaxon uan kichichinouilijkej Dios miak tapialmej. No kitemaktijkej okseki taman para sentakuaskej* iuan toTajtsin Dios uan yejua kiitstoya tein kichiujtoyaj. 2 Keman David kitamichichinouilij Dios nejon tapialmej uan kimaktilij okseki taman para sentakuaskej, kitajtanij Jehová maj kintatiochiui israelitas. 3 Uan no kinmajmakak nochin takamej uan siuamej israelitas se pantsin youaltik, se taxkaltsin tein chijchiujtoya ika dátiles* uan se taxkaltsin tein chijchiujtoya ika pasas. 4 Satepan kinixtalij seki levitas para tekitiskej kampa yetoya tatiochiualkaxon tein iaxka Jehová. Yejuan ompa kiueyitaliskiaj* Jehová ininDios israelitas, kitasojkamatiliskiaj uan kiueyichiuaskiaj. 5 Asaf kinixyekanaya uan Zacarías kipaleuiaya maj taixyekana. Uan Jeiel, Semiramot, Jehiel, Matitías, Eliab, Benaya, Obed-Edom uan Jeiel kitsotsonayaj cítaras* uan arpas. Asaf kikakistiltiaya címbalos.* 6 Uan Benaya uan Jahaziel nochipa yayaj kampa yetoya tatiochiualkaxon tein iaxka toTajtsin Dios para kipitsaskej trompetas. Yejuan katkaj tiopixkamej.

7 Nejon tonal David kiniluij Asaf uan iparientes maj kicantarouilikan Jehová se canción tein kichijchiuilijka para kitasojkamatilis. Yejuan cantarojkej ijkuin:

10 Xikuelitakan ika nantajtoskej itokaytsin tein chipauak.

Maj yolpakikan akin kitemouaj Jehová.

11 Xiktemokan maj Jehová namechixyekana uan xiktajtanikan maj namechchikaua.

Nochipa xiktemokan nankiyolpaktiskej.*

14 Yejua toDios Jehová.

Yejua kiixtalia tein mochiuas itech nochi taltikpak.

23 ¡Maj nochin akin nemij nikan taltikpak kicantarouilikan Jehová!

¡Mojmostaj xikiniluikan oksekin keniuj kinmakixtia itekitikauan!

25 Porin Jehová semi ueyi uan moneki maj sayoj yejua se kiueyichiua.

Sayoj yejua kinamiki maj se kimouili uan amo tatadiosmej.*

Ximotalilikan namotasal tein okachi kualtsin* uan ximoixpilokan iixpan* Jehová.

30 ¡Maj nochin akin nemij nikan taltikpak uiuiyokakan porin kimouiliaj!

Yejua kichijchiuak taltikpak* kemej nion teyi uelis kiolinis.*

Uan nochin kijtojkej “¡Maj ijkon mochiua!”,* uan kiueyitalijkej Jehová.

37 Uan David kiixtalij Asaf uan iparientes maj tekitikan kampa yetoya tatiochiualkaxon tein iaxka Jehová. Yejuan mojmostaj tekitiskiaj iixpan tatiochiualkaxon ijkon kemej ixyetoya. 38 Obed-Edom uan 68 iparientes tajpiayaj puertajtenoj. Uan Obed-Edom iokichpil Jedutún uan Hosá no tajpiayaj puertajtenoj. 39 Uan David kiixtalij tiopixkat Sadoc uan iparientes akin no katkaj tiopixkamej maj tekitikan kampa yetoya ikaltsin* Jehová. Nejon kaltsin yetoya ompa Gabaón kampa yayaj kiueyichiuatij Dios. 40 Yejuan ompa yetoyaj para kichichinouiliskej Jehová miak tapialmej uan okseki taman itech altar kampa kichichinouayaj nochi tein kimaktiliayaj Dios. Kichiuayaj nejon kualkan uan tiotak. Uan no ompa yetoyaj para kichiuaskej nochi tein ijkuiliujtok itech Tanauatil tein Jehová kinmakaka israelitas. 41 No iniuan yetoyaj Hemán, Jedutún uan okseki takamej akin kinijitakaj para kitasojkamatiliskej Jehová porin “yejua nochipa techtasojtas”. 42 Hemán uan Jedutún kipitsayaj trompetas, kikakistiltiayaj címbalos uan kitsotsonayaj okseki taman para kiueyichiuaskej* toTajtsin Dios. Uan ikoneuan Jedutún tajpiayaj puertajtenoj. 43 Satepan nochin akin mosentilijkaj yajkej ininchan, uan David no yajki ichan para kitajtanis Dios maj kintatiochiui nochin akin nemiaj ichan.

17 Keman David nemiaya ichan, niman kiluij tanauatijkej* Natán: “Nejua kualtsin ninemi itech se kali tein chijchiujtok ika cedrojkouit, sayoj ke tatiochiualkaxon tein iaxka Jehová yetok itech se kaltsin”.* 2 Natán kinankilij David: “Xikchiua tein tiknemilijtok porin toTajtsin Dios mitspaleuia”.

3 Sayoj ke nejon youak Dios kinojnotsak Natán uan kiluij: 4 “Xiouj xikiluiti notekitikauj David: ‘Yejua nejin tein kijtoua Jehová: “Tejua amo tinechchijchiuilis se kali kampa nichanchiuas. 5 Desde ke nikinmakixtij israelitas hasta axkan, amo keman nikpiani se kali kampa nechueyichiuaskej, ta nochipa nechueyichiuanij* itech se kaltsin tein miakkan kiuikatinemij. 6 Nochi nejon tiempo keman nikinixyekanak israelitas, nikinixtalij jueces para maj kinyekpianij akin pouij itech noxolal. ¿Kemansa tikakik maj nikintajtaniani semej nejon jueces maj nechchijchiuilikan se kali de cedrojkouit?”ʼ.

7 ”No xikilui notekitikauj David: ‘Yejua nejin tein kijtoua Jehová akin kinixyekana iangeluan: “Tejua tikinpixtinemia ichkamej* ne ixtauat, sayoj ke nimitskixtij de ompa para tikinixyekanas israelitas akin pouij itech noxolal. 8 Uan nochipa nimitspaleuis kampa yeski tias. Moixpan nikinixpolos nochin akin mitstauelitaj. Uan nikchiuas maj no miakkan mitsixmatikan ijkon kemej kinixmatij okseki uejueyi chiuanimej. 9 Nikinmakas israelitas akin pouij itech noxolal se tal tein yeski ininaxka. Yejuan kualtsin nemiskej ompa uan amo akin kinkuejmolosok. Akin amo yolkualmej amo kintajyouiltiskejok kemej achto kintajyouiltijkaj. 10 Israelitas akin pouij itech noxolal kintajyouiltijkej desde keman nikinixtalij jueces para maj kinixyekanakan. Uan nikintanis akin mitstauelitaj, uan nimitsyekiluia: ‘Nejua Jehová nikchiuas maj mokoneuan nochipa tekiuajtikan’.*

11 ”’”Keman timikis,* nikixtalis semej mokoneuan maj mitsixpata uan maj mochiua tekiuaj, uan nikchiuas maj nochipa yejua tekiuajti. 12 Yejua nechchijchiuilis se kali uan nikchiuas maj nochipa yejua tekiuajti. 13 Nejua niyeski niitat uan yejua yeski nokoneuj. Nejua nochipa niktasojtas* uan amo keman nikauas ijkon kemej nikauak akin tekiuajtik achto ke tejua titekiuajtiskia. 14 Nikauas maj motali itech noueyi silla para maj tekiuajti nochipaya, uan nochipa semej ikoneuan tekiuajtis”’”.

15 Natán kimatiltij David nochi tein Dios kiluijka uan kinextilijka.

16 Keman Natán tamitajtoj, tekiuaj David yajki uan motalij para kitataujtis Jehová uan kiluij: “NoDios Jehová, tejua semi tinechpaleuiani maski nejua uan nochankauan amo teyi tichiuanimej. 17 Uan amo sayoj yejua tikchiuani noDios, ta no tikijtoua ke nokoneuan miak tiempo tekiuajtiskej. Uan tejua noDios Jehová tinechita kemej se takat akin moneki okachi kiueyitaliskej. 18 Tejua semi tinechueyitaliani nejua David nimotekitikauj, yejua ika toni uelisok nimitsiluis ta tejua kuali tinechixmati. 19 Jehová, tikchiuak nochi nejin tein semi kualtsin uan tikchiuani maj miakej kimatikan nejin porin noka timotekipachoua uan porin ijkon tiknekik. 20 Amo akin kemej tejua Jehová. Sayoj tejua yekmelauj tiDios. Nochi tein tikakinij kinextia ke melauj nejin. 21 Amo onkak okse xolal kemej moxolal Israel. Tejua toTajtsin Dios tikinmakixtito de Egipto porin tikinijitak para maj mochiuakan moxolal. Tikchiuak miak milagros keman tikinkixtijtiajki akin nemiaj itech okseki altepemej para maj ompa nemikan akin pouij itech moxolal keman ojtokatoyaj. Ijkon tikchiuak maj miakej mitsixmatikan uan maj mitstakachiuakan.* 22 Tikchiuak maj israelitas mochiuakan moxolal nochipaya, uan tejua Jehová timochiuak ininDios. 23 Jehová, tikijtoj ke nejua uan nochankauan titekiuajtiskej, yejua ika amo keman xikpata tein timotenkauak uan nimitstataujtia ijkon xikchiua. 24 Maj mochiua tein motokay kijtosneki, uan maj nochin kiueyitalikan motokay nochipaya uan maj kijtokan: ‘Jehová akin kinixyekana iangeluan, ininDios israelitas, yejua Dios akin kiixyekana xolal Israel’. Uan xikinpaleui nochankauan para maj miak tiempo tekiuajtikan. 25 Porin tejua noDios tinechmatiltij ke tikneki maj nokoneuan nochipaya tekiuajtikan.* Yejua ika noteko amo nimoui nimitstataujtis. 26 Jehová tejua yekmelauj tiDios, uan timotenkauani nouan ke tikchiuas nochi nejin tein tinechiluij. 27 Yejua ika nimitstataujtia xikintatiochiui nochankauan uan maj nochipa mitsyolpakti tein kichiuaj, porin tejua Jehová tikintatiochiuiani uan nochipa kuali nemiskej”.

