¡Xiyolpaki monemilis nochipaya nikan Taltikpak!
Nejin amaixtajkuilol tein moteixmatiltia, mits paleuis tikmatis akoni kichijchiuj Taltikpak uan nochi tein onkak itech. Tejuatsin tikixmatis ika Dios, akin kichijchiuj Taltikpak, kipia itokay. Nikan no tikteixmatiltiskej keyej Dios kichijchiuj takat, uan keniuj uelis tejuatsin tiyolpakis monemilis nochipaya nikan Taltikpak.
Tikchiaj ika nejin ixneskayomej maj mits paleui xikita okachi kuali keniuj tachiutok. Komojkon tikneki tikajsikamatis okachi, moneki xikixtajtolti taxelolmej tein moajsi itech Biblia, tikajsis inakasta nejin ixneskayomej. Ijkoni, tejuatsin uelis tikixtajtoltis itech Biblia tein Dios kijtoua kichiuati, uan toni moneki tikchiuas, ijkoni uelis tikselis ijkuak nochi tatiochiualismej mochiuasa.
Uelis chiuis ika tejuatsin no tiknekis tikinpaleuis oksekin, uan tiknejnekis tikuis nejin amaixtajkuilol. Takan tikinpia pipil no uelis tikuis, uan ijkon tikinpaleuis maj kixmatikan Dios. Takan tinemi itech se ueyi altepet kampa onkakej miak tatomej tein amo taixmatij, uelis tikuis ixneskayomej ika tikinimachtis maj kiajsikamatikan tein Dios kinemilijtok kichiuas uan yejuan no uelis kinpaleuiskej oksekin.
Yekneli tikchiaj ika nemachtil tein kipia nejin amaixtajkuilol, maj mits ojtokalti kampa uelis tikselis miak tatiochiualismej uan no tiuelis tikinextilis oksekin keniuj nemiskej nochipaya nikan Taltikpak.