¿Katiyejua itanejnekilis Dios?

Dios kineki maj tinemikan nochipaya ika yolseuilis uan yolpakilis itech se xochital nikan taltikpak.

Sayoj ke xa tejuatsin uelis tikonnemilis: “¿Keniuj uelis mochiuas nejon?”. Biblia kiyekijtoua ke ika iTekiuajyo Dios yekmelauj mochiuas. ToTajtsin Dios kineki maj nochin taltikpakneminij kiixmatikan nejon Tekiuajyot uan tein kineki maj tikselikan (Salmo 37:11, 29; Isaías 9:7).

Dios kineki maj kuali tiyetokan.

Ijkon kemej se tepopaj akin kineki maj ikoneuan kipiakan tein okachi kuali, toTajtsin no ijkon kineki maj nochipaya tiyolpakikan (Isaías 48:17, 18). Yejuatsin motenkaujtok ke “akin kichiua itanejnekilis Dios mokaua sennochipaya” (1 Juan 2:17, TNM).

Dios kineki maj tinemikan itech iojuan.

Biblia kijtoua ke toTajtsin kineki “techmachtis itech iojuan” uan maj ompa tinemikan (Isaías 2:2, 3). Yejuatsin kinsentilij “ipueblojkauan para kitasojtaskej itokaytsin de yejuatsin”, uan ijkon kichiuaskej maj moteixmatilti itanejnekilis noyampa taltikpak (Hechos 15:14).

Dios kineki maj tiksenueyichiuakan.

Taneltokalis tein melauak amo kinxexeloua taltikpakneminij, ta kinsentilia ika se yekmelauj netasojtalis (Juan 13:35). ¿Akonimej kinmachtijtokej takamej uan siuamej itech tataman altepemej maj kisentekitilikan Dios? Timitsonyoleuaj xikontemo tanankilil itech nejin amaix.