18 Panok tiempo uan David kinteuij filisteos uan kintanik. No kinkuilij ueyi xolal Gat uan xolaltsitsin tein ompa pouij. 2 David no kintanik moabitas uan yejuan peuak kitekitiliaj uan kimakayaj tomin uan okseki taman tein kiixtalijka maj kimakakan.

3 Keman Hadadézer akin tekiuajtia Zobá yaya moinaxkatiliti talmej tein yetoyaj tanakastan den ueyiat Éufrates, David kiteuij uan kitanik. Kiteuij tanakastan de Hamat. 4 David kikuilij Hadadézer mil carros tein kikuia para tateuis, chikome mil soldados akin yayaj itech caballos uan 20 mil soldados akin metsnejnemiaj. No kinkoxojkuiltij* caballos tein kitilantiayaj carros uan sayoj 100 caballos amo teyi kinchiuilij. 5 Keman sirios akin nemiaj Damasco kipaleuikoj Hadadézer akin tekiuajtia Zobá, David kinmiktij 22 mil sirios. 6 Uan David kintitanik seki soldados maj tajpiatij Siria tein poui Damasco. Uan sirios peuak kitekitiliaj David uan kimakayaj tomin uan okseki taman tein kiixtalijka maj kimakakan. David nochipa tatania kampa yaya tateuiti porin Jehová kipaleuiaya.* 7 Uan no, David kinkuilij ininescudos itekitikauan Hadadézer. Nejon escudos tein katkaj de oro uan youaltikej kinuikak Jerusalén. 8 Uan David no kiuikak miak cobre tein onkaya Tibhat uan Cun. Tekiuaj Hadadézer achto taixyekanaya itech nejon uejueyi xolalmej. Satepan Salomón kikuik nejon cobre para kichijchiuas ueyi tanque,* kalikximej uan okseki taman tein mokuiskia ichan Dios.

9 Tou akin tekiuajtia Hamat kitekakilij ke David kintanka nochin isoldados Hadadézer akin tekiuajtia Zobá. 10 Yejua ika niman kititanik Hadoram akin katka iokichpil maj kiitati tekiuaj David uan maj kitajtani* ox paktok. No kinauatij maj kilui ke yolpakia porin kiteuijka Hadadézer uan kitanka. (Tou semi yolpakia porin Hadadézer miakpa kiteuijka). Hadoram kiuikilij David miak taman tein chijchiujtoya ika oro, plata uan cobre. 11 Tekiuaj David kimaktilij Jehová nochi nejon oro, plata uan cobre, ijkon kemej kichiujka ika plata uan oro tein kinkuilijka edomitas, moabitas, ammonitas, filisteos uan amalequitas.

12 Abisái iokichpil Zeruyá kinmiktij 18 mil edomitas itech tal tamanis* tein moixmati kemej Sal. 13 Abisái kintitanik seki soldados ompa Edom para maj tajpiakan itech nochi ueyi xolal, uan nochin edomitas peuak kitekitiliaj David. David nochipa tatania kampa yaya tateuiti porin Jehová kipaleuiaya.* 14 David kisentokak kinixyekanak nochin israelitas. Keman israelitas kiixpantiliayaj teisa, kuali kiixtaliaya tein kinamikia mochiuas uan kichiuaya tein kuali. 15 Joab iokichpil Zeruyá kinixyekanaya nochin isoldados David, uan Jehosafat iokichpil Ahilud kijkuilouaya nochi tein mochiuaya itech altepet. 16 Sadoc uan Ahimélec katkaj tiopixkamej uan Savsá katka tajkuilojkej. Itat Sadoc katka Ahitub uan itat Ahimélec katka Abiatar. 17 Benaya iokichpil Jehoiadá kinixyekanaya soldados akin kiyekpiayaj tekiuaj.* Uan ikoneuan David katkaj uejueyi chiuanimej.

19 Satepan, Nahás akin kinixyekanaya ammonitas momikilij uan iokichpil peuak tekiuajti. 2 Yejua ika David kijtoj: “Nahás nochipa nechnextilij ke nechtasojtaya, yejua ika no niknextiliti Hanún iokichpil Nahás ke niktasojta”. Yejua ika David kintitanik seki takamej maj kiyolchikauatij Hanún porin momikilijka itat. Itakeualuan David yajkej kampa nemiaj ammonitas para kiyolchikauaskej Hanún. 3 Sayoj ke keman ajsikej, akin kinixyekanayaj ammonitas kiluijkej Hanún: “¿Tiknemilia ke David kinualtitanik itakeualuan porin yekmelauj kineki mitsyolchikauas? Yejua amo yekmelauj kineki kitakachiuas* mopaj, ta xa kinualtitanik maj tachiakij toaltepeuj para kiitaskej keniuj uelis mitstaniskej”. 4 Yejua ika Hanún tanauatij maj kinkitskikan itakeualuan David uan maj kintenximakan. No tanauatij maj kintekilikan inintasal hasta inintajkoyan uan kintokak.* 5 Keman kiluitoj tekiuaj David tein kinchiuilijkaj itakeualuan, niman kintitanik seki takamej maj kinnamikitij porin semi kinpinaujtijkaj. David tanauatij maj kiniluikan: “Ximokauakan Jericó uan ximokepakan hasta keman oksepa moskaltis namotentson”.

6 Kemej ammonitas kichiujkej nejon, kiitakej ke David peuak kintauelita. Yejua ika Hanún uan ammonitas kintitankej seki takamej maj yakan Mesopotamia,* Aram-Maacá uan Zobá. Uan kinmakakej 34 toneladas* de plata para ompa taneuiskej carros tein kikuij para tateuiskej uan para kintakeuaskej soldados akin youij itech caballos. 7 Taneujkej 32 mil carros uan no kitakeujkej akin tekiuajtia Maacá uan isoldados. Nochin mosentilitoj Medebá uan ompa kitalijkej ininkaltsitsin.* Ammonitas kiskej den uejueyi xolalmej kampa nemiaj uan mosentilijkej para tateuitiuij.

8 Keman David kimatik tein kichiujkej ammonitas, kititanik Joab uan nochin isoldados para kinteuiskej. No kintitanik isoldados akin okachi kuali tateuiayaj. 9 Ammonitas kiskej de ininueyi xolal uan motejtekpankej kalampa para tateuiskej. Uan tekiuanij akin yajkaj kinpaleuitoj moketsatoj hasta ixtauat.

10 Joab kiitak ke seki soldados ualayaj taikan uan oksekin ualayaj taixpan para kiteuiskej. Yejua ika kinijitak seki soldados israelitas akin okachi kuali tateuiayaj uan kiniluij maj motejtekpanakan para kinteuiskej soldados sirios. 11 Joab no kiixtalij Abisái maj kinixyekana okseki soldados uan kinnauatij maj motejtekpanakan para kinteuiskej ammonitas. 12 Uan Joab kiluij Abisái: “Komo tikita ke sirios techtantokej, xitechpaleuiki. Uan komo nikita ke ammonitas namechtantokej, tejuan tamechpaleuitiuij. 13 Moneki tiyeskij tiyolchikaujkej uan amo timouiskej para tikinpaleuiskej israelitas uan para amo techkuiliskej uejueyi xolalmej tein toDios techmakak. Uan Jehová kichiuas tein kiitas ke okachi tapaleuis”.

14 Uan Joab uan isoldados peuak kinteuiaj sirios uan sirios cholojkej. 15 Keman ammonitas kiitakej ke sirios cholojkaj, yejuan no kicholuijkej Abisái akin katka iikniuj Joab uan kalakitoj ininueyi xolal. Satepan Joab mokepak Jerusalén.

16 Keman sirios kiitakej ke israelitas kintankaj, kintitankej seki takamej maj kinnotsatij sirios akin nemiaj tanakastan den ueyiat Éufrates. Nejon sirios kinixyekanaya Sofac akin Hadadézer kiixtalijka maj kinixyekana isoldados.

17 Keman David kimatik ke sirios mosentilijkej, no niman kinsentilij nochin soldados israelitas. Yejuan kipanauijkej ueyiat Jordán, ajsikej kampa yetoyaj sirios uan motejtekpankej para iniuan moteuiskej. David uan isoldados motejtekpankej para kinixnamikiskej sirios, uan sirios iniuan moteuijkej. 18 Sayoj ke sirios kincholuijkej israelitas. David kinmiktij chikome mil soldados sirios akin kiuikayaj carros tein kikuiaj keman tateuiayaj uan 40 mil soldados akin metsnejnemiaj. Uan no kimiktij Sofac akin kinixyekanaya nochin soldados sirios. 19 Keman itekitikauan Hadadézer kiitakej ke israelitas kintankaj, niman kiluijkej David ke amo kiteuiskiajok uan peuak kitekitiliaj. Uan sirios amo kinekkejok* kinpaleuiskej ammonitas.

20 Ipeujyan xiuit,* keman tekiuanij youij tateuitij, Joab yajki iniuan nochin soldados kampa nemiaj ammonitas uan moaxkatilij inintal. Joab uan isoldados kitamiyoualojkej Rabá para kinteuiskej akin ompa nemiaj, sayoj ke David mokauak Jerusalén. Joab uan isoldados kinteuijkej akin nemiaj Rabá uan kinixpolojkej. 2 Satepan, David kikuakixtilij icorona tatadios Malcam.* Nejin corona kikuatalilijkej David, uan David kiitak ke chijchiujtoya ika oro uan etik katka 34 kilos.* No kikualtsintilijkaj ika tetsitsin tein patiyoj. David mokuilij nochi tein patiyoj tein kipiayaj akin ompa nemiaj. 3 Uan no kinuikak akin ompa nemiaj para kintekitiltis. Kintajtapanaltiskia tet ika sierras, uan no kinmakaskia hachas uan okseki teposmej tein ika tatejtekiskiaj. David ijkon kinchiuilij nochin ammonitas akin nemiaj itech uejueyi xolalmej tein moinaxkatilij. Satepan David uan nochin isoldados mokepkej Jerusalén.

