¿Toni techmachtia tein mochiuak keman panok Tetsaujkakiouit?

Dios kinixpoloj tein amo kitakamatkej, uan kinmakixtij Noé uan ichankauan (Génesis 7:11, 12, 23)

Ome poual tonal uan ome poual youal kisentokak kiouik. At kiixpexontij taltikpak uan nochin tein amo yolkualmej ixpoliujkej.

Ángeles tein amo yolkualmej kikaujkej imin nakayo uan mosentilijkej iuan Satanás. Axkan yejuan amokuali ejekamej.

Sayoj momakixtijkej tein moajsiaj itech koujkaxon. Satepan, Noé uan ichankauan no momikilijkej, sayoj ke Dios oksepa kinmakas nemilis uan uelis nemiskej nochipaya.

Amo uejkaua Dios oksepa kinixpolos tein amo yolkualmej uan kinmakixtis tein yolkualmej (Mateo 24:37-39)

Satanás uan iamokuali ejekauan kisentokaj kichiuaj maj taltikpakneminij amo kikakikan Jiova.

Kemej itech itonaluan Noé, axkan miakej amo kinekij kitakamatiskej Jiova. Amo uejkaua yejuatsin kinixpolos tein amo yolkualmej (2 Pedro 2:5, 6).

Sayoj ke no moajsij tein kichiuaj kemej Noé uan kitakamatij Dios. Yejuan itaixpantijkauan Jiova.