TAXELOL 4
Peua ika yekinika imin tekiuaj israelitas uan tami keman moajsikej Babilonia
Saúl mochiuak yekinika imin tekiuaj israelitas. Sayoj ika, Jiova kixtopeuak uan kijitak David maj mochiuani tekiuaj. Timomachtiskej miak taman tein David kichiuak. Keman telpochok katka, moteuij iuan ueyi takat Goliat. Satepan kicholuij tekiuaj Saúl tein nexikol katka. Ompa, tamatkej Abigail kitsakuiltij maj amo kichiuani tein tel amo kuali.
Satepan, timomachtiskej miak taman tein kichiuak ikoneuj David, Salomón, tein kixpatak ipopaj kemej imin tekiuaj israelitas. Yekinika eyi imin tekiuaj israelitas, sejse tekiuajtikej 40 xiujmej. Satepan keman momikilij Salomón, nochin israelitas moxelojkej ojkan.
Majtakti kalyetouanij tein pouiaj itech se tekiuajyot uejkauak 257 xiujmej, uan satepan kintankej asirios. Ompa, 133 xiujmej satepan, kinixpolojkej ome kalyetouanij tein pouiaj itech okse tekiuajyot. Uan ijkuak israelitas kiniuikakej Babilonia uan ompa moajsikej temako. Nochi Taxelol NAUI panok 510 xiujmej, uan tikmojkaitaskej keman tikixtajtoltiskej tein mochiuak itech nejon xiujmej.