4 Satepan, israelitas peuak moteuiaj iniuan filisteos ompa Guézer. Ijkuak, Sibecái akin katka kayot Husá* kimiktij Sipái akin pouia iniuan refaím. Uan israelitas kintankej filisteos uan filisteos peuak kintekitiliaj.

5 Uan israelitas oksepa moteuijkej iniuan filisteos. Ijkuak, Elhanán iokichpil Jaír kimiktij Lahmí akin katka iikniuj Goliat akin kayot Gat. Lahmí kiuikaya se lanza* tein ikoujyo semi ueyi katka kemej se kouit tein ika tajkitij.

6 Uan israelitas oksepa moteuijkej iniuan filisteos ompa Gat. Itech nejon ueyi xolal nemia se ueyi takat akin no pouia iniuan refaím. Kipiaya chikuasen imajpiluan itech sejse imay uan chikuasen iikxipiluan itech sejse imets. Sennochia kipiaya 12 imajpiluan uan 12 iikxipiluan. 7 Kemej kisentokaya kinixnamikia israelitas, Jonatán iokichpil Simeá kimiktij. Simeá katka iikniuj David.

8 Nejin takamej pouiaj iniuan refaím uan nemiaj Gat. David uan isoldados kinmiktijkej nejin takamej.

21 Satanás* peuak kinixnamiki israelitas uan kichiuak maj David kinpouani nochin akin nemiaj itech xolal Israel. 2 Yejua ika David kiluij Joab uan akin kinixyekanayaj soldados israelitas: “Xiakan xikinpouatij israelitas.* Xipeuakan Beer-Seba uan xitamitij Dan. Satepan ximokepakan uan xinechiluikij kanachimej nankinpoujkej”. 3 Sayoj ke Joab kiluij David: “¡Maj Jehová miakpa* kinmiakilti israelitas akin pouij itech ixolal! Notekiuaj, yejuan ipa motakeualuan, ¿keyej tikneki tikinpouas? ¿Keyej tikneki tikchiuas maj israelitas motajtakolmakakan?”.

4 Sayoj ke tekiuaj amo kikakik Joab. Yejua ika Joab yajki itech nochi xolal Israel para kinpouas israelitas. Keman matamik mokepak Jerusalén. 5 Uan Joab kiluito David kanachimej israelitas kinijkuilojka. Ompa Israel nemiaj 1,100,000* takamej akin ueliaj tateuiayaj ika machete tein ojkan tenej* uan ompa Judá nemiaj 470,000* takamej akin ueliaj tateuiayaj ika machete tein ojkan tenej. 6 Sayoj ke Joab amo kinpouak takamej akin pouiaj iniuan ikoneuan Leví uan Benjamín, porin nion tepitsin kiuelitak tein tekiuaj tanauatijka.

7 Uan toTajtsin Dios nion tepitsin kiuelitak tein kichiuak David, yejua ika kintatsakuiltij israelitas. 8 David kiluij toTajtsin Dios: “Semi nitajtakolchiuak keman nitanauatij maj kinpouakan israelitas. Noteko, nimitstataujtia xinechtapojpolui porin niknextij ke amo nitamati”. 9 Yejua ika Jehová kiluij Gad akin kimatiltiaya David tein Dios kiitaltiaya: 10 “Xiouj xikiluiti David: ‘Yejua nejin tein kijtoua Jehová: “Nimitstatsakuiltiti. Onkak eyi taman tein uelis nimitschiuilis. Xinechilui katiyejua tikneki”’”. 11 Yejua ika Gad kiitato David uan kiluij: “Yejua nejin tein kijtoua Jehová: ‘Xinechilui keniuj tikneki maj nimitstatsakuilti. 12 ¿Tikneki maj israelitas eyi xiuit amo kipiakan tein kikuaskej? ¿Tikneki maj eyi metsti mitstanikan akin mitstauelitaj uan maj mitsteuikan ika ininmachete tein ojkan tenej? ¿Oso tikneki maj eyi tonal se iángel Jehová kintatsakuilti israelitas? Nejon ángel kikuis imachete Jehová para kichiuas maj israelitas kokolispeuakan* uan maj miakej mikikanʼ. Kuali xiknemili uan xinechilui toni tikneki maj niknankili akin nechualtitanik”. 13 David kinankilij Gad: “Amo nikmati toni nikchiuas, fiero tein panotok. Okachi kuali maj nechtatsakuilti Jehová porin yejua semi teiknelia, sayoj ke maj amo nechtatsakuiltikan takamej”.

14 Uan Jehová kichiuak maj israelitas kokolispeuanij uan mikkej 70 mil. 15 Uan no, toTajtsin Dios kititanik se ángel maj kinixpoloti akin nemiaj Jerusalén. Sayoj ke keman Jehová kiitak ke ángel yaya kinixpolotiya, kiniknelij israelitas* porin kichiuak maj kokolispeuakan. Yejua ika kiluij ángel tein kinixpolojtoya israelitas: “¡Ijkon xikauaya, amo xikinmiktiok!”. Iángel Jehová amo uejka yetoya de ital Ornán kampa kichipauayaj trigo. Ornán katka kayot Jebús.

16 Keman David moixajokuik, kiitak iángel Jehová ejekaixko.* Ángel maaktoya imachete tein ojkan tenej uan ika kinextijtoya Jerusalén. Yejua ika David uan taixyekananij israelitas niman motankuaketskej uan moixpilojkej hasta talpan. Yejuan motalilijkaj tasal tein teajuayotia. 17 David kiluij toTajtsin Dios: “Nejua nitajtakolchiuak, nejua nimopoloj. In israelitas* amo teyi kichiujkej, ta nejua nitanauatij maj kinpouanij. NoDios Jehová, nimitstataujtia nejua xinechtatsakuilti uan xikintatsakuilti ichankauan nopaj, sayoj ke amo xikintatsakuiltiok akin pouij itech moxolal”.

18 Uan iángel Jehová kinauatij Gad maj kiluiti David maj pankisa ital Ornán.* Kiluij maj kichijchiuili Jehová se altar kampa kichipauayaj xinach. 19 Uan David pankisak ital Ornán ijkon kemej kinauatijka Gad akin kimatiltijka tein Jehová kijtojka. 20 Ornán kichipaujtoya trigo uan keman moixkepak kiitak in ángel. Uan naui ikoneuan akin iuan yetoyaj motatijkej.* 21 David pankisak kampa yetoya Ornán. Keman Ornán kiitak, niman kisak de kampa kichipaujtoya trigo. Motankuaketsak iixpan David uan moixpiloj hasta talpan. 22 Uan David kiluij Ornán: “Xinechnamakilti* motal kampa tikchipaua trigo para nikchijchiuilis Jehová se altar uan maj amo kisentokaok techtatsakuilti. Xinechnamakilti kemej ipa ipatiuj”. 23 Sayoj ke Ornán kiluij David: “Nimitstayokolia notekiuaj uan xikchiua tein tikixtalijtok tikchiuas.* No nimitsintayokolia kuakuejmej uan trigo para tikchichinouilis Dios uan kouit* para titaxotaltis.* Nimitstayokolia nochi nejin”.

24 Sayoj ke tekiuaj David kinankilij Ornán: “Amo xinechtayokoli motal, ta maj nimitstamiixtauili. Amo nimitskuilis tein moaxka para nikmaktilis Jehová nion nikchichinouilis tapialmej tein amo nikinixtauani”. 25 Yejua ika David kimakak Ornán chikome kilo* oro para kiixtauilis nejon tal. 26 Uan David kichijchiuilij Jehová se altar, kichichinouilij tapialmej uan kimaktilij okseki taman para sentakuaskej* uan satepan kitataujtij. Jehová kinankilij keman kiualtitanik tit* desde ne iluikak para kichichinos tein David kimaktilijka itech altar. 27 Uan Jehová kinauatij ángel maj kikalaki imachete tein ojkan tenej itech icubierta. 28 David kisentokak kimaktilij Jehová tapialmej kampa Ornán* kichipauaya trigo, porin kiitak ke kinankilijka keman ompa kitataujtij. 29 Sayoj ke ikaltsin Jehová* tein Moisés kichijchiujka taluakyan yetoyaok ompa Gabaón kampa taueyichiuayaj. No ompa yetoyaok altar kampa kichichinouiliayaj Dios miak taman. 30 David semi kimouiliaya iángel Jehová tein maaktoya imachete, yejua ika amo yajtoyaok ompa Gabaón para kitajtanis Dios maj kipaleui.

22 David kijtoj: “Nikan yetos ichan toTajtsin Jehová uan no nikan yetos altar kampa kichichinouiliskej tapialmej”.

2 Satepan, David tanauatij maj kinsentilikan akin amo katkaj israelitas akin nemiaj itech xolal Israel para kintekitiltis. Yejua kinnauatij maj kitajtapanakan tet uan maj kialaxokan para kichijchiuaskej ichan toTajtsin Dios. 3 David no kisentilij miak tepos para kichijchiuaskej clavos tein ika kinsojsoskiaj puertas. Ika nejon tepos no kichijchiuaskiaj uejueyi grapas. Uan no kisentilij tel miak cobre tein nion uelia se kitamachiuaya. 4 No kisentilij tel miak cedrojkouit porin akin nemiaj Sidón uan Tiro kiualkuilijkej David tel miak cedrojkouit. 5 Uan David kijtoj: “Nokoneuj Salomón okichpilok uan ayamo kimati kichiuas miak taman. Uan kali tein moneki kichijchiuilis Jehová moneki tel ueyi yeski uan tel kualtsin chijchiujtos, para maj nochin akin nemij itech okseki altepemej kiixmatikan. Yejua ika niksentiliti miak taman tein kikuis keman kichijchiuas kali”. Uan achto ke momikiliskia, David kisentilij miak taman tein mokuiskia keman kichijchiuaskiaj kali.

