Tamachtilis 15

Maj tikinpaleuikan taltikpakneminij maj kichiuakan tein Dios kiuelita

¿Keyej moneki tikintapouis oksekin tein timomachtijtok? (1)

¿Akonimej uelis tikintapouis kuali tanauatilmej? (2)

¿Keniuj uelis kinpaleuis oksekin motachiualisuan? (2)

¿Kemanian uelisa titetapouis kuali tanauatilmej imiuan oloch tokniuan? (3)

1. Tejuatsin tikmatika miak tachiualismej tein kijtoua Biblia. Nejin nemachtil monekia maj mitspaleui ximochiujtiua kemej imomachtijkauj Jesucristo (Efesios 4:22-24). Nejon nemachtil motelneki, ta ika nejon uelis tikselis nemilis nochipaya (Juan 17:3). Sayoj ika oksekin no moneki kikakiskej kuali tanauatilmej uan ijkon uelis momakixtiskej. Nochin tein yekmelauj kichiuaj kemej Cristo moneki kitetapouiskej kuali tanauatilmej. Nejin se tanauatil tein Dios kitemaka (Romanos 10:10; 1 Corintios 9:16; 1 Timoteo 4:16).

2. Uelis peuas tikintapouis oksekin kuali tachiualismej tein timomachtijtok. Xikintapoui mochankauan, motasojikniuan, tein imiuan timomachtia oso tein imiuan titekiti. Xikchiua ika nejmach uan amo imiuan ximotajtolteui (2 Timoteo 2:24, 25). Xikelnamiki ika taltikpakneminij okachi kiitaj itachiualisuan aksa uan amo tein kijtoua. Yejika, uelis mitspaleuis mochipaujkanemilis maj mitskakilikan tein tikintapouia (Mateo 5:16; 1 Pedro 3:1, 2, 16).

3. Satepan keman tikchiuasa tein motajtani, uelisa titetapouitiuj kuali tanauatilmej imiuan itaixpantijkauan Jiova kampa timonechikoua. Nejin kinextis ika timochiujtoka tiitekitikauj Jiova (Mateo 24:14). ¡Tel senka tiyolpakis keman tikpaleuis aksa maj mochiua itekitikauj Jiova uan maj kiseli nemilis nochipaya! (1 Tesalonicenses 2:19, 20).