Tein ika peua

12 taman tein kinpaleuis kalyetouanij maj yolpakikan

Itech nejin tonalmej miakej kalyetouanij moxelouaj, sayoj ke, ¿keyej seki kalyetouanij amo moxelouaj? ¿Toni kinpaleuia?

• Ompa Estados Unidos, itech xiujmej 1990 uan 2015, miakej akin kipiayaj 50 xiujmej kikaujkej ininnamik, uan nejon okachiok mochiuak iniuan akin kipiayaj panoua 65 xiujmej.

• Seki taixmatinij kijtouaj ke nochipa moneki tikiniluiskej tokoneuan tein kuali tein kichiujkej, sayoj ke oksekin kijtouaj ke moneki se kinmagas. Tetatmej amo kimatij toni kichiuaskej.

• Keman uejueyiaj, telpochmej uan ichpochmej amo kimatij kichiuaskej seki tekimej tein semi monekij.

Sayoj ke nejin uelis moyektalis:

• Akin kipiaj ininnamik uelis yolpakiskej nochipaya.

• Ika netasojtalis tetatmej uelis kuali kiniskaltiskej ininkoneuan.

• Keman uejueykej yeski, telpochmej uan ichpochmej uelis kuali kichiuaskej miak taman.

¿Keniuj mochiua nejin? Nejin amaix ¡Taijxitilis! Tein motokaytia, 12 taman tein kinpaleuis kalyetouanij maj yolpakikan, mitsonpaleuis.