6 Uan no, kinotsak Salomón akin katka iokichpil uan kinauatij maj kichijchiua se kali para Jehová, ininDios israelitas. 7 David kiluij iokichpil Salomón: “Nejua niktelnekia nikchijchiuas se kali kampa kiueyitaliskej itokay noDios Jehová. 8 Sayoj ke Jehová nechiluij: ‘Tejua miakkan titateuito uan miakej tikinmiktij. Kemej nikitani ke miakej tikinmiktiani, amo tikchijchiuas se kali kampa kiueyitaliskej notokay. 9 Tikpias se mookichpil akin yolseujkanemis uan nikchiuas maj amo kiixnamikikan akin kitauelitaj, yejua ika monotsas Salomón.* Uan israelitas kualtsin nemiskej keman yejua tekiuajtitos. 10 Yejua nechchijchiuilis se kali para ompa kiueyitaliskej notokay. Yejua yeski nokoneuj uan nejua nimochiuas niitat uan nikchiuas maj nochipa yejua tekiuajti itech xolal Israel’.

11 ”Nokonetsin, niktataujtia Jehová maj mitspaleui para uelis tiktamichijchiuas ichan moDios Jehová, ijkon kemej yejua kijtoj ke tikchiuas. 12 Uan no niktataujtia Jehová maj mitspaleui xitamatkej uan kuali xitaixejeko keman mitskauas xikinixyekanaya israelitas, para uelis tiktakamatis itanauatil moDios Jehová. 13 Kualtsin tinemis komo tiktakamati tanauatilmej tein Jehová kinauatij Moisés maj kinmatilti israelitas. Xiyolchikauak uan amo ximoui. 14 Semi nitekitik para niksentilis tein tikuis para tikchijchiuas ichan Jehová. Niksentilij 3,400* toneladas de oro uan 34 mil toneladas de plata,* no niksentilij tel miak cobre uan tepos tein nion ueli se kitamachiua uan niksentilij kouit uan tet, sayoj ke monekis tiksentilis okachi. 15 Uan no tikinpia miakej tekitinij: akin kitajtapanaj tet, kalchiuanij, koujxijximanij uan oksekin akin kichiuaj okseki taman tekit akin tel kuali tekitij. 16 Tikpia tel miak oro, plata, cobre uan tepos. Peua xitekiti uan maj Jehová mitspaleui”.

17 Uan David kinnauatij nochin uejueyi chiuanimej israelitas maj kipaleuikan iokichpil Salomón. David kiniluij: 18 “NamoDios Jehová namechpaleuijtok uan kichiujtok kualtsin xinemikan. Yejua nechpaleuij maj nikintani akin nemiaj itech nejin altepet uan axkan nejin altepet iaxka Jehová uan ininaxka israelitas. 19 Yejua ika, xikixtalikan nankiueyichiuaskej sayoj* namoDios Jehová uan xitekitikan. Xikchijchiuakan ichan toTajtsin Jehová para kiualkuiskej tatiochiualkaxon* tein iaxka Jehová, tapalkamej uan okseki taman tein mokui para tikueyichiuaskej toTajtsin Dios. Nochi nejin kitaliskej itech kali tein nankichijchiuaskej kampa moueyitalis itokay Jehová”.

23 Keman David tatajtsinya katka uan yaya momikilitiya, kiixtalij Salomón akin katka iokichpil para maj tekiuajti itech xolal Israel. 2 Satepan kinsentilij nochin taixyekananij israelitas, tiopixkamej uan levitas. 3 Kinpoujkej levitas akin kipiayaj 30 xiujmej uan akin kipiayaj okachi. Katkaj 38 mil takamej. 4 De nejin takamej, 24 mil kiixyekanayaj tataman tekit tein mochiuaya ichan Jehová uan chikuasen mil katkaj uejueyi chiuanimej uan jueces. 5 Uan no, naui mil tajpiayaj puertajtenoj uan naui mil kitatsotsoniliayaj Jehová para kiueyichiuaskej. David kinmakaka tein ika tatsotsonaskej uan kijtojka: “Nikinchijchiuak para ika titaueyichiuaskej”.

6 David kinxejxeloj nochin levitas para tekitiskej uan sejse grupo kitokaytij kemej motokaytiayaj ikoneuan Leví: Guersón, Cohat uan Merarí. 7 Ikoneuan Guersón akin katkaj levitas monotsayaj Ladán uan Simeí. 8 Ichankauan Ladán katkaj eyin. Se monotsaya Jehiel uan yejua kinixyekanaya ichankauan. Okseki omen monotsayaj Zetam uan Joel. 9 Ikoneuan Simeí katkaj eyin. Yejuan monotsayaj Selomot, Haziel uan Harán. Nochin nejin takamej kinixyekanayaj uejueyi familias tein pouiaj iuan Ladán. 10 Uan ikoneuan Simeí katkaj Jáhat, Ziná, Jeús uan Berías. Nejin naui takamej katkaj ikoneuan Simeí. 11 Jáhat kinixyekanaya ichankauan uan Zizá kipaleuiaya. Sayoj ke Jeús uan Berías amo kinpiakej miakej ininkoneuan, yejua ika kinpoujkej kemej sayoj se ueyi familia uan kichiuayaj sayoj se tekit.

12 Ikoneuan Cohat katkaj nauin. Yejuan monotsayaj Amram, Izhar, Hebrón uan Uziel. 13 Ikoneuan Amram monotsayaj Aarón uan Moisés. Sayoj ke Aarón uan ikoneuan kinxelojkej para tekitiskej nochipaya itech cuarto tein monotsa Santísimo. Yejuan kinxelojkej para kichichinouiliskej Jehová tapialmej, para kitekitiliskej uan para nochipaya kikuiskej itokay keman kitataujtiskiaj maj kintatiochiui israelitas. 14 Ikoneuan Moisés itekitikauj toTajtsin Dios kinpoujkej iniuan ikoneuan Leví. 15 Ikoneuan Moisés monotsayaj Guersom uan Eliezer. 16 De ikoneuan Guersom, Sebuel kinixyekanaya nochin ichankauan. 17 Iokichpil Eliezer katka Rehabías uan yejua kinixyekanaya ichankauan. Eliezer amo kinpiakok okseki ikoneuan, sayoj ke Rehabías kinpiak miakej ikoneuan. 18 De ichankauan Izhar, Selomit kinixyekanaya nochin ichankauan. 19 Semej ichankauan Hebrón monotsaya Jerías uan yejua kinixyekanaya nochin ichankauan. Oksekin akin kipaleuiayaj Jerías monotsayaj Amarías, Jahaziel uan Jecameam. 20 Miqueas pouia iniuan ichankauan Uziel uan yejua kinixyekanaya nochin ichankauan. Isías kipaleuiaya Miqueas.

21 Ikoneuan Merarí monotsayaj Mahlí uan Musí. Ikoneuan Mahlí monotsayaj Eleazar uan Quis. 22 Eleazar amo kinpiak okichpipil, ta sayoj kinpiak siuapipil. Yejua ika iparientes* Quis monamiktijkej iniuan isiuapipiluan Eleazar. 23 Ikoneuan Musí katkaj eyin. Yejuan monotsayaj Mahlí, Éder uan Jeremot.

24 Nochin nejin takamej katkaj ikoneuan Leví. Yejuan kinijkuilojkej por familias uan kiitstiajkej akoni kiixyekanaya ininueyi familia. Sejse takat kipoujkej uan kijkuilojkej itokay. Akin kinijkuilojkej kipiayaj 20 xiujmej uan okachi uan tekitiaj ichan Jehová. 25 David kijtojka: “Jehová ininDios israelitas kichiuak maj kualtsin nemikan akin pouij itech ixolal, uan yejua nochipaya nemis Jerusalén. 26 Uan levitas amo kiuikatinemiskejok ikaltsin Dios* nion tein ompa kikuij para kitekitiliskej”. 27 Kinpoujkej levitas akin kipiayaj 20 xiujmej uan akin kipiayaj okachi, ijkon kemej David tanauatijka. 28 Yejuan kinixtalijkaj para maj kinpaleuikan ikoneuan Aarón. Tekitiaj itech patios tein kipiaya ichan Jehová uan kampa takuayaj. No kichipauayaj nochi tein ompa onkaya tein xeliujtoya para Dios uan kichiuayaj okseki taman tein monekia mochiuas ichan toTajtsin Dios. 29 Yejuan kichijchiuayaj pantsitsin tein kimaktiliayaj Dios uan kichijchiuayaj harina yektakuechol para kimaktiliskej Dios. No kichijchiuayaj taxkaltsitsin kajkanauak tein amo kitaliliayaj levadura, kichijchiuayaj pantsitsin tein kiyokxitiayaj itech komal, kimanelouayaj harina ika aceite uan kitamachiuayaj nochi tein kikuiaj para tachijchiuaskej. 30 Mojmostaj kualkan uan tiotak monekia kitasojkamatiliskej Jehová uan kiueyitaliskej. 31 Nejon levitas no tapaleuiayaj keman kichichinouiliayaj Jehová tapialmej itech tonal sábado, keman iluitiaj porin peuaya selik metsti uan keman kichiuayaj okseki iluimej ijkon kemej ijkuiliujtoya itech tanauatil. Nochipa kichiuayaj nejon para kiueyichiuaskej Jehová. 32 No kichiuayaj tekit tein kinmakakaj itech kaltsin kampa yayaj kiueyichiuatij Dios uan kiyekpiayaj nejon kaltsin. Nejin levitas kinpaleuiayaj ikoneuan Aarón akin katkaj ininparientes para tekitiskej ichan Jehová.

24 David kinxejxeloj ikoneuan Aarón. Ikoneuan Aarón monotsayaj Nadab, Abihú, Eleazar uan Itamar. 2 Nadab uan Abihú momikilijkej achto ke momikiliskia inintat uan amo kinpiakej ininkoneuan. Sayoj ke Eleazar uan Itamar kisentokakej kitekitilijkej Dios kemej tiopixkamej. 3 David, Sadoc uan Ahimélec kinxejxelojkej ikoneuan Aarón para kitekitiliskej Dios. Sadoc katka semej ichankauan* Eleazar uan Ahimeléc katka semej ichankauan Itamar. 4 De ichankauan Eleazar okachi miakej taixyekanayaj ke de ichankauan Itamar, yejua ika kinxejxelojkej ijkuin: 16 taixyekananij para ichankauan Eleazar uan chikueyi para ichankauan Itamar.

5 Uan no, David, Sadoc uan Ahimélec kitatamotkej tetsitsin* para kinxejxeloskej ichankauan Eleazar uan ichankauan Itamar, porin ompa pouiaj akin taixyekanayaj itech ikaltsin Dios* uan akin kinixyekanayaj akin kitekitiliayaj toTajtsin Dios. 6 Semaya iokichpil Netanel kijkuiloj inintokay nejin takamej. Yejua katka inintajkuilojkauj levitas. Kinijkuiloj iixpan tekiuaj, tiopixkat Sadoc uan Ahimélec akin katka iokichpil Abiatar. No kiitstoyaj uejueyi chiuanimej, takamej akin kinixyekanayaj ininuejueyi familias tiopixkamej uan levitas. Kinijitatiajkej uejueyi familias uan sekin kinixtalijkej maj ichankauan Eleazar kinixyekanakan uan oksekin maj ichankauan Itamar kinixyekanakan.

7 Keman kitatamotkej tetsitsin yekinika nesik Jehoiarib, satepan nestiajkej Jedayá, 8 Harim, Seorim, 9 Malkiya, Mijamín, 10 Hacoz, Abías, 11 Jesúa, Secanías, 12 Eliasib, Jaquim, 13 Hupá, Jesebeab, 14 Bilgá, Imer, 15 Hezir, Hapizez, 16 Petahías, Jehezquel, 17 Jakín, Gamul, 18 Delayá uan Maazías. Sennochia kitatamotkej tetsitsin 24 viajes.

19 Ijkon kinxejxelojkej para tekitiskej ichan Jehová. Yejuan yaskiaj ompa para kichiuaskej tekit ijkon kemej Jehová ininDios israelitas kinauatijka ininuejkaujtat Aarón maj kichiuakan.

20 Uan okseki levitas katkaj Subael uan Jehdeyá. Subael pouia iniuan ichankauan Amram uan Jehdeyá pouia iniuan ichankauan Subael. 21 Okse levita katka Isías akin pouia iniuan ichankauan Rehabías. Isías kinixyekanaya ichankauan. 22 Okseki levitas katkaj Selomot uan Jáhat. Selomot pouia iniuan ichankauan Izhar uan Jáhat pouia iniuan ichankauan Selomot. 23 Okse levita katka Jerías akin pouia iniuan ichankauan Hebrón uan yejua kinixyekanaya ichankauan. Oksekin akin kipaleuiayaj Jerías monotsayaj Amarías, Jahaziel uan Jecameam. 24 Okseki levitas katkaj Miqueas uan Samir. Miqueas pouia iniuan ichankauan Uziel uan Samir pouia iniuan ichankauan Miqueas. 25 Iikniuj Miqueas katka Isías. Uan okse levita katka Zacarías akin pouia iniuan ichankauan Isías.

26 Ikoneuan Merarí monotsayaj Mahlí uan Musí. Semej ichankauan Jaazías monotsaya Beno. 27 Jaazías pouia iniuan ichankauan Merarí. Ikoneuan Jaazías monotsayaj Beno, Soham, Zacur uan Ibrí. 28 Okse levita katka Eleazar akin pouia iniuan ichankauan Mahlí. Eleazar amo kinpiak ikoneuan. 29 Okse levita katka Jerahmeel akin pouia iniuan ichankauan Quis. 30 Uan ikoneuan Musí monotsayaj Mahlí, Éder, uan Jerimot.

Yejuan nejin katkaj ikoneuan Leví akin kinixyekanayaj ininuejueyi familias. 31 Yejuan no kitatamotkej tetsitsin ijkon kemej kichiujkej ikoneuan Aarón akin katkaj ininparientes. Keman kichiujkej kinitstoya tekiuaj David, Sadoc uan Ahimélec. Uan no kinitstoyaj akin kinixyekanayaj ininuejueyi familias tiopixkamej uan levitas. Para nochin uejueyi familias kitatamotkej tetsitsin. Akin katka xokoyot amo kichikoitakej keman kinxejxelouilijkej tekit, ta kiitakej kemej akin kiixyekanaya se ueyi familia.

25 Uan no, David uan akin kinixyekanayaj akin tekitiaj ichan Dios kinixtalijkej seki ikoneuan Asaf, Hemán uan Jedutún para ika tajtoskej Dios keman cantaroskiaj ika arpas, cítaras* uan címbalos.* Yejuan nejin takamej akin kinixtalijkej maj kichiuakan nejin tekit: 2 de ikoneuan Asaf kinixtalijkej Zacur, José, Netanías uan Asarelá. Yejuan kinixyekanaya Asaf akin katka inintat. Asaf ika tajtouaya Dios keman tekiuaj kiluiaya maj kichiua. 3 De ikoneuan Jedutún kinixtalijkej Guedalías, Zerí, Jesayá, Simeí, Hasabías uan Matitías. Katkaj chikuasen uan kinixyekanaya Jedutún akin katka inintat. Jedutún ika tajtouaya Dios keman kitsotsonaya arpa para kitasojkamatilis Jehová uan para kiueyitalis. 4 De ikoneuan Hemán kinixtalijkej Buquías, Matanías, Uziel, Sebuel, Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir uan Mahaziot. 5 Nochin yejuan katkaj ikoneuan Hemán. ToTajtsin Dios kiitaltij Hemán seki taman uan yejua kimatiltij tekiuaj nochi tein Dios kiluij para kiueyitalis.* Yejua ika, toTajtsin Dios kitatiochiuij Hemán uan kichiuak maj kinpiani 14 okichpipil uan eyi siuapipil. 6 Nochin iokichpipiluan Hemán cantarouayaj ichan Jehová uan inintat kinixyekanaya. No kitsotsonayaj cítaras, arpas uan kikakistiltiayaj címbalos. Ijkon kiueyichiuayaj toTajtsin Dios.

Tekiuaj kinixyekanaya Asaf, Jedutún uan Hemán.

7 Yejuan uan ininikniuan kinmachtijkaj para kicantarouiliskej Jehová. Sennochinya katkaj 288 uan kimatiaj kuali cantaroskej. 8 Uan kitatamotkej tetsitsin* para kiitaskej toni tekit kichiuaskia sejse. Amo akin kichikoitakej, ta para nochin kitatamotkej tetsitsin maski tayekanaya oso katka xokoyot, maski yekin momachtijtoya oso ipa ueliaya.

9 Keman peuak kitatamotaj tetsitsin yekinika nesik José akin katka iokichpil Asaf. Satepan nesik Guedalías, iparientes uan ikoneuan, sennochinya katkaj 12. 10 Satepan nesik Zacur, iparientes uan ikoneuan, sennochinya katkaj 12. 11 Keman oksepa kitatamotkej tetsitsin nesik Izrí, iparientes uan ikoneuan, sennochinya katkaj 12. 12 Satepan nesik Netanías, iparientes uan ikoneuan, sennochinya katkaj 12. 13 Satepan nesik Buquías, iparientes uan ikoneuan, sennochinya katkaj 12. 14 Satepan nesik Jesarela, iparientes uan ikoneuan, sennochinya katkaj 12. 15 Keman oksepa kitatamotkej tetsitsin nesik Jesayá, iparientes uan ikoneuan, sennochinya katkaj 12. 16 Satepan nesik Matanías, iparientes uan ikoneuan, sennochinya katkaj 12. 17 Satepan nesik Simeí, iparientes uan ikoneuan, sennochinya katkaj 12. 18 Satepan nesik Azarel, iparientes uan ikoneuan, sennochinya katkaj 12. 19 Satepan nesik Hasabías, iparientes uan ikoneuan, sennochinya katkaj 12. 20 Satepan nesik Subael, iparientes uan ikoneuan, sennochinya katkaj 12. 21 Keman oksepa kitatamotkej tetsitsin nesik Matitías, iparientes uan ikoneuan, sennochinya katkaj 12. 22 Satepan nesik Jeremot, iparientes uan ikoneuan, sennochinya katkaj 12. 23 Satepan nesik Hananías, iparientes uan ikoneuan, sennochinya katkaj 12. 24 Satepan nesik Josbecasa, iparientes uan ikoneuan, sennochinya katkaj 12. 25 Satepan nesik Hananí, iparientes uan ikoneuan, sennochinya katkaj 12. 26 Satepan nesik Malotí, iparientes uan ikoneuan, sennochinya katkaj 12. 27 Satepan nesik Eliatá, iparientes uan ikoneuan, sennochinya katkaj 12. 28 Keman oksepa kitatamotkej tetsitsin nesik Hotir, iparientes uan ikoneuan, sennochinya katkaj 12. 29 Satepan nesik Guidaltí, iparientes uan ikoneuan, sennochinya katkaj 12. 30 Satepan nesik Mahaziot, iparientes uan ikoneuan, sennochinya katkaj 12. 31 Uan satepan nesik Romamti-Ézer, iparientes uan ikoneuan, sennochinya katkaj 12. Sennochia kitatamotkej tetsitsin 24 viajes.

26 Ijkon kinxejxelojkej akin tajpiayaj puertajtenoj: den coreítas yetoya Meselemías akin katka iokichpil Coré. Coré katka ichankauj Asaf. 2 Meselemías kinpiak chikome iokichpipiluan. Akin tayekanaya monotsaya Zacarías uan iikniuan akin kitojtokayaj* monotsayaj Jediael, Zebadías, Jatniel, 3 Elam, Jehohanán uan Elieho-Enái. 4 Uan Obed-Edom kinpiak chikueyi iokichpipiluan. Akin tayekanaya monotsaya Semaya uan iikniuan akin kitojtokayaj monotsayaj Jehozabad, Joá, Sacar, Netanel, 5 Amiel, Isacar uan Peuletái. Dios ijkon kitatiochiuij Obed-Edom.

6 Uan Semaya ikoneuj Obed-Edom kinpiak iokichpipiluan uan yejuan kinixyekanayaj ininuejueyi familias. Yejuan katkaj semi chikaujkej uan kuali tekitiaj. 7 Iokichpipiluan Semaya monotsayaj Otní, Refael, Obed uan Elzabad. Uan iparientes Elzabad monotsayaj Elihú uan Semakías. Yejuan no kuali tekitiaj. 8 Nochin yejuan katkaj ikoneuan Obed-Edom. Yejuan, ininkoneuan uan ininparientes katkaj takamej takuaujtamachmej uan kuali tekitiaj. Sennochinya, katkaj 62 de ichankauan Obed-Edom. 9 Uan iuan Meselemías yetoyaj ikoneuan uan iparientes, katkaj 18 takamej akin kuali tekitiaj. 10 Semej iokichpipiluan Merarí monotsaya Hosá. Hosá kinpiak ikoneuan. Semej ikoneuan monotsaya Simrí uan yejua kinixyekanaya ichankauan. Maski amo yejua tayekanaya, itat kiixtalij maj kinixyekana ichankauan. 11 Okse iokichpil Hosá monotsaya Hilquías uan iikniuan akin kitojtokayaj monotsayaj Tebalías uan Zacarías. Ikoneuan Hosá uan iparientes katkaj 13.

12 Akin kinixyekanayaj akin tajpiayaj puertajtenoj no kipiayaj tekit ichan Jehová ijkon kemej ininparientes. 13 Uan kitatamotkej tetsitsin* para kiixtaliskej itech katiyejua puerta tajpiaskia sejse ueyi familia. Kitatamotkej tetsitsin para nochin uejueyi familias maski miakej katkaj oso amo. 14 Selemías kiixtalijkej maj tajpia itech puerta tein yetoya kampa ualkisa tonaltsin. Satepan kitatamotkej tetsitsin para kiitaskej itech katiyejua puerta tajpiaskia Zacarías ikoneuj Selemías, uan nesik ke tajpiaskia itech puerta tein yetoya ajkokopa. Zacarías kimatia keniuj kuali tayolmajxitis. 15 Uan nesik ke Obed-Edom tajpiaskia itech puerta tein yetoya tanikopa,* uan ikoneuan tajpiaskiaj itech kalmej kampa kitaliayaj takual uan okseki taman tein patiyoj. 16 Supim uan Hosá kinixtalijkej maj tajpiakan itech puerta tein yetoya kampa pankalaki tonaltsin. Nejin puerta yetoya tanakastan den puerta tein motokaytiaya Saléket. Ompaka panouaya ojti tein pankisaya hasta tepetsin. Sejse grupo de tajpianij ijkatoyaj tanakastan de okse grupo. 17 Chikuasen levitas tajpiayaj itech puerta tein yetoya kampa ualkisa tonaltsin. Mojmostaj nauin tajpiayaj itech puerta tein yetoya ajkokopa uan mojmostaj nauin tajpiayaj itech puerta tein yetoya tanikopa. Uan kampa kitaliayaj takual uan okseki taman tein patiyoj tajpiayaj ojomen. 18 Kinkaujkej ome levitas para tajpiaskej itech kali tein kipiaya kalikximej tein yetoya kampa pankalaki tonaltsin. Uan naui levitas kinkaujkej maj tajpiakan itech ueyi ojti. 19 Ijkon kinxejxelojkej ikoneuan Coré uan ikoneuan Merarí akin tajpiayaj puertajtenoj.

20 Den levitas, Ahíya tajpiaya itech cuartos tein yetoyaj ichan toTajtsin Dios kampa kitaliayaj nochi tein patiyoj. Uan no tajpiaya itech cuartos kampa kitaliayaj nochi tein kimaktiliayaj Dios. 21 De ikoneuan Ladán yetoya Jehielí akin katka semej takamej akin kinixyekanaya uejueyi familias tein pouiaj iuan Ladán. Ladán pouia iniuan ichankauan Guersón. 22 No tajpiayaj ikoneuan Jehielí akin monotsayaj Zetam uan Joel. Yejuan tajpiayaj itech cuartos tein yetoyaj ichan toTajtsin Jehová kampa kitaliayaj nochi tein patiyoj. 23 No tajpiayaj amramitas, izharitas, hebronitas uan uzielitas. 24 Sebuel kinixyekanaya akin tajpiayaj itech kalmej kampa kitaliayaj takual uan okseki taman tein patiyoj. Itat Sebuel katka Guersom uan itat Guersom katka Moisés. 25 De iparientes Sebuel no tajpiayaj Rehabías, Jesayá, Joram, Zicrí uan Selomot. Yejuan katkaj ichankauan Eliezer. 26 Selomot uan iparientes tajpiayaj itech cuartos kampa kitaliayaj nochi tein kimaktiliayaj Dios. Tekiuaj David, akin kinixyekanayaj uejueyi familias, akin kinixyekanayaj mijmil soldados uan ciejcien soldados uan nochin akin kinixyekanayaj soldados kimaktilijkaj Dios nochi tein kitalijtoyaj ompa. 27 Seki taman tein kinkuilijkaj akin kinteuitoj kimaktilijkaj Jehová para ika kiyekchijchiuaskej ichan. 28 Uan no kiyekpiayaj nochi tein tanauatijkej* Samuel kimaktilijka Dios. No kiyekpiayaj tein kitemaktijka Saúl ikoneuj Quis, Abner ikoneuj Ner uan Joab ikoneuj Zeruyá. Selomit* uan iparientes kiyekpiayaj nochi tein aksa* kimaktiliaya Dios.

29 Den izharitas katkaj Kenanías uan ikoneuan. Yejuan amo kinmakakej tekimej ichan Dios, ta kinixtalijkej maj tekitikan kemej taixyekananij uan jueces itech xolal Israel.

30 Den hebronitas katkaj Hasabías uan iparientes. Katkaj 1,700* takamej akin kuali tekitiaj uan kiixyekanayaj tekit tein mochiuaya tanakastan den ueyiat Jordán kampa pankalaki tonaltsin. Yejuan kitekitiliayaj Jehová uan kitekitiliayaj tekiuaj. 31 Den hebronitas katka Jeriya. Yejua kinixyekanaya uejueyi familias den hebronitas. Keman David 40 xiujmejya tekiuajtitoya, seki itekitikauan kintemojkej seki takamej hebronitas akin chikaujkej uan kuali tekitiaj. Nejon takamej kinajsikej ompa Jazer tein poui Galaad. 32 Uan iparientes Jeriya katkaj 2,700* takamej akin kuali tekitiaj. Tekiuaj David kinixtalij maj kinixyekanakan ikoneuan Rubén, ikoneuan Gad uan seki* ikoneuan Manasés keman kitekitiliayaj toTajtsin Dios uan keman kitekitiliayaj tekiuaj.

27 Ijkon xejxeliujtoyaj israelitas akin katkaj isoldados tekiuaj. Itech sejse grupo yetoyaj 24 mil soldados. Itech nejon grupos yetoyaj takamej akin kinixyekanayaj uejueyi familias, takamej akin kinixyekanayaj mijmil soldados uan ciejcien soldados uan akin kinixyekanayaj nochi nejon grupos. Moixpapatatiayaj mejmetstika uan ijkon kichiuayaj nochi xiuit.

2 Jasobeam iokichpil Zabdiel kiixyekanaya yekinika grupo kampa pouiaj 24 mil soldados. Yejuan tekitiaj yekinika metsti. 3 Jasobeam katka semej ichankauan Pérez. Yejua kinixyekanaya nochin akin kinixtalijkaj maj kinixyekanakan soldados akin tekitiaj yekinika metsti. 4 Dodái iokichpil Ahohí kiixyekanaya okse grupo kampa pouiaj 24 mil soldados. Yejuan tekitiaj ojpatika metsti. Miclot kipaleuiaya Dodái maj taixyekana. 5 Benaya kiixyekanaya okse grupo kampa pouiaj 24 mil soldados. Yejuan tekitiaj expatika metsti. Itat Benaya katka tayekankatiopixkat Jehoiadá. 6 David kinpiaya 30 soldados akin kuali tateuiayaj. Benaya katka semej nejon soldados uan yejua kinixyekanaya. Amizabad katka iokichpil Benaya uan kipaleuiaya maj kinixyekana grupo kampa pouiaj 24 mil soldados. 7 Asahel akin katka iikniuj Joab kiixyekanaya okse grupo kampa pouiaj 24 mil soldados. Yejuan tekitiaj naujpatika metsti. Zebadías akin katka iokichpil Asahel kiixpatak. 8 Samhut akin katka izrahíta kiixyekanaya okse grupo kampa pouiaj 24 mil soldados. Yejuan tekitiaj makuiltika metsti. 9 Irá kiixyekanaya okse grupo kampa pouiaj 24 mil soldados. Yejuan tekitiaj chikuasentika metsti. Irá katka iokichpil Iqués akin katka kayot Tecoa. 10 Hélez kiixyekanaya okse grupo kampa pouiaj 24 mil soldados. Yejuan tekitiaj chikometika metsti. Hélez katka pelonita uan pouia iniuan ikoneuan Efraín. 11 Sibecái kiixyekanaya okse grupo kampa pouiaj 24 mil soldados. Yejuan tekitiaj chikueyitika metsti. Sibecái katka kayot Husá uan pouia iniuan ichankauan Zérah. 12 Abí-Ézer kiixyekanaya okse grupo kampa pouiaj 24 mil soldados. Yejuan tekitiaj chiknauitika metsti. Abí-Ézer katka kayot Anatot uan pouia iniuan ikoneuan Benjamín. 13 Maharái kiixyekanaya okse grupo kampa pouiaj 24 mil soldados. Yejuan tekitiaj majtaktika metsti. Maharái katka kayot Netofá uan pouia iniuan ichankauan Zérah. 14 Keman matamiaj akin tekitikaj majtaktika metsti, kisentokaya Benaya akin kiixyekanaya okse grupo kampa pouiaj 24 mil soldados. Benaya katka kayot Piratón uan pouia iniuan ikoneuan Efraín. 15 Keman nejin grupo matamia, okse metsti kisentokaya Heldái akin kiixyekanaya okse grupo kampa pouiaj 24 mil soldados. Heldái katka kayot Netofá uan katka ichankauj Otniel.

16 Yejuan nejin takamej kinixyekanayaj uejueyi kalyetonij israelitas: Eliezer iokichpil Zicrí kinixyekanaya ikoneuan Rubén. Sefatías iokichpil Maacá kinixyekanaya ikoneuan Simeón. 17 Hasabías iokichpil Quemuel kinixyekanaya ikoneuan Leví. Sadoc kinixyekanaya ikoneuan Aarón. 18 Elihú iikniuj David kinixyekanaya ikoneuan Judá. Omrí iokichpil Miguel kinixyekanaya ikoneuan Isacar. 19 Ismayá iokichpil Abdías kinixyekanaya ikoneuan Zabulón. Jerimot iokichpil Azriel kinixyekanaya ikoneuan Neftalí. 20 Hosea iokichpil Azazías kinixyekanaya ikoneuan Efraín. Joel iokichpil Pedaya kinixyekanaya seki* ikoneuan Manasés. 21 Idó iokichpil Zacarías kinixyekanaya okseki* ikoneuan Manasés akin nemiaj Galaad. Jaasiel iokichpil Abner kinixyekanaya ikoneuan Benjamín 22 uan Azarel iokichpil Jeroham kinixyekanaya ikoneuan Dan. Nochin yejuan kinixyekanayaj uejueyi kalyetonij israelitas.

23 David amo kinpouak akin kiajxitijkajya 20 xiujmej uan akin ayamo kiajxitiayaj, porin Jehová motenkaujka ke kichiuaskia maj israelitas motelmiakilianij kemej sitalimej tein yetokej iluikak. 24 Joab iokichpil Zeruyá peujka kinpoua israelitas sayoj ke amo matamik, uan kemej kinpoujkaj, Dios tel kualanik iniuan israelitas. Yejua ika, kampa ijkuiliujtok nochi tein kichiuak tekiuaj David amo moijkuiloj kanachimej kinpoujkaj.

25 Azmávet iokichpil Adiel tajpiaya itech cuartos kampa kitaliayaj nochi tein patiyoj tein kipiaya tekiuaj. Jonatán iokichpil Uzías tajpiaya itech kalmej kampa kitaliayaj takual uan okseki taman tein patiyoj. Nejin kalmej yetoyaj taijtik den uejueyi xolalmej uan kalampakopa. No yetoyaj itech xolaltsitsin uan itech uejkapan kalmej. 26 Ezrí iokichpil Kelub kinixyekanaya akin tatokayaj. 27 Simeí akin katka kayot Ramá kinixyekanaya akin tekitiaj kampa kitokayaj uvas. Zabdí akin katka kayot Sefam* taixyekanaya kampa kisentiliayaj uvas para kichijchiuaskej vino. 28 Baal-Hanán akin katka kayot Guéder* taixyekanaya kampa toktoyaj olivojkoujmej uan higojkoujmej ompa Sefelá. Joás taixyekanaya kampa kitaliayaj aceite. 29 Sitrái akin nemia Sarón kinyekpiaya kuakuejmej tein takuajtinemiaj ompa Sarón, uan Safat iokichpil Adlái kinyekpiaya kuakuejmej tein yetoyaj tal tamanis.* 30 Obil akin ismaelita kinyekpiaya camellos. Jehdeyá akin meronotita kinyekpiaya burros* 31 uan Jaziz akin hagrita kinyekpiaya ichkamej.* Nochin nejin takamej kinixyekanayaj akin kiyekpiayaj nochi tein iaxka David.

32 Jonatán kiyolmajxitiaya David uan katka itajkuilojkauj. Jonatán katka isobrino David uan semi tamatkej katka. Jehiel iokichpil Hacmoní kinyekpiaya ikoneuan tekiuaj. 33 Ahitofel kiyolmajxitiaya tekiuaj uan Husái akin arkita kuali mouikaya iuan tekiuaj. 34 Jehoiadá iokichpil Benaya uan Abiatar kiixpatakej Ahitofel, uan Joab kinixyekanaya nochin isoldados tekiuaj.

28 David kinsentilij ompa Jerusalén nochin taixyekananij israelitas. Mosentilijkej takamej akin kinixyekanayaj uejueyi kalyetonij uan akin kinixyekanayaj soldados akin xejxeliujtoyaj itech grupos uan kitekitiliayaj tekiuaj. No mosentilijkej akin kinixyekanayaj mijmil soldados uan ciejcien soldados, uejueyi chiuanimej akin tekitiaj ichan tekiuaj uan nochin takamej akin katkaj chikaujkej uan kuali tekitiaj. No mosentilijkej akin kinyekpiayaj tapialmej uan okseki taman tein iaxka tekiuaj uan ikoneuan. 2 Uan tekiuaj David moketsak uan kijtoj:

“Xinechkakikan nokniuan akin nanpouij itech nejin xolal. Nejua niknekia nikchijchiuas se kali kampa yetos tatiochiualkaxon* tein iaxka Jehová uan kampa mometstajtalis toDios. Uan niksentilij nochi tein mokuiskia para nejon kali. 3 Sayoj ke toTajtsin Dios nechiluij: ‘Tejua amo tinechchijchiuilis se kali kampa kiueyitaliskej notokay porin miakkan titateuito uan miakej tikinmiktij’. 4 Sayoj ke toDios Jehová* nechijitak nejua de nochin ikoneuan nopaj para maj nochipa nitekiuajti itech xolal Israel. Dios kinijitak ikoneuan Judá para maj taixyekanakan uan de ikoneuan Judá kinijitak ichankauan nopaj, uan de ikoneuan nopaj nejua nechijitak maj nitekiuajti itech xolal Israel. 5 Uan Jehová kichiuak maj nikinpiani miakej nokoneuan, uan de nochin nokoneuan kijitak nookichpil Salomón para maj motali itech iueyi silla Jehová uan maj tekiuajti itech xolal Israel.

6 ”Yejua nechiluij: ‘Mokoneuj Salomón nechchijchiuilis nochan uan patios tein kipias nochan, porin nikijitak maj mochiua nokoneuj uan nejua nimochiuas niitat. 7 Nikchiuas maj nochipa yejua tekiuajti komo kisentoka kitakamati tein nitanauatia uan tein nikixtalia, ijkon kemej kichiujtokya’. 8 Yejua ika, ininixpan nochin israelitas akin kitekitiliaj Jehová uan iixpan toDios akin techkaktok namechiluia: ximochikauakan kuali nankiixmatiskej nochi itanauatiluan namoDios Jehová. Uan no ximochikauakan nankitakamatiskej nochi tein tanauatia. Komo ijkon nankichiuaj, nankisentokaskej nanemiskej itech nejin tal tein semi kualtsin uan uelis nankinkauiliskej namokoneuan para maj nochipaya nikan nemikan.

9 ”Uan tejua nokonetsin Salomón, xikixmati Dios akin nikueyichiua uan sayoj yejua xiktekitili* uan xikchiua ika miak pakilis, porin Jehová kiita tein tikpiaj toyolijtik, kiita keyej tikchiuaj teisa uan tein tiknemiliaj. Dios mitskauas xikajsi komo tiktemoua, sayoj ke senkis mitsixtopeuas komo tikaua. 10 Jehová mitsijitak tejua para tikchijchiuilis se kali kampa kiueyichiuaskej. Xiyolchikauak uan peua xitekiti”.

11 Satepan David kimakak iokichpil Salomón amat kampa nesia keniuj chijchiujtoskia cuarto tein yetoskia kampa se kalakteua ichan Dios uan keniuj chijchiujtoskiaj okseki cuartos.* Seki nejon cuartos yetoskiaj taijtik uan kalkuako.* Itech okseki cuartos kitaliskiaj takual uan okseki taman tein patiyoj. Uan no yetoskia okse cuarto* kampa Dios kintapojpoluiskia inintajtakoluan. 12 Kimakak amat kampa nesia keniuj chijchiujtoskiaj patios tein kipiaskia ichan Jehová uan keniuj chijchiujtoskiaj cuartos kampa takuaskiaj. No ompa nesia keniuj chijchiujtoskiaj cuartos tein kipiaskia ichan toTajtsin Dios. Itech nejon cuartos kitaliskiaj nochi tein patiyoj uan nochi tein kimaktiliskiaj Dios.* Dios ika ichikaualis kimatiltij David keniuj chijchiujtoskia in kali. 13 David no kiluij Salomón keniuj xejxeliujtoskiaj tiopixkamej uan levitas. No kiluij katiyejua tekit kichiuaskiaj ichan Jehová uan keniuj kikuiskiaj tapalkamej uan okseki taman tein mokuiskia ichan Jehová. 14 No kiluij kanachi oro uan kanachi plata kikuiskia para kichijchiuas tapalkamej uan okseki taman tein mokuiskia ichan Dios para kiueyichiuaskej. 15 No kiluij kanachi oro uan kanachi plata kikuiskia para kichijchiuas sejse tauilketsaloni uan sejse candil. 16 No kiluij kanachi oro kikuiskia para kichijchiuas mesas kampa kitaliskiaj pantsitsin tein kimaktiliayaj Dios uan kanachi plata kikuiskia para kichijchiuas okseki mesas. 17 Kiluij kanachi oro tein okachi kuali monekiskia kikuis para kinchijchiuas teposmej tein puntajyejkej, konmej uan uejueyi kaxit uan tein tsikitsitsin. Uan kanachi plata kikuiskia para kichijchiuas kaxit tein tsikitsitsin. 18 No kiluij kanachi oro tein okachi kuali monekiskia kikuis para kichijchiuas altar kampa tapopochuiskiaj uan tein kiixnextiskia icarro Dios. Nejin carro yejuan querubines tein chijchiujtoskiaj ika oro. Querubines ajtapaltajtapotoskiaj uan kiyekauilijtoskiaj tatiochiualkaxon tein iaxka Jehová. 19 David kijtoj: “Jehová nechpaleuij maj nikajsikamati keniuj chijchiujtos kali uan nechyekanak para maj nikijkuilo nochi tein nechmatiltij”.

20 Uan David kiluij Salomón akin katka iokichpil: “Xiyolchikauak, amo ximoui uan peua xitekiti. Amo ximojkakalaki porin toDios Jehová, noDios, mitspaleuijtok. Jehová amo keman mitskauas, ta mitspaleuijtos hasta xiktamichijchiua ichan. 21 Ixyetokya keniuj xejxeliujtoskej tiopixkamej uan levitas para tekitiskej ichan toTajtsin Dios. No mitspaleuiskej takamej akin kinekij tekitiskej uan kimatij keniuj kichiuaskej tein yeski tekit. Uan no mitspaleuiskej uejueyi chiuanimej uan nochin israelitas akin kichiuaskej nochi tein tikinnauatis”.

29 Tekiuaj David kiniluij nochin akin mosentilijkaj: “Dios kijitak nokoneuj Salomón para maj kichijchiua ichan, sayoj ke yejua semi okichpilok uan ayamo kimati keniuj kichiuas miak taman.* Uan tekit tein kipia semi ueyi porin kali tein kichijchiuati amo para se takat, ta para toDios Jehová. 2 Nimochikauani niksentilis miak taman para maj kichijchiua ichan noDios. Niksentilij oro, plata, cobre, tepos, kouit, tetsitsin tein moixmatij kemej ónice, tetsitsin tein ika kikualtsintiliaj tepamit, tetsitsin de tataman colores, tetsitsin tein patiyoj uan miak tetsitsin tein moixmatij kemej alabastro. Nochi nejin mokuis para tein yeski taman tein monekis mochijchiuas. 3 Uan maski niksentilijya nochi nejin para nankichijchiuaskej kali tein iaxka Dios, no niktemaka oro uan plata tein noaxka para nankichijchiuaskej ichan noDios porin semi nikpatiuita ichan noDios. 4 Niktemaka 103 toneladas* de oro tein kiualkuikej de Ofir uan 239 toneladas* de plata tein okachi kuali. Nochi nejin nankikuiskej para nankitamitaliliskej tepamit de nochi in cuartos.* 5 No nankikuiskej para nankichijchiuaskej nochi tein monekis mochijchiuas de oro uan de plata. Nejin oro uan plata no kikuiskej tamachijchiuanij. Uan axkan ¿akoni kiuelitaskia teisa kitayokolis Jehová?”.

6 Uan takamej akin kinixyekanayaj uejueyi familias uan akin kinixyekanayaj uejueyi kalyetonij kijtojkej ke teisa kitayokoliskiaj Dios. No kijtojkej nejon akin kinixyekanayaj mijmil soldados uan ciejcien soldados uan akin tekitiaj iuan tekiuaj. 7 Yejuan kitemakakej 171 toneladas* de oro, 10 mil dáricos,* 342 toneladas* de plata, 616 toneladas* de cobre uan 3,420 toneladas* de tepos. Kitemakakej nochi nejin para kichijchiuaskej ichan toTajtsin Dios. 8 Akin kipiayaj tetsitsin tein patiyoj kitemakakej para kitaliskej itech cuartos kampa yetoskia nochi tein patiyoj tein iaxka Jehová. Ompa tajpiaya Jehiel akin katka ichankauj Guersón. 9 Nochin israelitas semi yolpakiaj porin kitayokolijkaj Dios miak taman. Yolpakiaj porin yekmelauj kinekiaj kichiuaskej tein Jehová kiuelita uan amo akin kinchikaujkauijka maj ijkon kichiuanij. Uan tekiuaj David no semi yolpakia.

10 Uan David kiueyitalij Jehová ininixpan nochin akin mosentilijkaj. David kijtoj: “Maj nochipaya mitsueyitalikan noDios Jehová, akin tiiDios topaj Israel. 11 Tejua Jehová semi tiueyichiujkej, semi tichikauak, semi kualtsin nochi tein mitsyoualoua uan mitsnamiki maj mitstakachiuakan* uan maj mitsueyitalikan, porin moaxka nochi tein onkak ne iluikak uan nikan taltikpak. Tejua Jehová titekiuaj uan tejua tikixyekana nochi. 12 Tejua tikchiua maj aksa* ueyichiujkej uan tikmaka miak taman tein patiyoj. Tejua tikixyekana nochi uan semi tichikauak. Uan tejua ueli tikinueyitalia nochin uan tikinyolchikaua. 13 Yejua ika toDios, timitstasojkamatiliaj uan tikueyitaliaj motokaytsin tein semi kualtsin.

14 ”Sayoj ke ¿toni nichiujkej uan toni chiuanimej israelitas para maj ueli timitstayokolikan nochi nejin? Nochi tejua titechmaka uan tein timitsmakakej tejua titechmakak. 15 Tejua tikmati ke okseko tiualeujkej uan ke nikan timokaltalikoj ijkon kemej touejkaujtatuan. Kemej se yekauil tein panotikisa tejuan amo tikchiaj tiuejkauaskej nikan taltikpak. 16 ToDios Jehová, tejua titechmakak nochi nejin tein tiksentilijkej para timitschijchiuiliskej se kali kampa kiueyitaliskej motokaytsin. Nochi nejin tejua moaxka. 17 NoDios, nejua kuali nikmati ke tejua tikita tein se kipia se iyolijtik uan mitsyolpaktia maj se yolkuali.* Nejua niktelnekia nimitstayokolis nochi nejin, uan semi nechyolpaktia nikitas ke akin pouij itech moxolal akin nikan yetokej mitstayokoliaj miak taman. 18 Jehová, ininDios touejkaujtatuan Abrahán, Isaac uan Israel, xikinpaleui israelitas maj nochipa kinekikan mitstayokoliskej teisa uan maj nochipa sayoj tejua mitstekitilikan. 19 Uan xikpaleui nokoneuj Salomón para maj kineki mitstekitilis ika nochi iyolo, para maj kitakamati nochi tein titanauatia uan tein titamachtia. No xikpaleui para maj kineki kichiuas nochi nejin uan para maj kichijchiua mochan ika nochi tein niksentilij”.

20 Uan David kiniluij nochin akin mosentilijkaj: “Xikueyitalikan namoDios Jehová”. Uan nochin israelitas akin mosentilijkaj kiueyitalijkej Jehová ininDios ininuejkaujtatuan. Yejuan motankuaketskej uan moixpilojkej hasta talpan para kiueyichiuaskej Jehová uan para kitakachiuaskej tekiuaj. 21 Yejuan kisentokakej kimaktilijkej Jehová miak taman uan kichichinouilijkej tapialmej hasta mostika. Kimaktilijkej Jehová mil kuakuejmej tein moskaltijtoyajok, mil ichkaueuetkej,* mil ichkamej uan kipantekkej vino itech altar. Kimaktilijkej Dios miak tapialmej para kitajtaniskej maj kinpaleui israelitas. 22 Nejon tonal yejuan semi yolpakiaj, takuajkej uan tatayikej uan Jehová kiitstoya tein kichiujtoyaj. Yejuan oksepa kiixtalijkej Salomón iokichpil David akin Jehová kijitak para maj kinixyekana israelitas, uan no kiixtalijkej Sadoc kemej tiopixkat. 23 Uan Salomón kiixpatak itat David, motalij itech iueyi silla Jehová uan peuak tekiuajti. Tel kuali taixyekanaya uan nochin israelitas kitakamatiaj. 24 Nochin taixyekananij, soldados akin kuali tateuiayaj uan nochin ikoneuan tekiuaj David peuak kitekitiliaj tekiuaj Salomón. 25 Uan Jehová kichiuak maj nochin israelitas kitakachiuanij Salomón uan okachi kiueyitalij ke tekiuanij israelitas akin achto taixyekankej.

26 David iokichpil Jesé tekiuajtik itech xolal Israel. 27 Tekiuajtik 40 xiujmej itech xolal Israel. Ompa Hebrón tekiuajtik chikome xiuit uan ompa Jerusalén tekiuajtik 33 xiujmej. 28 Uan David semi yolpakia porin nemik miak xiujmej, kipiak miak taman uan miakej kitakachiuayaj. Satepan momikilij uan Salomón akin katka iokichpil peuak tekiuajti. 29 Nochi tein kichiuak tekiuaj David desde keman peuak tekiuajti hasta keman momikilij, ijkuiliujtok itech ininamatajkuiloluan tanauatijkej* Samuel, tanauatijkej Natán uan Gad akin Dios kiitaltiaya tein kinekia kitematiltis. 30 Ompa no ijkuiliujtok nochi tein panok keman tekiuajtik uan nochi tein uelik kichiuak. No ijkuiliujtok tein kipanok keman nemia, tein panok itech xolal Israel uan tein panok itech okseki altepemej.